桔梗 (已結業)

原來昨日係教主生日，成間桔梗變咗教主主題餐廳🤣🤣🤣誤打誤撞入咗嚟神徒集中地🤣仲有小禮物送，神徒們嘅力量果然好強大💪🏻💪🏻💪🏻入面樓底都幾高，枱同枱之間嘅距離都幾足夠，好有空間感👍🏻好舒服燻鮭魚凱撒沙律👍🏻👍🏻👍🏻👍🏻鮭魚好香好夠味，仲有佢個沙律醬唔係就咁淋上面，係成個沙律都撈得好均勻。嚟到桔梗點可以唔叫佢個A4黑毛和牛三文治👍🏻👍🏻👍🏻👍🏻👍🏻睇落好似好生好紅，但食落一啲都無血味，而且一啲都唔韌，輕鬆咬得開，調味啱啱好。仲有個麵包炸到啱啱好，由內到外都脆卜卜，成件事又唔會油膩，好好食😋炸雞👍🏻👍🏻👍🏻👍🏻雖然比起和牛三文治有啲遜色，但一啲都唔失禮。雖然佢係脹卜卜外皮，但無偷工減料，入面係滿滿的雞肉，炸得啱啱好啲肉仲好滑添👍🏻明太子烏冬配吉列和牛👍🏻👍🏻👍🏻吉列和牛依然冇得輸，咁樣一個餐食完其實都夠飽。我係飲呢個草莓乳酪燕麥奶👍🏻👍🏻👍🏻第一啖飲落好似有啲酸，但攪勻之後好舒服好好味，直頭想encore🤣我諗應該係佢粉紅色嘅關係，所以同今次嘅誕生祭有聯動。一餐點都要有個甜品先至完美😘朱古力心太軟伴雪糕👍🏻👍🏻👍🏻即叫即整，上到嚟熱辣辣嘅心太軟配上凍冰冰嘅雪糕，係雙重滿足😍

唔知幾時旺角新開左間餐廳，成日都見到佢排長龍，今日平日咁岩見到難得無人排，即刻拉埋朋友都試下係咪咁正入到去坐低先發現原來呢間餐廳老細都係教徒，心諗會唔會淨係玩gimmick野唔好好整野食，擔心會中伏呢到手機落單，野食選擇唔叫好多，但望落都吸引朋友叫左個鯖魚定食，賣相好靚好有日本食野feel，睇見都食指大動鯖魚一啲都唔腥，好入味，又唔會煎到好硬，仲有wasabi點黎食，好新奇得意，但原來都幾夾糖心蛋亦煮得岩岩好，蛋黃勁靚，入口甜甜地，好食我就叫左個和牛Combo，唔係講笑真係食到哇一聲！尤其是和牛三文台，首先和牛係炸過黎，入面都仲keep到五成熟，真正外脆內軟，牛味勁香濃，配上同樣極之脆身、咬落有聲既多士，可以話係人間極品可惜一個combo套入面得兩件，食十件都未夠喉！和牛飯對比起三文治自然就比下去，但依然不失風味。牛肉汁唔算多，唔會好似某連所牛肉飯專門店咁浸到變左湯飯咁飯亦用左珍珠米，粒粒分明好有口感，高質決定左要再黎瘋狂食和牛三文治！無得輸！

見到好評特別多都心思思咗好耐，今日專登同朋友過嚟食，服務員冇服務食物冇質素，環境所謂嘅裝修其實就係冇裝修，同一套餐竟然可以等咗成一個鐘先有得食，而成本30蚊都唔知有冇，認真唔覺得有咩好食，除咗所謂嘅地方闊落諗唔到有任何優點，好垃圾，完全諗唔明點解可以紅到咁，嬲到真係專登登記acc黎寫食評希望其他人唔好再中伏，垃圾中的垃圾。唔會有下次，開餐廳連最基本嘅嘢都未做好就唔好學人開。仲要俾評價點解評價冇負分。

位於旺角鬧市後街嘅桔梗， 樓底高地方大裝修一啲都唔花巧， 環境令人好放鬆我印像中嘅佢係出名食燉飯同好似smoothies既野飲近期餐牌係主打和牛都係用qr code落單既我地嗌左和牛combo,有迷你和牛肉燥飯同埋半份既和牛三文治三文治都幾香脆，夾住既和牛有少少un不過好難一次過咬牛味濃郁，都幾juicy肉燥飯唔錯， 糖心蛋好入味不過略嫌熟咗啲有選擇困難症嘅你就啱曬，唔使諗又試得多d野另一個係和明太子和牛烏冬明太子加埋湯底 鹹鹹香香好惹味其實就咁都有成6舊吉列牛 都幾多份量加左招牌野飲同打卡專用既咖啡咖啡既層次好分明， 慢慢融為一體 好靚埋單四百蚊左右，打卡都抵既

經過好幾次都比佢嘅裝潢吸引，佈局好精緻，樓底極高，空間感十足。今日終於有機會入去食餐飯，做個偽文青先。 🍴🍴餐廳其中一個王牌係壽喜燒，不過天氣有啲熱，所以叫咗另一款王牌，日本A4黑毛和牛三文治同期間限定- 炸雞芝士歐姆蛋配咖喱醬。 🥩🥩日本A4黑毛和牛三文治($148) - 和牛三文治勁有驚喜，和牛嫩滑JUICY，麵包烘得好脆好香口，加埋牛油，令到成件事好夾好好味。必食推介。 🐔🐔炸雞芝士歐姆蛋配咖喱醬（$118) - 首先，炸雞大件，粉漿好薄，炸得好香脆。奄列配合咖喱醬味道好豐富，有層次感。另有沙律菜同麵包，份量十足。 🍹🍹天氣炎熱，點咗芒果燕麥奶昔（$58）同草莓乳酪燕麥奶（$58）各一。奶昔賣相吸引，充滿水果香，唔會太甜或太漏。 📝📝餐廳環境極為闊落，好適合朋友食飯聚餐，傾下偈。食完當自己去咗轉台灣，感覺多咗啲啲文藝氣息。🤣🤣

天陰陰，最好搵啲舒服嘅地方食個lunch令自己開心啲。之前經過已經想試，因為佢地方好闊落，有兩層唔怕冇位坐，適逢男朋友放假就一於去試吓啦，地點位置都方便。糾結咗好耐食唔食牛肉，但係因為怕皮膚敏感，咁不如試吓佢期間限定嘅台灣系列啦。我哋叫咗台灣牛肉麵，台灣燉牛肉醬意粉配溫泉蛋，然後叫咗杯純粹拿鐵咖啡嘆一嘆。台灣牛肉麵：👍湯底好濃郁，唔會覺得好重味精味道，面好似河粉咁樣好特別，牛肉有筋位，有林身有趙口。有蘿蔔同菜，唔會覺得淨食肉重口味，佢跟咗兩個配菜，一個係蕃茄一個係類似酸菜，蕃茄我最欣賞因為佢酸酸美味好開胃，落雨天最適合食啦😚😚😋😋台灣燉牛肉醬意粉配溫泉蛋：黎到賣相好精緻，同埋好香，一整開溫泉蛋顏色好靚，然後有淡淡麻辣嘅味道，一食落口好creamy 但係唔會太溜，麻辣會係麻多過辣，嘴會有卑卑嘅感覺，但係唔會辣。牛肉醬嘅粒粒牛肉好林，有咬口，非常值得推介🥰🤤凍純粹拿鐵咖啡： 咖啡豆味重，不是太甜，鍾意咖啡味嘅朋友可以試一試👍總結來講，地理位置同食物質素都可以，有時間都會再同朋友去試吓其他款式🥰🥰🥰

【旺角】桔梗桔梗位於旺角砵蘭街，佔地2層獨立式連天台。地下全層作用餐，天台位置可食水煙，餐廳樓底高且座位寬敞。桔梗以前主打台式洋食，近年轉營做日式料理，有壽喜燒、和牛刺身丼飯 等，非常吸引😍✨2人用黑毛和牛壽喜燒Set A $728壽喜燒Set A 肉盤全採用A4黑毛和牛（食肉怪必食全和牛Set A✨！），如果嫌太油膩可以選Set B，A4同M8和牛各一半。套餐包括250g 和牛，2隻蘭王蛋，同一份野菜盤。菜盤用木盤裝住，蔬菜嘅份量出乎意料咁多，而且擺得靚靚仔仔，見到都開心！主角A4黑毛和牛，油份非常重，入口即溶。先用油脂起鑊，炒香京葱，再倒入少許壽喜燒汁煎香牛肉。店員會為客人先做示範煎2塊，其後就自己落手整，做法可以參考餐牌背面嘅精美圖畫。日本A4黑毛和牛三文治 $78/半份必食推介！吉列和牛炸至五成熟，配上外層酥脆多士，便整件三文治入口外脆內嫩嘅對比更強。我非常喜歡多士上一層薄薄嘅特製酸醬，解膩之餘，亦平衡了和牛羶味。📍桔梗旺角砵蘭街160號地下至2樓

桔梗一路都好出名，今日終於可以是一試，今日適逢晚上來，所以除了壽喜燒的套餐外其他都要散叫的，因為朋友唔太想食壽喜燒，所以我哋都係決定散叫！和牛combo set,呢個set 10分豐富有唔同嘅前菜同小食，仲有溏心蛋，和牛三文治同和牛飯，和牛三文治中嘅和牛係炸過的，入邊大約七至八成熟，和牛既牛味都可以，多士10分脆口，而和牛飯上既和牛係用醬汁煮熟的，送飯一流三文魚定食，個三文魚比較有驚喜，三文魚煎得十分嫩，即使表面係煎得香口，但入邊仍然保持住鮮嫩，而三文魚食得出唔唔係一般便宜既貨，呢個set同樣地有配上溏心蛋白飯配上左飯素好開胃朋友叫左一杯espresso,佢話咖啡味都幾香濃，唔錯！如果可以增加多d set款就更好了！

之前想食呢度好耐 一直見好多人😂😂所以今次一於早一早去食早晚飯原來呢度夜晚有壽喜燒食 多數人都係呢樣不過今日中午好晏食 唔夠餓去食所以都係揀左小食同呢度既皇牌combo😌呢度坐得好舒服 座位好寬敞樓底極高 感覺就是悠閑🙆🏻‍♀️兩杯野飲 葡萄梳打 同 打卡專用-白上一片啡好唔錯 啡味香濃☕️桔梗和牛combo 好豐盛🤩有半份和牛三文治 同 和牛肉燥飯和牛肉燥口感都幾得意 牛肉味香濃和牛三文治炸到五成熟 火候控制得超好 內裡肉汁還在流出😍😍😍等一陣肉汁乾左啲啲就可以食啦～外脆內軟 超軟溶入口 熊本縣生產的極上和牛果然夠牛～🐮炸甜薯條幾香口 配埋酸梅沙律醬 酸甜香脆 好快食完🤣

經過見親呢間都覺得好文青🤟🏻呢間一直都好出名 但一直都未有機會試嚟開旺角同朋友lunch專程到訪✨裝修好有台灣feel 好文青好靚👻呢度係用手機QR CODE落單的同朋友每人叫了一個set lunch🌟台北燉牛肉醬義粉配溫泉蛋 $126黑色咖啡(Hot） （+$18.0）係流心溫泉蛋😍😍😍意粉質地啱啱好 不硬不腍 而且醬汁好特別 有少少麻麻地既辣唔食得辣嘅我都幾鍾意肉既份量都好多 切到細細舊咁好入味整體嚟講好惹味 好難得既台灣風味😍😍🌟明太子鍋燒為冬配炸吉列和牛 $187+純椊拿鐵鮮奶咖啡(Iced) (+$19.0)明太子份量好多！湯底好夠味 烏冬都係高質夠彈牙的！撈埋一齊食好jeng!!而且肉都好脆 裡面好有牛味 唔會好老 而且炸得好脆身唔會好油😛糖心蛋👍🏻👍🏻👍🏻☕️ Latte兩杯野飲都好飲！係good的🤩🤩🤩呢度環境好舒服 好適合同朋友嚟傾吓計 食下野

係旺角要揾間坐得舒適既Cafe唔易,如果食物都有番咁上下水準就更加難得。桔梗就係其中之一間滿足到呢兩個條件既餐廳。今次去到先叫左杯啤酒消暑，呢度嘅生啤又真係好抵飲，大大杯都係幾十蚊。叫左個炸雞與五味醬，炸雞大大份，粉漿比平時日式唐揚炸雞厚，但原來厚又可以吸多啲醬汁，更入味，送酒一流。呢度使用電子點餐，係呢個咁講衛生既時期又真係好合適。當日見到有個和牛餐牌，壽喜燒由兩位起都有，現場見到唔少客叫，無論食材同爐具都好正綜和風。不過嗰日同朋就叫左其他餐，但都有叫到一份日本A4黑毛和牛三文治，入面既吉烈和牛炸得剛剛好，外面好脆而牛肉重係帶點紅，約5成熟，由於係A4和牛炸過到仲係好嫩，三文治包烤到好似炸過咁脆，成件事係好好嘅配搭。另外既嫩煎鮭魚定食，鮭魚都無煎到皮脆肉嫩，廚師抵讚。咁好嘅餐廳梗係希望佢可以長做長有，經過旺角記得入嚟飲嘢食嘢啦。

喺旺角行到身水身汗，一於搵間坐得舒服嘅Cafe食個lunch。平日過咗lunch time，呢度都幾清靜。見到呢個餐牌覺得幾吸引！和牛飯嘅味道應該唔錯！先點一杯消暑凍飲：凍黑糖鮮奶～ 飲完成個人即刻涼浸浸！之後等咗一陣，黑毛和牛肉燥飯就到啦～呢個飯一上枱已經聞到好濃郁嘅牛肉味。肉燥嘅份量唔算超多，不過味道唔錯；糖心蛋都做得好好然後仲想食啲肉😂 於是點一碟炸雞！分量比想像中多！炸雞新鮮熱辣，外皮香脆，雞肉嫩滑多汁，非常推介！下次晚飯時間可以試吓Shabu shabu

行開旺角搵吓有咩好嘢食，喺雜亂嘅街中見到一間別樹一格嘅舖頭，俾佢個環境吸引之餘，亦比佢嘅和牛Menu吸引😍😍😍二話不說就入咗去啦。入到去，環境寬敞，非常有空間感，令人感覺好舒服👍🏻舖頭用QR code落單，非常之方便👍🏻睇咗一輪Menu之後，決定咗幾樣野食，第一樣就係佢嘅招牌菜，吉列和牛三文治。先講吓塊麵包，塊麵包烘到非常之鬆脆👍🏻👍🏻👍🏻再講下塊和牛，炸得啱啱好，肉味一般但充滿着油香，令人回味無窮。三文治同和牛之間亦配搭左少少沙律醬，抵消咗油膩感，食多幾塊都冇問題😆😆😆😆之後叫咗份煎三文魚定食，首先講吓佢啲碗碟，非常之有日式風格👍🏻食物方面，三文魚魚皮煎得非常之香脆，配埋珍珠米，仲有我最愛嘅糖心蛋😍😍非常滿足😆最後叫咗個甜品，心太軟配雪糕，雪糕應該係自己整嘅，唔係用街貨，非常濃郁👍🏻👍🏻心太軟上嚟熱辣辣，個面有少少鬆脆，配合朱古力流心，正！總括來講，食物質素唔錯，環境舒適，係食得非常chill的一餐😎

食Lunch 叫左個明太子烏冬+吉列和牛…$168由相可見，和牛雖然係五成熟，但係有渣兼韌，好難咬，牛味一般。 烏冬係普通超市買嘅烏冬，最大問題係啲明太子，鹹到癡線，係重味到食嘅時候上顎黏膜都損嗰種！！… 唯一係玉子叫做合格，總結唔值呢個價錢，冇下次………………………………………………………………………………

今晚TGIF黎到桔梗約咗朋友飲杯嘢食飯，環境好寬敞，樓底超高🤣 坐得好舒服，完全唔似係旺角會見到嘅餐廳環境👍🥢炸雞沙律嚟到嚇親好多舊炸雞😂 而且好大舊，炸雞嘅皮唔係平時食開個種，有春卷皮嘅感覺，配上佢嘅甜甜酸酸醬汁，開胃又減少左炸物油膩嘅感覺，好食😋🥢和牛ComboCombo set入面有半份和牛三文治、和牛肉燥飯、糖心蛋同埋小菜，肉燥飯同糖心蛋普普通通正常，和牛三文治絕對係重點推介🌟 麵包皮烘得好脆（有少少太脆，吾烘咁耐我覺得會更好食😂）有滿滿的牛油好香好邪惡，和牛大概只係五成熟，又嫩又多汁，下次再嚟我應該會直接叫一份和牛三文治🤤🤤🥢心太軟真係估唔到呢度嘅心太軟咁好食‼️ 好濃郁嘅朱古力味，流心程度一流，好香又唔會過甜，配上雪糕都好好食😋