椰小盅燉湯專門店 (太古城中心)

营业中

休息中

這店在誠品書店內的第二層，近中間的入口。晚上有椰小盅精選飯餐，有堂食的。這次外賣竹笙排骨椰小盅燉湯配飯 ($80)椰小盅燉湯包裝嚴謹，椰子不算大，但湯清甜，感覺沒加鹽或味精，天然也足料的。跟的飯是紅米飯，飯上有一隻卥水雞中翼，另跟一小盒菜甫。

今日叫咗外賣, 好耐冇食就再試下呢個燉湯😊如果以外貌黎講, 全個椰子takeaway係好IG-able😍 味道方面中規中矩, 不過幾欣賞佢個紫薯飯, 好似好健康呀👍🏻👍🏻

體感得1度，最好飲返d 湯水補補佢，GG極度推薦❤️❤️❤️📌織金竹笙子排椰小盅（$66）+ 叉燒配燒腩仔脾配白飯跟特色茶同啫喱（$25）+ 可樂 （$10）呢個湯可以調整腸胃同潤肺止咳，啱曬呢排天氣凍周街人都狂咳。叉燒同燒腩仔都好夠味，送白飯一流！啫喱臨上花奶，中間收藏住一舊菠蘿，充滿童年回憶、兒時風味！📌 小蔥拌麵配椰小翅兩隻（$32）雞翼撈麵永遠係最佳配搭，簡直係世一，仲有咁多菜，夠曬健康。最後飲返杯特色茶作為最好嘅結尾，補充返一日嘅能量。💸$133

再次到訪椰小盅 太古城分店嘆下午茶🥣位於一樓誠品店左邊入口，內有少量座位我哋一家四口👨‍👩‍👦‍👦叫咗3份下午茶🔸蕃茄芝士多士 +百合雪燕燉桃膠 $46原盅燉雪燕桃膠好足料，百合好清甜蕃茄開胃🍅芝士拉絲🧀🔸細叉燒飯+豆漿$29叉燒，菜脯，配五穀飯🔸雞翼小蔥拌麵+ 豆漿 $29蔥油拌麵好香，仲有滷水雞翼三個餐咁樣加埋先係$104咋，好抵食

早兩日去開太古城，見到誠品店入面有間食店座位闊落，於是入去幫襯咗下午茶餃子🥟4隻 +百合雪燕燉桃膠 $46原盅燉，好清甜細叉燒飯🍚+豆漿$29份量一啲都唔細，再加埋佢啲五穀飯，感覺好健康雞翼小蔥拌麵🍝+ 豆漿 $29滷水雞翼好入味三個餐咁樣加埋先係$104咋，飽到我哋兩個晚餐都冇食😂椰小盅燉湯專門店 (太古城中心)📍太古太古城道18號太古城中心1樓誠品生活L106號舖#椰小盅 #燉湯 #下午茶 #抵食推介 #太古城

========方便不想煮飯又想吃得健康點的人========以前飲過這間單點的燉湯, 味道較濃, 但下午茶數十元便包了花膠雞燉盅湯, 雞翼和紫米飯也算不錯了雞翼只有一隻, 但滷得入味, 紫粉飯偏硬, 但符合本人口味~OK , 得閒晏晝經過可以再食==============================

同女朋友太古城行街經過誠品一入去就見到今日介紹既鋪頭，睇完門口個餐牌就叫左個小炒四寶黃牛燜飯女朋友就叫左個燉湯餐配花膠土雞燉湯玫瑰露豉油大雞肶飯首先我果個四寶黃牛燜飯，老實講幾香，同埋有個沙漏應該係比我地計時睇個飯幾時得😂😂講返個飯原本好驚佢乾到入唔到口，出奇地無呢樣野，不過牛肉乾左少少(但理解既😂) 65蚊我覺得好合理女朋友既，花膠土雞燉湯玫瑰露豉油大雞肶飯湯我覺得足料，唔覺得太咸最重要係無味精成個晏晝無飲野都唔覺得口乾，雞脾就無乜特別平平無奇，如果要我講我覺得佢地定位可以係鴻福堂😂😂總括一句，鍾意飲湯既朋友可以試試10分滿分我都比7分佢，有機會再黎食過❤️❤️❤️#太古美食 #food #foodie #blog #foodblogger #hongkong #852 #taikooo #椰小盅燉湯專門店 #湯

難得放假好懶煮飯，就去買左椰小盅外賣，整體好健康，而且原個椰子拿走，夠晒誠意。外賣包裝方面值得一讚👍🏻因為真係保鮮紙+2層錫紙+保鮮紙完美封實，我自取行左15分鐘湯依然熱，無倒瀉。飯量個人覺得頗多，1.5碗左右。紫薯飯相對健康低升糖，配有雞翼。湯清甜無添加，叫了個織金竹笙烏雞椰小盅，裏面有雞肉，足料，健康晚餐值得再叫！

椰小盅的湯香甜又足料🫶🏻依家冬天更適合不過！本身依家啱啱天氣轉涼，飲完即刻暖笠笠。本身個湯好鮮甜，雞好滑好好食，啱晒我呢D懶得煲湯嘅人，買完即刻飲，好方便🤣

最近我造訪了「椰小盅燉湯專門店」這裡以其獨特的椰皇燉湯聞名。我點了兩碗湯，分別是椰皇燉的蟲茸花鮑魚雞湯和人蔘烏雞湯，並且加點了豬腩同燒肉紫薯飯。整體而言，這是一次非常美味且令人滿足的用餐體驗。首先，描述一下椰皇燉的蟲茸花鮑魚雞湯。這碗湯的味道清甜可口，其中的花鮑魚和雞肉燉煮得軟嫩，椰皇的香氣與湯的鮮美相融合，為整體味道增添了一絲特別的風味。蟲茸的加入提供了額外的口感和營養價值，讓這碗湯更加豐富。我真的很享受這道湯的味道，溫暖和滿足的感覺。另一碗湯是人蔘烏雞湯，相比之下味道稍微偏咸。這碗湯的湯底濃郁，搭配著人蔘的香氣，讓整碗湯充滿了滋補的效果。儘管味道稍咸除了湯品外，我還點了一份豬腩同燒肉紫薯飯。紫薯飯的搭配讓整體菜品更加豐富多樣，而且紫薯的甜味與豬腩的鹹香相襯，形成了一種絕妙的味覺平衡。最後，讓我提一下自製山渣茶。這杯茶非常特別，口感清新

最近缺乏湯水，皮膚都比較亁燥。幸好公司附近有一間椰子燉湯專門店，速速走去飲番碗救救皮膚先。織金竹笙小排椰小盅嘩！原個椰皇！有一大條竹笙。打開蓋子己飄來椰香，湯底非常清徹，味道好清甜。燉煮火喉足。每啖經過喉嚨深處，感覺好舒服。紫薯飯顏色好美。充滿紫薯味，粒粒紫薯軟糯，不過飯粒就比較硬。還有配菜：雞翼一隻，菜脯少許。

返工忙碌嘅我哋，平時真係無乜湯水飲。所以間唔中都會同太太嚟呢間椰小盅食晚飯，呢度嘅滋補湯水選擇好多，啱啱好補下身子。椰小盅嘅湯可以揀椰子燉湯同燉盅湯，我哋覺得兩款都好飲，視乎你想飲咩湯。有時候想清清哋，就揀椰子燉湯；想啲滋味濃一啲，就揀燉盅湯。呢度最吸引我哋嘅係佢嘅小菜選擇夠多又無味精，相對健康。啲小菜份量適中，啱啱好同湯水一齊食。仲可以加錢叫甜品，收工後簡簡單單一餐就好滿足。另外，佢仲有印花卡，食得多嘅話可以儲埋分。儲夠分仲可以換返一餐，真係唔錯。

天氣凍凍地，想飲熱湯，去到見到佢廚房咁簡陋對佢食物都唔會抱好大期望，叫左3個餐，2個跟燉湯。炸魚柳飯問佢跟咩汁，佢話跟沙律醬，咩玩法呀？最尾我問佢可唔可以比咖哩汁，佢都好好，話可以。等左接近15-20分鐘，魚柳是淋的，唔好食蕃薯飯是紫紫地，但只食到一小點蕃薯。紅米超小，肉燥份量一節手指咁多啦椰子湯個椰子唯然話唔會重用，但個壳好殘仲要黑到👉🏻👈🏻。湯清到只有椰子未無雞味，烏雞肉是‘梅’的花膠燉雞入面一小點花膠都無，只有硬豬肉同雞皮整體來講，湯品-鴻x堂好佢好多，食物-9唔搭8，環境有點污煙，餐具有‘積’自製山楂茶試茶變咗玄米茶茶包，頂！我都廢事同佢地講比佢個名呃左，絕對無下次！

來到太古, 時間尚早, 決定先吃個早飯, 避開午市人潮。見小店主打燉湯, 飯可選紫薯飯, 感覺健康, 且標示2020和2021兩度蟬聯米芝蓮推介街頭小吃, 應有一定質素, 便光顧了。 小店座位不多, 採自助取餐及回收餐盤。午飯時段座無虛席, 驟看每枱也有點湯品, 頗受歡迎。 1) Y5 當歸乳鴿四物椰小盅 $842) B2 焦糖醋香排骨 $303) 紫薯飯4) 特式茶: 自製山楂茶5) 啫喱: 花倫啫喱當歸乳鴿四物椰小盅有補中益氣, 調理止痛的功效。湯以椰盅盛載, 打開盅蓋, 中藥味濃厚樸鼻, 但入口中藥味竟不重, 頗清甜。湯有點燙口, 喝畢感覺暖笠笠。湯料有乳鴿和少量中藥材, 鴿肉煲至腍身, 骨肉易分離。椰盅的椰子肉十分硬, 刮不到吃, 內心不禁懷疑椰盅不會回收重用吧, 見收據標明椰子只用一次, 便釋懷了。紫薯飯有紫米和紫薯粒, 伴有肉鬆和粟米, 增添口感, 唯紫米和紫薯量不多, 纖維感不足。 焦糖醋香排骨肉雖腍但偏柴口, 有白色軟骨的排骨比例高, 算易咬開。伴有少量爽口的椰菜, 醬汁有點油膩, 凍了有白色油脂浮面。 特色茶為自製的山楂茶, 味較濃郁, 有澀味。 啫喱提子味香, 有大

糖醋排骨飯 值得一試 豆漿好有豆漿味紫薯飯好正 可以返轉頭 個餸夠晒多 排骨好多肉 唔太肥 菜都有條 好正 重有燉湯啊 冬天飲勁正 勁暖身 🤤🤤重有甜品 手工芋圓 果然有品味 重可以外賣 正