柴灣沙嗲佬

营业中

休息中

每晚柴灣道樂軒臺嘅街邊都會排出枱凳 瞬間變成大排檔，真係羨慕樓上街坊晚晚一落街就有正野食呀！當中沙嗲佬每晚自己開檔，食客揀完再俾沙嗲佬用炭火燒熟，再加上惹味沙嗲汁（有辣有唔辣，非常細心），簡直係畫龍點睛，將各種肉類嘅美味提升到另一層次！今次嗌左豬頸肉同雞翼，切開一片片，女士食都唔怕le咁hea啦！不過由於啲沙嗲汁實在太好味喇，唔好話小編唔提提你，小心整污糟件衫呀XD!沙嗲佬雖然離地鐵站有一段距離，不過為左美食，要我再行遠啲都得呀！唔該再俾多枝啤酒我！

佢哋嘅沙嗲串燒係全香港最好味嘅，沙嗲佬用傳統炭火燒，啲串燒惹味得來又有充滿肉汁。真心除左正都唔知講咩好！最啱就係夜晚收工行過買返屋企食下宵夜，配埋啤酒。買串燒嘅話，肉類我會推薦豬頸肉、魷魚同雞串，而蔬菜就一定揀茄子。佢嘅沙嗲汁有分辣同唔辣，但兩種都好好味。最衰就係沙嗲佬佢淨係夜晚先開，如果日頭開埋嘅話就Perfect。