椰子樹泰國料理

营业中

休息中

我對泰國菜一直都情有獨鍾，嗰種香辣嘅滋味，總係令人食完之後仲想再添一碗。最近我收到風，話有一間西營盤嘅泰國菜餐廳，主打正宗泰國風味，而且用料新鮮，味道獨特，於是就決定去試吓。呢間店嘅裝修充滿泰國特色，牆上掛住色彩繽紛嘅泰國畫，空氣中瀰漫住陣陣香料嘅香味，令人感覺好似置身泰國一樣。一坐低，侍應就遞上餐牌，上面嘅菜式琳琅滿目，除咗傳統嘅泰國菜之外，仲有唔少創新嘅菜式，真係令人眼花繚亂。我最終決定試吓佢哋嘅招牌菜：泰式蝦炒金邊粉。😋**泰式蝦炒金邊粉**呢碟泰式蝦炒金邊粉一上枱，就聞到陣陣香辣嘅泰式香料味，金邊粉呈金黃色，上面鋪滿咗幾隻碩大嘅鮮蝦，仲有少少辣椒、蔥花同埋香菜點綴。我迫不及待咁拿起筷子，夾咗一箸金邊粉，入口即刻感受到金邊粉嘅爽滑，而且吸滿咗香辣嘅醬汁，真係令人回味無窮。醬汁嘅香辣味唔係單純嘅辣，而係加入咗泰式香料嘅香味，例如香茅、薑、蒜等等，令到醬汁更加豐富。鮮蝦肉質鮮嫩，彈牙爽口，而且份量十足，絕對可以滿足到愛食海鮮嘅朋友。🦐椰子樹泰國料理 (西環)西環西營盤英華臺1-6號華輝閣地下2-3號舖

餐廳空間不算太大，但比較清潔衛生；食物質素都很好，我點了一款蝦膏炒飯，它都不算太重蝦膏味，蝦都算大隻同算肉質比較滑，而且算是大碟同飯量都適量，蕃茄都比較好食，大致上各種味道算是屬於中上級。下次可以試另一款的菜餚。

一直都好鍾意食呢間嘅泰國菜，佢哋嘅價錢好實惠，嘢食又好有鑊氣。次次一定會嗌嘅就係佢哋嘅冬陰功湯， 80幾蚊就有一大兜，同埋好足了。冬天嚟飲真係啱晒。我都好鍾意佢哋嘅燒豬頸肉，配上佢哋特製嘅酸辣醬汁，超級惹味。今次仲試咗佢哋嘅生菜肉碎，份量好大，好香好辣。甜品就嗌咗佢哋嘅芒果糯米飯，芒果10分新鮮，糯米好大嚿，好抵食呀！

雖然我係中環返工，但係午膳時間我鍾意坐地鐵周圍食，今日就去咗西營盤站，睇吓有啲咩野好食😅沿住C出口去高街方向，見到呢間泰式餐廳，侍應都似係泰國人，咁我就入去試下正宗泰菜先💃🏼午市套餐都有好多選擇，最後我擇左：- 炒金邊粉 $68- 炸蝦餅 $28- 泰式奶茶 $3泰式奶茶對我嚟講有啲甜，不過我知道呢個係泰式奶茶嘅特色。金邊粉超好食，好足料👍🏻可惜炸蝦餅就有啲失望，唔係太彈牙同無咩蝦味。埋單$104，都ok呀。

差！差！差！重要嘅事情講三次午市時段店裏只有兩台客，心想可能只是落雨關係，見那兩台客均有叫豬頸肉飯，應該好食，於是亦叫了豬頸肉飯，另加青咖喱牛肉飯，飲品係泰式咖啡及泰式奶茶。結果難食到爆：咖啡冇咖啡味泰式奶茶甜到嘔🤮（仲要加$ 8）豬頸肉飯好普通，冇一般外面食店嘅炭燒香味最離譜係青咖喱牛肉飯，啲牛肉全部係根位，咬極都食唔到，吞唔落，亦冇牛味，會以為自己咬緊塊膠，仲要全部牛肉都係咁！同服務員反映，佢回：係咩？！就走咗去，連唔好意思都冇講🤬🤬🤬🤬🤬原來多人叫嘅豬頸肉，只係一般冇咁伏！作為一個正常嘅香港人，經常在外面吃飯（香港咁多泰國餐館）常年去日，台，泰旅行嘅人，真係第一次食到咁難食嘅泰餐，仲要呢間餐廳全部都係泰國員工，真係奇觀！

食過幾次 嗰日一家大細 再去幫襯 家姐九歲 抱住嗰兩歲大嘅細路 點三個餐都話唔得 一定要叫多個小食。咁都算數，我哋點咗個蝦餅！個D凍飲 我哋講明要少冰 （因為細路仔都唔想佢哋飲咁凍）點知嚟到 全部有一半係冰。 我哋反映意見， 個老闆娘粒聲唔出 入去到倒左D冰 剩返半杯拎出嚟。 我問佢點解會咁…佢話少冰就係咁 如果唔係對其他客人唔公平。 我真係咁大個人未見過啲咁嘅服務 同感嘅邏輯思維！ 從來唔寫文章投訴人哋 今日都頂唔順😡😡😡😡😡。食物係唔差，但如果咁嘅服務態度 你送俾我都唔食。

之前食過炒肉碎飯都回味無窮😀，間中lunch 都有再來，食過金邊粉, 午餐連熱飲，$68 ，無加一收費，大大碟的算扺食👌，再叫了碟炸春卷$28，有四件，晚上餐牌是大碟些，但較貴啊😅等約10分鐘，就已有熱騰騰的金邊粉食了😋，好香啊，伴菜芽菜都很爽，金邊粉炒得恰到好處👏，炒得得乾身，不會有油在碟底👍，上面鋪了花生碎，好香脆😃另一天，我也到來食海南雞飯，好大碟😃，飯很香，雞件有約10件👏，醬汁都很好，試了杯熱咖啡，不算太苦，香濃易入口😂

Lunch time 特意由中環到西營盤的誠記，想試朱扒擔擔麵，但到了見掛著‘closed, thank you for coming’，唯有沿著斜路走下去，再在open rice 看看其他餐廳，沿著電梯下來，見旁邊有些餐廳，有間門外有幾人在等入座，我走去看看是一間食泰國菜的，店子雖然不算寬敞，但裝修簡約，約有20多個座位，都坐著客人，我都想試這間，在門外等了5分鐘便有位午餐有約10款，見鄰座的炒肉碎飯多麼吸引，我就點了這款, 連熱飲$68, 加蛋要加$5, 再加份蝦餅$28, 約8分鐘就有得食了，每款食物都是熱騰騰的, 應該是即叫即煮的，加分，雖然碟子不算大，但飯餸都不少，肉碎炒得很香，加了辣椒真的美味無窮，連配菜的兩片青瓜都是爽脆的，片蝦餅炸得很香脆，蝦肉是爽彈的，下次要試其他食物

去開般咸道，順便去西營盤搵吓嘢食，咁啱見到喺高街與般咸道中間嘅英華台，原來開咗一間泰國嘢，見啲師傅同埋是影到類似泰國，咁就決定去試下。佢哋嘅裝修好簡潔，普普通通一間餐廳，但啲嘢食都幾好味，買咗個炒河粉，明爐烏頭，炒通菜，海南雞飯，全部都比我預期好食，價錢都幾街坊價，因為肚餓唔記得咗影相，淨係影咗甜品！泰式炒河粉…..好香口，河粉炒得唔會黐埋一舊舊，夠煙韌，值得推介明爐烏頭…$1xx, 超級多配菜，總之條魚又夠大條，加埋啲酸味味嘅湯，嘢味又醒胃👍芒果糯米飯….芒果好好甜，糯米飯暖笠笠，加埋啲椰漿冇得頂😋芋頭椰汁糕未試過，原來芋頭加埋啲椰汁清新又好味

ตกแต่งร้านน่านั่งดูร่มรื่นโทนสีสบายตา กับข้าวอร่อยและรวดเร็ว โดยเฉพาะเนื้อจิ้มแจ่ว ส้มตำปลาร้า ข้าวผัดปู คอหมูย่าง มีเมนูอาหารหลากหลายให้เลือก เครื่องดื่มก็มีเยอะ ที่สำคัญพนักงานเป็นมิตรและอัธยาศัยดี ให้คำแนะ อธิบายทุกเมนูอย่างโปร จะกลับมาใช้บริการอีกอย่างแน่นอนคะOne of the best experiences in Thai restaurant in hk, variety of food and drinks, small but comfy. Friendly staff and helpful if you need recommendation or any doubt she will give you prompt response. Definitely will come back.

朋友話系西環揀一間餐廳出黎聚下 咁岩openrice彈出黎 所以揀左呢間 到去既時候 餐廳比我想像中高😂 好彩有扶手電梯 所以還好兩個人食 但吾覺意叫左三餸一湯 預左食吾哂但點知又真系比我地食哂 揀左豬肉炒飯 佢既豬肉好似腩肉但得肥個部分 但我後尾諗反應該系嫩口既豬頸肉🤔 味道吾錯 本身想叫馬拉盞通菜但賣哂🥺 所以退而求其次揀左芥蘭 又幾好喎 吾會好老 爽口之後必叫既肯定系冬蔭公湯 佢系海蝦冬蔭公湯 湯入邊有兩隻大蝦 然後味道小辣 冬天飲完即刻好暖🥰不過佢個湯匙太大 個爐中間咁樣 有點難用 建議可以比小匙羹 會有更好用餐體驗我地叫完三個餸 店員推介我地再叫一個蛋蠔仔餅話好正 我地問會吾會太多 佢話吾會 所以我地就叫左啦佢既蠔仔餅好鬆脆 入面既蠔仔亦吾腥 兩樣野食落去口感讚！本身已經好足味加埋辣椒油/醬 仲惹味🤓整體黎講 小鋪比預想優質 不過賣單個時只收現金同八達通 有啲措手不及😂 如果有多啲收費工具會更好

位於西營盤英華臺的「椰子樹泰國料理」，係一間環境簡約舒適的泰國菜餐廳🍴餐牌主打泰式前菜、沙律、湯、主菜及飯麵，選擇豐富泰式拼盤小食拼盤份量十足，適合多人共享。蝦餅炸得金黃香脆；魚餅濃郁美味；春卷脆卜卜，裏面釀滿素菜粉絲餡料，口感及味道都好豐富！肉碎生菜包清新開胃～串燒沙嗲雞肉都好好食哦喇沙蝦湯米以熱石鍋上桌，有助保溫～喇沙湯底香濃微辣，米粉吸收哂湯汁精華，好正呀！豐富嘅配料有：清甜蘿蔔、芽菜、豆卜、魚片、雞蛋及鮮蝦等等，好足料馬拉盞炒通菜新鮮翠綠的通菜，口感爽脆，加入馬拉盞一齊炒，每條菜都鹹香惹味香噴噴

We arrived at around 1230pm, but there was a queue at around 1pm.The staff are probably Thai, as I saw them writing in Thai to take our orders. One of the staff accidentally knocked over a sanitiser, which fell onto the floor and squirted quite a lot onto the elbow of my shirt. However the staff did not notice and I just let it go.It depends on luck whether the parts of the Hainan chicken you get are good or not, as one of the Hainan chicken had more meat, while the other plate had more bones.Th

椰子樹泰國料理西環英華臺1-6號華輝閣地下2-3號舖渣車去了山頂遊車河, 山頂上餐廳好多都關門了, 可以無刎旅客啦,所以索性唔開門或提早關門,咁落返山先搵地方食晚餐。中環人多比較難搵位泊車, 所以揸了去西灣, 預有時間食完再去西環海旁吹風。係扶手電梯旁,入了間食泰國菜架小店,$92 SATAY 6串,有豬牛雞一次過食到3款肉。竹纖上插了很多肉, 一定要點個SATAY才過癮呀!$78 香草炒肉碎 / $88 青咖哩雞 惹味又下飯, 紅辣椒碎令菜式辣辣地, 加上香料濃味, 跟白飯吃已是極之美味的。$88 泰式腰果雞, 好似辣炒雞丁, 因為想食香口架腰果所以先點, 腰果香脆,是加入了很多辣椒與及泰國香料一起炒, 味道濃郁因為餸菜單點沒有包飯, 可以自己再加白飯 $15/ 油雞飯 $20/ 酥餅$30,

椰子樹泰國料理😋😋😋惹味地道泰式人情味正宗泰國人主理人、隱藏於西環英華臺、店主同員工都係泰國人、他們溝通都係泰文、雖然我唔識得聽、地道人情味充滿餐廳、餐廳擺設都掛🈵️泰國東南區的相片、簡單、最重要食物味道地道泰式yummy yummy 😋 沙律青木瓜沙律$62材料專用嘅泰國青木瓜、紅蘿蔔泡成絲條、加少許芽菜、特配泰國甜酸辣汁、真係開胃前菜、清新、加埋切邊蕃茄仔㸃綴、色、香、味good good very good😃前菜泰式拼盤$165拼盤集合泰式嘅特色、有蝦餅、魚餅、春卷、肉碎生菜包、串燒沙嗲雞、蝦餅脆口彈牙好香蝦味、魚餅鬆軟香腍有魚味、春卷炸🉐️金黃脆口、卷內食物好足料、有菜、粉絲、豬肉、配埋泰式酸甜醬、惹味、超正!😋😋肉碎生菜包、肉碎帶酸辣味、配生菜包合食、清新易入口、仲有串燒雞肉、配埋地道嘅沙嗲醬、好味、惹味、一流👍🏻👍🏻👍🏻⋯⋯食到飽飽、滿載而歸😋😋Drink🥤 芒果沙冰$38用芒果同冰快打磨成沙冰、解喝、冰涼透❤️！薄荷青檸梳打$38多片薄荷葉、泰國青檸、梳打一瓶、自裝好氣勢、咕嚕咕嚕、快感！#西環#有味道#地道#泰式#椰子樹泰國料理西環英華臺1-6號華輝閣地下2-3號舖