極上冰室

营业中

休息中

【油尖旺區】【極上冰室】尖東呢邊啲餐廳轉變得都幾快，所以我呢個「1am紅館」系列其實長寫長有。最緊要嘅一點係呢件事曾經得到過女同事嘅鼓勵，即刻唔需要再講啲乜，踏踏實實做好佢。嚟到漆咸道南嘅呢個位，之前係「愛上米線」嚟，某個情人節同經理哥食過，都好耐喇。而家變咗呢間冰室之後，就好似近代嘅裝修設計咁，光猛得嚟帶啲 cyber 感。我唔理啦，我都係入嚟食嘢嘅啫，睇某個網站見到應該係宣傳過，不過我就自費嘅。平平哋叫個「常餐」，本身想叫沙嗲牛肉點知賣晒，雪菜肉絲都冇晒，唯有食佢哋啲叉燒啦。個 $58 嘅「蜜汁叉燒湯公仔麵」，啲叉燒堅靱過我對女同事嘅愛，醬係幾好但幾鞋口。個「火腿奄列」唔差但唔夠熱，加 $8 嘅大「菠蘿油」中規中矩。餐飲我加 $3 飲凍「香滑奶茶」反而可以，好過晒啲嘢食先。埋單 $69，非常平庸，可能食唔正佢哋招牌菜。。。（地址：尖沙咀漆咸道南41-45號其士大廈地下D號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food

位於尖沙咀的極上冰室，地方都大裝修簡約，全部是梳化位坐得舒服，而且位於黃金地段的餐廳食物質素很好份量都大，價錢一啲都唔貴非常實惠，所以客人源源不絕。👍💯💯💯💯💯💯餐牌選擇多，有早餐、有常餐、有小菜、有炒粉麵和炒飯，小菜有套餐也有散叫，也有二人和四人套餐選擇。👍我們選了2人套餐$168，可任選兩款小菜+兩碗白飯🍚+兩碗例湯🥣。蜜椒金薯🥔一口牛🐮薯仔🥔煮得好淋加上蜜糖🍯食落很甜，牛肉粒🐮份量都多，煮得唔硬很淋很嫩滑。😋🫶👍西芹腰果炒蝦球🦐西芹新鮮腰果炸得爽脆，蝦仁🦐大大粒，食落爽口新鮮。🤩🫶👍💯合掌瓜雪耳南北杏湯x1羅宋湯x1羅宋湯多料有很多蔬菜🥕🥬，飲落酸甜帶微辣🌶️，好飲。😋👍跟餐加配飲品凍咸檸七$9，紅豆冰$9咸檸七味道正常，紅豆冰紅豆有半杯份量，煮得很淋很好食。🫶👍港式脆蠔🦪餅$108跟餐配白飯🍚加例湯🥣蠔餅🦪份量很大，外表炸得金黃鬆脆，蠔肉🦪大大隻食落冇沙，很juicy，配上雞蛋🥚和蔥一齊食好香。👍💯

趁今日星期五一家大細出去尖沙咀行街街~到左晚餐時間經過一間好光猛嘅極上冰室餐廳，再睇睇餐牌有二人餐、四人餐及多款菜式任選擇，就決定入去試一試……😋😋😋😋冰室以QR code 落單，既方便又快捷，落單後餸菜熱辣辣上枱，很不錯！👍🏻👍🏽👍🏾👍🏿我們選了二人餐＄168：任選兩款小款菜+兩碗白飯+兩個中湯/西湯+＄6有杯凍飲🔖蜜椒甘薯一口牛：微微的甜香蜜椒帶來層次感和味覺的體驗，一口牛更加很鮮味，甘薯美味可口，這道餸配白飯一流！🔖🔖紅燒雙腩煲：香醇的紅燒雙暔煲是家庭風味嘅經典煲仔菜，首先熱辣辣的煲仔飯散發出濃郁的肉香，兩種不同肥瘦的腩肉完全入味，吸引的是焦糖般的色澤，肉質都是軟嫩可口，加上蒜、薑等多種調味料調製而成，令人回味無窮！我們一家額外再加兩款餸菜🔖🔖🔖 芝士焗鮮茄厚切豬扒＄68：厚切多汁的豬扒配上啖啖濃郁芝士，兩者交織在一起口感非常豐富，芝士還焗到可以拉絲，大人小朋友都鍾意！🔖🔖🔖🔖鮮茄牛肉飯＄65：新鮮多汁嘅番茄配上牛肉片已經非常香口及嫩滑，白飯還吸收了番茄的精華，簡直是一道開胃的家庭便飯！總括來說：這間極上冰室味道可口，份量足夠，價錢合理！大家不妨試試

搵到尖沙咀環境光猛，位置空間夠大既茶餐廳。平時茶餐廳通常都比較污糟，但呢間好乾淨舒服自己用QR code落單，有部分食物時令可能無，要睇睇當日情況海鮮什菜煲（大蝦、魷魚、魚片、西蘭花、菜心、粉線）呢個海鮮什菜煲絕對係一道豪華的湯煲！大蝦、魷魚同魚片都鮮嫩多汁，帶有海鮮的鮮甜味道。西蘭花同菜心保持咗蔬菜嘅清脆口感，令湯更加豐富。粉線吸收咗湯汁嘅滋味，帶出一份濃郁的湯底。整體上，味道鮮美而濃郁，海鮮同蔬菜味道好夾。黃金蝦球蝦球炸至金黃酥脆，外脆內嫩，蝦肉鮮甜彈牙。每一口都帶有濃郁的蝦香味，非常美味。蝦球外層的酥炸衣更加增添了口感的層次，令味道更加豐富。沙拉排骨排骨經過炸至酥脆，外皮金黃酥脆，肉質鮮嫩多汁。沙拉醬汁的酸甜味道與排骨的鹹香味相融合，帶出一種獨特的風味，口感酥脆多汁雜果冰加入大量雜果，味道清爽， 跟餐加幾蚊就有，好抵飲跟餐大大碗飯同餐湯，可以簡中湯或西湯

在尖沙咀放工後，去了寶勒巷的極上冰室，我們點了三個小菜。黃金蝦球：外層金黃酥脆，內裡蝦肉鮮嫩多汁，充滿了濃郁的鹹蛋黃鮮味。豉椒炒蜆：新鮮的蜆肉與豉椒的辛香味道完美結合，加入蒜蓉和青蔥增添香氣，最重要的是，師傅炒得鑊氣十足！啫啫滑雞煲：滑雞肉質鮮嫩，與砂鍋特有的濃郁香氣相互融合，再加上豉油、薑蔥等調料的香氣，砂鍋由猛火煮至冒煙、香氣四溢！

今日喺尖沙咀食晚飯，兩個人揀咗一間經濟之選嘅餐廳。餐廳鄰近科學館。呢間餐廳除咗有港式茶餐、碟頭飯，仲有多款高級小菜，全部大大碟，好夠鑊氣，好抵食。首先嚟一個「奶油豬仔包」，外脆內軟，塗上牛油同埋煉奶，好好食。另外仲揀咗兩款餐前小食「炸雞翼」同埋「炸春卷」，細細碟好適合兩個人食，可以試多幾款唔同口味。炸雞翼好香脆，有港式茶餐廳嘅風味。主菜揀咗「豉汁蒸鯇魚」，即叫即蒸，熱辣辣，蒸魚嘅時間配合得啱啱好，魚肉非常香滑，而且鮮嫩，豉油汁煮得好好味，完全可以媲美高級酒樓嘅質素。另外一味主菜係「沙拉骨」，好大碟，沙拉汁好香，豬扒啖啖肉，而且肉質嫩滑，非常推介。第三味主菜係「蠔仔煎蛋」，同樣份量十足，好大碟，炸到脆卜卜、熱辣辣，好正。接着來一鍋「蠔仔肉碎泡飯」，用料十足，食到好飽。晚餐仲會跟埋老火例湯、同埋餐飲。來港式茶餐廳一定要試「紅豆冰」，紅豆大大粒，好正。

鮮魚湯海鮮泡飯這道湯頭的口感清爽細緻，湯汁透明卻不失鮮味。海鮮的鮮美滋味完美融入了湯中，為整個菜品增添了層次和濃郁的香氣。湯中的海鮮包括鮮嫩的魚、蝦和魷魚，每一塊都鮮甜彈牙。這些海鮮與清爽的湯頭交織，營造出絕妙的味道組合。湯中的脆肉瓜增添了清脆的口感，與軟嫩的海鮮形成對比，讓整個吃法更加有趣。這些蔬菜搭配也為這道菜增添了營養素。泡在湯汁中的飯吸收了湯汁的鮮美，飯粒飽滿Q彈，與海鮮相得益彰，令人回味無窮。飯與湯的比例恰到好處，既不會過於稀釀，也不會過於濃稠。配搭梳打水作飲品，清爽解渴。

朋友推薦極上冰室既小菜水準幾高，今晚一食，果然無介紹錯！我地今晚點左個2人餐加多個菜😋😋1.西洋菜湯幾清甜2.金銀蛋浸時菜金銀蛋肉碎粒份量不少。味道清得黎幾好味！😋😋3.極上菠蘿咕嚕肉有驚喜！做到外脆內軟。酸甜適中。👍🏻👍🏻4.豉汁蒸鯧魚時間拿捏得幾好，肉質保持到幼嫩。😋仲有2碗白飯, 2杯飲品 要左檸蜜同什果冰😋總括，小菜喺水準之上！亦不會有油膩感。性價比高！會encore!👅

我哋試咗2人餐，揀2款小菜，有白飯，仲有湯，非常抵食。我哋揀左，鯧魚新鮮得嚟肉質滑溜，唔會乾柴，配埋豉汁蒸，鹹香十足，真係幾入味，又唔過鹹，份量都足夠，兩個人分嚟食都夠滿足。🐟另外一款小菜係，牛柳粒有好香濃嘅牛味，配埋翠玉瓜爽口多汁，炒得啱啱好，牛柳粒內裡保持嫩滑，唔會太韌，口感同翠玉瓜非常配。🥩湯方面有例湯，中湯同西湯可以揀，我哋試咗中湯，湯水清甜，冇過多嘅油膩感，真係飲完暖晒個胃。🍲另外，朋友再點咗一個小菜，呢個鮮魷真係又香又脆，外層炸到金黃香脆，入口先係外脆內彈牙嘅感覺，鹽同胡椒嘅調味啱啱好。🦑最後當然唔少得甜品，我哋叫咗個，外皮脆卜卜，內裡係滑滑嘅奶香，好邪惡但又停唔到口。🍮

睇演唱會前去咗尖東食晚飯，見到呢間冰室個裝修幾靚就入咗去試吓，喺尖沙咀地區嚟講，價錢唔算貴，$168就有一個小菜雙人餐，包咗兩杯飲品兩個湯兩個小菜同白飯，小菜嘅份量同大排檔嘅都差唔多，所以係幾抵食，今日我哋叫咗一個雙人餐再加一個小菜，結果食到超飽🤣🤣紅湯&中湯紅湯係正常嘅西餐紅湯，幾重蕃茄味又有少少辣味，飲完係幾開胃，而中湯就係豬骨西洋菜湯，感覺上紅湯比較好飲紅燒雙腩煲小菜上枱時個煲熱辣辣，仲有渣渣聲，雙腩係指燒肉同魚腩，燒肉同炸魚腩嘅皮仲有少許脆口，而煲底亦都有小白菜墊底菠蘿咕嚕肉咕嚕肉嘅炸衣都幾薄，而且每舊肉都有酸酸甜甜嘅汁，上枱嘅時候咕嚕肉嘅外皮仲係脆口嘅，絕對係新鮮製作，而且酸汁嘅味道亦調校得啱啱好脆蠔餅脆蠔餅即係平時食開嘅煎蠔餅，蠔餅兩邊半煎炸得好香脆，蠔肉亦新鮮，而且份量都多，基本上每夾一啖仔都會有蠔肉嘅存在，再配埋魚露，令蠔餅嘅嘅味道更豐富飲品（凍檸樂&紅豆冰&熱杏霜）凍檸樂同熱杏霜都係正常野，而紅豆冰嘅味道係幾好，有大半杯都係紅豆，紅豆都煮到軟腍，但仲係粒粒分明嘅狀態，甜度亦適中，係一杯幾好味嘅紅豆冰

好多年冇食過茶記咁啱要帶親戚去尖沙咀食嘢見到呢間6點鐘已經坐滿哂既茶記試試佢鮮魚湯蕃茄牛肉泡飯 $68好少可係tst會見到有湯飯食😹湯底唔似味精湯同死咸牛肉份量都好多成碗飯超級大碗 對得住呢個價錢叫個鑊氣小菜 黃金蝦球 $98 即係咸蛋黃炒炸蝦正！上枱已經好香炸到脆卜卜 唔會死咸！仲送個白飯同例湯最正係可以揀紅湯同白湯個紅湯好稠好濃郁酸酸甜甜，仲食到好多西芹椰菜😻凍奶茶 🥤跟餐+$6叫左少甜 如果茶味再重啲更加好😽板燒脆皮雞扒 $73跟薯菜呢個雞扒大份到😂好佛心煎到好脆又唔會好油雞肉仲好juicy！薯條都比好多好有誠意 總結呢間係大件夾抵食之選！

尖沙咀行街經過呢間冰室諗住試下環境乾淨企理坐得幾舒服👍🏻蜜椒金薯一口牛+$12可以轉套餐（包白飯，紅湯/中湯）中湯係菜乾紅蘿蔔，好多料👍🏻薯仔牛粒調味做得幾好而且炒得好香🤤仲可以加$要埋小食，叫左炸雙皮奶入面有少少紅豆，幾特別而且炸得脆卜卜香葱韭黃蝦球炒滑蛋炒得唔錯而且蝦嘅份量都唔少蛋都炒得幾滑，唔會乾👍🏻而且唔鹹送飯食好正🤤額外仲叫左紅豆冰，熱鴛鴦紅豆煲得好淋，鴛鴦亦唔錯呢間冰室份量都好大份，如果平時比較大食嘅話好好飽肚👍🏻

午餐今日喺尖沙咀食，路口見到有間好大間嘅冰室，食物選擇都好似好多，就入去一試。雖然時間到左2點幾，但都有keep住有人客，遊客都唔少。餐廳用qrcode落單，實體menu都有齊中英文，對旅客黎講都會好方便。我就叫左個芝士焗鮮茄厚切豬扒飯，餐跟紅湯，熱飲+$3羅宋湯多料，味道啱啱好，唔會太濃，蕃茄，蘿蔔，西芹等等，開胃好飲。芝士焗鮮茄厚切豬扒飯，雖然叫左細份，但望落都大大份，面頭芝士夠熱，做到拉絲效果，茄汁底夠濃稠，蔬菜份量都夠，好啱撈飯。而飯底係蛋炒飯，色水金黃，粒粒乾爽，食落有咬口。豬扒厚切，唔會醃得太鹹，切好一件件，肉質都幾嫰滑，唔會太肥或者太瘦。熱飲加配熱奶茶，奶香茶滑，味道香濃，唔錯！餐廳仲有齊各款港式快餐，小炒，煲仔同小食。座位闊落舒服，店員有禮，整體幾好。

如果想喺尖沙咀區搵間抵食又好味嘅餐廳，「極上冰室✨」絕對係其中一個首選！呢間餐廳保留咗傳統港式茶餐廳嘅風味，無論係炒粉麵飯定小菜，樣樣都好味！首先要介紹嘅就係「沙爹牛肉炒河」🍜，炒河粉炒得金黃香滑，配上沙爹牛肉，味道非常濃郁，食落去非常滿足！接住就係「滑蛋粟米魚塊」🐟🍳，魚塊外脆內嫩，加埋香滑嘅滑蛋同鮮甜嘅粟米，口感層次豐富，真係一個好味嘅組合！另外，佢哋嘅「常餐」都非常抵食，包括「叉燒米線」、「火腿蛋奄列」同「菠蘿油」🍍，每一樣都好有特色，叉燒香甜可口，火腿蛋奄列滑蛋又好食，菠蘿油就係必食嘅經典！最後，一定要食佢哋嘅「經典西多士」🍞，外脆內軟，淋上糖醬，口感超級香甜，係結尾嘅完美選擇！總之，「極上冰室✨」真係一間好味又實惠嘅茶餐廳。

餐廳喺正轉角位～好容易睇到～門口擺咗兩部外置叉電器機～餐廳燈光光猛～冷氣足夠～卡座位都好闊落～服務員態度都好好～初初想試吓芝士牛油鮮魷脆麵～但係兩個人所以叫咗極上小菜二人餐$168: 任選兩款小菜+兩碗白飯+兩碗例湯～加配熱飲/凍飲特飲另外價錢～餐廳用QR code 落單～落完之後上菜超快～紅湯好足料有蕃茄同埋薯仔～香蔥韭菜叉燒炒蛋～滑蛋都好大份好味度～好多叉燒炒～另外雞煲都好多洋蔥同埋啲汁都好味！值得推介抵食！另外叫咗杯凍檸茶同埋紅豆冰～紅豆大大粒～