植作茶

营业中

休息中

好鍾意店主嘅堅持！堅持用鮮奶，而且佢哋嘅材料全部由台灣直送1️⃣黑糖桃膠決眀子鮮奶 $34呢個既健康又好飲。決眀子對眼睛好好，而且呢個茶煮好左後飲落去有陣陣嘅咖啡味！作為咖啡控嘅我就鍾意呢個多啲啦！黑糖桃膠好爽口。🙆🏻‍♀️美味指數:7.35/102️⃣紫米茶鮮奶小芋圓 $32想飲珍珠奶茶又怕肥，呢個就啱晒你啦！小芋圓形狀好似珍珠咁，紫米茶鮮奶唔會好甜，味道仲有少少似香芋鮮奶紅茶添。🙆🏻‍♀️美味指數:7.12/10💡整體來講，好味又健康，極力推介黑糖桃膠決眀子鮮奶。植作茶 (尖沙咀)地址🐾:尖沙咀山林道10-12號山林閣地下2B號舖

夏天帶住個口罩，行到身水身汗，梗係要搵杯涷飲消暑。平時只係飲珍奶同比較唔太健康嘅手搖嘅我前日食完buffet.. 所以決定要搵間比較接近0卡路里嘅飲品keke~ 嚟間一早係ig見過。佢有搵左一間店舖handmake左張木凳🤫 宜家好少店仲會咁有心去搵本地designer去設計鋪面，所以既然行開嗰頭就決定去幫襯下啦！題外話:本地designer ig (homotomo_woodwork)第一次去都唔知飲乜好(講真真係平時飲開咖啡同珍奶)，最後鎖定左試吓薏仁系列。掙扎咗一陣試薏仁燕麥飲定薏仁鮮奶好。由於去到冇人排隊就順便問下店主啦～ 原來燕麥果款係打埋一齊而甜度亦冇得改但唔會好甜，所以決定試佢。 第一啖飲落去真係好養生！甜度大概係平時飲其他店嘅30%糖所以啱啱好，一路飲都食到少少薏仁碎而且都幾香。唯一係價錢相比起其他款，我覺得少少貴，$27一杯。但係我見小店好多地方都真係好有心，例如飲管有4款，粗同幼，紙同膠。我覺得好難得～

早兩個月先正式開舖既💛小店又係兩位老闆妹妹🧍🏼‍♀️🧍🏻‍♀️因爲一次去台灣既旅行🧳,而遇上左哩一個品牌,好味得黎仲要飲落係非常輕盈,而且仲係可以美顏💮養生添！一改台式飲品既固有觀念⚠️❌肥❌健康❌咖啡☕️因今日終於去開附近,當然要去支持一下@zhizuocha_hongkong黑豆茶鮮奶🥛小芋圓雖然小店建議飲奶🍼類既飲品最好係半糖或者以上,但懶係健康既我,仍然好似我平時咁叫左無糖！一飲落口不得了,黑豆味勁濃,奶味無搶晒味道,平衡得好好！可能反而因爲我叫左無糖所以黑豆味🆚比一般可能突出左😋小芋圓既大細岩岩好,粗飲管可以好順利咁飲到！不過個人就覺得口感偏硬左少少,無平時出面食開既芋圓煙韌既感覺💛蜂蜜🍯玫瑰🌹紫米茶哩杯係男朋友既,所以我只係飲左少少因為用蜂蜜🍯做,所以甜度係固定！飲落蜂蜜味清甜,而且仲有真既玫瑰🌹係茶入面架！紫米茶亦有抗老化/舒緩壓力/養顏既功效,所以真係咩人都岩飲架！‼💛小店️仲好貼心💛除左平時🆚比較常見既去冰選擇,少見既常温之外,係熱飲既選擇之前,仲可以選擇‼️微温‼️真心係飲台式飲品🥤都可以放心飲,而且仲可以愈飲愈健康！

——————————————————————飲得多珍奶驚肥？尖沙咀開左間健康手搖杯，飲完完全無罪惡感😆因為健康好多！因為太多選擇，小編問d飲品邊d好飲或者功效上既問題，職員都好有耐性同好nice解答問題👀服務態度好好啊！結果小編揀左薏仁鮮奶🥛🙊另外裝修方面都好吸引，文青得尼好悠閑既感覺😻#薏仁鮮奶 $29叫左3分甜，味道剛剛好，薏仁有特登整碎混合埋鮮奶，幾養生既感覺🤤✨✨有機會經過再試埋其他飲品🤩好飲指數：8.5/10——————————————————————📍地點：植作茶 (尖沙咀)尖沙咀山林道10-12號山林閣地下2B號舖#美食 #foodie #黃店 #黃色經濟圈 #香港加油 #相機食先 #手搖杯 #健康飲食 #植作茶 #drinks #hongkong #hongkongfoodie #hongkonggoodfood #food #foodssss___

平時飲茶飲最驚肥💩今次有唔同作用嘅茶飲啱曬想飲野又想健康嘅😂🤤蜂蜜玫瑰紫米茶🤤 ($28)甜度固定嘅 我第一次試紫米茶 類似花茶味 加花瓣係食得嘅 飲得出有浸糖漿 甜度啱啱好 好飲!🥰👖褲評: 8.8/10🤤玄米茶鮮奶小芋圓🤤 ($31)冇減糖但我覺得啱啱好 小芋圓似係珍珠質地 好少有 玄米茶味有d淡 整體都唔錯🤓👖褲評: 8/10依度有坐低飲 不過得2個位 同埋雖然舖位細但裝修好靚 影相一流 而且店員好好同客人都好多交流 feel到店主好比心機💪下次想試埋其他養生茶😆性價比: 8.5/10服務: 8.7/10環境: 9/10🔔小tips: 可以問店員轉透明款杯架(仲有嘅話👀)

一間位處於山林道直路中間走文青路線既台灣茶飲店🍃它來自台中 由兩位文青少女👭經營店內每一個角落都適合打卡📸飲品主打穀類無添加 均是養生之選·🍋黑糖桃膠冬瓜檸檬冬瓜檸檬味道幾夾，酸酸甜甜好醒胃，飲落十分順喉☺ 黑糖桃膠是一顆顆小顆粒，個人特別喜歡喝有咬口的飲品，而且甜度不高，絕唔怕爆quota🤗·⚘蜂蜜玫瑰紅麥茶很喜歡玫瑰散發的微微幽香🥀 加入蜂蜜為麥茶添上一份香甜，甜甜的麥茶絕對是一款不錯的清暑健康飲品👍

店內雖然唔係大一小個鋪位都佈置得十分有心思,內裏採用一系列以溫和既木色系為主,飲品杯植作茶既logo仲係親筆畫上,感覺更親民.薏仁鮮奶小芋圓, 奶味十分突出,鮮奶味夠重又香滑,好有驚喜.底下滿滿薏仁入口煙煙韌韌帶住薏仁獨有既穀香.食薏仁共有美白攻效,再加上鮮奶就更事半功倍！當中亦有去水消腫功效,啱晒想靚又貪食既人.小芋圓細細粒質感軟糯Q彈帶陣陣芋香同蕃薯香.黑糖桃膠紅棗茶鮮奶,平時多數都係以熱飲為主既紅棗茶係植作茶內可以以凍飲既形式飲到！內裏仲加入左鮮奶,黑糖同平日係甜品店好鍾意既桃膠.桃膠入口外層好爽彈,內裏帶點膠狀既質感,好鍾意呢種口感.第一啖已經飲到好香既紅棗甜味,估唔到加上甜奶後紅棗味仍然咁突出.

台灣人氣新飲品店 植作茶 香港店 開幕 全球首創豆榖類手搖飲品 健康無奶精無咖啡因 健康無負擔 萃取穀物 植物精華營養 獨特風味好喝養生 桃膠特飲味道天然 黑糖黑木耳冬瓜混紅麥茶 zhizuocha終於有一間台灣茶係岩我飲了我唔飲奶,唔飲咖啡因飲品品牌標榜無咖啡因無奶精 就衝去試了,味道自然不會太甜入口順侯,飲完胃都唔會有不良反應用低溫烘焙過既豆類或穀麥類作爲茶底相信會係新潮流,告別黑糖珍奶桃膠蜂蜜玫瑰紫米茶 $34黑糖桃膠冬瓜混紅麥茶 桃膠 清熱止渴，緩解壓力，養顏抗衰老 混合蜂蜜玫瑰,味道自然,解渴,養顏紅麥茶 去油解膩   紫米茶：促進血液循環；. 蕎麥茶：豐富膳食纖維飲品系列十分豐富,包括有黑豆系列,黑豆茶,黑豆鮮奶,黑糖桃膠黑豆茶等等紅豆茶,紅豆鮮奶,黑糖紅豆桃膠茶玄米茶,紅麥,黑糖冬瓜,決明子,蜂蜜玫瑰,混茶系列,紫米茶令我大開眼界,2年沒去台灣,又有新品牌走出來了可惜疫情影響,應該沒機會再去台灣,好彩可以係香港都飲到最新品牌既豆榖類手搖飲品 

尖沙咀開了家新的飲料店，同一般的手搖飲品不同，這家的風格是偏日系、簡潔同木色，遠遠望到已經覺得好舒服想一試！(๑⃙⃘'ᵕ'๑⃙⃘)因為不知什麼是決明子，所以就點了這杯黑糖桃膠決明子鮮奶，聽落都覺得養生～決明子原來是一種豆類，可解便秘同幫助減肥！(*´˘`*)♡ 味道飲落似胚芽！加上桃膠好有口感，不錯喔～下次想試小芋圓！(⸝⸝⸝´ꇴ`⸝⸝⸝)整家店小小的，周圍都是打卡位～(⁎⁍̴̛ᴗ⁍̴̛⁎) 影了好多靚相，開心！

剛剛行經山林道，見到開了一間新的飲品店，裝修有種清新既感覺！看看餐牌，小店用上台灣的殼物如決明子、薏仁、黑豆、紅棗等作茶底，夠哂健康！決明子檸檬，決明子本身帶有苦味，飲落味道好似飲緊檸檬咖啡，好岩一些不能飲咖啡因但又想飲咖啡的朋友！黑糖桃膠冬瓜混紅麥茶，冬瓜茶味較濃，但因為有紅麥茶的關係，入口有麥茶的餘韻，而且因為有麥茶，甜度也可調整！加入了黑糖桃膠，少少甜，而且桃膠是一款養顏的食品，健康又對皮膚好。當大家還在喝珍珠奶茶的時候，不如也選擇一些健康茶飲，不怕影響身體健康！

由兩位90後女生開設的植作茶，來自台中的味道，主打唔同種類嘅穀類飲品，好味但對身體零負擔！聽落真係好別引！今日終於有機會一試。位於山林道，佢嚟佐敦地鐵站都只係大約3分鐘嘅路程。地理位置就夠晒方便，有點隱蔽，但係要搵就一定搵到。好多人諗起台式飲品，第一個反應就係越飲越肥，又多糖。係過口癮嘅同時，保持健康又係咪真係難？但係呢度仲有好多唔同特別嘅飲品，主打都係養生為主。每一種茶飲都有唔同嘅功效，有一啲比較喺出面少見嘅食材，例如決明子、黑豆、薏米等等。另外「茶露」都係比較特別，因為係黑木耳打碎左之後的食材，飲落有咬口，又健康。仲珍珠鮮草？outdate啦😋店入面嘅裝修都係以下文青風格為主，小小的店面其實不能容納太多人，但每個角落都充滿着好多唔同打卡嘅地方。有一個角落仲擺咗一啲相，又有好多乾花和稻草，點影都好靚。播住輕快嘅音樂，令人好輕鬆自在。可能，香港人都好需要這樣的一個樂土。唔咁港女，文青d的方面，除咗打卡位之外，小店仲預留左一啲空間擺放一啲本土文創嘅作品，例如有獨立樂隊嘅CD、和攝影師的作品，比大家購買。（不過我唔係音樂發燒友，所以都冇特別影相）不過都欣賞兩位店主呢一種欣賞唔同藝術創作嘅心

近日尖沙咀山林道新開的「植作茶」，來自台中主打健康養生。不是一般的台式飲品，沒賣珍珠、仙草及愛玉等不健康材料，標榜無咖啡因無奶精。材料由台灣直送，主要是決明子、 薏仁、桃膠、黑木耳及小芋圓，茶底用低溫烘焙的豆類和穀麥類，保留材料營養， 非常注重健康。這台飲店老闆是兩位可愛的小妹妹在台中旅行時，無意中發現，她們飲後很喜歡及其概念，而引入香港，可說是「植作茶」對愛健康的人之魅力。台飲店很有文青Feel，店鋪雖小，色調柔和，布滿乾花，亦有少的卡打位。「決明子檸檬」顏色是棕色的，味道跟咖啡很像，我挑了半糖微冰，一點都不甜，舒服順喉，清新健康，解渴一流。決明子是這店最特別的飲品，在別的台飲店沒有看到，決明子是一種明目藥材，很適合常看電腦及手機的人飲用。「黑糖桃膠蕎麥茶鮮奶」先飲到蕎麥茶的香濃，然後鮮奶的醇香後帶微甜的黑糖，桃膠滑溜有咬口，而且還可養顏，少女們的佳品。

雖然冇得再好似以前咁喺條街度一路行一路飲但係買返屋企睇電視咁飲都係唔錯嘅選擇！呢間新開嘅飲品店美顏又養生 適合極注重健康嘅你哋我完全俾呢間小店嘅飲品俘虜 佢有試唔完嘅款式而且舖頭奉行零咖啡因精神 飲咗唔驚瞓唔着店主親切有耐性 因應我嘅喜好推介 好窩心兩位店主好似樣 而且兩個一樣咁好人🤣重點！ 7月1號嘅時候佢哋有休息💛-🥤#紫米茶鮮奶小芋圓 ($32）呢杯紫米鮮奶補血養氣 增強免疫能力我對於紫米紅米呢啲麻麻 好彩紫米嘅味唔算好突出最啱呢排防疫強身 芋圓亦係我最鍾意嘅甜品之一芋圓口感煙韌 體積比食開嘅細 就翻飲管大細飲品口味同材料搭配出奇地搭 新穎又有實際作用-🥤#黑糖桃膠冬瓜混紅麥茶 ($27）黑糖系嘅飲品 受歡迎程度未曾減退女士們耐不耐食桃膠 滋補又養顏 話明係平民燕窩冬瓜清熱消暑 啱哂夏天 紅麥茶解油去膩估唔到呢幾樣材料加起嚟可以有咁絕妙嘅口感同味道