棋子燒鵝 (長沙灣道)

营业中

休息中

想食棋子燒鵝好耐了😍😍深水埗呢間分店仲要超方便行出地鐵站20秒就到 而且裏面光鮮整潔完全唔似平時我哋幫襯開嘅燒臘鋪先點左個雙拼飯 油雞拼燒鵝髀呢度當然必點佢嘅燒鵝髀！夠晒甘香明顯係經過特別處理 外表勁脆皮！～食落去嗰下肉汁走晒出嚟 鮮嫩美味跟餐可以加多個例湯今日青紅蘿蔔好清甜仲有可以加碟青菜都係$15有通菜芥蘭等另外發現呢度有個常餐 叫咗個叉燒意粉仲拼埋炒滑蛋方包 大件夾抵食啲叉燒亦都切得好均勻添 色水都唔錯另外佢哋亦都有幾款手撕雞我即席揀咗麻辣手撕雞 佢嘅辣度好刺激越級挑戰我嘅味蕾 上面仲有好多芝麻好香另外我要讚一讚個菠蘿油外熱內冷塊牛油正正方方 慢慢融化～><好正好正Finally仲叫埋個奶油多 烘到黃金顏色加埋煉奶甜甜地 口感鬆軟無比😙👍🏼下次一定要嚟食今日缺貨嘅乳豬同燻蹄！

這間燒味店地方寬敞, 光線非常充足。餐牌上有很多款式的燒味飯供選擇, 亦可以外賣燒鵝、油雞、叉燒等等帶回家吃。//原隻燒鵝髀飯//燒鵝髀大大件! 燒鵝皮有油香, 肉質幾嫩, 入口有煙燻味, 配白飯吃一流！//全日常餐//叉燒通粉 - 我喜歡這款叉燒, 不太肥, 入味又不乾身。香滑炒蛋及火腿牛油厚多士 - 炒蛋炒得夠嫩滑, 仍留有蛋汁, 亦有牛油香氣。烘過的多士有輕微香脆的口感, 我喜歡把炒蛋和火腿放在多士上一起吃, 味道更豐富!

-深水埗區多嘢食 價錢大眾化不過人多擠迫 我情願斬大嚿叉燒 買返屋企食燒味餐-🦆#燒鵝五寶飯 ($68）呢度燒鵝出名 皮脆鵝肉味濃 上次我單叫一隻燒鵝髀 食得滋味 今次叫五寶飯 燒鵝以外 搭啲叉燒油雞紅腸同半隻鹹蛋 食啱邊款燒味 下次可以孖住燒鵝叫雙拼飯-🥓🐓#外賣燒味組合 ($115）套餐有兩個組合供選擇 我揀B餐 有半斤燒腩仔加半隻雞 燒腩仔係我心頭好 佢肥瘦相間 脂肪瘦肉分佈均勻 外皮烤烘得脆卜卜 食落香脆有油香又有嫩肉 半隻雞可以揀白切雞或豉油雞 豉油雞皮拎立立 豉油上色均勻 比白切雞更吸引-📍#棋子燒鵝深水埗長沙灣道233-239號惠康大廈地下

今晚收工去左深水埗買野順便食埋晚飯先番屋企, 臨近月尾又糧尾💸, 當然要慳住食🤣 經過見到E間燒味店嘅燒味好似幾靚咁, 就同朋友入去試下! 餐廳入面幾光猛, 座位都算多, 坐得幾舒服! 以一間專做燒味嘅食店嚟講, 選擇都幾多, 除左有燒味之外, 仲有其他小食! 既然叫棋子燒鵝, 當然要叫燒鵝試下啦, 於是小妹同朋友叫左一個燒鵝拼燒腩仔飯, 燒鵝拼叉燒飯同一碗老火湯😊老火湯睇落幾足料, 飲落味道清甜!燒鵝外皮香脆有光澤, 肉質肥厚, 油潤甘香, 口感嫩滑, 鵝味濃郁, 肉汁多而不帶腥味, 推介😋👍🏻! 燒腩仔外皮咬落脆卜卜, 肥瘦比例適中, 肉質鬆化軟腍無渣!叉燒色澤光亮帶焦香, 質感厚實, 混合埋蜜汁香甜味道, 味濃甘香, 不過小妹個人認為如果可以肥多少少就更好🤣!

加餸加餸，夜晚煮好飯就出去外賣燒味加餸！棋哥旗下的棋子燒鵝@深水埗，顧名思義，燒鵝一定係鎮店之寶啦！外賣燒味斬料餐牌：今期推介，十蚊雞：燒鵝上莊（$135）脆皮燒腩仔半斤（$60）因為外賣關係，所以預先穿開個口唔會有倒汗水，兩款份量都幾多，先講燒腩仔，肥膏同肉層層分明，外皮果然燒得夠脆，伴酒一流！至於招牌燒鵝，果然不失所望，燒鵝甘香肥沃，皮脆肉嫩，份量唔少，連燒鵝汁及酸梅醬一齊伴白飯食，簡直係人間美味。

返工日日都會行經呢個舖位，同事成日話想試下，今日我哋終於相約去「棋子燒鵝」食午餐🥢。餐廳位置十分方便，地鐵站出口廿秒內行到嘅距離！之前喺尖沙咀試過棋哥燒鵝，今次就試佢嘅姐妹品牌，不過進內後發覺環境格局、餐牌同餐具等都差唔多，哈哈😄。我哋事不宜遲，即刻揀食乜，爭取時間。呢度上菜速度快，抵讚！棋子燒鵝片飯($90)，我相信大部份嚟幫襯嘅人都必定會嗌燒鵝，當然我哋亦唔例外。由於我哋都係好怕食骨嘅人，所以嗌鵝片就最適合不過🈴。飯量正常，男仔食都夠飽。燒鵝皮果然燒得唔錯，好香口同好脆😋，而且一咬開更有份油香，但又唔會過膩。同時，大家千奇唔好錯過枱面樽酸梅醬，沾埋佢食真係好鬼正。每塊鵝片都相當厚切，食落口感一流，肉嫩唔韌，無羶味👍。燒味雙併飯($63)，轉湯瀨粉。嗌湯粉，燒味就會主動分開上。其實我哋本身想嗌乳豬雙併，但可惜乳豬午市時段已經售罄😖。正常版燒味可以揀叉燒、腩仔、切雞、油雞、燻蹄、紅腸或者鹹蛋。我哋要咗棋子叉燒併脆皮燒腩仔🐷，兩者都係大啖肉，啱哂我哋，嘻嘻。燒味賣相吸引，份量亦都唔少。食燒味我最鍾意配瀨粉🍜，呢度嘅瀨粉唔會煮到碎濕濕，而且亦夠粗兼有咬口；但我略嫌湯底淡咗啲，同埋我唔記得走

好耐都冇去過深水埗, 今日出泥買D野諗住順便食個車仔麵, 點知去到幾間都排哂長龍, 唔想係條街度逗留咁耐, 諗住走人啦沿路行去搭車個陣見到棋子燒鵝, 知道佢係棋哥既子品牌, 真係佢個仔開既! 人入面唔係好多人, 既然咁岩就入去食個飯~環境比起一舨食燒味既地方企理乾淨(如果唔係我都唔會入去), 不錯。有餐叫, 包左熱飲一杯, 另加8蚊有老火靚湯。老火靚湯湯料有豬骨, 蘿蔔, 味道清甜有D似屋企煲既湯~原隻燒鵝脾飯燒鵝脾鋪係飯面個樣真係幾吸引, 好大隻! 外皮色澤呈赤紅色, 表面油光亮麗, 好似好正咁! 一啖咬落去, 首先咬到 鵝皮既脆, 然後鵝油同鵝肉充滿口腔, 肉冇乜肥膏但不失細嫩, 鵝油味道非常香, 一D都唔酥!燒鵝拼腩仔瀨粉原本想揀乳豬但賣哂, 於是揀左腩仔。腩仔肥瘦均勻一層肥一層瘦, 最緊要外皮十分脆口, 肉質彈牙厚實。燒鵝係背位, 味道一樣咁香濃, 但當然唔夠脾位咁啖啖肉啦, 中意既話都可以加錢轉脾。另外我都幾中意瀨粉既湯頭, 清得黎又夠味, 唔會過咸。依度食燒味感覺一D都唔麻甩, 而且唔係求求其其既質素, 值得一試。

前晚黑老公去了棋子燒鵝斬料加餸，買咗棋子燒鵝嘅麻辣手撕雞同燒鵝。燒鵝下半莊（$145）夠大隻肉厚，聽講每日自己餐廳燒，所以特別新鮮，鵝肉和脂肪比例平均，皮薄香脆，肉汁濃厚，配上秘製酸梅醬和醬油，更帶出了鵝肉的鮮味，撈飯幾開胃吓。麻辣手撕雞（$70），半隻的手撕雞份量經已好大盒，$70都算抵食，麻辣得來帶點惹味，雞肉冇太多脂肪幾好。配上大量芝麻粒，多左個芝麻香味，用嚟送飯一流👍🏻。以後斬料加餸又多個幾好嘅選擇啦！下次加餸買燒腩仔、叉燒燒吓先😋😋

{性價比高的燒味飯😀}#kong_girl_foodie出街食呢排疫情嚴重返，所以喺深水埗買咗燒味外賣返屋企同爸爸食！.❣️燒鵝飯$53❣️燒味雙拼飯$53燒鵝，叉燒，腩仔都好好食！燒鵝嘅外皮非常多油食，叉燒肥瘦均勻，腩仔非常香脆！而且飯嘅份量好多，豉油都足夠！.📝總結呢間性價比都幾高， $53就有燒鵝飯同埋雙拼飯，而且質素都唔差，大大份！非常推薦！.❣️食完俾分時間❣️🌟食物: 8/10🌟環境: 7.5/10🌟服務: 6/10🌟打卡: 7/10🌟推介: 7.5/10.📍 棋子燒鵝 深水埗長沙灣道233-239號惠康大廈地舖#香港 #香港美食 #美食分享 #香港吃貨 #hkfoodie #hkfood #hongkong #hkig #深水埗美食 #深水埗

🌕Hello我係Moon🌕冇去一排深水埗又發現左多咗好多新嘅嘢食，好多好高質素嘅嘢食都係喺深水埗搵到，🧐有時候唔知道夜晚加咩餸，我都會喺深水埗行吓睇吓有咩新野食！經過見到呢一間俾好多隻燒鵝吸引着，🤭而且價錢仲好抵添！😳今晚加餸就決定食燒鵝啦，🥰一隻燒鵝食得太大隻啦所以我就要半隻燒鵝，不過半隻燒鵝其實都好大份，😚燒鵝斬件嘅時候我已經聞到好香好香嘅燒鵝味道，燒鵝嘅色澤好靚，🤤未食就已經見到好吸引呀！🥰搭返去屋企車程大概半個鐘，🤔就算拎到返屋企，一樣咁好食，😚仲保持到肉汁鮮嫩嘅感覺，🥰我好鍾意佢燒鵝上邊仲俾咗一杯燒鵝汁，😳食嘅時候可以點落去食又或者到晒成杯落去燒鵝度，都好吸引！呢間燒鵝店嘅燒鵝真係好高質素，佢嘅油脂分布得好平均，😳每一啖食落口都係好香嘅燒鵝味道，而且佢肉質真係好滑，🤩唔會出現鞋濕濕嘅感覺，🤯就算外賣返到屋企都仲保持到質素！佢嘅燒鵝皮做到外脆內軟，😜真係要連皮食先最正！🤣🌕MoonMoon對呢間燒鵝店真係好滿意，因為我好少買到高質燒鵝食，😍依間真係高質素，而且價錢合理，半隻燒鵝$265🌕

路過深水埗，見到一間新開嘅棋子燒鵝，原來係係棋哥燒鵝嘅姊妹品牌，唔怪得個名咁熟口面😂首先叫咗個例牌燒鵝，一上到枱已經好濃郁嘅香味，入口有柴香，油脂適中，入口肉汁，唯一扣分嘅位就係不過就冇酸甜醬😢另外叫咗叉燒燒肉飯，叉燒肥瘦分明，唔會乾爭爭，邊角位微焦，整體唔錯。燒肉脂肪同瘦肉層層相間燒肉，我真係好，但係最重要嘅嗰層皮竟然唔脆，有啲失望。整體而言，成餐飯都算幾好，本身想食乳豬但係冇晒，下次要再嚟試過💕

外區人也愛上的抵食雞鵝自取優惠～～～Keyboard前幾日壞了 所以收工馬上去咗深水埗電腦城度買keyboard 以防隨時公司要wfh 買完keyboard之後 係深水埗迷咗路 誤打誤撞之間見到呢一間燒鵝店有好多人排隊～～～行過去睇一睇 原來佢哋做緊外賣自取優惠半隻鵝加十蚊就有半隻鳳中鳳雞 難怪有咁多人排隊啦😄～～～反正都一場嚟到 平時比較少去深水埗 所以就決定買返個雞鵝set返屋企加餸 返到屋企之後一打開個盒睇一睇 哇 半隻鵝同雞估唔到份量有咁多 我地屋企4個人 結果食咗兩日先食得晒 真係好抵食 師奶媽咪表示好滿意😆😆叫我下次路過記得再買😛～～～味道方面也完全無令人失望 雞肉嫩滑 皮又唔會太肥 雞有雞味 無咩挑剔～～～而鵝更係有surprise 鵝質地好滑溜 鵝味亦好濃郁 係少有嘅高質鵝肉 重點係份量真係好多 呢個價錢竟然有咁嘅質素 確係出乎意料 可惜深水埗離屋企比較遠 如果唔係一定會成日買黎加餸～～～推薦度：🔥🔥🔥🔥🔥🔥🔥🔥棋子燒鵝 (深水埗)深水埗長沙灣道233-239號惠康大廈地舖

今天工作完結，在深水埗附近，想幫老爺奶奶加餸，就諗起附近有棋子燒鵝嘅分店😍一於買返去全家一齊食🏡呢度嘅❤️叉燒❤️係用上豬梅肉，半肥瘦，肉質嫩滑，每一件夾起，都有蜜汁粘住，入口咇汁！店舖主打嘅❤️燒鵝❤️，同樣冇令人失望，雖然係外賣返屋企，但外皮同樣keep到脆口，肉質依然咁嫩！而且店家仲好細心，將燒鵝嘅汁分開上，唔洗浸住而影響質感，值得一讚！👍最近仲做緊幾款外賣自取優惠，十分之抵食👍當中包括半斤叉燒+半隻豉油雞＄115半隻燒鵝加$10，就有半隻鳳中鳳雞款款同樣吸引，下次要再試下先😆

之前有食過棋哥燒鵝覺得不錯所以今次行經深水埗見到呢間棋子燒鵝個名同棋哥咁相似就上網check下原來是他的兒子開設的,於是姑且一試由於趕時間關係,所以賣了外帶回家點了原隻燒鵝脾米線加半斤脆皮燒腩仔先說燒鵝,自問不算是食燒鵝專家不過我知道燒鵝要做得有水準賣相要棕色帶紅色澤均匀皮肉要飽滿脹身我見師傅一斬好就即刻影張相先始終外帶回到家可能呈現不到它原本的一面回到家裡,應該是已經收水的關係已經顯得沒有那麼飽滿脹身不過依然一打開就飄來濃郁香氣一啖咬落去,鵝皮仍然香脆既有柴香味又有鵝的油脂香味皮下面既有少許脂肪又有嫩肉仔細看看大家可以見到肉質紋理細緻入口細嫩又有肉汁是騙不了人的我比較喜歡帶點脂肪的鵝因為鵝太瘦就會非常鞋口這隻肥瘦適中就剛剛好無論是配香醬汁還是甜酸醬都一樣好食至於米粉方面,湯頭鮮味都幾重應該完全沒有落味精因為飲完亦不會覺得口渴而燒腩仔雖然放涼了但外皮仍然好脆肉質鬆化軟腍無渣一層肥肉夾一層瘦肉的層次極分明肉味味道醃得剛好即使是近骨的位置亦不會太鹹整體來說,這間棋子燒鵝的食物水準算不錯下次試試切雞同乳豬先

～棋哥應該好多人都聽過，估唔到棋哥有棋子，係附近做完野就過黎試下先🐖燒腩仔半肥瘦叉燒雙併：燒腩仔鹹香、肉香兼具，肥瘦都幾均勻（買燒肉最怕中伏：只有肥不見肉😪）脆皮薄薄的都算是中上味道，形狀剛好係一口燒肉，一口一口地吃，都不覺很膩😄叉燒的蜜汁已經滲入叉燒內，的確很入味，但調味略嫌太鹹甚至比蜜汁濃，半肥瘦適中，不過沒有驚喜😗🦢燒鵝髀飯配凍檸茶：鵝髀質素不錯，做到皮香肉嫩，最正係酸梅醬任點唔嬲，必食的😙 只不過覺得鵝髀偏細隻，對男仔黎講就可能唔夠食也許今日多外賣訂單？忙不過來同埋冷氣大的原因... 食物好似好快吹凍左，如果有方法保持熱熱地就更好啦♨️ 我認為每間鋪都是師傅心得之作，各有各特色，唔應該同其他餐廳比較反而係同下一次比較更有意思，大家可以一試！🥢