椰小盅燉湯專門店 (已結業)

嗯，親身體驗藍田真係個鳥不生蛋嘅不毛之地。當日行一轉，叫做有啲意慾去幫襯嘅餐廳真係外星人單手用三隻手指都數得晒。幾年前因工作關係，頻頻食過好幾次嘅椰小盅意料之外原來藍田有分店，當年記憶點頗深，用原個椰盅載住嘅熱湯，曾温暖我好幾個嚴寒嘅冬日。係，實情係嗰日大熱天時，坐喺斜陽直曬嘅玻璃窗前飲熱湯，用個「嘆」字係有啲勉強，但唔講環境齋講嗰盅湯確係清甜美味，#蟲草花干貝土雞燉鮮鮑，撈底一如記憶咁足料，細細盅更覺乜都有啲，另一款 #竹笙烏雞 就較清淡。值得一提有胃口可以加錢配埋個餐，重點係識叫一定係要食佢個紫薯飯，淡淡哋有陣紫薯香同埋個口感亦比較一般白飯軟糯👄。至於糖水部分係私心追加，食飽飽都想養吓顏。兩款個人本身其待個牛乳花膠多啲，但食過又反而鍾意百合燕燉桃膠，口感豐富比花脹優勝，加上係極度足料！

今日諗住食得健康啲☘️黎咗呢間主打賣燉湯嘅餐廳，佢地嘅湯無鹽,無糖,無味精,無添加，飲嘅係湯本來嘅鮮味！🍴織金竹笙烏鷄椰小盅-益氣養血、美容養顏呢款係用椰子殼裝住，睇佢地電視介紹📺會連埋嘅椰子一齊煲🤣椰子甜味重🍴花膠土雞燉盅湯-滋陰套顏、女仔超鐘意呢款就用燉盅裝住，一飲就feel到呢個湯好有火候，煲咗4個鐘👍🏻啲雞煲得好淋身，亦保持本身香味可能我平時食得太重口味，飲個陣好想加啲鹽🧂🧂超值飯餐：配紫薯飯🍠+菜脯+雞翼 撈公仔麵餐：雞翼+公仔麵🍴手工芋圓配料十分豐富，材料有芋圓,仙草,紅豆,椰果，芋圓煙韌而且份量好多😯📍椰小盅燉湯專門店 (藍田)地址：藍田茶果嶺道95號麗港城三期麗港中心商場地下10A號舖

話說衰鬼朋友見C9我最近無乜點煮飯，話Lunch time既時候帶我去飲湯湯潤一潤個人🤤🤤原來衰鬼朋友係帶我黎依間「🥥椰小盅」‼️之前睇過某YouTuber介紹，評價都吾錯，C9我一直都好想品嚐一下。估吾到而家藍田麗港城都開左間分店，就曬我返工路程呀！舖頭雖然面積吾大（得4張枱）但枱同枱之間都尚算鬆動。舖仔細細湯品種類都幾多選擇，不過有選擇困難症既我就吾諗咁多，C9我一於叫個有竹笙烏雞既椰盅燉湯🤤而衰鬼朋友就叫左個花膠排骨土雞燉盅。除左湯之外仲可以加錢轉套餐，有飯有肉肉有甜品，都幾豐富👍🏻👍🏻兩個人圍返開$90左右一個套餐，有熱辣辣既靚燉湯之餘仲有特色紫薯肉燥飯，主食肉肉仲有原隻雞髀同糖醋排骨。樣樣都落足心機比足料👍🏻能夠飲到足料靚燉湯，間吾中lunch或者晚餐豪一次都可以接受呀😆😆後尾上網睇返先知「椰小盅」原來有3間分店架！👍🏻西利呀

今日來麗港城探朋友順便喺附近食飯，好耐冇飲燉湯啦。餐牌有好多款燉湯選擇，主打椰小盅燉湯，仲可以加錢轉套餐，有飯有餸有菜有甜品。蟲草花幹貝土雞燉鮮鮑椰小盅好大盅，用鮮椰汁燉，🤩湯非常清甜，清澈少油，飲到最後都係熱辣辣；材料豐富，有蟲草花，干貝，土雞，😍大大隻鮮鮑魚，鮑魚厚身，爽口鮮味，雞肉多肉少脂肪所以先會咁清；整體除咗鮮味仲有保健作用，平肝固腎、提升免疫力👍🏻撈公仔麵，秘製雞翼 （+$12）雞翼夠晒大隻，非常入味；秘製醬汁撈公仔麵好惹味，面身爽口彈牙。自家豆漿豆味香濃，不過就係細杯左啲。🥒爆爆青瓜(中份）青瓜爽脆，酸酸辣辣非常開胃。椰香燒賣8粒燒賣飽滿，煙韌彈牙，加咗椰絲另有一番風味。桂花鮮奶燉蛋白好香奶味同桂花味，質感滑溜，入口Creamy😋蠔油菜心菜心爽脆翠綠，切開左一段段方便食用。

早前在太子店都有嘗過呢間專門燉湯的小店#椰小盅，原來係藍田都有間分店，今晚路過見到就一於進店，飲番個滋補養生嘅湯水先得。小店的湯主打無味精，無鹽，無糖，絕對係原汁原味👍。
我點了花膠排骨土雞燉盅湯，此湯的功效是滋陰養顏，愛美的女士首選🥳。材料有花膠、排骨同雞…，飲落清甜夠味。加$9配肉燥紫薯飯，飯用料是紫薯、糙米、小米、芝麻…，飯粒分明又健康而且有米香。自家醃制爽脆的菜脯，仲跟隻雞翼，非常之抵食。配餐的話會加送熱茶，同迷你花奶啫喱，夠晒親民。蟲草花幹貝土雞燉鮮鮑椰小盅，此湯的功效是平肝固腎，提升免疫力。原隻椰子上，飲到好香椰子味，湯夠濃郁，仲有原隻鮑魚在內，都只係售$80，堅正。加$25配日式咖喱牛腩配紫薯飯，日式咖哩味道唔會好辣，小朋友都啱食啊！
得閒飲下滋潤湯水， 為自己加加油👍☺️。

由太子幫襯到呢度，由初初開店，到依家個分別真係太大，啲野難食左，啲湯難飲左，由本來全部都係椰子燉，變左好多都係普通湯，冇左本來椰個意義。錯漏百出不在話下，湯可以出錯，唔緊要，一個湯有味另一個湯冇味既，都唔緊要，證明真係分開整既，但客人比錢買餐，餐點有問題，係咪應該要作出更換？貴店係冇做到亦選擇不作回覆。今次實在太失望，一次又一次既支持，換來一次又一次既失望，唔知道貴店是否放棄了生存之道，如果還想繼續經營，真係需要作出大大既改善，我今時今日先知道原來社交平台嘅負平都有好多，但都多謝貴店令我當初品嘗到好味既《椰子》湯。

湯水就冇乜問題，但個盒最好用個密實少少，話晒你哋嘅賣點都係個湯，個湯仲要買成百零蚊，運到過嚟都倒瀉咗一半。晚餐想飲湯，始終都想配啲主食，但係糖醋排骨非常之「鞋」，食到好冇癮，滷水雞翼通常都「鞋」所以無計，個叉燒飯真係又「鞋」又乾，食到我哋好唔開心。燉蛋白就冇乜問題嘅。我都好想為左個湯而幫襯你哋，但係啲主食/肉類真係好唔得，希望你哋再研究吓新菜式。