椰仔冰室 (天生樓)

营业中

休息中

椰仔不是普通茶餐廳，而是很高質那種。完全是隨意隨心點了漢堡扒腸仔飯，結果無心插柳居然食到時目前食過最好吃的肉餅。明明是前一天買翌日返熱，但居然奇跡地仍食到滿滿肉汁，每一口都有，完全是技術表現，我都很驚訝到底怎樣做到的。吃到很嫩，而不是乾柴的肉，肉餅厚厚的，有咬口，想不到生熟度控制得那麼好。而且吃到肉原始的香味，沒有豬羶味，就是肉最原本原始的味道，很好吃。當中還有少許爽口的洋蔥粒，沒有腥臭味，真是太好吃了。從來沒吃過這樣好吃的漢堡肉，難怪小孩那麼愛點這道菜。

椰仔冰室：炒烏冬椰仔冰室呢個名，聽起身就好有特色，充滿住南洋風情。入到去，裝修簡約又帶啲復古元素，牆上有啲有趣嘅壁畫，暖調嘅燈光，營造出好舒服嘅用餐氛圍。今次叫咗碟炒烏冬。一上枱，賣相就好吸引。烏冬粗粗哋，表面掛滿咗香噴噴嘅醬汁，每一條都被均勻包裹。上面撒咗白芝麻、蔥段同豆芽，色彩搭配好靚。夾一啖烏冬放入口，彈牙得嚟又唔會韌，火候掌握得啱啱好。醬汁味道好濃郁，應該係用咗豉油、蠔油等調配，鹹香中帶啲微微嘅甜，好惹味。入面嘅配菜都好出色。豆芽爽脆，增加咗口感嘅層次；蔥段香氣四溢，為整道菜加分唔少。至於啲肉，煎得金黃，外層有少少焦香，入面仲保持住嫩滑，肉味好濃。同我之前喺一間主打日式料理嘅餐廳食過嘅炒烏冬相比，嗰邊嘅偏清淡，突出食材原味；而椰仔冰室呢個，味道更濃郁，似係經過改良嘅本地版，更啱香港人口味。可惜嘅係，呢碟炒烏冬價錢唔算好親民，有啲貴。而且餐廳人多嘅時候，上菜速度有啲慢，等得有啲心癢癢。其實我一直都好鍾意食炒粉麵類嘅食物，炒烏冬又係其中我好鍾意嘅一款。細個時，去茶餐廳最期待就係叫碟炒烏冬，同屋企人一齊分享。椰仔冰室嘅炒烏冬，雖然有啲小瑕疵，但味道勾起咗我好多回憶，希望下次嚟可以食得

垃圾到....出餐慢都算 諗住慢工出細貨 點知來到湯又唔好飲（中湯同紅湯都伏）叫左個雞飯 啲雞又柴又冇乜肉 以為係臘鴨髀 咁都仲好意思收六十幾蚊🙂‍↕️即刻決定警世一下

Lunch時間，間間都要排隊，係呢間唔洗，就入左去試，只可以話係普通都唔普通既茶記，不過不失，食物質素唔會話難食，只可以用普通黎形容，大型連鎖店（大x家/活）個啲會好食過佢，服務態度方面，又未話去到咁差？可能我遇唔到，但衛生情況要搞搞佢。

朝早勁多吉位，大把大檯。一個人坐卡位係原罪 （當時大把卡位只坐一個人……），一坐低比個員工係咁嘈，係咁叫我調位，又話一定要搭檯。如果間餐廳係full，我一定會配合。又或者我坐低後，有單丁客人搭檯，我都無問題！但呢啲情況……同趕客無異，咁我咪走，讓返個位比你囉，好生意呀！

#吃貨心柔日誌 🍽️ 屯門椰仔冰室今次經過屯門參加工作坊，我哋揀咗「椰仔冰室」食午餐🥣🔹常餐 沙嗲牛肉公仔麵 配腸仔炒蛋、丹麥多士因為見到隔籬枱都係叫常餐😅丹麥多士睇落又香又脆，所以都叫一份試吓😌沙嗲牛肉公仔麵，正正常常丹麥多士暖笠笠，香香脆脆心柔食得好滋味👍🏻🔹鐵板餐 牛柳配漢堡扒鐵板餐有點遜色，首先牛扒好難咬好多筋🥲其次最嚴重係塊漢堡扒，無沾汁嘅情況下都極鹹🥲總結，食物整體質素一般，無太大驚喜，亦無衝動想再食下一次。📍椰仔冰室新墟屯門鄉事會路92號#柔心出發#親子好去處 #親子活動 #親子 #假日好去處#在職媽媽 #親子遊 #放電 #新手媽媽 #親子旅遊 #自費分享 #親子工作坊 #工作坊 #一日遊 #北上親子活動 #親子北上

食物質素 比一般 冰室 茶記高 有誠意煮 豬扒 雞扒 大大件 好好食 份量夠飯唔係旱米 食得入口豬扒 抵讚 大大塊 好好好味 唔硬身Chi na 侍應 就一般啦 係咁上下最慘 咁鬼熱 壞咗2部冷氣慢慢食 都食滴汗想再嚟 幫襯 都難

重量級公司三文治 $45好味指數 4/5 🍭🍭🍭🍭{如名一樣真係重量級 一份有四件 每件都好足料 除新鮮疏菜和蛋外 還加上厚切既燒雞扒 真係好驚喜 外層包烘得很香脆 加上入面既配料一齊食 感覺好滿足}蔥花叉燒滑蛋蓋飯 $60好味指數 4/5 🍭🍭🍭🍭{叉燒份量好多 每件都係厚切 不會太瘦太肥 蛋方面較熟 但都很香口很滑 加上特製甜豉油 整個飯不錯}

一個平日晚上 在附近沒有 想試又不用等位的餐廳，決定多給 椰仔冰室 一次機會，今次點了 西多金磚 配 沙律。西多金磚賣相不俗，沙律亦夠大份。如果西多可多點花生醬就更好。今次經驗的服務亦很不錯，侍應都有禮（似乎換了人）。

受氣多過食，受阿姐呼渴，坐過來過去。垃圾服務。以為自己係澳洲牛奶公司，呼喝客人。不知所謂。態度極差劣。完全瞭解這種茶餐廳文化。在這間茶餐廳表現無遺。完全漠視客人感受。當客人是難民。不是消費者。只能夠說可悲可悲。

隻雞髀乾到好似炸左好多日咁，同埋無諗過餐餐廳炸髀沙律，竟然兩塊菜墊底🥶就叫沙律😩。叫外賣速遞嚟到見到心都灰晒。果啲菜油冧冧，分明墊底，點解可以稱為沙律😒。

我屋企一行七人走去食飯,你哋唔安排一齊坐都算,中間隔住咗個卡位,你個客都肯同我哋換位你哋啲職員真係真心勁,唔知係冇出糧啦定係老闆剋扣人工,可以夠膽同我哋講話因為我哋嗌咗嘢食所以唔可以換枱,原來換張枱都咁艱難,原來你哋份人工唔包幫個客換枱或者改單嘅你哋好彩我唔喺現場,你哋淨係識欺負老弱婦孺你哋班人都幾好笑唔知係邊個做？想換枱可以同你哋講？我哋換到枱嘅需要勞煩我專登走過嚟同你哋嘈唔係我啲親戚阻住我我晨早就拉隊走人你哋簡直就係垃圾幫啲客換枱或者改枱號其實好平常係唔知點解你班職員咁矜貴,郁都唔願郁你哋嘅嘢食我就不願置評但係以後樓上樓下盛讚你哋服務好個批肯定全部都係你哋請槍返嚟

以往間中都會幫襯 新墟 椰仔冰室，因價錢合理，食物質素也不錯，例如 茄蛋三文治 也會切開四份，當中兩份豎立放，看得出有誠意。好景不常，自上年2023年起，水準不斷下降： 首先擺盤不如以往，之後連味道亦差了，近期衛生也每況愈下。上次光顧，蝦仁牛肉滑蛋飯，滑蛋 第一口食落已有鑊焦，之後再試 蝦是沒有味道的，牛肉是沙嗲牛肉麵的牛肉，普普通通。同行者食的咖哩牛腩飯碟邊都是咖哩汁，味道也是一般 及不夠熱。侍應每個態度都不同，有禮的有，粗聲粗氣都有。往時不少客人來幫襯，近期去見空位多了不少，實在不無原因。 希望椰仔 可反省過後重拾從前的水準。再之前一次光顧 羅宋湯 附送大條菜蟲。第一口滑蛋就有鑊焦

食物質素差，服務差。專門招待大陸旅客的食店。是一間不招待本地客人的食店。職員服務態度差，特別是收銀位個職員。唔係經常發夢無帶腦返工＜漏單＞都算仲要罵返客人話係我們問題。還有就是食物質素炸雞翼＜炸到乾曾曾＞蕃茄xx意粉,意粉完全無落鹽，蕃茄汁和意粉分開煮淡而無味。漏單情況經常發生，做錯了，不但唔會即刻入單補夠，還要聲大夾惡幾個圍住你兇你＜將問題推卸落客人身上＞見到門口有大陸客人，即刻走來趕客。只係差幾分鐘就下午茶餐，但職員走來一手拍落餐牌，然後兇神惡殺話而家只可以叫午餐。如果要食下午就要夠鐘才可以入座。問題1：門口沒有標示未到下午茶時間，也沒有貼紙話下午茶要在門口等候。問題2：每間分店或者是茶餐廳都不會咁樣做法。差幾分鐘不比看餐牌。仲要罵客人趕客走接待大陸客人。問題3：如果未到時間，點解又會有下午茶餐牌呢？問題4：其實如果職員態度禮貌一點，話比我們知暫時未有下午茶，可能要多等一會才落得單。飲食業服務質素，食物質素經常被人評論，遊客們經常話香港“飲食業”的服務質素很差劣。點解唔反省一下因為你們的問題而令生意差無客呢？還有就係，如果沒有本地客支持，你們又會生存到而家嗎？😒不建議光顧椰仔餐廳，

今早同家人來吃早餐，由接待、落單、送食物、billing, 全部姐姐都非常友善，部長待客熱誠有禮。我叫的藜麥蛋白鮮奶麥皮：好味，份量適中，唔稀唔杰口感啱啱好，好多蛋白，鮮奶味夠。牛角包普通d，外層唔鬆脆。炒蛋好得，有水準。家人叫的沙嗲牛麵，同埋辣肉米粉，都幾好幾好。環境清潔光猛，普通但美味的早餐，愉快的早晨。