影片
以上资料只供参考，请与餐厅确认详情
第一次嚟到科學園呢度真係好大，仲要分幾座，嚟到今日呢座17W入面都有幾間又大又靚嘅餐廳，而且價錢仲唔貴，今日揀咗呢間利滿園韓國料理地址：沙田白石角香港科學園科技大道西17號17W大樓一樓最吸引的是，做緊任食五位送一位，性價比非常高放題款式眾多有唔同嘅韓式燒肉同配菜，仲有美國牛肉，味道眾多，燒肉有牛肩肉，牛板健，非常少見嘅橫膈膜肉，今日試咗咁多款，牛味十足，牛肉不算太肥膩，牛肉嘅顏色非常鮮紅，而且雪花紋都非常靚另一款推介就係燒五花腩，油脂非常豐富，所以包住生菜同蒜片一齊食，令油膩度減低，又帶有口感一坐低職員已經放低前菜，非常惹味胃口大開，有大豆芽，泡菜，菠菜同埋韓國嘅醬汁炸物非常多選擇，有炸豆腐，脆炸雞翼，薯條，春卷，香魷魚，炸魚柳，韓式原味炸雞，必點的就是炸豆腐，豆腐炸到外脆內軟，配埋醬汁更加好味唔夠飽，仲可以揀主食，有石頭鍋飯炒飯同菜包飯連海鮮烏冬都有真係夠晒飽肚，主食都有成七款選擇三文魚手卷，剛剛做起，紫菜非常脆口，而且壽司飯仲帶有輕微的熱，三文魚夠厚份量，多新鮮又鮮甜
继续阅读
餐廳位於科學園區，可在沙田站轉小巴或大學站轉巴士直達。餐廳主打韓式料理，有各式晚市套餐和韓燒放題，位置舒適闊落。今次揀左90分鐘燒肉放題，可點既食物種類繁多，包括牛雞豬肉、海鮮、刺身、炸物、韓式主食和湯品等，另外仲有飲品櫃可任意自取，整體食物質數都不錯。店員會先上前菜，分別係泡菜、豆芽菜和菠菜，仲會提供生菜和生蒜以供之後包住燒肉食用。美國橫膈膜肉、牛肩肉、牛板腱、安格斯一口牛粒和牛仔骨牛味十分濃郁，肉質鮮嫩多汁，完全無雪藏味，調味剛剛好，濃淡合適。海蝦肉質結實飽滿，蝦味鮮甜可口。三文魚刺身食落新鮮無腥味，魚油脂香味濃厚。大醬湯湯底香濃惹味，內食材豐富，有蜆肉、金菇、豆腐等，飲落十分潤喉。韓式蛋卷翠玉瓜、杏鮑菇和玉米炒什菜芝士辛辣麵芝士和辛辣麵既配搭意外和諧，芝士有效中和過多既辣味同時適量既辣亦減輕芝士既油膩感。
继续阅读
今日去到科學園附近工作, 意外發現性價比超高的燒肉放題!我見有一個買5送1的優惠, 除了放題, 還有單點的韓國料理, 想任吃又得, 散叫又得最後我們點了頂級韓燒放題~入坐後店員送上餐前小吃,他們家的泡菜超級好吃!!我吃了三碟任飲汽水 / 紙包飲品, 另外還有啤酒任飲第一輪食物上枱超吸引! 美國牛板腱的油脂好均勻,牛味好濃,輕輕燙熟,不需其他調味都已經好好吃!其他醃好的肉類如:雞腿肉、美國橫隔膜肉等等也是十分出色, 味道不過鹹又不柴之餘又能保持肉的鮮味。包著生菜、蒜片,再按個人喜好加入泡菜 / 韓式醬汁,現在隔着螢幕仍然讓我想起這一口的滿足感。各類刺身(三文魚、吞拿魚、白玉貝、白玉豚、立魚、醋青魚)一共有6款可以選,我為了留肚吃肉關係,只點了三文魚刺身三文魚油脂豐富,口感順滑~芝士辛拉麵芝士份量毫不吝嗇,麵條結合了濃郁的芝士奶香和辛辣風味迷你海鮮煎餅味道很正宗,裡面有滿滿的大蔥及海鮮, 煎餅厚實,外脆內軟。脆炸雞翼這是讓我感覺不是來貨翻炸的食物!炸漿做得好,可以完整包裹雞件,外皮金黃酥脆,咬下去時發出清脆的聲音，裡面的雞肉鮮嫩多汁,熱騰騰。海鮮(海蝦、半殼帆立貝、生蠔、帶子)海鮮每樣都好大粒,海蝦接近有2/3手掌長度,感覺是新鮮海蝦,不是已經雪到頭身分離;半殼帆立貝與帶子各有千秋,兩者都鮮甜無比, 有殼帆立貝燒的時間較長,但可以承載住醬汁,不會流失味道;而帶子則快熟取勝,也容易控制生熟度。最後當然來個肉類round 2店家的牛肉類真的沒法輸!短期必會再來。
继续阅读
今晚去左位於科學園內呢家梨滿園韓式烤肉食韓燒放題。店內木質裝飾同暖燈烘托出溫馨而雅緻嘅氣氛。空間寬敞座位舒適，牆上木製窗框為店內環境增添一抹藝術氣息，令人感受到樸實無華嘅韓國風情。餐廳有韓食亦有放題供應，我地揀左頂級韓燒放題，滿足一下韓國烤肉癮！放題除左有海鮮、肉類燒烤，亦有不同種類嘅小食、壽司、刺身、炸物、主食等等，非常豐富。三文魚刺身肉質鮮豔、細膩滑嫩。而吞拿魚刺身口感豐富多汁，輕輕一咬，甘甜味道喺口中散開。仲有立魚刺身肉質緊實有勁道，整體刺身絕不遜色。燒肉方面，order左唔同嘅肉類，肉類整體賣相都好靚，味道都好好。包括：美國牛板腱：板腱肉質細膩多汁，燒到外焦內嫩，每一口都是對味覺極致挑逗。美國牛仔骨：牛仔骨經過精心醃制，肉質鮮嫩美味。美國橫膈膜肉：特別推薦！橫膈膜肉燒至適當火候，外脆但又保留肉質鮮嫩，搭配特製韓式醬料，美味無比。豬頸肉、厚切豬五花腩都係燒肉必叫，將肥瘦相間嘅豬肉燒到香脆乾身，油脂喺熱力下滾滾流出，香脆而不膩，令人無法抗拒。法蘭克福腸同薄切牛舌片：香噴噴腸仔同薄切牛舌片喺熱力下散發出陣陣香味。另外亦叫左唔同主食同小食，都非常高質素。海帶湯：清甜海帶湯，湯頭清澈見底，海帶鮮味濃。炸豆腐：非常推薦👍外皮酥脆內裡嫩滑嘅炸豆腐，鹹味剛好。香炸魷魚：魷魚炸到卜卜脆，鲜美可口，送啤酒一流。迷你泡菜煎餅：內含泡菜，帶有微微酸辣口感，味道酸酸辣辣有嚼勁，非常開胃。我再加左d泡菜夾住食，既有爽口泡菜嘅口感再加多d酸辣味。牛肉石鍋飯：呢個石鍋飯係韓式燒肉嘅經典配餐，熱氣騰騰嘅飯上放有牛肉、紫菜、泡菜，搭配特製嘅韓式辣椒醬，香噴噴實在令人陶醉。除左以上菜品，仲有飲品同甜品雪糕任飲任食，食得滿足又飽肚。服務方面都好好，店員非常勤快。總結黎講，今次嘅韓式燒肉放題店無論從環境、服務定食物質素都讓人滿意💯。
继续阅读
原本喺美孚附近有一間好好味嘅韓國人開嘅韓國餐廳，但因為業主加租搞到韓國叔叔返韓國唔做，所以就好耐都無食韓國菜一排，不過入開科學園做嘢嘅時候醒起有韓國燒肉食，仲要有我鍾意嘅韓式湯，所以就食埋嘢先返屋企。呢度除咗有韓燒外，仲可以有套餐，不過為咗唔使左揀右揀就選擇咗放題，因為套餐嘅飯、麵、湯都可以包埋。先點咗熟食醫醫肚，熟食有多個選擇，點咗蛋捲、紫菜包飯同埋豆腐湯，豆腐湯味道同我之前喺美孚食嗰間韓國人開韓國菜嘅味道好接近，忍唔住飲完一個再Encore。而燒肉方面有好多選擇，不過主攻牛肉，第一轉所有牛嘅肉類都點咗嚟試，最愛係牛仔骨，所以再Encore咗兩次！飲品方面，汽水、啤酒係可以任飲，如果鍾意一邊食燒肉一邊飲啤酒嘅人就啱哂！
继续阅读