棋哥燒鵝 (已結業)

諗住食間好食啲嘅燒鵝，突登去尖沙咀買點外賣完睇到 成個髀位嘅皮冇晒，問佢仲同我講係後髀所以冇皮🙂講完佢自己都心虛望望共真係當我未食過燒鵝，一睇肉嘅表皮就知係唔知樣扯甩晒成塊皮 然後就咁出餐就算，食燒鵝咁大忽冇皮都唔知食燒鵝黎做咩呢😂講真我相信7-9成人食燒鵝都係為左夠香夠脆 皮好食好似你叫碟例牌下莊 跟住半碟都冇皮 你話激唔激死以前都好仲意食，覺得佢燒鵝皮脆又有炭燒味，同埋真係鵝(好多都鴨扮鴨) 同出面有差距，所以都覺得食得過但依家愈食愈退步🙂以後應該都唔會點食，特別尖沙咀，每叫一次外賣食一次都覺得退步一次，呢個價位我不如食第二間，橫掂同出面嘅質素都差唔多

成碟招牌鵝無肉，全皮，如果要減肥唔食肉就來棋哥食光鵝呃錢餐廳， 大家樂都比棋哥好，難怪繁忙時間都唔洗排隊，$65價錢，$20水平，寧願食兩餸飯都比食棋哥光鵝好，慎重考慮！瘦到可以參考圖，成隻鵝都無肉得皮，皮還可以，算唔錯，但一點肉都無有點過份，食水深大家樂都比棋哥好

之前吃過一次外賣燒鵝飯和堂食常餐，都好好味，鵝好香，常餐炒蛋很滑，但堂食就坐得有d 迫。今日外賣雙拼，燒鵝同埋燒腩肉，飯轉左米粉。打開嗰個細細個外賣盒，極度失望，燒腩仔全部係肥嘅，為咗掩飾份量少，佢係切到一條條，唔係一塊塊的，燒鵝全部俾晒背一啲肉都冇得食，等如成個餐我都冇肉食！外賣係平d, 但俾啲咁嘅質素人哋，完全唔值囉！我諗我有排唔敢再去幫襯。就算再幫襯都一定堂食，見到有咩唔對路即刻出聲。想放上次燒鵝飯張相但唔知點解上載唔到。

外賣燒味要比兩蚊買薑茸，比咗錢又唔裝，等返咗去先發現，叫外賣真係要睇清楚d，好過分，兩個收銀掛住吹水，當客人透明，係咪真係要檢討下，認真d做嘢啦，認真係好失望，

講開棋哥燒鵝，我估大家會即刻諗起佢嘅燒鵝🍗其實佢嘅脆皮燒腩仔都好震撼味蕾💥機緣巧合之下，嘆到佢下午茶優惠，大大碗脆皮燒腩仔飯連熱飲先HK$40🤑真心好味又抵食！佢脆皮唔再講，肥瘦分明(頭中尾各夾起嚿燒肉俾大家睇清楚)、肉質鬆化軟腍無渣、咸度適中）連隔離條菜心都用上湯浸過，食落清甜👍🏻

Afternoon tea is available 2.30~6.00pm, and is a good way to try their roast meats in a smaller portion. The restaurant is busy, and tables fill as fast as they are left. I order set A, their famous roast goose with rice vermicelli, and hot milk tea ($45). It comes out in less than a minute. I am seated next to the kitchen, and I can see that they turn out dishes with rapid efficiency, and it's quite fascinating to watch. The waiters are fast yet still welcoming.The goose is juicy and tender. As

九點鐘左右入去食晚餐，可惜瀨粉油菜都賣晒，得返飯食。揀左最common個棋哥燒鵝飯，份量都好多。另外加咗個手撕雞小食，個人覺得鹽焗手撕雞比較好食同入味，不過食食吓見到細條頭髮絲。同埋唔知係咪臨收工，本來會放出黎嘅餐具要叫先比，燒鵝汁放左係台一陣就收走左...

香港地我好鐘意食燒鵝，食過鏞記，甘牌，一樂 (以前大埔好食過中環），深井，西貢永和 (話系以前海霸師傅，但食吾到有幾好食），等等等......, 個人覺得加拿芬道呢間棋哥系值得推介，可能店小做外貫多，貨流快，熱辣辣外脆內軟，淡淡煙薰香氣，沒有大肥膏，鵝油比例均勻，鵝肉甘香嫩滑，外賣首選。

首先入到去餐廳門口完全係無視狀態但其他客人職員係見到喎 而且有招呼 期後坐係餐廳到其他職員係見到但唔會有招呼 之後開口問可以下單嗎 就好無禮貌 食咩呀 好不情願 都未食 已經咁啦 看不起人一樣

今日同男朋友去尖沙咀，睇戲前諗住夜晚快食。所以入咗去食，點知真係食到一肚氣。我叫咗個燒鵝瀨粉(+10蚊轉胸)，我男朋友就叫咗個叉雞飯。重點嚟啦，一上到枱上咗兩個飯，即刻同翻個姐姐講我係叫瀨粉。點知佢到咗先同我講瀨粉賣哂....轉米粉好唔好？都算...仲要根本冇胸，全部都係骨頭我男朋友個叉雞飯，少到餸頭餸尾咁仲要冇乜肉...之後再問姐姐平時份量真係咁嫁咩？姐姐都用一個非常尷尬嘅表情同我講我幫你問下。最後都係用碗仔比個兩件雞胸就算，我真係無言。老實講句，佢味道真係唔算太差。但係而佢咁既價錢 (晚市)嚟講，今次呢個經歷簡直係受難。真係唔好意思，成餐飯嬲到爆。所以冇影相，只係想提醒大家如果係收檔前，就真係唔好去食啦。我嗰日入坐只係夜晚8:45分左右...不過今次經歷真係令我冇下次。

一個人用膳，去到棋哥嗰度，永遠唔使諗就係食$52常餐。有火腿、有香多士、有炒滑蛋、仲有一大碗叉燒意粉配菜，嘆埋杯熱奶茶very good 棋哥嘅燒鵝、燒味出名就唔需要多介紹，但如果你好似我咁一個人唔知食咩，又出開尖沙咀，我嘅首選就係棋哥嘅常餐，因為以$52黎講食得夠飽，味道質素有保證同埋食到既食物種類又多，棋哥係不二之選。棋哥燒鵝 (尖沙咀)地址：尖沙咀加拿分道40-46號香檳大廈地下2號舖電話號碼：23486288營業時間: 星期一至日10:00-22:30

墨黑色的鵝，有頭有尾的乾叉燒，無油有鹽的薑蓉，正宗雞髀～腳......... 可能這就是用外賣app有折扣的額外優惠吧，好一個五寶飯，有圖有真相下次再不敢用折扣了

今次又利到尖沙咀，做得好味既燒鵝又抵食茶餐$45蚊，今次仲要係鵝臂！服務方面：⭐️⭐️⭐️⭐️⭐️去過幾次都覺得店員積極有禮貌食物方面：除左燒鵝好食，湯底都夠味。最驚喜既係手撕雞，應該係雞既1/4，手撕雞個辣味唔係出面食到既 例牌：$28（算幾抵食）環境方面：干淨企理 去過三四次台面都係白雪雪干淨既 空間大既總括利講好滿意，以尖沙咀利講應該算係好抵食，推介食（燒鵝瀨$45+手撕雞$28）但手撕雞偏辣叫凍飲好D

今日係尖沙咀加拿芬道行過，途經棋哥燒鵝餐廳食下午茶，原來燒味都有下午茶餐，咁就試一下先。呢度通道寬敞，卡位之間保持闊落，而且唔似一般茶餐廳嘅裝修，有點新穎嘅感覺。茶餐叉燒飯同燒腩仔飯都係$40，仲有熱飲一杯可以選擇，凍飲就要另加$3。叉燒飯都好多叉燒，肉質普通，比較乾身，而且沒有野味嘅叉燒汁燒腩仔飯一般，似燒肉多D，個燒肉皮唔脆，有芥辣飲品叫左熱奶茶，夠茶味食物水準一般，但又唔係太差，祇係沒有驚喜，但勝在抵食下次要試下燒鵝先

今日下午茶時間去左食燒味，試左棋哥茶餐廳，不過無試最出名嘅燒鵝，要下次再去試環境係新裝修格式， 感覺都幾乾淨 下午茶有多款選擇，除咗燒味飯之外，仲有菠蘿包及多士等， 都包一杯餐飲我哋叫咗一碗叉燒飯同埋一碗脆皮燒腩仔飯叉燒肥瘦適中，但可惜叉燒汁欠奉另外，脆皮燒腩仔飯附上芥辣，但係脆皮燒腩仔個皮就唔係咁脆啦，肉質就普普通通餐飲就叫咗佢哋嘅熱奶茶，茶味香濃普通燒味飯嚟講就不過不失，而且沒有什麼期望， 地方總算很好整潔