梨滿園韓國料理 (已結業)

朋友番左新工之後忙左好多，已經有一排冇見，今晚特登約係旺角見面，問佢想食乜，佢話最近睇左好多韓劇，心思思想食炸雞，之後就帶左我去通菜街附近既梨滿園，幾年前食過一次之後冇食過，依舊平靚正 呢間有三個放題menu，之前兩次淨係試過炸雞放題，不過我今次又心郁郁想食埋芝士蛋卷同韓國壽司 首先上既壽司，出乎意料地幾好食，同埋食得出入面用料應該幾新鮮，好快就清左一盤邪惡既芝士炸雞，將雞塊捲上熱辣辣既熱熔芝士，的確係好正仲有飽肚既蛋捲，入面係滿滿既芝士同紫菜仲有最愛既炸雞，有成五款口味，全部味都好好食而且講真新鮮炸起實冇死，最中意蜜糖同醬油味  加埋炸雞必備既白蘿蔔，解膩一流 

早已試過梨滿園在樂富分店，今次相約同事J去試女人街分店。同事J非常好炸雞🍗，旺角分店咁岩做緊炸雞放題可以任食唔嬲。同事J第一時間約左V仔去。雞雞放題有分芝士雞同普通雞，普通雞加廿蚊可以升級食多幾樣餸，芝士蛋卷，紫菜包飯。咁一定加啦。炸雞有個味，大家要小心試試，分有醬同無醬。有醬好蜜糖，甜酸醬，鼓油醬，無醬有蔥蒜味同芝士粉。要小心分一分下一轉叫錯就唔好。推介蔥蒜味，因為唔太濃有雞肉原味。炸雞肉資算唔錯，不過食左第一轉都已好飽要量力而為，第二轉只叫左少少🤏。芝士雞她特別，愛好芝士迷一定要試吓。另外，佢嘅芝士蛋卷非常了得，一定要彭熱食。紫菜包更係我心水好有水準。佢自家製嘅前菜都有水準。特別係酸羅白。另外老闆娘送左啲特制羅白，她話配炸雞一流。我地就更係叫左啤酒啤啤佢啦！總覺得係唔錯，愛炸雞🍗嘅朋友可以試試。

難得朋友生日，間唔時總要放肆下都無所謂。朋友話要食炸雞，佢自己揀左旺角韓國菜餐廳「梨滿園韓國料理」，一於捨命賠君子。梨滿園裝修好韓風，牆身掛左一副副韓國畫。餐廳望落整整齊齊，又寬敞。呢度好啱鐘意食韓國野同炸雞既朋友，我地睇睇餐牌，除左炸雞之外，仲有一個好吸引既任食餐。所以我揀左138蚊任食，人參雞湯、蛋卷、芝士豬手同紫菜飯，再加30蚊就可任食5款炸雞。炸雞5款有芝士味、蜜糖味、薑蔥味、甜辣味和秘製醬油味。我就最鐘意食甜辣味，甜甜地少少辣，又唔會太膩，餐廳仲會準備啲腌蘿白，食完炸雞食可以除膩，呢個酸蘿白好好味呀。枱面有個QR code, Like 同Share 仲送罐汽水添。我地1800入坐，仲唔洗加一，抵食。

滿足韓國炸雞任食🤤疫情長期被困在家，最近又要從新適應上班，總想吃一點可以慰籍心靈的食物稿賞自己，為自己义义電。在旺角這個鬧市，發現這一間晚市都居然可以有用如此相宜的價錢任食嘅韓國餐廳梨滿園， 真係覺得好吸引一定要試。前菜有四款包括餣蘿蔔，薯仔，芽菜同埋泡菜，酸酸甜甜好開胃，簡直係準備好個胃大大啖食肉。上菜上得好快，見到成枱食物好感動，好滿足。首先食嘅一定係拉絲芝士雞，啲料一啲都唔hea，芝士完全係真材實料，可以拉絲拉得勁高!將一大舊完全冇骨嘅雞肉包喺厚厚嘅芝士入邊，入口即溶嗰下真係覺得好幸福，味蕾都要爆破。 韓國壽司有啲酸酸地嘅嘢餣瓜，清爽得來同個飯又好夾， 食埋流心既拉絲芝士紫菜卷蛋，呢一餐飯真係完美。芝士同蛋真係都係最好嘅朋友，永遠唔會欺騙我哋嘅感情！係覺得冇得再完美之中，竟然仲可以任食炸雞，炸雞有五隻味，包括薑蔥，甜辣，芝士，秘製醬油味，啲雞一啲都唔乾身，炸粉唔會過厚，配埋特製餣蘿蔔，每件雞都相繼食得出唔同口味，食到滋味無窮,令人欲罷不能。總而言之覺得成餐飯性價比高完全值得一試。🍽 梨滿園韓國料理🔎 旺角通菜街1A-1L號威達商業大廈Deli2 1樓

個日同朋友來呢度食，因為佢超鍾意食芝士～.前菜好正～🌸 90分鐘任食炸雞 HKD 128.有五種味道嘅炸雞， 薑蔥味 、甜辣味、芝士味、蜜糖味同秘製醬油味。第一輪可以試曬五種味嘅炸雞，然後可以再encore自己鍾意味道嘅炸雞～個人比較鍾意甜辣味同醬油味～ 🌸韓國料理 HKD 138.-韓國壽司入邊有黃蘿蔔 胡蘿蔔🥕 蛋 青瓜同豬肉～口感好豐富 同埋壽司超大件～.-拉絲芝士紫菜蛋卷呢個蛋卷顏值幾高～ 超多蛋呀味道都好好味芝士超級拉絲～而且食極都唔膩。-韓式拉絲芝士雞呢個真係有驚喜 d芝士超好味。連我呢個本身對芝士麻麻嘅人都食好多～可想而知 .食完呢兩個餐 已經飽到一個點。冇再encore炸雞🍗～.

因為疫情關係都好耐冇見朋友們，難得可以約到梗係要食餐正嘅！係朋友介紹嚟到食呢間韓國菜～入到店鋪發現係一間傳統的韓式料理餐廳，唔似而家一般常見嘅主打韓國炸雞/燒烤店，呢度可以食到所有係韓國街邊小店可以食到嘅傳統菜式～首先上嚟嘅係人參雞～店員建議我哋飲左湯先，一大煲湯足夠裝10碗以上😂飲落有淡淡嘅人參味，雞肉都煲到好軟滑！當啲湯飲到咁上下嘅時候，店員幫我地加左飯落去，做成雞粥～之後上嚟嘅係芝士豬手，第一次食芝士+ 豬手嘅配搭，意外地不錯豬手原本已經有味，放係熱辣辣嘅鐵板上，卷上芝士一齊食，完全滿足到芝士控嘅心嚟到當晚嘅重點：韓式炸雞🍗我地一次過試曬5隻味，食落一啲都唔會比防間食到嘅炸雞差！每件雞都均勻地沾滿醬汁，食落超juicy最尾食埋個芝士紫菜卷蛋，大滿足

好耐冇約朋友一齊食飯la!! 為咗可以同一班朋友傾耐d，我地簡咗嚟食放題。我地5個人嚟，簡咗兩款放題，一款係炸雞放題，另一款係人參雞湯，芝士紫菜蛋捲同芝士豬手任食。通常d放題都要全部戈簡同一個plan，依邊可以簡兩款，可以食多約樣野! 而且放題晚市都只係$138，仲可以食120分鐘，真係好抵。炸雞有5種口味，每件都專登切細細件咁，可以俾人試多幾件唔同口味。有d有醬嘅口味，食落都仲好脆口，我最鐘意薑蔥口味，好惹味。D芝士拉絲系列好適合打卡，樣樣都真係可以拉到絲。最驚喜係都係個人參雞湯，好多舊雞，d料好足，仲可以無限refill !又養生又好食。

收工同friend行街搵嘢食，見到呢間梨滿園有炸雞任食，一於決定入店試一試先。落完order，經理就送上前菜。韓國泡菜，芽菜，薯仔同酸蘿蔔絲，味道正正常常。傾傾計，啲嘢食都好快送上。豬肉壽司配料係簡單既紅蘿蔔青瓜玉子醃黃蘿蔔加豬肉，味道清淡蘿蔔爽口，都幾飽肚。芝士雞有個鐵板載住，熱辣辣上檯，芝士雞真係超正🤗👍🏻👍🏻雞肉嫩滑入味，再配上香濃既芝士，好食到停唔到😋😋 By the way，真係要趁熱食，如果唔係，啲芝士會凝固返，好難夾🤣五味炸雞🍗炸雞有芝士味，蜂蜜味，醬油味，甜辣味同埋姜蔥味。第一round可以揀曬五個味，一次過滿足曬我地既好奇心🥳第二round就可以揀自己最愛既味refill啦～推薦芝士味，面頭撒滿曬芝士粉，正呀🥰醬油味偏鹹，好重醬油。而蜜糖味就偏甜咗啲😄芝士蛋卷雞蛋好滑，中間有紫菜包住啲芝士，雙重口感，再搭配埋芥辣醬同番茄醬，唔錯唔錯，一啖接住一啖😋😋

限聚令剛剛放寬，香港的疫情又有好轉，所以就約了半年沒見的好姐妹去食韓國菜。這次在梨花園見到有不少韓食的放題，所以決定吃這家。我們幾個女生點了韓式芝士拉絲豬手、芝士炸雞，配上韓式芝士紫菜蛋卷都可以$120分鐘內不停任食。首先上菜的是芝士豬肉，這是我第一次食，但非常驚喜，豬手已經去骨，而且炆到好淋，再捲住芝士一齊食，特別的香。但要注意趁熱先吃，不然芝士凝固了便吃不到了。之後就有一碟有五種口味的任食炸雞：甜辣、醬油、薑蔥、蜜糖、芝士。炸雞的炸粉不大，但炸到乾身好脆，配上各種的醬油，好味。最後還有人蔘雞湯，大概內裡有半隻雞，雞脾肉、雞胸肉都特別滑，而底下還有糯米，是一杯充滿營養又健康的湯。當喝了一大半的湯之後，店員便帶來了邪惡的念頭，他把芝士、紫菜放入湯中再翻滾，馬上來個round 2，嚐口另類食法！最後，我最喜愛的是紫菜蛋捲，加入芝士後的蛋捲好滑，不知不覺便把一整碟吃光了，又可以請店員幫我們encore了！

約左朋友係旺角食飯，好耐冇食韓國野而且呢間有任食炸雞正呀👏🏻90分鐘任食先百幾蚊好抵食～任食炸雞有5種味：芝士、蜜糖、醬油、甜辣同埋薑蔥。炸雞外皮好脆，可以一次過食咁多種味，真係得任食先可以試到☺️ 5種味都相當唔錯，各有千秋～職員都好有禮貌，食完又問我地要唔要refill👍蘿蔔好爽口好開胃，又可以解膩～芝士蛋卷都唔錯，蛋好嫩，入面有芝士同紫菜，幾夾～芝士豬手👍豬手本身都好有味，而且好腍，軟腍嘅肥瘦肉加滿滿的芝士，好好食😋人蔘雞湯，入面d雞都好多，證明都幾足料，飲到咁上下剩返小小湯再加埋飯、芝士同紫菜落去，估唔到都幾好食👍

限聚令放寬左，收咗工約咗一大班大學同學去旺角食韓國嘢。我哋揀咗呢一間比較傳統嘅韓式餐廳。整體來講，座位十分寬闊，食物質素不錯。我和朋友渡過了一個愉快的晚上。我們點了炸雞套餐，就是可以點不同醬料的炸雞吃，非常抵！我們各個醬料都各點了數隻雞翼，可以食盡唔同風味嘅雞翼，而我最鍾意嘅就係蜜糖芥末味！雞翼外皮揸得鬆脆，肉質鮮嫩多汁， 很高質！我們另外叫了一個人蔘雞煲。食到最後，侍應送上一客飯和芝士，幫我們放入剩餘的人蔘雞湯中繼續煮變成人蔘雞粥，意外地鮮味！紫菜和芝士原來是粥品的好配搭！我們另外叫了一個紫菜蛋捲。蛋捲中央夾雜着海苔👍🏻👍🏻

無得去旅行住😢唯有係香港食下韓國🇰🇷料理叫咗個二人套餐 $248有烤肉雜錦拼盤 （牛 豬 雞）生菜跟麵豉醬仲有韓式炒粉絲&白飯😌份量真係好豐富😱肉類來講我比較鍾意雞肉 調味足夠非常嫩滑😋😋不過豬肉肥膏太多🤔 肉質麻麻哋🤨牛肉都係一般般有d失望另外仲叫咗一個韓國人蔘雞湯（細） $88有半隻雞超足料🤩仲有韓國參 啱晒養生進補🤗雞肉煲得尚算嫩滑雞湯味濃郁 但係人蔘味略嫌唔夠重🤔入邊仲有少量米粒好似食緊人蔘雞粥咁😌整體來講環境真係唔錯坐得好舒服二人套餐價錢真係好抵但係肉質有改進空間人蔘雞湯不過不失雞湯味都濃郁有機會下次會試下炸雞任食

網上見到這間韓國餐廳好像幾人氣，這天下午在旺角找該吃甚麼好，突然想起這間餐廳。由於網上找不到午餐或者下午茶的餐牌，見不太遠就特意來看看餐牌。餐廳位於Deli2，須要搭𨋢上一層。到達時剛好兩點可以食下午茶，見餐牌選擇幾多就入座。我決定點了一個下午茶的辣牛肉粉絲煲。同樣是女人街，我食過另一間韓國餐廳的同一道菜，價錢比這裡貴，就試試這裡的質素如何。店員拿來一盤前菜，說我可以選兩款。泡菜酸辣並重，大豆芽則爽脆。辣牛肉粉絲煲(跟飯)($43)，上菜時還不斷冒煙呢。裡面的配料裝的好像幾滿，期待試食。嘩，裡面的配料真的很多！湯底飲到有牛肉味帶點辣，相信除了加入韓式調味外還加了黑胡椒，令湯底濃得來辣得來帶點香味。牛肉都有幾多小塊，大部分帶點肥，食起上來會較香較滑。湯裡打了一隻蛋，還有韓式粉絲，這兩樣吸收了湯的味道很濃郁。還有的是湯裡有大量蔥類，煮得淋了吸收了湯的精華又帶少許蔥的辣味，配著湯和飯能夠突顯精華。由於之前食過附近的另一間韓食，對比之下我才知道之前食的那間根本不夠水準：湯純粹用辣醬開水沒有層次又較淡、牛肉寥寥可數又硬、粉絲的份量大概是這裡的一半而已、價錢較貴。相反這裡的湯濃郁有層次，配料豐富好

近排又鍾意咗去叫（🐔雞）😂😂😂😂🤣任食芝士🐔雞..........雪🍐梨汁——香甜🍐味，啖啖都係雪梨肉👍👍👍👍薑蜜茶—-濃郁薑味，好飲濃郁滿滿拉絲又有口感的芝士，睇到已經難已抗拒⋯⋯芝士味的濃香配上軟熟的雞肉，滑嫩無比。芝士紫菜包心蛋卷——-即制熱辣辣的蛋卷，愛吃芝士的人仕，直情係一個大滿足。蛋滑溜，紫菜脆香，卷埋一齊食，非常配合，口感一流。韓國🇰🇷壽司——用幾款瓜類同肉碎一齊卷，食落爽囗又唔會滯，點埋醬汁仲有好惹味。😊😋五.款炸🐔雞味道又係任你叫：1-甜酸味——吃落像咕碌肉的味道，開胃又醒胃😊😋2-醬汁味——燒烤醬汁…帶有烤香的甜，又係非常惹味⋯⋯😊😊3-薑蔥味——平日食白切雞就點薑蔥點得多，估唔到食炸雞係薑蔥味，又幾得意😛😛4-蜜糖味——大眾化口味的蜜糖味道😀5-芝士味——芝士粉鋪滿炸雞🐔，芝士迷，肯定不能錯過😌😌白蘿白比你解下熱氣，清清熱，又幾細心😀😀😀😀😀坐位舒適，環境地方又大，咁就要好好享受叫⋯⋯⋯⋯⋯🐔任食芝士🐔 ⋯⋯任食炸🐔⋯⋯🤣🤣🤣🤣🤣🤣🤣🤣🤣🤣

好久沒來旺角吃飯，今日約朋友吃一間任食烤雞跟炸雞的餐廳。這間梨滿園在信和後方，位處一樓，炸雞任食$128，芝士雞三款主食則$138首先會全部材料都上一次，喜歡的可以加點鐵板芝士雞似是醬油雞做底，加些芝士，可以無限拉絲。件頭很大，芝士也有夠多紫菜卷蛋基本就是玉子燒內含紫菜跟拉絲芝士，還加上了茄醬，非常有趣韓式壽司則是比較清，有飯跟幾款漬物的混合如想加炸雞任吃，只要+20元共有5款，分別是芝士，甜辣，蜜糖，醬油，薑蔥最好的是乾身的芝士，其餘都略嫌太濕略甜，除了薑蒽還有點韓式大蒽作伴碟外很便宜，但上菜的效率有點低，大家注意一下。