梨泰院

营业中

休息中

之前都有幫襯過幾次堂食都還好，亦有外賣過同樣嘅紫菜飯卷，唔係話好好食不過都正正常常。今次再次叫咗個飯卷外賣，一食已經覺得好鹹，仲以為係我條脷有問題，試下食飯卷入面啲配料都正正常常，發現係個飯鹹到好似落咗成包鹽去撈咁樣🙏🏻食咗幾舊真係再食唔落去。仲要係咁食到啲好似沙咁樣嘅不知名硬物，真係好離譜🤮

首先，個炸雞配紫菜包飯set，個紫菜包菜好似跌左落地下再執返上嚟咁，散晒都好意思上碟😅紫菜成塊黐埋一舊完全冇切斷過。另外，個安東炆牛肋條飯圖文不符😡，所謂牛肋條只係得3小舊牛肉仔，竟然要88蚊，極度搵笨！啲飯濕到好似糊仔咁一pat pat！！🤢

一個人在food court食lunch, 叫了個炒粉絲，超難食，粉絲太黏，有奇怪的酸味，冇麻油味，我覺得就算第一次跟食譜煑都冇可能咁難食，開門做生意點可以有咁差的質素，呢D水準厨師自己都應該唔會食，忍唔住再打個比喻，好似賓妹姐姐第一次煑廣東菜，佢跟本唔知應该係咩味，本來諗住比咗88蚊，唔好嘥，食埋佢，但最後都真係食唔落，之後同個收銀姐姐講，個粉絲好難食，佢笑笑口話，唔好意思，講咗兩次，反而冇去了解點難食，似乎慣咗，味道嗰攔，想唔比星，但唔識改

我就叫咗個紫菜包飯同燉牛肋條飯啦 40蚊左右 本身都鍾意食紫菜包飯同埋自問係唔同地方都食過 但係我見到依間咁嘅嘢嘅紫菜包飯即刻唔係好想食 首先切得特別樣衰 我叫咗一條 佢係五舊五舊咁擺 但係十舊裏面有七舊都係散晒嘅⋯仲有啲飯唔知係咪隔夜嘅 超硬 啲味都怪怪地 而個牛肋條飯 我一開始expect佢係冇湯嗰種嚟嘅 結果一出餐吓咗出嚟 係湯飯 仲啲肉勁少 好難食嗰隻 個收銀態度仲特別西 完全係Bad Trip 真係唔建議食依間 仲不如去食pepper lunch算

叫左個外賣泡菜豬肉湯飯，結果係泡菜豬肉水，沒有豆腐沒有金菇，沒有下次了。唔明白點解可以過到自己個關俾客人食，有沒有良心架。希望老闆睇到食評後改善下，唔好再俾垃圾人食。用心出品好嗎？

今晚諗住求其食，但無諗過食垃圾，叫左大醬牛肉湯飯，無大醬味 少少牛肉味，好淡口 無咩料，成碗野唔知係咩黎，飯又凍又硬，送個碗柴茶湯更加大鑊腥既，點解呢？我係隔離 櫻木食堂 ，叫左個烏冬仲差，賣蒜香豬骨湯，清水咁，烏冬又求其比d平野我，炸雞得個三件仔，凍左同好油益味，外炸皮硬左，$65唔平架！ 。伏到喊以黎去美食廣場都係食返鐡板板飯同花甲米線係最隱陣我點都要打夠200個未，點都好想比個「喊」😭佢唔，所以請原諒我講左幾句廢話

呢間嘢好似直升機咁伏伏伏伏⋯⋯早幾日嚟叫咗個紫菜飯卷加年糕，都唔係平又唔係好多人叫（隔離啲鋪仲多單）。🤍1.出餐耐💀💀💀等個飯卷+年糕等咗20分鐘。但上到嚟個年糕都係唔熱，而且未煮透。🤍2.食物質素惡劣🤮🤮🤮「紫菜飯卷」食唔出香油味，冇芝麻冇蘿蔔冇醃蘿蔔，只係用啲下欄廚師腸（仲要好細粒），冇乜靈魂嘅蛋，同埋勁厚飯塞滿啲位😅😅😅而且啲飯係極度淋，第一啖以為自己食緊粥。🤍已經冇特別平，正常街價。整呢啲食物又零技巧，材料都唔洗好高級，都唔係咁樣慳皮比屎人食😅煲個飯都煲唔好仲學人開餐廳😅😅😅🤍3.其實都冇3以上兩點都足夠成為唔幫襯嘅理由🤍以上全部根據事實描述💀大家係美食廣場見到就掉頭走啦，$40食唔飽，$80人均嘅話市廣場大把餐廳好食過佢。

對這間野用差黎形容己經有良心，但因openrice食評因怕誹謗(事實都驚誹謗好難攪, 難道管理員也覺得這是炒年糕?)及不雅用語(潮州鹵味)被reject的情況下, 我只能夠寫大家不要去了，小朋友係youtube看到韓國辣炒年糕好想食，咁啱係屯市food court 見到這間野有，雖然知道未必好食，但諗住辣炒點都唔會好差，而小朋友指住好想試就照買，點知一拎出黎點解會係碗裝的湯年糕？我同收銀個阿叔講我係要辣炒年糕喎，這個湯年糕黎㗎喎，阿叔就話炒年糕係咁㗎，炒完再放湯，阿叔你食過炒年糕未？我還想再理論，但老婆話睇下小朋友食唔食先，才放低單攞走碗野。返到去看, 頂呀，年糕仲係白色嘅，真係炒乜 __野(空格自已想像後填)，唔香又無味小朋食咗半條年糕就無食，咁我食啦，咁大碗加埋都無十條年糕，真係谷住氣黎寫差評。各食友，不要去不要去不要去

下午去咗屯門市廣場美食廣場搵嘢食，見到餐牌個名幾吸引，就揀咗呢一間「梨泰園」！最後，揀咗個$83蜜糖芥末炸雞配半條韓國壽司點知……炸雞凍冰冰，份量極少搞錯！係三隻雞翼加雞鎚..求其喺上面唧啲蜜糖芥末汁，hea到一個點！壽司飯又凍又唔好食，仲要份量極少⋯⋯得四件細細件！嬲到唔想影相，喺茶餐廳食個下午茶感覺仲好😡😡起碼炸雞髀大大件又有飲品送唔想有人再中伏，千祈唔好試呢間！食完即刻再買前面間雞蛋仔食

記得半年前左右食過一次佢既芥末炸雞唔錯，真係雞塊嚟，同埋味道都中規中矩。咁岩最近有口炸雞癮想食下，就online order 咗個6件炸雞連紫菜包飯。最後說好的炸雞原來只係3件雞翼同3件雞槌，問左問員話佢餐牌寫咗係3翼3槌，但佢online order 果到根本就無寫明！ 擺埋呃人，之後見到原來有其他人都中過伏☹️而味道方面個人覺得仲差過m 記脆香雞翼，又細件。而紫菜包飯都係一樣偏細件，味道都係普通紫菜包飯，完！完全不值一試，亦唔會有下次。。。

我不开玩笑！牛肉石锅拌饭🐮牛肉粒撒的满满当当，而最底下一层米饭被石锅赋予了层锅巴🥘，在混合上小配菜口感超级的丰富烤肉饭的肉味和嚼劲都很足，瘦肉香而不柴，配上浓郁的韩国大酱味，吃着很下饭🍚📌套餐里还有配上饮料，他们家出品也还挺快，有肉肉就是好吃的噜🥰

星期五晚上7:45pm，想食個湯麵，職員話所有湯麵賣晒，於是我叫芝士紫菜包飯，職員又話賣晒，得番原味紫菜卷食第一啖, d飯有酸餿怪味，酸到食唔到，而且d紫菜淋到好似擺左半日咁，拎去同職員講職員態度差，又話只可以換過第二樣，冇得退錢，好似唔想理你咁晚上7:45呢間野咩都賣晒，叫人點揀，唯有加$28換個豬肉石鍋伴飯，一食第一啖，又係酸餿臭既d飯換極都係比臭飯你食嬲到走人！連伏左2次！以後都唔會再黎呢間垃圾梨泰院！

相中的原味炸雞好似不錯，點知。。。。勁失望，就像m記炸雞翼，仲要所謂炸雞只是3隻雞翼和三隻雞鎚。。。。。。。咁就$68，仲要無嘢飲，加$15有半條紫菜包飯，但係無味的，連這個都可以唔好食。。。。。這餐廳不知其他好唔好食，但炸雞，紫菜包飯真的不值一試

今日約左個媽媽一齊帶2個小朋友去圖書館暴走同扮睇書，跟住再去左namco掉彩虹同夾公仔，大人細佬玩得勁開心。玩完呀仔勁攰係bb車訓左，我就搵地方坐，等爸爸收工一齊食飯，突然收到電話，婆婆又掛住呀孫入黎屯門搵佢啦。我同呀仔share兩餸飯，所以老公可以食佢自己想食既野，佢今次食“梨泰院”泡菜牛肉炒飯 $68（無野飲）：整体味道偏鹹，但辣度吾辣，牛肉係普通肥牛，炒飯吾夠干身可能因為用左泡菜關係，開頭望個碟以為分量少，但食落又好飽。

$65買個餐 韓式紫菜包飯+三舊炸雞 韓式炸雞係兩隻炸雞翼同一隻雞槌 同出面茶餐廳嘅$40下午茶一樣 仲有啲乾又無調味 啲「炸雞」睇落出哂煙 但係根本就唔熱 個紫菜包飯同7仔啲飯差唔多 真係唔抵食又唔好食 伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏