影片
港铁香港大学站 B1 出口, 步行约1分钟
继续阅读
电话号码
2855 0809
营业时间
星期一至二
11:00 - 00:00
星期三
全日休息
星期四至日
11:00 - 00:00
以上资料只供参考，请与餐厅确认详情
招牌菜
今日過海本來諗住去波記見識下聞名以久既燒鴨肶瀨，點知星期日唔開，於是走左去對面市政大廈熟食中心，打算睇下個間老闆好過癮既四川美食。當然早餐都未食，無理由走去叫條巴蜀烤魚，於是坐低叫左D例牌茶記乾牛河加咸魚雞粒炒飯，見唔少阿伯阿叔幫襯叫魚餐，一條魚加碗飯再加個例水$35真係超值，條魚仲任叫整法添。唔怪得枱枱都叫啦。等兩碟野黎既時候，見唔少水煮菜，於是又忍唔住叫左個水煮肥牛鮮魷，一個拍青瓜。兩碟炒飯炒河，碟頭唔少，味道亦唔錯。拍青瓜個汁幾好味又唔太辣，不過就拍得唔夠爛。個水煮肥牛鮮魷係用面盆上，嚇得我倆個人點食，但其實肥牛鮮魷唔算好多，反而成盆芽菜辣椒，我揀中辣但其實都唔算太辣。最衰遠，唔係下次過黎食晚飯試下佢個烤魚。
继续阅读
住響新界特登過海食雞煲，朋友對呢間嘢嘅雞煲贊不絕口，更話又辣又香，本小姐其實吾係太食得辣，只係食得麻，既然甘推薦，我地D鍾意周圍搵食嘅人當然吾會錯過啦，
抱住辣死罷就嘅心態一試，，門面好特別，貼到周圍都係符甘，隔離左右都叫雞煲，
水煮牛肉，，口水雞等，，
先試下極力推薦嘅雞煲，阿姐姐介紹食中辣，如果大辣就返吾到轉頭，俾佢甘講一講我都怕食吾到，叫佐中辣，一上雞煲係香噴噴，未煮都聞到陣辣味，煮佐幾個字之後就已經辣到我食吾到，但朋友越食越滋味，加埋薯粉仲好食，如果食得辣嘅朋友，呢度的確吾錯。水煮牛肉一般般，牛肉好少，食幾舊都已經無曬了亦因為辣到呆佐，吾記得影相
继续阅读
當日午飯,不用第位,老遠過來吃川菜,即點菜"香辣鮮魷,半隻囗水雞"菜到開餐,食食下見到碟鮮魷有兩粒豆豉,夾起泥睇,有腳有翼, 算了大排檔 D 衛生都明白,試口水雞味道不錯,點知食食下覺得其怪，吃到雞翼,雞胸,雞尾都有,成忽雞肶冇左,即叫老板問問,點菜要半隻雞點解冇左成忽雞肶,佢話斬多左比你喎!我問佢斬多左什麼比我,佢又答唔出,跟著我夾晒D 雞出泥睇睇多左 D 物, 點知真係多左,多左個雞尾!!!阿老板你果隻是什麼雞泥，半隻雞都比兩個雞尾？跟著佢冇出聲走左去,轉頭走返出泥放隻大碟係你枱度，隻碟上有隻雞下肶，又走左去 到最後埋單 $190 桃源美食 有生之年都唔會比錢佢賺!!!!!!!!!!!果隻雞下肶有冇食到？我一夾起雞肶一睇可以唔洗食 ,名附其實"口水雞"係真係有口水!!
继续阅读
因為公司起堅尼地城,有時心血來潮都會走黎石塘咀食晏,黎過幾次街市個熟食中心,之前因為就個唔食得辣嘅同事,所以都會去其他幾檔,但今日既然同事已走,就去辣一辣佢!本身想叫個午餐,店員話賣晒,一輪咀推介左5,6樣野,我就揀左辣子肥腸,嘩,黎到碟嘢紅噹噹,有一半都係炸辣椒,大鄉里出城,真係未見過到食落口,真係正斗,豬腸香脆得黎唔係話好辣,味道略鹹佐飯一流,其實有啲似椒鹽炸XX咁,不過就辣少少,如果嫌唔夠辣，可以食下啲炸辣椒，我就咬左兩粒，真係辣到喊……見對面個阿姐叫左個水煮鯇魚,明顯係辣好多,下次一定要試下!最後我食剩啲辣椒，臨埋單我問老闆娘：「啲辣椒唔使食晒嘎？」佢話：「裝飾黎嘅啫。」臨走，幫我落單個店員話：「你碟肥腸就真係抵食，我地員工自己買返去食都無咁多肥腸。」呢啲咪人情味囉！
继续阅读
之前睇電視講話呢間舖的出品辣得驚人~仲話老闆親自上四川取經,人人都讚不絕口,於是相約几個辣精萬里迢迢由新界北過黎西環一試辣到喊的感覺~~~~初到貴境一D都唔熟路,幸好地點尚算易搵,到左街市的熟食部,已見到又大又紅的招牌~令人望到已覺興奮!一坐落服務員好熱情的招待,菜款式好多~除左有招牌系列’’ 辣野’仲有好多我好中意的大排檔美食~真係好吸引~最後立定志向,一心黎試下呢到最出名的辣野,仲著意叫佢地全力以赴,做到最辣!!由於辣精未齊,我地先點口水鷄做頭盤,服務員著意我地唔好去咁盡,但我地一於堅持~!口水鷄(大辣)- 上到黎個樣好已經覺得好吸引~又紅又綠,入口鷄件好滑好有鷄味,而且煮得唔會太老~夾著一點花生,一點辣,唔錯,但講到辣就真係唔夠辣,已經係大辣? 有點失望手拍青瓜 – 全枱取清清地的一味,雪涼左青瓜拎出黎輕輕拍打再切細,夾埋少少辣的醬汁,水準之作~辣精終於黎齊,於是就盡情地點~由於只有,4丁友,所以每樣菜都要好精選~怕食唔晒做成浪費,最後先選出三大~招牌麻辣鷄煲(大辣,半隻) 落單時服務員話中辣已經好好好勁,所以強烈建議我地叫左中辣先,唔夠辣先再加辣都未遲,咁我地見佢咁緊張,所以就聽佢講一次上枱已經聞到好香好惹味~熱熱的煲炒到D鷄咋咋聲,加上青紅椒洋蒽,大蒜係咁炒~睇到已經令我地呢班餓鬼,流晒口水~終於入口~感覺真係太意外,鷄係有鷄味的,而且唔算瘦,即使炒過收左水,仍有食啖啖肉的感覺~唔錯~!嗯…辣味方面雖然係有辣味,但係一定唔係我地心中的感覺~!於是就叫服務員黎同我地加辣,我地一心諗住佢會拎D乜野秘製辣汁比我地啦,經我地的目測,感覺只係一般的辣椒油…加左大約半小碗,我地再試味,結果都唔突出,為左可以一嘗辣到喊的感覺,於是再叫服務員再加辣, 今次服務員個樣己有少少不爽,但仍同我地再加一小豌…加完辣又試試~仍係覺得唔夠再想加~今次服務員已經唔再點理我地,我地再三要求,佢就話:老闆講要加辣就要加 $ 20!!! 嘩,….我地真係呆晒LA…係乜野道理~!?! 最後因心情不爽,決定唔加錢,亦再冇同佢地作冇意義的溝通!!蜀巴辣魚(大辣,一條) 上到黎個樣好令人興奮!外面炸到4,5成熟的鮮魚放喺辣湯入面,再有辣椒青菜木耳大花蒽一齊慢煮,有少少刺鼻仲有少少香~未食就覺得好食~入口感覺魚鮮甜啖啖肉,但係唔算辣囉~~水煮牛(大辣)- 全枱唯一一上枱就好有辣感的菜式!!紅椒辣椒胡椒仲有厚厚的一層辣油…加上好多數之不盡的調味料,令到每一啖入口都有好多雜質,仲有好多芽菜.牛肉片就好少好粹好細件,感覺雖係有辣味,但主菜真係唔知係牛肉定係菜囉~!!我地用珍貴的時間品嘗到的係空歡喜一場~唔辣到嘁到算LA…仲話要加錢…感覺好深刻,,.而且真係好不爽~反省自己…其實只係去左大排檔~唔應該有過高的期望相信呢到會比我列入don’t come again 的名單當中~但願佢地可以有所進步~~真心的!!
继续阅读