楚留香美食

营业中

休息中

劣評😥見佢開左一排，諗住試下買外賣試一試，夾餸姐姐都幾好禮貌，體驗都唔錯，係去到收錢個一步，下？？？？講普通話？咁快輸入左外勞？問多佢一次幾錢。佢繼續堅持用普通話對答喎，唔會再幫襯，雖然話好多姐姐都係有譚仔音，但唔該尊重返本地人，我地講廣東話架味道不過不失，飯餸溫度唔熱，暖暖咁囉，唔洗試了，亦唔想再去聽普通話

唔想成日食美式快餐，朝早份早餐又唔飽，想搵白飯食。咁啱行過呢間，就入去試吓。38蚊一個三餸，响灣仔都算平。十幾款餸，樣樣都想試，難得𢳂餸個姐姐仔又好耐性，無催催貢(後來有啲長者嚟買飯，姐姐仔都好耐性)。最後揀咗南乳齋、咕嚕肉、炒牛柳。南乳齋：凍咗，無預期中好味咕嚕肉：夠火喉炒牛柳：略鹹加5蚊有汽水，不過可能放咗出嚟一段時間，罐面出哂水，又唔夠凍食完阿姐好快嚟收碗碟，無即刻趕走，可以繼續坐。不過冷氣唔夠，食到成頭汗，食完都唔想久留。p.s.因為太肚餓，無影相