棋子燒鵝 (長沙灣道)

营业中

休息中

環境：👍👍👍👍服務：⭐️⭐️⭐️⭐️⭐️味道：😍😍😍😍影相：📸📸📸📸Encore:92%📝進入前要度體溫 ➖➖➖➖➖➖➖➖➖➖➖➖➖➖➖一連四日嘅長假期開始Lu~同隻肥羊去深水埗行「男人天堂」途經見到呢間棋子燒鵝見室內環境吾錯，乾淨企理店員熱情好客，於是就入去食個Lunch先🥳.🔸燒鵝雙拼飯 燒鵝雙拼可以係七款中任揀一款有叉燒，腩仔，切雞，油雞，燻蹄，紅腸同咸蛋今次就燒鵝拼腩仔，連埋飲品都係$68鵝皮色澤赤紅沉實一格格嘅網紋烙印，甚係吸引～呷一口鵝肉，入口酥香又鬆脆油脂豐富但又吾會覺得膩鵝肉嫩滑，吾會有雪藏味💕腩仔脂肪同瘦肉層層相間外皮脆卜卜咁，咬落好似食薯片咁脆🤣腩仔肉鬆化軟腍而無渣入口即化，肉香十足添😋.🔸燒味雙拼飯如果吾想食鵝，呢款就岩哂～任揀兩款包飲品$63揀左叉燒同紅腸叉燒顏色紅亮，味道略甜邊角位微焦，外焦里嫩又實肉🥳由於我係咸蛋控，加多$10食埋原隻咸蛋🙈PS.仲可以用優惠價換購老火靚湯添😂.🔸麻辣手撕雞 $28估吾到份量竟然咁足！雞絲裝滿一碟啖啖雞肉，肉質嫩滑，吾會鞋而且麻辣得黎好惹味

棋哥燒鵝，相信大家都聽過食過；從朋友口中得知，棋子燒鵝原來是棋哥兒子新開的品牌。俗語有云，虎父無犬子，背負著父親的盛名，相信棋子燒鵝更會加把勁，做個出色的鵝二代。位於深水埗的長沙灣道的店子，看見一隻隻新鮮出爐的燒鵝掛在店面，誰也擋不住美食的誘惑，一於吃一碟鵝飯，滿足口腹之慾。棋子燒鵝片飯（HK$90）👍👍👍👍片皮鴨吃得多，片皮鵝還是第一次吃。一片片皮脆肉嫩的燒鵝片整齊排在飯面上，啖啖肉最啱懶人。鵝片用了鵝胸部位，皮下一層薄薄的鵝脂，甘香卻不膩，配合酸梅醬一起吃，味道倍添。燒鵝腩仔飯（HK$68）👍👍👍👍👍這碟是燒鵝腩仔飯，燒鵝切成厚件，口感比燒鵝片更有咬口，如果喜歡有骨落地，鵝件就更適合。燒腩仔的外皮香脆，肥瘦相隔的腩肉入口細嫩，與香脆的外皮相影成「脆」。麻辣手撕雞定食（HK$28）👍👍👍👍除了主食外，我們還點了一款麻辣手撕雞的小吃，雞絲每條都沾滿麻辣醬汁，加上芝蔴後，令手撕雞更添蔴香。熱檸茶（免費）👍👍👍👍跟餐熱飲免費，茶味香濃。凍檸茶（+$3）👍👍👍👍凍飲跟餐加$3，凍檸茶少甜更顕茶香。門面內在環境餐牌

之前睇到一篇startup既報導, 知道棋子燒鵝係子承父業, 係深水埗開左分店, 棋哥燒鵝一向口碑好, 相信棋子取其頭銜, 一定有番咁上下水準掛!以前都會專登去深水埗食燒鵝, 不過自從食開個間質素越泥越差, 已經好耐無食, 今日出開黃金買d野, 醒起棋子, 就突登搵下係邊, 原來一出站行幾步就到, 好方便。大大個棋子燒鵝招牌, 對落就見係燒味部, 入面環境乾淨企理, 食燒味黎講依度算好乾淨舒適!老火靚湯味道清甜唔會好油, 飲完唔會口渴, 入面有好多豬骨同蘿蔔, 幾足料, 唔係味精湯!原隻燒鵝脾飯既然咁耐冇食一食就食好D, 叫原隻燒鵝脾啦! 大大隻燒鵝脾切得整整齊齊, 外皮挺身, 上色均勻而且色澤油潤, 只睇賣相都好吸引。鵝皮入口香脆, 肉質妯嫩, 肥瘦均勻而且非常入味, 特別係近腩位位置, 味道濃郁到盡頭,  一啖咬落去, 我話佢係爆汁都不為過,  滿咀油香超滿足!! 配埋酸梅醬味道更有層次!燒鵝雙拼瀨粉揀左燒鵝拼腩仔, 哇! 燒鵝係上脾位, 加上6舊厚身腩仔, 賣相好靚! 燒鵝一樣係皮脆肉嫩, 唔會因為係叫雙併而質素參差。腩仔皮脆卜卜, 肥瘦相間層次分明, 一DD豬酥味都冇, 咸香又

棋子燒鵝深水埗長沙灣道233-239號惠康大廈地舖呢排都係深水埗開工，成日經過長沙灣道見到呢間新開既燒味餐廳都幾多人幫襯，一直都想試下，今晚屋企人話想加d料，所以即刻唸到呢到每次行過就係比呢個畫面吸引住，d燒鵝真係好靚好有光澤，而d雞同埋燒肉望落都唔錯，樣樣都想試下，真係好難揀餐廳名都叫<棋子燒鵝>,咁當然一定要試下呢到既招牌燒鵝啦，另外我仲叫左叉燒同埋麻辣手撕雞如果唔揀燒鵝既朋友，餐廳仲有個幾抵既外賣組合，半斤叉燒 or 脆皮燒腩仔+半隻雞都幾抵食，只係$115,下次黎會試下點呢個食燒鵝識揀既一定係揀下莊位啦，因為有燒鵝脾啖啖肉我最鐘意，估唔到隔左大半個鐘囉到返屋企食都仲好正，燒鵝皮都仲係好脆，而肉質就保持嫩滑，食落口感唔會覺得好油膩，假如係餐廳堂食應該會更加吸引估唔到半斤叉燒都有咁多，我專登揀左半肥瘦既，食落口感一流，面對住呢d美食，睇黎所有減肥大計都要拋諸腦啦，真係忍唔到口最後仲見到有呢個麻辣手撕雞，點左一份試下估唔到都幾有驚喜，用左麻油，芝麻加埋麻辣撈完既雞非常惹味，又唔會話太辣，我覺得岩岩好，而且係啖啖肉完全無骨，岩晒我呢d懶人，值得推介最後要提一提，覺得餐廳

是日經開深水埗，HONEY去開北河街買野，見到哩間棋子燒鵝，一入到去座位，職員貼心地給上了口罩套我地放好口罩，HONEY點左棋子燒鵝脾飯，我就點左乳豬叉燒飯，再加多8蚊要碗例湯，另外點左熱飲，熱檸茶同埋熱奶茶，棋子燒鵝脾飯棋子燒鵝脾飯大大隻燒鵝脾，燒鵝皮真的香脆，肉質都唔錯，真的招牌飯!!乳豬叉燒飯乳豬叉燒飯我點左廋叉燒，但都不損叉燒看味道，乳豬也香脆，例湯例湯真的唔錯，有足夠的豬骨同埋配料，味道又唔會系味精湯熱檸茶同埋熱奶茶，套餐包埋總結，燒味價錢正路，叉燒，燒鵝質素唔錯。

而家雖然解禁晚市堂食，但係都唔會每晚出街食，基本上都係自己煮或者外賣為主！而家主打外賣斬料既燒味鋪，反而越開越多！我仲問過Ｄ餐廳老闆，佢地話斬料燒味反而無影響！仲有唔少餐廳仲話生意有增長！我地今次斬左一斤叉燒同埋一盒燒鵝片飯！叉燒無特別要求咩部份，師傅斬左一條半肥瘦比我地，食起黎唔會有微甜，少許焦香味道唔會特別濃，唔會太多叉燒汁，太甜太油膩！肥瘦平均！帶肥既邊位叉燒仲非常嫩口！中間瘦肉位都相當唔錯，非常好味！厚切有光澤，肉質軟淋適中，蜜味和肉香相輔相成！一斤＝６００克，夠曬２－３人食！一斤只賣$118!超水準抵食！招牌燒鵝亦都係推介之選！識食一係買原隻燒鵝脾飯！又或者燒鵝片飯，唔洗食骨頭！啖啖肉！鵝皮薄而脆香，肉厚鮮嫩有肉汁！鵝皮既脂肪不多食起黎完全唔油膩～！原隻燒鵝脾飯$108/燒鵝片飯$85 /叉燒一斤$118 燒鵝一隻$528/半隻$265 ,乳豬一斤$238/一隻$788 另有切雞,豉油雞$138,燒腩仔,紅腸, 乳豬五寶飯 $75,岩曬想試曬唔同款燒味既大家選擇!#外賣 #抗疫生活 #深水埗 #燒鵝 #港式燒味 #斬料 #叉燒 #香港美食 #HKBLOG #HKBLOGGER

專程到深水埗睇鋪，於是係棋子燒鵝食晚飯。今次試左新野「手撕雞」。論環境，新裝修，闊落，坐得舒服，係疫情下更加鬆動。服務員都很友善。👉麻辣手撕雞 有驚喜，雞肉鮮嫩，麻辣惹味又不會過分辣，食個不停🤭👉燒鵝拼切雞飯切雞肉質唔會鞋、不見血，但略為咸左D燒鵝少脂肪、肉質唔會鞋，無煙熏味。👉叉燒雙蛋飯燶邊流心蛋好正，個邊再燶少少會更好叉燒好瘦，較鞋， 最失色。下次要order前講明要半肥瘦希望會較好。👉最後讚讚自家煲的青紅蘿蔔瘦肉湯好味👍加$8抵飲#MagicCherry攻美食🍒 #MagicRaymond食好野#飲食情侶 #飲食旅程

近300大元的半隻燒鵝‼️每一件‼️九至八成‼️是脂肪🤢如果鵝都有”癡肥”，這一定是一隻極度”癡肥”的鵝。Wasted almost HKD300 on this lump of fat (not expecting half of a roasted goose to contain the least possible amount of meat).If you would like to try authentic reasonable HK-style roasted goose, this is NOT THE PLACE TO GO.❌肉質極韌 meat (teeny-tiny bit clung to the fatty tissue) is chewy and tough🤯燒鵝皮完全不香，不脆 skin is soft like it was steamed 🤢燒鵝汁太鹹，香料太重，帶不出肉香甜味，反而帶出騷味(味道似鴨，但又比燒鴨難食) too salty and seasoning/spice only “overly enhanced” the gamy taste

燒鵝飯$+凍奶茶$66之前食過尖沙咀劇院分店，今次試下深水埗新店。燒鵝飯，無叫要髀，但搭左一隻好乾好瘦無味既髀，好失望。 同其餘一半既燒鵝完全唔同，其餘既好有味好香。 點解一碟會有兩種不同既「鵝」？

因為行業的問題，被政府的限聚令影響，被迫關閉了一個多月，真是有點無奈，不過生活仍要繼續，只可苦中作樂，今天便選擇了新開的食肆，品嚐一個下午茶。　下午茶餐：燒鵝瀨份，凍飲加$3。燒鵝皮脆肉滑，帶點濃郁的煙燻香味，這個燒鵝，是我來到這裏的主要目的，果然沒有一點失望。凍鴛鴦，味道十足，吃完燒鵝瀨，有這杯飲品令到這餐增加了色彩。麻辣手撕雞半隻$88，辣油的味道，辣度十足，加上手撕雞的份量十足，而且肉質鮮嫩，非常抵食。

尋日去左深水埗買電腦，行過見到新開左間棋子燒鵝，今晚唔想煮飯，一於買外賣返屋企食!叉燒油雞飯叉燒紅彤彤帶點蜜汁光澤，賣相好吸引，仲有點燶邊，散發炭火香氣，好正啊~厚切啖啖肉，惹味又香口。油雞軟嫩潤滑色澤漂亮，咸中帶甜，肉質滑溜唔油膩。原隻燒鵝脾飯識得食一定要食脾!外皮色澤赤紅充滿酥香，皮脆肉嫩，食落有濃郁鵝味，啖啖肉好嫩滑唔會韌，正!米粉軟Q滑溜。加配老火靚湯，味道鮮甜唔油膩。咸檸七甜中帶咸，飲落冰涼清爽。菜蜜甜度剛好，滋陰潤燥一流。

這次去深水埗找咖啡廳之前先吃午餐吧，去了一家鄰近地鐵站新開不久的燒味店。店舖門面有很大個招牌，門口是燒味部，可以清楚看到燒味🤭。店裡環境挻涼快的，吃東西不會感覺到熱。💥燒鵝雙拼飯 HKD$68，選擇了叉燒作為配搭燒鵝一起吃吃。燒鵝外皮很脆身但口感不太油膩😆，肉質適中不會韌。叉燒是半肥瘦所以較腍身有煙韌😍😍，很喜歡吃叉燒。💥燒味雙拼飯 HKD$63，選擇了腩仔和叉燒，點了小飯。腩仔外皮很脆肉質腍身挻惹味，看到層次分明，拌著芥辣來吃更佳🤤。叉燒也是很腍身煙韌，份量不過不失。💥麻辣手撕雞 HKD$28，這個小吃性價比高😍，而且價錢便宜。口感帶點辣很惹味，吃多幾口開始感到麻🤣。由於是無骨版本所以更方便吃的。選擇了雙拼飯套餐另有飲品贈送，我們選擇了凍咖啡和茶走。飲品味道很香和濃厚，飯後來一杯真的是醒腦又醒神😆。

又是外賣到家的時侯囉，今次因為🧒🏽媽子好想食燒鵝，而剛剛見到開了間新的棋子燒鵝在深水埗，所以就叫了ubereat上面的二人套餐！二人套餐份量不錯，除了一份例牌份量的燒鵝外，還包了另一個燒味option油菜2個主食跟2杯飲品，而選擇都真的都很多！這次就選了燒腩仔而主食🧒🏽選了好久沒吃的瀨粉，🧒🏽真的是超級超級喜歡瀨粉 (但我知道是很肥很肥的🥴)燒腩仔就算外賣到家後，皮都是超級脆的呀真的超好吃，而燒鵝部份都很不錯，不過媽子就覺得柴了一點 (可能是外賣的原因吧)，還有一個醬是很好吃的應該是自家的?!，點了醬後會有一點酸甜，吃完後也很解膩！油菜就是正常的也不錯，蠔油是不可以錯過的，還有小吃花生真的也很正！整體來說都真的不錯吃！

今天，和家人到深水埗逛街，不知不覺已過了午飯時間，經過長沙灣道，見一間門面整潔亮麗的燒味舖，便走入試試。店內幾乎滿座，在店員的努力下，才能夠安排了相鄰的坐位。我們都各自點了一個下午茶餐，也當然會分享美味的燒味吧！40~45元的燒味飯連咖啡奶茶等飲品，也是經濟實惠。我選了叉燒煎蛋飯，蛋黃流心，最好是用來撈飯。叉燒肉質可口，肥廋適中，也不太鹹。加上一杯香濃咖啡，份外滿足。燒腩仔皮脆彈牙，層次分明，點芥茉醬來吃，分外滋味。油雞肉質鮮嫩，不肥膩，而且有雞味，口感上乘。最後輪到招牌菜了，燒鵝。皮脆，鵝肉有質感，不肥膩，而且有獨特的薰香味，惹味！本想再來碟燒鵝，但下午茶的分量豐富，大家都說飽了，打包回家吃又因有太多戰利品的關係，還是下次再嘗肥美的鵝脾吧！

經過見到呢位女員工喺門口不停大叫有9折優惠，吸引左我過去望下！原來店舖新開張，裝修整潔，非常光猛，途中見到有不少人幫襯，我都順便買啲燒味番屋企加餸～ 門口貼住呢個外賣著數燒味組合好抵食，但今日我想食燒鵝所以唔岩我～最後買左 燒鵝下莊&半斤叉燒😋醬汁額外用兜裝住！棋子燒鵝我最鐘意啖啖肉，所以專登買髀位，姐係下莊。燒鵝皮香脆，肉質嫩滑，最特別係入口會有陣煙燻味，蘸埋酸梅醬真係好正😋棋子叉燒估唔到半斤都有咁多，件件大塊厚身，無夾雜肥膏，肉質鬆軟有嚼口，帶點蜜汁香，咁大盒好抵食！