桃園快餐

营业中

休息中

經過紅磡廣場見兩餸車仔麵幾抵～試吓先～另外見有炸雞髀好似幾正下次可以一試～舖仔有五張枱～提供風扇～食飯時間都坐滿兩餸車仔麵～都有好多餸可以選擇～仲有沙嗲、咖喱、酸辣同清湯可以揀～有辣有唔辣～揀咗煎豬扒、牛筋米線～煎豬扒有一細塊幾香口～食落唔會好硬～鹵水牛筋好淋～幾入味有4小嚿煎釀三寶都好抵～$10有5件都算大件～唔會炸到好深色同好乾～有：紅腸、豆腐、魚蛋、茄子、青椒可以揀～不過冇乜鯪魚肉～如果淨係想食原汁原味就幾好

今日同朋友經過紅磡廣場，大家行到攰攰地，不如搵個地方坐低食個下午茶啦，咁啱見到呢間小食店好多選擇 又有枱櫈可以坐，仲有奶茶咖啡飲，咁就試吓啦，我哋叫咗燒賣、腸粉、炸薯餅、炸雞脾、凍奶茶。我好鍾意啲燒賣 超好食，食完一碟再加碟😆而家都仲掛住😛腸粉同啲醬都好好味，奶茶仲好飲過好多茶餐廳👍🏻估唔到呢間小店質素咁出色，店員仲要親切靚女，無意中發現好地方😋下次會再約朋友試吓其他嘢食，我見到好似仲有車仔麵

呢排Lunch成日食三餸飯，今日唔想再食三餸飯啦，去餐廳食又貴，有時等如兩個三餸飯價錢，所以今日lunch四周圍搵下有邊啲抵食午餐，行經紅磡廣場見到呢間餐牌密密麻麻，各式小食，粉麵飯麵有得食，就停低睇睇，店員阿姐問起食咩，我見餐牌有我平時最鍾意嘅吉列豬扒飯，而且只係34蚊，一個反射動作就答左阿姐，一個吉豬飯，咖喱汁。咖喱吉列豬扒飯外賣豬扒飯唔算大盒，豬扒size正常，因為即炸，表皮香脆，炸粉面包糠不厚，豬扒不厚不薄，食起上嚟肉質唔會鞋，唔會有雪味什味。咖喱汁唔辣，似一般茶記咖喱汁，甜甜地，汁比較少，飯量唔多，不過都夠7成飽，性價比都算ok。

炸雞髀🍗$16咁啱響個頭做嘢😝諗住食埋個tea就返屋企😌結果去到紅磡廣場搵食☺️見到近門口有間小店😏其實都係諗住食少少野🤣結果就見到個餐牌🙃炸雞髀$16一隻…..😮講真$16竟然有一隻雞髀真係好抵😎咁當然都怕會好細隻🤣結果個size都正常🥸但就唔似平日食開嘅炸雞髀🤭似係滷水雞髀拎咗去翻炸😂炸完再落淮鹽🥸味道方面就普普通通🤣肉質比較乾，而且太油🤭但呢個價錢又合理嘅😉桃園快餐 (紅磡)紅磡馬頭圍道37-39號紅磡廣場地下G5-6號鋪

全女班工作人員，嬸嬸姐姐們都非常主動有禮，親切友善，幫襯得滿意舒服。格局保持舊式外賣店，還提供幾張摺檯給食客使用，有位坐差好遠啦。有生菜魚肉，無碗仔翅，炸髀油髀，魚蛋燒賣腸粉，各式煎釀魚蓉類，基本車仔麵食材，還有雞牛豬扒餐腿腸蛋快餐，等等等等，包羅萬有港味濃。估不到有車仔麵提供，收得太密喎﹗路經十多年來都並未發現，有機會試試，印象中廿十年前好似係紅磡廣場食過。煎釀尖椒，只得面頭一篤仔淡味粉粉魚肉，整條尖椒都空心呢。冰凍多水爽爽脆脆甜，辣椒籽微辣刺激。煎釀紅腸，不過火的咸香中帶有肉甜味實屬難得。煎釀豆腐，冷冰冰的外皮微脆香口，一趙爆水，散發油益味。煎釀青椒，跟尖椒一樣只得一丁點薄薄魚蓉，跟本試不到質感與味道，外油內冷非常爽脆，有無炸過架？只係拖拖油？爽甜多汁半生青椒還可以。炸鯪魚球，真的幾凍喎，冷氣好勁嗎？鯪魚球微腥，魚味濃又少少彈，過過口癮填飽肚算喇。煎釀茄子，凍而軟棉，索油力強勁，一咬噴油好得意，滾上豉油食舒服好多了。嬸嬸主動翻熱誠意可加，但油溫微弱，滾都唔滾，直頭唔熱，油浸三寶好野呀！滴晒油入口，真係十分潤澤。豉油雞髀，先由我最愛開始，非髀不愛。勁抵食 $16 蚊大大隻髀，嬸嬸還替