桂林米粉

营业中

休息中

食完米線，我飲曬d湯，湯底好正❤️❤️ 係香港少有的唔肥膩米線，菜都多！！我覺得好加分 會keep住去幫襯。 位置坐得都幾闊落，有卡位，埋面位隻仲可以望球場，⚽️⚽️⚽️⚽️總體抵食！

之前同朋友返深圳玩，食咗人生第一碗螺絲粉。突然有日好想食，就搵到呢間商場入邊有間餐廳有得食。味道唔錯，不過始終係深圳嗰間好食啲。老闆推薦我食炸彈，都唔錯。份量對女生嚟講有啲大。

呢度桂林米粉，有棵菜送，味道清淡，淡啖地好健康，碗麵入邊有酸豆同埋花生配襯，牛腩都幾林，有牛肉味😋米粉都幾滑，煮得唔錯，另外叫咗杯豆漿，都有啲豆漿味，都唔錯幾好

特別好食！而且店主好好人好nice。最鐘意食入面螺螄粉同牛肚，每次食都唔厭。味道非常地道！！推薦！！！！！！！！！如果食到辣，麻辣牛肚都係好食！！一百分💯！！！

一直聽說螺獅粉，雖然臭但幾好食，就近過來試下，店面很簡單親民，店裡有個位置可以看到外面的運動場，景色不錯，端上來，還真的挺臭的😂，但沒有想像中那種臭，配料好多種，份量也大份，我吃不完，味道也還可以

叫左個螺絲粉，好香好好食，D米粉好滑，平時自己都會買D出名好食的黎煮，煮出黎香但好油，但呢間好不錯，少油得黎又香，係屋企叫完落到去都已經即刻有得攞，十分推薦，特登開open rice account，希望大家留意到，想食螺絲粉就可以幫襯下呢家

經常叫酸筍粉，估唔到連好hit嘅螺絲粉都有得食，有酸荀、酸豆角、豆皮、木耳、花生、加生菜非常足料，唔算好辣，但又香又惹味。之前都會買螺絲粉返屋企自己煮，而家有得堂食，就唔使煮到成屋都酸荀味。暫時未搵到天水圍第二間有螺絲粉食的餐廳，都真係好食😋價錢都平食過返尋味，成日都會諗起想再食😂😂😂服務員叔叔每次都好有禮貌，好殷勤，好親切！真的為餐廳再加分！餐廳有位對住欖球場，有時可以睇埋比賽添！😆😆

見到呢間叫「桂林米粉」嘅舖，突然諗起細個嗰時媽咪帶我去過桂林食正宗米粉，簡單一碗米粉配炸菜，已經好好食，係米粉本身質地問題，好易入味！今晚決定尋找呢種味道，就入咗去，入去前我仲問老闆娘「係咪正宗桂林米粉？」佢就話放心「係！」我同我老公分別叫咗牛腩米粉及水餃米粉，牛腩嗰碗加咗豆卜，碗粉嚟到有陣酸味，原來係酸菜味，點解要加酸菜呢？唔明，又唔係食四川嘢！牛腩切得好細粒，完全唔似牛腩嗰種口感，不如叫呢啲做牛腩粒好啲。咬啲牛腩有酸味嘅？好怪呀！我以為變酸，好明顯係啲酸菜蓋過牛腩嘅本身味道！至於水餃呢？味道似灣仔碼頭水餃咁嘅？！唔好食！最嬲係個米粉呀！似米線多過米粉囉！嬲呀！咁都要呃嘅！呢間舖係有轉米線、河粉、麵！但我係叫米粉囉！最後俾錢時，我問老闆「真係桂林米粉？」佢話係！食完呢一次，我係唔會再食。如果要食酸辣米線，我不如去乜哥米線食，好食好多！味道起碼唔會奇奇怪怪先啦

雖然門面唔太吸引，裝修簡單，但係以親民價錢$30就食到一碗桂林風味既米粉真係算超值，仲要講緊係商場生存的確唔容易。講番食物同環境：一坐底老闆就會比杯茶你飲住先，叫左牛腩粉，湯底都似桂林風味，酸酸甜甜，米粉多好夠飽，花生香脆，有幾塊生菜，牛腩切到細細舊易入口鋪頭細細，有卡位，整體乾淨企理。呢間小店只得老闆同老闆娘兩個人打理晒，一個負責門面，一個負責廚房，禮貌而且有heart。今時今日香港地有咁既服務態度實在難得，會繼續支持

呢間桂林米粉都食咗幾次啦。老闆同老闆娘次次都好好態度，好有禮貌。餐廳亦都好乾淨。食碗粉都係$30，份量又夠。重點係好味！每次都食到好飽架每碗粉都有我最愛既酸菜。

唔知點解，通常平嘢係無咩人食🤷‍♂️呢間係平時放飯時段嘅好去處，只會係午飯時段先至多啲人，因為價錢夠哂親民😚呢個係酸筍粉，只係26蚊咋，學生仲要便宜2蚊添😊餸：荀，分量好多，又酸又辣，好刺激4塊生菜，十多粒花生湯底：好清，無味精，酸味重，夠哂開胃粉：米線好多，好似食極都食唔完咁😂一開頭會贈送一杯茶，老闆好好人，滿臉笑容其實都係小店，得兩個人推介大家黎試吓，但千歧唔好食牛雜粉，除咗呢個，其他都可以嘅

今日係天水圍做完嘢，同事帶左我去食晏，行左入去個商場，好似叫八號商場，但就冇咩人啦。今日都算晏食。係咁二行左去食桂林米粉。個景都算幾特別。冇咩胃口，就試下酸旬米線。其實成間鋪都有隻旬味，都幾臭，不過只係旬味姐。但唔係人人頂到。另外加餸要左肥牛同豬紅。旬係另上的，好辣，同好旬味？正正常常，冇話好特別。不過加左七蚊嘅肥牛係得一片。係一片，係一片，仲要冇牛味，又唔肥同鞋。算啦！豬紅都係後上，冇豬紅嘅味，但唔知點解有種香珠味，係真係香珠味，真係好奇怪！湯係淡淡牛肉湯味，不過當然唔似係煲岀黎。至於米粉，似係粗版譚仔米線。

好久沒寫食評，今天只是路過想坐下吃碗粉，卻忍不住想為這間親切小店加油💪🏻鋪面不大，木質桌椅乾淨整潔。價錢不但親民，服務更是一流！一坐下前前後後已有三人招呼遞茶，太好服務了吧！牛腩軟淋，油菜$10好大一碟！差不多是一般麵鋪的一倍！只是他的薯粉不是一般幼身的，是像河粉那樣的粗薯粉。味道稱不上極級美味，但多了一股人情味。

嗌左一碗麻辣牛腩河，價錢非常合理，$28一大碗，河粉好彈牙，牛腩都新鮮嫩滑，生菜配菜都唔hea，份量多，味道唔錯，辣醬好開胃，湯底都夠香伯伯都好有禮貌，唔該前唔該後。奇怪反而少客幫襯，唔知係咪舖位太入？建議大家去試一試第一次寫open rice，想支持下小本經營良心餐廳，加油！

本身見到店面好簡單咁黏左幾張海報，店入面又只有幾個人喺入面，都有啲猶豫，真心驚中伏。上嚟望下啲食評睇落又ok喎，就入左去試。店入面嘅裝修都ok，其實幾好，座位都坐得幾舒服，都算闊落。一坐落去，老闆就拎左杯茶比我。我見啲食評話牛腩/牛肚粉好食，就叫左碗牛腩粉試下，真係幾大碗，有好多嚿牛腩同埋幾條生菜。我見出面好多食肆送得𠯫嗰一條菜，呢度好大方㗎喇，有幾條。牛腩食落有彈性，韌度啱啱好，湯都ok，只係薑味稍重左少少，不過都好好味，值得一試！