影片
主要客源係區內街坊同附近學生，款式多價錢平，燒賣魚蛋麥樂雞碗仔翅餐蛋治腸仔印尼撈... 味道普普通通啦，唔係要專登去試嘅食店。對我黎講，味道係普通但又不普通，陪度過學生時期，慳左唔少錢；口痕時有多選擇，平平地就買到成盒併盆咁，睇到都開心！所以好好享受樓下仍有嘅自家小食店（非連鎖），隨時可以掃街係幾開心仔
继续阅读
本身去見有Foodie推薦先去，落單嘅時候，店員話聽唔到就重複咗一次，結果比完錢仲要喺度口噏噏話聽唔到我講嘢唔知係話緊定點😯到攞嘢食嘅時候候前一個Number係比堂食，你所當然下一個Number冇特別講外賣定堂食都會以為係堂食咁咪喺堂食嗰個位等，結果俾個白色頭髮嘅阿婆鬧返轉頭嗌咗幾次都唔應🫢唔知點解我個Number又會去咗外賣，同埋我係完全聽唔到佢有嗌過我個Number，冇諗過其他食客評價嘅嘢會咁啱又發生係我身上🫢買咗小丸子撈麵同埋腸仔，個人覺得小丸子CP即係幾高，6蚊3粒都有章魚粒，雖然冇太多嘅配料，不過都好抵食👍🏻但個撈麵唔夠味，食落好淡。至於腸仔個人覺得煮太耐，食落口已經係腍晒正常彈牙口感都冇，不過如果係純粹路過醫肚都可以接受，至於因為Foodie推介先去嘅就唔係好建議
继续阅读
剛剛收工，經過彩虹邨，諗住食碗米粉， 叫咗豬扒漢堡扒米粉， 一句沒有豬扒其他要唔要， 諗住都冇乜所謂，要了一個豬頸肉漢堡扒米粉， 食食下發覺唔對路， 湯底裏面有個細細的小強， 於是同老闆反映， 佢話你喺舖外面食，好肯定隻嘢係飛落去， 其實我一路睇住，肯定冇嘢飛落去，小強點會飛到落去， 之後又話整個碗畀我， 碗嘢我食咗一半左右，跟住細細聲畀我聽到又話我都食曬， 咁好啦，我有骨氣啲，我唔需要你再整碗畀我呀， 而家諗返喺隻小強，食都食唔落🤣， 仲有一個年紀大少少嘅阿姐， 成日都用手掂到啲食物， 又唔戴手套。建議大家真係唔好貪平， 又要受氣！衛生又差！
继续阅读
上次寫完佢杯珍珠奶茶有幾差，今次比個機會佢翻生。行過特登叫左杯椰果奶茶走冰走甜，奶茶真係茶記奶茶味，今次亦再無茶燶味，無冰再加上椰果本身嘅糖水味令成杯野飲終於達到平衡。好飲。下次會再咁叫👍👍
继续阅读
《楓林軒》係彩虹邨響哂朵嘅街坊食堂，由1998年開業至今，陪住一代又一代嘅「彩虹之友」成長，可以話係哩一帶學生哥同街坊嘅集體回憶之一🥸 《 咖哩魚旦燒賣撈麵 》$17 4 / 5呢個堪稱「學生哥套餐」嘅魚旦燒賣撈麵，賣相雖然平平無奇，味道亦較平實，但勝在經濟又實惠，五粒魚旦五粒燒賣，仲有大大兜麵用小編果代學生哥嘅標準嚟講，17蚊可以食得飽而味道又過得去，已經算係「恩物」 😭 睇見呢間小店廿年如一日嘅招牌，牆上滿滿嘅A4紙餐單，令人感動嘅係價錢竟然係咁多年都冇加過 ❗單單係呢份人情味已經打動人心🥺 經過呢幾年社會嘅急速轉變，好多嘢已經被時代嘅浪潮沖刷得面目全非，能夠堅持落嚟嘅事物我哋更加要好好珍惜，希望老闆呢份信念都能夠傳承落去👍🏻🙌🏻🙌🏻🙌🏻———————————————🏠環境舒適度：外賣自取🥡👅舔脷回頭度：💛💛💛💛📸打卡able度：💛💛🙇🏻♀️服務滿意度：💛💛💛💛———————————————
继续阅读
您可能会有兴趣的...