棋子燒鵝 (旺角道)

营业中

休息中

長期食堂，價錢平民，但食物相當唔錯，由其是佢哋嘅鹽焗手撕雞，唔會鞋口，味道仲好唔錯，唔想食飯仲可以轉瀨粉或者米粉，岩曬我呢啲瀨粉控，每次都必轉🤭，另外仲有佢哋嘅叉燒，超入味，而且份量都幾多下，可以要求半肥瘦，師傅必定做到比你👍🏼仲唔會乾真真，撈飯食啱晒！重點係只需要$40個餐仲包埋例湯，真係抵到爛，所以都吸引咗唔少遊客，如果要堂食都真係提前少少排隊，不過提前手機落單外賣出單速度都好快，而且食咗咁多次都冇出錯，雖然人多忙，但係員工嘅出餐速度都相當高😆👏

由旺角中心行去5分鍾左右，就經過呢間#棋子燒鵝 ，見到有唔少人等緊外賣，餐廳環境乾淨，就同朋友入內食晚飯，就叫咗個二人餐食，水準一啲都唔失禮！抵食2人餐🥢［ 燒鵝（例牌）】外皮已經夠哂分， 色澤金黃，哎吔，脆皮一聲！夾一塊落口，咬落去仲有陣酥香嘅味道，肉層軟嫩得嚟肉汁豐富，每啖都為味蕾都十分享受，配上白飯，簡直一流。［白切雞］雞生熟程度做得啱啱好，近骨位置啱啱熟。豉油味香濃，送飯一流，必點之一。［菜心］份量正常，入口鮮嫩，很爽甜！［米粉］［凍檸檬茶］X2總結：燒鵝味道一流，食到燒鵝果香，好少燒味餐廳能做到，特別要讚餐廳環境，坐得很舒服，大家食得好開心。

今日同朋友去旺角搵食，試咗呢間「棋子燒鵝」，貪佢有套餐夠抵食！一個例牌燒鵝＋燒味單拼＋郊外油菜＋主食＋飲品，散叫嘅話肯定貴一截，套餐慳唔少～ **🔥 棋子燒鵝（例牌）** 招牌必試！鵝皮燒得脆卜卜，肉質嫩滑唔乾身，仲有少少肉汁滲出嚟。醬汁鹹甜適中，但唔會蓋過鵝肉原味，送飯一流！ **🍖 單拼燒味｜肥叉燒** 揀咗肥叉，果然冇失望！半肥瘦比例完美，肥肉相間，邪惡但滿足～如果怕膩可以配啖瀨粉食啖白飯平衡下。 **🥬 郊外油菜｜白灼菜心** 菜心新鮮冇渣，淋咗少少豉油，再點少少燒鵝汁，簡單清爽，中和返燒味嘅油膩感。 **🍚 主食｜瀨粉 / 白飯** 瀨粉夠彈有口感，不過食燒味始終都係撈白飯最好味！ **💡 外賣優惠Tips** 見到門口貼住外賣限定：買半隻燒鵝可以用$10換購半隻切雞！岩哂屋企加餸抵食～ **總結** 性價比高嘅燒味店，尤其套餐真係平靚正。肥叉同燒鵝都出色，服務同環境就一般茶記格局，但為咗個味道會再encore！

之前屋企人喺度斬料加餸，好耐都冇試過咁好味嘅燒味，原來仲系好多明星幫襯，價錢大眾化，今日經過入嚟食燒味飯棋子燒鵝五寶飯之前食過佢嘅燒鵝鵝，真系一試難忘香脆鵝皮滲出煙薰柴火香味皮下薄薄一層脂肪，入口時油脂香夾埋鵝肉香味肉嫩多汁，燒鵝汁滲入d飯度更香口半肥瘦叉燒，肉質松化，蜜味甘香，蜜汁令叉燒更亮澤紅腸略帶煙薰味，咸蛋系五寶飯精髓之一桶子豉油雞飯豉油雞肉質滑嫩，豉油香入味唔會死咸。雞皮光滑，又唔會太肥，咬落去食到皮與肉之間那層薄薄的膠質。配埋佢秘制姜蓉帶出雞肉更鮮甜加埋油菜同飲品，豐富美味嘅一餐

**極度差劣的外賣體驗！強烈不推薦！** 今日叫咗棋子燒鵝外賣，明明落單時清楚註明「免斬」，結果送到打開竟然被斬開一半！唔單止無尊重客人要求，仲擅自改動食物處理方式，完全破壞燒鵝原隻風味，肉汁流失，皮都唔脆了。 更離譜的是，份量明顯被「偷雞」！同堂食比，外賣盒睇落少咗一大截，似係被克扣。打電話去問，店員態度敷衍，只係話「師傅可能睇漏單」，毫無歉意。我付原隻價錢，換來半隻體驗，仲要品質打折，簡直係欺詐！ 外賣包裝亦馬虎，醬汁漏到周圍都係，盒邊油漬斑斑，衛生堪憂。燒鵝本身味道尚可，但服務同誠信零分！ **總結**：連基本客戶要求都做唔到，仲要偷工減料，絕對唔會再幫襯！呼籲大家叫外賣前三思，免得同我一樣中伏！

一直係棋子燒鵝忠實粉絲，今天外賣飯盒，離遠見㕑師斬左六至七件燒鵝，滿心歡喜，回家一看，燒鵝全部只有皮同骨，根本下欄到可以當作㕑餘，價值$53嘅雙拼飯，怎能刻薄到只偷偷斬多幾件皮同骨嘅㕑餘，更以為顧客外賣回家，可以瞞天過海！立即回店展現證據，店員和㕑師都知理虧，馬上退款。再向店員要求向總部反映，佢叫我上Openrice投訴，佩服得五體投地。我始終相信棋子苦心經營，乃香港高質品牌，奈何若個別員工唯利是圖，罔顧消費者權益，希望管理層能予以警惕

今晚放工想食燒味晚餐, 同事提議食燒鵝, 結果去了旺角道 抬頭看見那玻璃櫃掛的燒味,  顏色觀感不俗.  餐室門外有很多人等位, 也有很多客人等外賣.   餐室面積不太大,   全廳座位.   我們取了登記號碼, 20 分鐘後再回來.    餐牌好清晰, 項目不少, 價目夠詳細,  我們點了 2人套餐.   有棋子燒鵝(例牌), 單拼燒味選 1款, 郊外油菜, 白飯/瀨粉/米粉/河粉,  老火靚湯/茶, 好豐富, $248- 不收加一服務費,  好扺食. 店員送來餐茶,  餐湯.   大家各式其式.   我要熱檸檬茶.   準備食燒味去膩.  同事飲湯,  雞腳煲瘦肉湯,  她說味道好. 燒鵝, 招牌棋子燒鵝送到,  好搶眼, 顏色立立令, 味香四溢,  鵝皮脆脆, 鵝肉厚厚.叉燒,  賣相不錯.  用了五花腩肉, 不油膩,   真滋味. 伴有蠔油菜心,  嫩綠好爽口.燒鵝 叉燒, 份量好滿意. 白飯粒粒完整, 雪白分明, 系用靚米.鵝肉厚而不肥,   配有秘制燒鵝酸梅醬,  點些醬汁很滋味, 送飯一流.  滲 出陣陣炭燒香. 入口肉質稔香, 沒有半點膻味,  脆皮底下的鵝肉好鬆軟.這

我喺棋子燒鵝叫咗一盒燒鵝脾同叉燒，真係食到停唔到口！燒鵝脾香氣撲鼻，鵝脾肉質粉嫩多汁，外皮薄脆光澤，食落咬勁十足，油脂恰到好處，令味道更加豐富。鵝脾肉質軟熟幼嫩，帶有獨特的香味，比起燒鴨更為出色。叉燒亦燒得啱啱好，唔會過火，即使係叫瘦叉，肉質都唔乾柴，入口鮮嫩美味，真係讚不絕口！總括黎講，叉燒真係一流，下次試下半肥瘦款式啦！總括而言，棋子燒鵝嘅燒鵝脾同叉燒絕對值得一試。燒鵝脾香煙燻味濃厚，肉質鮮嫩不柴，叉燒肉質嫩滑多汁，口感絕佳。味道豐富，每一口都讓人回味無窮。如果你鍾意美食，絕對唔可以錯過棋子燒鵝嘅招牌菜式！

一諗到想食燒味飯，就一定會聯想到一間餐廳名，就是棋子燒鵝，所以又和Foo 去了食棋子燒鵝，哈哈。棋子燒鵝髀飯$105 奉送是日例湯追加冷熱飲品加$7 大大隻燒鵝髀，外型澎湃，皮光嫩滑，粉嫩肉身，香脆且薄薄的外皮，令人食過返尋味。味道比雞/鴨更好味。啖啖肉，滋味在心頭。燒鵝髀汁的咸甜度調配恰到好處，既引起食慾，又不掩蓋燒鵝髀的肉香皮脆口感，愛。白飯一大飽，食完超級飽。鴛鴦手撕雞飯$54奉送是日例湯追加冷熱飲品加$7 一次過食到兩種口味的手撕雞 ，辣與不辣風格，各有特色。辣中有微微的回麻感，刺激食慾味蕾。表層略灑芝麻，增添口感層次。皮嫩零油脂感，連皮食都好食。抵食！有飯有湯，份量又多！

嗰晚同朋友行到肚餓，想食燒鵝，於是我哋就揀咗去棋子燒鵝。呢間舖頭喺街坊之間好出名，特別係佢哋嘅燒味，所以好多人斬料返家加餸，店員忙不停。我哋點咗二人餐，$218，入面有棋子燒鵝例牌、單拼燒味、郊外油菜、瀨粉兩碗同埋兩杯飲品。仲另外加咗個麻辣手撕雞，$28。燒鵝，真係唔負所望。鵝皮燒得脆，入口有種「卡滋」聲，而鵝肉入面仲保持住嫩滑，唔會乾柴，肉汁豐富，帶有陣陣炭燒香味。配埋佢哋嘅秘製甜梅醬，酸酸甜甜，完美平衡咗鵝肉嘅油膩感，真係一啖接一啖，食到停唔到口。單拼燒味嗰碟我哋揀咗叉燒。叉燒煮得啱啱好，外層微焦，帶有少少蜜糖嘅甜味，內裡嘅肉質嫩滑，脂肪同瘦肉比例剛剛好，入面嘅肉汁滲出嚟，令人回味。麻辣手撕雞 $28呢雞肉鮮嫩，辣味有勁，又有啲麻麻嘅感覺，加上啲芝麻，味道更加豐富，真係好醒胃，食完之後胃口更大開。瀨粉亦都好正，粉質順滑，湯底清甜，唔會太重口味，配埋啲郊外油菜，清清淡淡，正好中和返燒味嘅濃郁。最後，當然唔少得嚟杯凍菜蜜同奶茶嚟個結尾，下次可以再單🤪

店內明明有很多餐枱和坐位，但待應卻安排我1人座位非常靠近洗手間，我問待應可否安排坐位不十分靠近厕所門則，待應話問女經理，但她語氣態度似乾客咁叫我出門口等，妳不休做生意咁我亦不會再光臨!

身為香港人，平時有外地嚟朋友問我邊間燒味舖好食真係唔識答~ 反而要佢哋介紹返我食🤣今次就試咗棋子燒鵝🪿1人餐到6人餐都有, 幾方便~我就叫左個2人餐😆 $218🪿棋子燒鵝 （例牌）皮脆肉嫩,油而不膩🥹google一下棋子燒鵝大名👏🏼原來！係打煙燻燒鵝，仲自設鵝場，堅持採用5斤四両重的無生養母鵝，以皮脆肉嫩，味濃油香突圍🤭酸梅醬成支任你落 （加分！！)✨單拼燒味（例牌）叫左叉燒🤤份量都幾多肥瘦適中又帶d焦香，肉質柔軟，很好送飯🍚🥬郊外油菜🍚白飯/瀨粉/米粉個人pick瀨粉&白飯🤭 ☕老火湯/ 飲品花生眉豆雞腳湯✨ 飲完無口渴！👆🏼2人餐分量已經好足夠&抵食！！但係只係夜晚7點，麻辣手撕雞已賣完，鹽焗手撕雞得番一份😧立即叫個小食🐥鹽焗手撕雞$28鹹香好食，啖啖肉，唔怪得知咁受歡迎🙂‍↕️.一路食都有好多人買外賣同全場爆滿😆 我覺得環境比一般燒味店衛生乾淨，食得安心啲，同埋真係好食！

天氣炎熱就選擇出外用膳，今晚在「棋子燒鵝」吃燒味晚餐。二人精選 套餐很合意：燒鵝例牌、單拼一款自選燒味、郊外油菜、 白飯/湯粉、 老火靚湯/餐飲。棋子燒鵝~肉質鮮嫩多汁，香味濃郁，配梅子醬吃更會越吃越開胃喝。燒腩仔~皮脆肉滑的味道的確百吃不厭！清湯瀨粉和米粉，清清地又容易消化。郊外油菜~腍甜菜心，很能瓦解多吃肉的油膩感。老火靚湯、 凍柚子蜜 ~看到湯料有豬骨、花生和眉豆，湯水很清甜。全日常餐： 棋子叉燒 米粉、 香炒滑蛋&火腿、牛油口多士、熱奶茶 ；售$45，十分抵食。順便外賣自取 為家人斬料加餸：腍瘦叉燒 和桶子油雞。

已经连续两周从深圳来香港吃这个了!!! 香港永远是香港，还是我心里的「美食天堂」，我爱香港饮茶、烧肉、放题、日料、烧鹅、牛腩……真的不要错过香港！！🇭🇰.棋子烧鹅！每次在门口搭巴士回家都被香迷糊了，带上阿妈来试试啦😌正宗的港式烧鹅，烧腊每日新鲜出炉！下午茶set很给力啊……30几就有套餐，价格亲民！ .😆✅招牌的烧鹅是必点，烧鹅分量很足，皮脆肉嫩，我选择的是上庄，肥油不多，肉质紧实入味，肉汁丰沛鲜美，值得一尝！！而且他们家现在有真空烧鹅可以带上✈️🚄了！超级方便！ #香港美食 #香港吃喝玩乐#香港周末吃什么#香港人深圳周末攻略 #旺角美食#香港人周末去深圳吃什么#香港烧腊 #棋子烧鹅 #烧鹅濑粉 #香港烧鹅濑粉#旺角探店#

之前聽朋友講話燒鵝好食，所以特登買返嚟試，點知有d失望。首先講燒鵝，肉質算嫩滑，其實煙燻味好香，但可惜皮唔脆，有d失望。至於叉燒就好咸，而且太瘦，所以食落有d乾，仲有我食到某d會有少少豬臭味，不過其他人話食唔到。