桃園眷村 (已結業)

之前返大陸幫襯過呢間桃園眷村既豆漿＆油條，感覺良好，自從知道佢來左香港後就一直想來試試，今天終於跟友人過來。weekday早上11點，無咩客人，好多位可以坐。佢既食物同飲品定價都偏高，差不多跟 Starbucks 睇齊。咸豆漿食得多，咸豆花香港少啲見，今日就來試下。我吃豆花是喜歡"筆"一啖吃一啖，不喜歡攪碎晒，這個咸豆花都幾滑，但配料就幾咸下，唔可以大大啖咁"筆"，否則會咸到阿媽都唔認得，練習多幾啖就攞到個技巧同份量，越食越順口。朋友是素食者，都有燒餅啱佢食，聽佢食到好脆口，好似幾吸引咁，有機會再來試下先。

行過朗豪坊又未夠鐘睇戲咪想食少小野先，之後見桃園無乜人排隊之前食過又ok，就再食番。個日同朋友叫左個肉鬆青瓜飯團，無糖豆漿同一杯黑糖珍珠豆漿。飯糰肉鬆好味，但油炸鬼好似得啲碎咁，求其塞佢落飯團咁而且又唔夠熱，有啲失望。反而無糖豆漿好夠熱，豆味好重而黑糖嗰個有啲伏，完全唔夾，啲豆漿係沖粉，好難飲

香港難得開咗間好食嘅台灣小吃，唔係淨係得魯肉飯啦～ 雖然價錢比起台灣貴，不過開係朗豪坊都幾方便肉燥滷蛋飯糰好夠味，唔會好乾. 入面仲好足料 😎 佢地仲有幾款飯糰架，下次可以再試吓先香脆油條真係必食! 平時覺得呢啲油條好油，唔係特別鍾意食。但係今次食過真係改變我嘅睇法。好香好脆，好好食! 已經有啲掛住，想再食紅茶豆漿茶味都幾濃，加埋香滑豆漿 😋😋 唔會好似珍珠奶茶咁甜。應該係健康之選 呢到啲嘢食，設計都好似台灣咁呀! 好文青 👩‍🏫

今個星期二六點左右經朋友介紹試試。六點多仍未煮好熱豆漿，叫我試熱荳花，還有一個有青瓜粢飯，吃到一半已覺好喊，勁多味精！我的咀唇晚上已腫起，好口喝！這店用了什麼材料去做食物？？？好恐怖，以後不幫襯我個人認為食品價格那麼低而可在Langham place 租一個大舖位，他的食材來貨價格品質會否很低呢？好濃味！鹽份超哂標！我從未吃豆化粢飯後會有這反應，可能這是我個人身體反應，但那咸度是嚴重過份，所以以後材料足時要當心。

喺朗豪坊經過見到呢間有台式飲品賣嘅鋪頭，所以就特登叫咗一杯黑糖珍珠豆漿試下，結果佢豆漿係非常之淡而且毫無豆味，配合埋黑糖珍珠其實好奇怪，價錢亦都唔係平，相信唔會再有第二次

走好遠搵到桃園眷村，但係好失望。叫左鹹豆花（36hkd）和燻肉蛋燒餅（45hkd）。鹹豆花配料滿滿，看起來不錯令人期待，但味道卻令人大為失望，好鹹好鹹，齁死人不償命！同服務員反應太鹹，他啲反應好冷淡，更加失望！燻肉蛋燒餅就似一個簡單burger，但味道麻麻，份量亦不多。總之，不推薦，我亦不會再來！

最近這半年內，我雖然未至於完全不去旺角跟九龍西，只是比以前少了前往旺角用膳，最多都只是選擇位於旺角，或者旺角東港鐵站出口旁邊的商場跟食肆而已。結果我今次還是選擇了，在旺角「砵蘭街」的大型高級商場裡面食下午茶，今次的下午茶食店位置，前身是在旺角前日本連鎖漢堡包餐廳，現在變成了賣台灣眷村菜的食店，名稱叫做「桃園眷村」。「桃園眷村」的店舖格局，大致上跟上手的某連鎖食店幾乎一模一樣，都是半開放式樓面，檯櫈都是被安排，佈置在商場通道的旁邊。所以「桃園眷村」的售賣模式，也要奉行快餐店，先售票後取餐的做法。今次選擇了旺角「桃園眷村」的一款小食，跟一般飲品，小食是「台式香腸蔥花飯糰」。至於有關「桃園眷村」的飲品方面，我反而被「桃園眷村」的「黑糖」系飲品吸引到了。結果我被「桃園眷村」的「黑糖」系飲品名稱所吸引到，自己最後還是深深地上了寶貴的一課。因為「桃園眷村」的「黑糖」配搭的拍檔不是「牛奶」，反而是不太合襯的「豆漿」合成的「黑丸瀑布豆漿」。雖然「牛奶」跟「豆漿」都屬於有少許甜味的飲品，但是我卻發現「豆漿」與「黑糖」，兩者在味道上是完全擦不出火花，甚至可以說完全不合襯。至於旺角「桃園眷村」的「台式香腸蔥

第一次食桃園眷村係喺上海，當時試咗佢嘅鹹豆漿真係覺得一試難忘，而且價錢非常公道。之後喺朗豪坊見到佢開咗，雖然標價貴上海一倍，但由於掛念鹹豆漿的味道，所以都試吓啦！今日同阿妹一齊早放工，所以帶佢過嚟試吓桃園眷村，我地叫咗鹹豆漿、肉操滷蛋飯團，同豬扒蛋燒餅。今日鹹豆漿唔知點解味道偏酸，唔係幾啱阿妹口味。飯團同燒餅就唔錯。總結: 香港嘅桃園眷村係冇上海咁好味嘅，不過香港而家已經好少搵到好味嘅鹹豆漿同豆花，所以未試過嘅都可以試吓呀！

之前食過咸豆漿豆花都好味所以今日經開期待去食。點知差咗好多。個咸豆漿完全冇豆漿味，加咗唔知水定湯既物體。以前有好多唔同層次味道既配料，依家只食到最多係咸酸菜，想蓋過冇味既豆漿。冇咗好味道平衡。失望。

同朋友行下街會發現有少少肚餓到就嚟到呢食下野。佢有唔同嘅飯團同埋蛋餅選擇我最終就叫咗一個肉鬆青瓜飯團同埋無糖嘅熱豆漿。個飯團熱辣辣，裏邊着包住一個油炸鬼同埋大量嘅肉鬆非常好食，只係嫌佢嘅青瓜唔夠多，青瓜同肉鬆非常之夾做到一個平衡無糖豆漿都好重豆味都還不錯，重點係20幾蚊杯有大大杯好抵飲。

平時見好多人排，難得星期六早上經過冇咩人，就同朋友光顧。我地分別點油條，芝士蛋燒餅，豬扒蛋燒餅及熱豆漿。其實我想食飯糰，但冇。油條同豆漿出返去粥店算吧，呢度啲油條得個油字而唔香；豆漿得甜字冇豆味。。。。兩件燒餅就okay. 熱辣辣，燒餅薄脆，入面都有生菜中和下；豬扒有醃過，都入味，同似鹽酥感覺，算是這天早上最好味的食物。但一份分別賣$42，48蚊就貴得有點過份。(未計飲品）食完一次就算了🙄🙄🙄

朋友還沒到，我有一點餓，但又不想吃太多，又想找個地方坐下來，剛好經過這一家店，挺多人吃的感覺，所以就進去了。看了一下menu，最後決定點咸豆漿，平常比較少吃，點的時候會問要不要加辣油，蝦米，蔥花(說的很快，應該沒聽錯)，反正我什麼都吃，所以就說加吧。咸豆漿除了剛才添加的材料外，裡面還有油條，紫菜，菜甫，吃起來挺特別，不能說很好吃，又不能說不好吃，有一點微咸。下一次有機會要試試看其他的食物。

位於朗豪坊的這家店開了張一段時間，以售賣豆花、燒餅、粢飯為主。-星期二晚上1930，沒有太多人，不難找座位😃。•1️⃣ 咸豆花 $36配料有麻油、辣油、紫菜、菜脯、蝦米仔🦐、油條脆脆和葱花。-🤩 豆腐花非常香滑，明顯嘗到豆味。-平時很少吃咸豆花，原來可以這麼美味。像在喝豆花湯☺️。香滑豆花配上配料一起吃，口感豐富🤤。-怕辣的朋友不用怕加了辣油會很辣，因為辣油的作用是提升整碗豆花的味道。👍-強烈推介咸豆花‼️•2️⃣ 燒餅油條蛋 $36燒餅很脆！-燒餅、雞蛋🥚和油條三者一起吃，感覺很乾。葱花煎蛋的味道🍳蓋過一切，油條變得失色。-將油條分開獨立吃味道更佳、更香。-燒餅變涼後，變得有點硬，建議大家「襯熱食」。•3️⃣紅豆流沙豆漿 $32豆漿豆味香濃。-但加了紅豆後有點畫蛇添足，偏甜🥺。-淨豆漿味道更佳。•回頭指數：8/10（咸豆花一試愛上，下次想試粢飯）

呢間嘅台式飯團同鹹豆花好好味～😍🤤👍🏻叫咗一個肉燥滷蛋飯團，入面d肉操同蛋好足料而且味道好好🤤仲有好香脆嘅油炸鬼，配埋出面果層煙煙un un嘅糯米,食完真係好滿足同好好味！🤤👍🏻鹹豆腐花好特別唔係度度有，之前都會驚咁樣會唔會好怪因為始終食開甜豆腐花，估唔到出奇地好味😍上面鋪滿左紫菜、辣菜圃、蝦米蔥花同等等，仲有落咗啲好香嘅辣椒油，豆腐花超滑，全部一齊食落好有口感👍🏻成件事估唔到真係好好味同好特別！🤤🤤另外佢哋都有好多唔同味道嘅豆漿同飲品，不過食完呢個組合都已經好飽肚la~~😬🤭🤭呢度完全係平靚正之選👍🏻👍🏻不過上次食過佢哋啲燒餅我就覺得一般般啦比較乾，所以一定係推介飯團同埋鹹豆花～😍😍👍🏻

好好味，好特別。但係出奇地少人，even係星期五晚都好多吉位。如果唔係以快餐店模式，而係以小店方式經營可能會好啲。豆花口感好特別，滑中有脆口，鹹得嚟又有香味。油條炸得好好，脆而不硬，加埋個醬食感覺好好。腸仔黐飯超好味，仲有豬扒蛋餅同埋辣雞肉夾餅都好好食，即叫即整，熱辣辣。早餐&Quick lunch 應該係唔錯嘅一個選擇。希望佢係香港做得住啦，唔係又少一間特色野食。anyway, its a good restaurant