森 (已結業)

今日夜晚揸架車去又新街唸住食d宵夜咁啦，泊低左架車之後，食完呀燒賣x后嘅燒賣之後，重差少少wor!咁遠距離見到e間雞蛋仔店都好多人，咁就過去試下啦！見到佢個餐牌都有好多選擇，味道有原味，咖啡味，朱古力及綠茶味，另外就可以再加d配料，例如朱古力粒，芝士及m&m等，配搭千變萬化，咁由於我地都唔係好肚餓，就係咁叫左個朱古力味雞蛋仔啦！係製作期間，我地都已經聞到好香嘅朱古力味，陣陣咁傳入我地個鼻，d味重愈來愈濃烈，等左一陣之後，以為食得啦，原來店員重會攞去一個風機果度再吹一吹佢，我想應該係張雞蛋仔身再吹一吹，吹走d水分，而令到雞蛋仔身就更加脆，非常有heart!好，食得啦，d雞蛋仔食落去外面就真係好脆身，而且重非常有朱古力味，外表夠脆之餘而裡面就非常之軟軟熟，心唸唔怪得之一間係條咁貴租嘅街都做得住啦，真係做得好專，好好食。

全部都係朱古力🍫三重口感☺️四重元素✅ 森林雪糕雞蛋仔 Forest ice-cream egg waffle $38：綿脆雞蛋仔點軟滑雪糕再配合冷熱溫差真係好正😍仲有埋脆脆同醬真係令人欲罷不能！咁邪惡就梗係要同人分享，我地三人吃一杯都已經飽飽！而且始終咁甜會有啲漏。呢個價錢真係好抵吃，諗起灣仔某間玫瑰花形狀雪糕得雞蛋仔貴呢間超過一倍就更加覺得超值。🏠有一兩張檯凳可以坐。整個格局幾新正，在元朗街上比較突出。

難得入到黎元朗，記得有間雞蛋仔舖都幾多人讚好味，就黎試試啦😆.叫左綠茶雞蛋仔（$20）再加Oreo配料（+$3）大約等10分鐘就有得食啦🤤.個綠茶味好濃😳第一次食到綠茶味咁濃既雞蛋仔好喜出望外‼️Oreo份量亦多，粒粒雞蛋仔都食到Oreo而綠茶味加Oreo都幾夾👍🏻.另外，我第一次食雞蛋仔係有座位可以坐😍有位坐住等坐住食真係好好多.下次黎元朗會再黎食想試埋佢個綠茶格仔餅+紅豆😋

抹茶Oreo雞蛋仔($23)經過又新街，忍唔住買左底雞蛋仔過下口癮。雞蛋仔質感似食緊蛋糕，同傳統外脆內軟既雞蛋仔唔同，實的的。抹茶味重，Oreo餅碎尚算加得平均，同抹茶都幾夾。不過自己一個食哂一底會好飽，建議同朋友開心share。GM都係鐘意食傳統既雞蛋仔多d。-好味指數: 6.5/10

明明上次食仲好好食，外脆內軟，滿懷希望再黎encore今次竟然淋過毛巾，大失所望😢😢😢😢 唯一抵讚既係個朱古力味真係好濃郁！🍫🍫🍫🍫味道一流但口感真係唔得心諗放幾分鐘會唔會好啲，但本身就好淋，食到最後，比多10幾分鐘佢都係唔脆。

見到好多人介紹都忍唔住去朝聖一下，同男朋友一齊試下最鐘意既綠茶味雞蛋仔，再加埋Oreo係入面真係好正！入面好足料綠茶味好足，果然名不虛傳，真係好耐無食過咁有內涵既雞蛋仔，真心推介大家入元朗一定要試下！

雞蛋仔周街有，但質素可以好參差，今日我黎到元朗幾出名既sumore森食雞蛋仔，真係冇令人失望！ 等左好幾分鐘，即叫即整，好食既野值得等待！ 叫左抹茶紅豆雞蛋仔，抹茶味十足，個漿調得好，夾埋粒粒紅豆食味道口感更豐富，好滿足啊！ 雞蛋仔既精髓在於口感，即叫即整做到外脆內軟既完美口感，外層脆得黎唔會太硬，抵讚！

超好味超抵食既雞蛋仔 一邊係綠茶mix芝士和oreo 一邊係朱古力mix朱古力和m&m 個雞蛋仔分開左兩邊放配料-個人最最最鍾意綠茶加芝士個忽 無諗過夾到 啲綠茶味好濃好香 唔係平時好假既綠茶甜 而係有浸茶味 然後再有芝士既咸香 同埋會有拉絲既效果出現 所以張圖左手邊綠茶係崩左一忽 忍唔住相機食後-無記錯就咁雞蛋仔（有幾種味揀）就$20 配料芝士$5 oreo$3 其他配料都係咁上下 真心覺得平！！！ 媽咪雞蛋仔都$20底啦而家 仲要質素下降哂-間野係元朗B仔附近架咋 入元朗既記得要去食叫老闆快啲九龍開分店

經開又新街，B仔涼粉排到顛左，去左對面泛后甜品食完超失落，於是周圍揾返d滿足感，見到“森”叫左個雪糕雞蛋仔，有個靚d既名，但唔記得左，好似叫田園×××咁上下。雪糕唔錯，唔太甜，好似係dreyer’s，但雪糕唔係主角，最考功夫既係雞蛋仔。外脆內軟，外熱內冷，最重要係:好耐無食過有咁多內涵既雞蛋仔，宜家個d通常空心，就連最出名既xx雞蛋仔都係，但“森”既雞蛋仔令我有重拾童年回憶既感覺睇得出整既師父好有心思!!

除左大埔雞蛋仔元朗雞蛋仔一樣出色$20 原味/綠茶/朱古力/coffee+$3 coco/ oreo / honey/ 芝麻+$5 cheese/ 紅豆/ MM 我就點左個原味($18)+ M&M (+$5)粒粒都一定料架😍好足料！口感正 影相又靚 好開心不過個底係一啲都唔脆 但味道的確唔錯嘅 蛋香夠重

勁鍾意食雞蛋仔，但而家好味又足料既雞蛋仔愈來愈少。是日路經元朗呢間雞蛋仔，好吸引決定一試😂（其實佢格仔餅都好吸引，不過我鍾意食雞蛋仔）佢有4款口味再自己配料，我選左朱古仔味配Oreo 同朱古力味配朱古力碎朱古力味雞蛋仔配朱古力粒，朱古力粒融左好好味，個雞蛋仔本身實底，唔會空心，同焗完後都算抵身，唔會好多淋曬。呢個係朱古力味配Oreo餅, 呢個好足料，粒粒都有Oreo, 一個人食食到一半就好飽，有D濟。不過我覺得朱古力粒Match 好多，因為朱古力粒焗完會融融地，好食價錢方面都係而家市面價錢廿幾數一底雞蛋仔。

綠茶雞蛋仔 $20想試咗好耐終於試到🤤 綠茶味係幾突出 但我食到少少甘味😂係唔錯 但佢吹既時間唔夠 搞到佢有啲淋 唔夠脆😩😩美中不足🤦🏻‍♀️ 有機會都會試多次既評分:5.5/10🌟

好少食到入元朗，難得入到黎元朗，上IG揾下有咩好食先，search 到雞蛋仔雪糕，加上佢外表裝修好似好有日本feel咁，咁就比'森'吸引左黎喇！黎到門口，原來間野好細，得2張枱only, 入面又好似冇冷氣咁（唔知壞左定咩啦），加上咁熱既天氣，真係想死！咁唯有叫個雞蛋仔雪糕涼下啦兩個人食其實都好飽，因為都幾有份量，不過雞蛋仔好似林左啲, 食食下有啲口乾，原來可+3蚊就可以買到罐可樂，都幾抵！可惜雪糕味得兩隻簡，石板街同曲奇雪糕，如果多選擇啲應該會吸引啲！

新鮮整起嘅綠茶雞蛋仔超級香綠茶味，而且雞蛋仔裏面都幾滿下。好彩佢都勉強做到外脆內軟嘅口感，令小編都己有驚喜吓架。綠茶味都幾突出，茶味香濃但又唔會有苦澀味。雖然加左OERO喺裏面，不過可能綠茶味實在太強大啦，所以OERO嘅味道相對冇咁得出。再加上可能佢因為想做到脆嘅口感所以焗耐左，令到有幾粒雞蛋仔食落有啲苦。

難得入到來元朗 本來打算去食某間芝士餅,但買唔到，最後去左想食森的雞蛋仔,朋友話一直都搵唔到人一齊食,因為佢以大份又重手出名,要share 食先得!宇治金時夾餅因為睇左好多網上的評論，都話佢係唔脆身(似蛋糕)o個種口感，如果想食脆身的口感，必需自己指明要焗耐啲，我地都要求左焗耐啲！等左10分鐘左右就到手，一過手好重，夾左好多紅豆，係多到流出黎。食左一啖！脆卜卜！抹茶甘香味ok,不過口感上就比較似waffle了！食到一半已經覺得好飽,同埋太甜漏,唔想食d 紅豆，同埋愈食愈覺得抹茶味不足，比紅豆的甜味過晒。 一定要兩個人share，一個人一定食唔晒！題外話，食緊嘅時候有客叫芝士餡，臭到呢！唔講以為係公厠嚟..... 食可能好食，但整緊嗰時，我完全透唔到氣😫😫所以我臨走都忍唔住問下點解可以咁臭的！