極之好粥麵茶餐廳 (已結業)

車仔面搬左之後變左我的私人飯堂我唔知點解會話唔好味, 但我認同係貴左d, 但絕對名碼實價; 至於服務態度嘛, d 伙計係睇生/熟客有分別的, 我通常去消夜, 服務態度無得頂, 有講有笑.推介:1) 抄公仔面 - 係唔會覺得沖的公仔面, 入味而且好有鑊氣, 40蚊唔叫抵食, 但絕對值回票價! 2) 抄花甲 - 好新鮮, 個汁可以送幾個白飯3) 車仔面 - 分5,6,7蚊, 必食有紅腸(誠意之作, 有煎過先放湯!), 豬腸(有酒味及好入味!), 魚肉茄子, 沙爹sauce(應該係自家制, 有魚仔及干貝) - 記住問佢要辣菜圃放左面到一齊食, 好好味!4) 魚粥 - 食得出係新鮮魚, 有時佢好人俾多個翼位我, 30蚊一鍋, 抵食! 配有炸雲吞皮, 自家制!5) 抄面 - 早去先有, 遲去就買晒, 好味, 即抄!6) 雞蛋葱花抄腸粉 - 即制, 好味! 有分大中小size, 不過都幾貴, 小的也要28蚊.7) 煲仔飯 - 排骨係新鮮的, 有先調味, 火喉控制得很好, 要飯焦有飯焦, 要d飯淋d都可以做到, 勁好味, 約38-48蚊.

數天前和我堂弟一家人來這裡吃晚飯點了兩個雲吞麵 (48@1), 三個車仔麵 (所謂既招牌車仔麵) (58@1)加兩CAN 可樂盛惠 $ 2XX在這裡質素的店裡, 實在貴得驚人.不過看在他的獎項名氣份上.....也算了等了一會兒, 食物終於送上.份量 - 小味道 - 普通價錢 - 貴 環境- 差實在是名不副實. 這樣的價錢竟有這樣的質素. 也算了.問題是......... 職員不停的介紹車仔麵. 卻沒有價錢寫在旁邊. 等落單以後, 才告訴我們這樣可怕的價錢 =.= 也太不可思議了吧?

今晚試完 以後唔會再試.. 覺得佢只係做遊客生意好呃錢!!! 邊度會有1間茶餐廳買細油炸鬼要20蚊!!! 條油炸鬼用咩油黎炸呀?!以為自己睇錯...粥好普通.. 夏門炒米.. 無味可言...

呢排天氣凍, 經常去食宵夜粥套餐暖下身有幾款粥揀, 試過艇仔, 唔係幾掂, d料唔夠多反而個皮蛋瘦肉粥幾驚喜, 粥就預左有d稀架啦但大大碗又多皮蛋同雞絲, 加點薑絲真係好暖身連埋油菜同野飲, 埋單30有找如果黎食車仔麵, 就必點豬紅同蘿白豬紅好重胡椒味, 蘿白唔止胡椒味重, 仲好甜, 如果煲耐d更好, 呢家都係稍嫌硬身個辣汁幾好食而且辣味適中我都覺呢到d車仔麵幾貴特別係俾餸好神經刀, 時多時小, 三寶7蚊先得兩件, 真貴環境認真麻麻, 呢到班哥仔侍應有時心情唔好發下老脾大大力掉野, 見慣見熟半夜人小食都幾好, 迫人就咪攪了

同朋友講起好想食炒出前一丁，朋友話去呢間極之好。未去時好懷疑，因為之前係度食過車仔麵，唔多掂，可以話係難食，搞到以後唔多想再去。晚飯時間行到入去大把位，我地上左上層坐，兩邊牆貼滿晒飲食周刊的剪報，好多都是推介呢度的炒出前一丁麵。而且呢個菜得過獎，應該唔太差。我地叫左兩樣野share食。首先上菜的係「XO 醬花枝片炒出前一丁麵」($45) -- 淨係睇個樣都食指大動，未拎上檯已經聞到陣辣味。食落有少少辣，花枝片唔韌，口感幾好，配菜都唔少，有大蔥、洋蔥、甘荀、芽菜、紅椒、青椒同埋粉蛋絲，丁麵其實都唔算油，可能因為我食過d仲多油的炒丁麵，我覺得呢個做得真係幾好。之後上菜的是「招牌黃金雞翼炒出前一丁麵」($45) - 呢個仲好味 ，因為無咁辣之餘，仲可以食到出前一丁果種炒味。黃金雞翼放左係丁麵的面，排成一個十字，可以睇得出係有舖排過的，雞翼炸得好香又唔會太油，佢層皮香脆得來又唔會炸到一大舊。雖然份量都幾多，太美味的關係我地好快清晒兩碟。呢度其他野食唔敢推介，呢個炒出前一丁真係值得食。四十幾蚊一個炒丁麵係比其他茶餐廳貴but 好味好多。至於侍應的態度，就如同之前的食評所講一樣，會同客人吹下水，

之前都食過一次,佢d 車仔面紙好大問題,一定要揀走辣,如果唔係就實行加辣,上次就中左,搞 到我食唔到碗面,今次再去識揀la!!揀左走辣!!!!!!d湯底唔知係咩味道,味道一般.最唔得既就係所謂既極品咖喱牛肉飯:有塊泱蔥超級大塊,無切過,咁就可以夾埋o係入邊,碗飯超細碗,個碗已經好細, 仲要裝得七八成飯,連埋飲品咁就差唔多五十蚊,都唔知食左d咩落肚,仲有d 侍應係唔出聲,做手勢落單,等我仲以為係聾啞人士添,點知佢最落完單問多句,咁先知原來佢都識講野

10:38AM 入座 硬是將我和4大人2小孩的併桌 在一張6人桌 算了也罷 10:43AM 點好餐了 望望四周 心感不妙 因為放眼望去 只有1成的人正在吃飯其他桌的人 全在等待10:55AM 終於上餐了 12分鐘我就忘了我點的是A餐 當然也被服務生訕笑了對平常的打工仔早上趕時間 要花上12分鐘等個早餐 單憑這點 這家店 就該列為不及格 是的 今天是星期日客人相對的少 還要等12分鐘 若是平日 不遲到才怪 A餐的早餐內容~米粉火腿: 普通 湯頭帶甜但肯定不是雞湯 慶幸的是米粉沒有臭酸味烤吐司 : 糟糕透了 三角形的兩片土司像是沒烤過的 奶油象徵性地塗了薄薄少少的在一片上面 ->只有一片 對 就只有一片 分量少的 另一片都沾不到兩個荷包蛋: 蛋白上面還有鍋子的黑底 凍檸茶:乏善可陳 就是一般店的水準同桌的小孩吼叫聲 加深了我對這家店的壞印象 雖然與店無關 看著牆上大大的的幾個字 "譽滿香江 車仔麵王"彷彿閃爍著 " 傻瓜笨蛋 才會來吃"

這裏的早餐有好多選擇粥, 麵, 甚麼都有, 不錯!而且公仔麵可以配撘的材料也很多, 有咖喱牛腩, 沙爹牛肉, 五香肉丁, 回鍋肉, 炸菜肉絲, 味菜雞絲, 雪菜肉絲, 芝士腸, 雞肉腸, 煎蛋, 炒蛋等等...應有盡有. 還有半份牛油多士及飲品但配料份量不多, 所以感覺上有點貴.

叫左一個有三餸的車仔麵: 魚蛋, 煎魚腐同豬腸出前一丁. 首先好離譜的係, 來到竟然少左魚蛋, 問位哥哥仔, 佢有D懷疑好似係我呃佢咁, 但係都好快俾番幾粒魚蛋.食物質素認真麻麻, 同佢在店內登的鱔稿食評差太遠. 首先, 個出前一丁唔夠腍, 好似未熟咁, 個湯底亦唔係有乜咁特別. 餸方面, 得豬腸正常少少, 魚蛋呢, 無味的, 仲差過街邊賣的魚蛋. 煎魚腐, 完全無魚腐味, 唔知佢想點, 硬到死, 同食開的肉腐好大分別. 再加埋杯咸檸菜蜜, 成餐用左四十幾蚊, 物非所值. 以後唔會再去.

上個月去食,係因為睇到蔡lan在壹周刊的食評.其實我唔係咁鍾意食車仔麵,所以叫咗個粥餐($26),一碗粥加菜,飲品或者煎腸粉.阿妹碗車氣麵叫做okay啦,最好食係蘿蔔.我個餐碗粥,比我想像中好味(食後唔口乾,證明味精唔多),但碟腸粉呢,哇.....! 點解咁好味ge? 唔理個肚有幾飽,一於整多碟先點知阿姐話齋叫一碟腸粉成三十幾蚊......,我地有啲猶疑,「係咪好大碟架?」「咪同你地頭先食嗰碟一樣囉.」我地心諗咁貴ge,唔叫就算啦.不過猶自心思思.「不如叫個餐吖」又驚食唔哂,折墮.於是問阿姐:「可唔可以叫粥餐,但唔食粥,淨食腸粉加奶茶?」「梗得啦」唉!你早啲講,我地兩個就唔使考慮咁耐啦.昨日再幫襯,決心叫個招牌雞翼炒丁($42)&.....粥餐自由配搭版的"腸粉加奶茶"($26)....今次知埞啦腸粉先到,個賣相,哇!仲靚過上次,煎得帶焦的腸粉上面舖滿青葱,蝦米,雞蛋. 比酒樓啲齋煎粉好幾萬倍,我覺得最簡單ge餸其實最難整,一碟咁普通的腸粉可以變成咁色香味俱全的美食 應該花咗唔少心思,10個讚.碟炒丁不愧係佢的鎮店名菜,一啲都冇失禮佢ge招牌,我地叫的size是例牌,已經好大碟,有

之前聽各位介紹過極之好呢間野～～說ｄ服務員態度不好～～一直都對呢間野無咩興趣～但今天朋友說想食～就跟他一起食囉～結果．．．．超好味！我們食左個炒出前一丁和叫左個雞粥~~粥味十足~~~不錯不錯~值得再此向大家推薦~

Service so soQuite expensivemost importantly, too much MSG and taste no good at all.

年前食評中才說不再光顧極之好,現今又再去.比一些退出樂壇/銀壇的巨星,更不守諾言.人,就是如此.結婚也可以離婚,話退出也可以復出.誓願當食生菜,我又算得什麼?不是吃炒丁,早上當然得早餐,有說其豉油王炒麵很有名,我竟然一次也未吃過.現成一大兜,即叫即有.雖然一大兜現貨非即炒,但也不是一截截色.每條麵條都夠入味,豉油味咸香,係不夠乾身.都話一早比東寶的豉油王炒麵寵壞.再來個炒蝦米腸,這個反而香口.加了蛋一起炒,微脆的蛋黃,蝦米,腸粉.撈上麻醬吃,也不俗.我是否要比極之好的炒丁多一次機會?

前幾日同班朋友仔去旺角，4點幾諗住搵間餐廳食下午茶，又落緊雨就走左入去極之好。我地入去就上左樓上坐，跟住有個人拎住個餐牌係咁sale我地食招牌野，又話呢樣好食果樣好食，d價錢$50以上。又話冇餐，係咪見我有fd唔係香港人，就氹我地食散叫野，7個人食左$430，炒個腸粉都要$68，勁貴。

今日同朋友第一次入去食,無哂d餐牌,個老闆娘見我地諗極都唔知食咩既情況下,拎左兩個餐牌比我地,我叫左個常餐,但味道一般,我朋友叫左碗粥,都係好一般,但埋單要成66元,好貴呀!