棠記茶餐廳

营业中

休息中

上星期三陪親戚到南丫島行山，順便找個茶餐廳食個晏。一坐落落order，點了兩杯凍檸茶，其中一杯要求「少甜」，結果即時辣著個waiter（可能係老板吧，我唔sure…）……對方瞪住大眼大聲問我「請問有幾少甜？7分？五分完三分？」當時我真係呆左，少甜還要我計比例嗎？大哥你「十分甜」既分量落開幾多我點知呢？我只好回應道「隨便啦，比你平時落少d就可以啦」。點知佢仲重覆問我同一個問題，呢個時候我親戚提議佢糖漿另上俾我自己落，佢都唔同意；最後又問我「你唔要甜既話，不如叫走甜啦」，我已經無心情同佢討論咩係少甜，索性投降同佢講「算啦，你當我冇講過算喇」，佢都仲係唔忿氣堅持要走甜，最後都係俾左杯走甜既我………原來依家去茶餐廳叫「少甜」都係「不受歡迎客人」既行為，睇黎我真係落伍了~

青年侍應獨守空房一腳踢，全場只得一個工作，辛苦了﹗不過服務態度有待改善，是否姨媽到？還是剛失戀？是否輸波輸馬仔？還是歧視我地帶口罩？還是您的待遇如何，您的嘴臉也必如何？我地嘆完早餐埋單後，才見到青年剛剛坐低開始食早餐，是否太肚餓所以發脾氣呢？凍齋啡走甜，普通平凡茶餐廳味道。沒有凍飲杯提供？只用外賣膠杯。雙腸出前一丁⭐️⭐️⭐️腸仔結實無怪味無過咸，白烚彈彈水潤我喜歡。行程緊密，食飽飽立即直衝榕樹灣洪聖爺灣，望望海吹吹風﹗再到南島書蟲，尾站BB海景餐廳。太陽蛋沙嗲牛肉煎雞扒出前一丁⭐️⭐️⭐️太陽蛋焦香甘甜滑滑暖笠笠，整粒啪入十分舒服。沙嗲牛肉嗎？完全係沙嗲肥牛來的。明顯地自家醃製，不太杘而有咬口，清甜帶鮮牛味道。連辣椒油都係自家製，真的非常有誠意﹗沒有一樽樽放在枱面隨便用，而係獨立用迷你膠汁兜裝，小份小份夠衛生亦不浪費。高質香辣並重十分刺激醒神，我都好辣得，最少要落兩份先夠喉﹗煎雞扒散化香芧花椒八角味道，醃味苦澀咸濁而且煎到乾鞋硬，失敗﹗出前一丁麵質煮得超然出色，爽滑彈仲熱騰騰﹗連湯一齊煮使湯汁滲入麵條中呈亮麗啡色，味道甜美濃郁無得頂﹗

老友約行山，今次試吓離島新路缐，行行復行行，好快又到午餐時間，路過小店見有位唔洗左唸右唸一於坐低祭吓個五藏廟先。午餐原本有 A、B、C、D、E 同 F 6 個選擇咁多，不過我哋嚟晏咗少少，得番4 個選擇。先嚟個例湯～老王瓜赤小豆扁豆呷一啖例湯、唔錯、足料夠熱、火喉又足、原汁原味無落師傅、媽咪靚湯、值得推薦B 餐 ～ 豉椒雞普通普通無驚無喜、住家 feel 煮法、合格D 餐～芥蘭炒牛肉合格、要挑剔的話個生粉獻汁太多餐飲 ～ 熱奶茶合格另外要挑剔的話碗白飯有啲煮得爛（水多咗小小），非個人喜好。整體來講係平平實實茶餐廳出品，支持小店！

星期六黃昏 一行四人 三支啤酒 四人套餐 結賬才六百 以這個價錢市區也食不到 店家也非常體貼 剛坐下 已經講近海會太陽斜哂 建議坐另一位置 因為想睇日落 打算叫點小吃 啤啤先 店家説套餐有椒鹽豬扒 可以先上 餸菜一碟一碟上 食物味道好 店家貼心服務更加好 超讚

中午時候到達索罟灣, 甫落船就搵地方醫肚. 一早都知道這邊的食肆比榕樹灣少很多, 而且大多是海鮮酒家. 想食簡單一點的話, 茶餐廳只有兩三間, 當中以棠記有較多食物選擇.當日天氣好, 清風送爽, 坐在海邊位置格外寫意.食物普遍都比市區茶餐廳略貴. 一碟碟頭飯或炒粉麵, 跟熱飲$60. 午市套餐同價, 多一碗粟米魚肚羹. 結果點了碟時菜斑腩炒米($60). 斑腩並非一般雪藏魚柳, 而是新鮮魚塊, 比較實肉, 連魚皮略帶少少腥, 但魚皮多魚油, 所以都有魚味. 炒米煎得香脆, 略帶焦香, 整體都ok.另外又點了個常餐($52), 有炒蛋、多士、炸魚柳跟熱飲, 味道ok, 只是價錢略貴.

趁星期六去離島走走，選擇了索罟灣 ，參觀 了南丫島漁民文化村之後，便要找地方醫肚， 雖然大街海鮮食店林立，但價錢偏貴，最後選了間茶餐廳，名字和我的名字一樣，非常親切 這餐廳和其他食店一樣是在海邊的屋上，所以同樣有著美麗的小島靚景、真舒服，看餐牌後選了時菜肉片炒麵和鹹魚雞粒炒飯， 可能是太耐冇食炒麵感覺非常香口而麵處理得非常好好趣呀！鹹魚雞粒炒飯也有着濃濃的鹹魚香味，正， 飲品凍奶茶、凍咖啡亦都冲得非常不俗，甜味剛剛好 ，還有哪兒的侍應非常親切， 充分突顯了小島的人情味，感覺所付價錢在這餐廳享受是不相符，因覺是超值。

昨天一家人去食飯，點知伏左。蝦膏炒飯，無蝦膏味，跟侍應確認一次，佢聞左幾次（心諗如果係蝦膏味都即刻聞到啦，聞幾次即係聞唔到啦），侍應都拎埋碟野入去問，結果竟然話係蝦膏炒飯，我地都無再講，算啦，食一次，但真係無蝦膏味，簡直係楊州炒飯咁。另外叫左幾樣肉片飯炒河等 ＆ 時菜牛腩炒河，黎到，又伏，變左時菜肉片炒河，同其他一樣，我地成枱都肯定係叫左牛腩，不過算啦，個蝦膏都咁，費事再講，食左就算，但不吐不快，下次唔會再食佢，亦唔希望其他人中招先寫出黎。

難得放假就入南丫島行下，事前已經係openrice搜尋過有d咩美食，見到呢閒都幾經濟實惠，所以就同frd黎試下首先叫了野飲，太熱，飲到一半先記得影相檸茶好夠味，係甘熱嘅天氣下飲超正！凍奶茶好好飲，岩曬我，如果中意奶味重嘅就記得叫多奶啦跟住叫左個招牌炒飯同乾炒雞絲烏冬

南丫島海鮮太貴，作爲學生仔負擔不起亦都無咁大興趣，同frd嚟爬山，從榕樹灣行到索罟灣一路食豆腐花同茶果、缽仔糕D嘢過來，所以都唔係好餓。就是但搵間便少少嘅茶餐廳食少少嘢。我要嘅係招牌炒飯，35HKD，同frd個雞柳炒烏東同個價錢。上菜速度還是比較快嘅，而且睇落都唔錯，分量好足。炒飯加佐火腿肉同埋叉燒肉嚟炒，蔥花亦都唔少，所以成個飯都好香。不過美中不足嘅就係油佐D，成個碟底都好多油，其實落少D油乾身少少應該都好好食ga~個frd話烏東都好好食，雞柳整得幾滑嘅，不過都係油太多。環境嘅話就好唔錯，唔會好似其他酒家咁迫，都幾乾淨，而且我哋到嘅時候唔係好多人，就坐在靠海嘅位置，吹海風食嘢真嘅好享受！

原本和仔仔吃海鮮，但價錢都唔"平"，2隻花蟹共約斤半(不到2斤) - 400元，花螺 - 200元，大瀨尿蝦 - 每隻160元，海斑約38-50元/兩，如果真的食海鮮午歺，沒700元也走不了，海鮮午歺像貴了點，於是過隔籬吃炒粉麵，食物也不差。凍檸茶、凍咖啡 - 大杯，抵，味道一般炒飯 - 乾身，紅腸太多，味過濃了，蓋過了米飯味炒麵 - 厨師炒功很好，整体味道和色澤均混，碟底不留太多油環境絕對OK，只是近海邊那幾枱就有海"異味"，小小味，可以接受。共88元

去到索罟灣見到間間都係中式酒家，冇咩期望之下走入呢間餐廳，發覺喜出望外。我地三個人叫左三樣野。天時暑熱，先黎杯凍檸蜜。真不錯，檸檬同蜜糖比例相當好，又夠大杯。干炒雞絲烏冬：夠鑊氣，夠惹味。雞絲肉質夠滑。不過較為油膩，女士們要小心卡路里。男士們不妨試試。生牛肉湯米線：牛肉夠多，湯底又熱又清甜。多士餐：18蚊有牛油多士兩件，司華力腸數件，煎雙蛋。最欣賞係廚房煎功，洽到好處，唔會太燶，又唔會唔夠火喉。不過最弊係呢間野好多人等。我地下午四點半，三個人去，都要等左一陣先有位。不過算啦，諗起佢個腸仔又唔會煎到乾晒，就估到廚房用心製作嘅誠意。排隊等下都值得。

大部份人來南丫島, 都是到榕樹灣, 體驗一下小島風情, 食食豆腐花, 做下書蟲. 今次, 沒有找書蟲, 我們食完豆腐花之後, 決定繼續向前走, 一走, 走到來索罟灣呢一個小漁村了.行到身水身汗, 奈何索罟灣以海鮮店為主. 我們當中有一個食素, 食乜海鮮丫. 先在大街來回一下. 看見一些行山團, 行完山後係天虹大吃一番. 我們兩個free walker, 終點站絕非天虹, 亦不考慮其他海鮮檔. 行入了一間懷疑黑店, 又唔肯煮味齋俾人食的茶餐廳之後, 回頭再來呢一間問問. 老闆娘一句OK. 我們就坐下. 店子太子女叫我們不如坐出面, 涼快D. 之後便帶我們坐海邊位, 一邊欣賞漁港風光, 一邊食炒粉炒麵碟頭飯.....你地話浪唔浪漫呢......首先消消暑先, 一支大可樂同一杯凍檸茶. 坐得靜下了, 汗水收了少少. 來一杯清涼飲品 (不需要什麼特飲), 已經好滿足. 不一會, 齋妹的茄蛋飯到. 一塊大煎蛋加上美味的鮮茄肉汁. 味道有蕃茄的鮮甜味, 亦有著香香的美極醬油味. 難道是我們餓嗎, 感覺到廚子手藝不錯.我就要一個牛腩炒麵. 脆脆的炸麵餅, 加上濃汁牛筋腩. 味道正濃烈, 是真正的牛腩

幫襯完阿婆豆腐花, 繼續進軍茶餐廳食下午茶, 叫了一個西多士 + 涷奶茶及炸春卷薯條+涷O茶, 埋單 約$64, 都幾貴, 普通過普通, 炸春卷夠細, 懷疑係公仔記, 薯條 ~ 無味, 奶茶, 好鐘意茶味, OK 啦 !勝在星期六下午4:30- 6:00 都無乜人, 老闆同食客大家齊齊看新聞, 好有家庭 FEEL, 絶對唔會趕客 。 一件西多士都要 29元, 炒粉麵都係 35元一碟, 叫一個西多+飲品比散叫都係慳2元 。証明下午茶可能係令一間店舖生存之一。 西多士真係普通, 唔脆, 但熱, 醫肚無所謂啦 !

到達南丫島的索罟灣。在棠記茶餐廳食午飯，凍奶茶有驚喜，有茶味有奶味之餘好滑。

到左中午,大家都肚餓啦,因為附近大部分都係海鮮酒家,都略為貴,所以就去左d度食7個人叫左6碟飯,粉同麵老闆話乾炒牛河同招牌炒飯係佢地既招牌菜,的確係掂,牛河就火氣,牛肉又唔''un''不過女仔們略嫌油膩.招牌炒飯就最受歡迎,不消數分鐘就清得一乾二淨.而雲吞河同豉椒炒粉也不俗肉絲炒麵就比較差,d麵身比較硬,所以剩得比較多而且仲有海景睇添總括d餐30蚊有找食得過