榕哥陳皮燒鵝

营业中

休息中

今日外賣招牌叉燒湯瀨，等左10分鐘唔洗就有得拎，見佢切時有少少燶都唔緊要，點知返到公司食時開黎睇個邊位舊舊都有好大舊肥膏仲要舊舊都有筋，好難咬得開，又唔係軟淋淋既，有啲失望，好似次次買佢地既叉燒都要睇彩數

呢間灣仔榕哥陳皮燒鵝 咁呢間舖頭出咗名係啲燒鵝好食啦 佢好多時呢食嘅時候呢佢都會有個鵝比位嘅不過我今次食外賣啦佢就冇畀到燒鵝比位我啦 但係個鵝肉都好食嘅 啲鵝又都好香唔錯 另外啦除咗燒鵝之外呢佢最好食都係佢嘅叉燒啦 有叉燒味得嚟又夠腍 佢都差唔多六七十蚊個飯又記得係咁上下價錢佢又冇嚟湯跟嘅如果要加嚟湯呢差唔多要十零蚊今次啦我就跟咗個湯啦 個湯係幾好飲嘅但係如果十幾蚊飲碗湯就有少少貴啦 我建議大家都係就咁食個飯就算喇

今天12月19平日星期四中午慕名而來去食午飯，餐廳面積算大，人流亦多！我們點了乳豬、燒鵝雙拼飯及叉燒燒鵝瀨粉！ 上餐速度快，等左約兩份鐘就有得食！食完啊姐收碟亦快！對於期待的燒鵝雖然皮脆但內裏肉質偏鞋，感覺與其他燒味舖的質素類似（甚至都不如），並無驚喜、更並非如如坊間所讚的那樣⋯⋯叉燒亦一樣、肉質麻麻並略為偏甜，最好食反而是乳豬，整體皮脆肉質好！如慕名燒鵝而來，大家不必抱太大期望，本人就不會再回頭！

今日工作比較忙，錯過佐食飯時間，等到覺得果時只能出去食個下午茶，原來行遠d驚喜會多d架 迷你燒肉燻蹄飯：雖然話系迷你，但分量都可以。我居然可以食飽，燒肉香味四溢，顏色金黃，肥瘦均勻新鮮，外皮香脆甘香，肉質鮮嫩。熏蹄薄切口感爽滑略帶咸香，外皮彈牙爽口，肉質鬆軟，搭配醬汁非常開胃。 凍奶茶：茶味醇厚口感濃郁，奶味香濃，回甘帶澀，順滑綿密，回味無窮。環境：鋪面乾淨企理，光猛通風，位置舒適，上餐速度快，服務態度挺好。

以前食燒鵝，只會想起去榕哥買，相隔4個月再幫襯榕哥，發覺燒鵝質素下降得好快，皮沒有以前咁脆，亦沒有陳皮味，不知道是否分店開多了質素下降有關，希望下次再幫襯時有所改善至於其他燒味，乳豬質素仍然保持到

今日約咗朋友去銅鑼灣攞嘢，攞嘢前我哋去咗食嘢先，今日我想食燒鵝，聽講呢度啲燒鵝好食，我哋就去咗呢度食，我哋叫咗燒鵝拼燒肉飯，我覺得幾好食。燒鵝：皮脆多汁有少少陳皮香味，肉嫩，油而不膩燒肉：皮脆肉嫩，肥瘦適中呢度嘅食物質素好好，價錢亦相當實惠，下次會再來食！

又到放下午茶時間，我比較喜歡吃辣，照舊去「榕哥陳皮燒鵝」，上次試了他們的燒味，今次食下午茶餐，我記得有我至愛嘅星洲炒米$45 +杯冰凍奶茶+$4 簡直完美。星洲炒米都好足料👅有火腿、蔥、煙肉、叉燒、蝦，色香味俱全，整碟星洲炒米都給我吃光了。🫰🏻這間飯店都不錯，下次會☝🏻推介給同事，朋友來吃！☺️

做咗座枱？都已經係搭枱座架啦，坐完一張枱又調另一張，卡位已經唔闊落，要貼著個唔識男人食飯，好難接受！明白人多要搭枱，先講明係接受的，座底前都已經比d呀姐點嚟點去，叫我入15枱，我唔係你呢到做嘢，唔會知你枱號位置，行到入去另一個呀姐又話去11枱。終於有得搭枱座底咗，叫咗嘢食，又要我轉枱逼去同3個男人座卡位，逼到咁貼真係好難接受，後來安排另一單邊卡位，開始食冇耐，對面兩位客人走咗，又叫我座入去逼三個人埋嚟😓

今天是星期二，下雨天☔️，在灣仔上班的我🙆🏻‍♀️，都不會走得太遠去吃午餐🍽️，但今日好想食燒味飯☺️，就行快兩步去 吃雙併飯。還未夠12 點都已經坐滿🤷🏻‍♀️，不過我一個人很快就有位，呢個時間一定搭枱，午餐吃豐富啲叉燒燒鵝飯+凍O茶$71。碟飯份量正常，燒鵝肉嫩多汁，又帶有陳皮幽香。而叉燒亦係燒味嘅靈魂之一，叉燒超厚切食落啖啖肉好正，肉質鬆化可口，肥瘦適中帶點焦香，配埋香甜嘅蜜汁，還加埋菜脯送飯，很滿足👍🏻。📍榕哥陳皮燒鵝(灣仔) 灣仔駱克道129-131號冠美樓地舖

入到去，我都問過阿姐坐邊，之後咁啱有張枱，坐咗落去。坐咗落去唔夠1分鐘，又話要執枱又叫我起身，又叫我再另外一張枱，其實你早啲講，叫我搭枱咪OK囉…唔夠30秒又問我食咩，你又要我轉台，我睇都未嚟得切睇餐牌，又點樣答你食啲乜嘢？趕客咪唔好叫我入泥啦，都唔知仲咩？我無食，走左… 祝佢好生意🙂

左邊一條人龍等入去，又要齊人先入去，唔可以入去坐低叫野等朋友來🤷🏾‍♀️；右邊的就是等外賣，因此看來人流甚多。其實我見到大家都只是食完嘢喺度飲緊嘢，熱到我喺度飲緊凍飲嘅時候，佢已經好踴躍咁前來收碟。😳😠臨走時個阿姐講到明，「哦，爭你兩個，我有7個人等緊呀。」咁我咪又係等完位入黎，又唔係死霸唔走，更何況，頭先有一位阿姐在收碟嘅時候，無端端倒瀉咗半碗湯以及薑蓉，🥵然之後扮裝冇事，再叫佢拖返地有無動於衷。你同事自己唔拖地我點走？😤每步都要直角支撐咁撐出來比$嗎？呢間用過燒味的確係比較普通，難怪無論電祖、網評、食評，都唔見到有好多成千上萬嘅好評。🤗你睇吓我叫叉燒燒肉，同埋太太叫叉燒燒鵝，叉燒嘅質素比起對面食燒鵝髀配叉燒，質素差得多。我嘅叉燒比較乾瘦，可能因為今次又棋差一着，平時都會嗌肥叉燒，今次沒有，雖然叉燒都不算極之乾那種叉燒，不過有對比之下，偏向肥美及燶邊嘅叉燒就俾咗對面嗰碟，我啲叉燒瘦得來少少乾，脂肪成份不太多。結果其實對面嘅女士點會食得晒成大碟飯，仲要再加多份炸蠔餅，結果每個人都剩低幾嚿「靚啲嘅叉燒」，攞咗去丟 ，識得欣賞嘅人就望住呢啲較為美味嘅食物變做垃圾🗑️簡直是資源錯配，浪費社會資源

作為這灣仔的知名老字號,「榕哥燒鵝」在叉燒的呈現上著實別出心裁。他們選用上等的五花肉,經過精湛的醃製和烹調,最終呈現出一道格外鮮嫩多汁的叉燒。表皮酥脆微焦,咬下去肉汁流淌,迸發出濃郁的醬香。不同於一般平價的叉燒,「榕哥燒鵝」的版本無疑更加細膩和高級。它們或許不會讓人感受到濃濃的家庭氣息,但卻展現出一種別具特色的餐飲藝術。燒鵝自然也是這家店的招牌。皮薄肉嫩,入口即化,鮮甜可口。調味也拿捏得恰到好處,不會過於鹹或甜膩。配上一碗清脆白飯,可謂是一絕。雖然「榕哥燒鵝」的裝潢和環境並不起眼,但它們在菜品上的用心和追求卻絲毫不遜色。對於喜愛高級叉燒的饕客來說,這裡絕對是不容錯過的好選擇。

雖説食嘢食味道，總不能求其上菜俾客，見到啲賣相已經跌watt，味道又唔係特別好，燒味拼盤叉燒幾好，但食第三件就膩，燒鵝有圖自己睇啦！！燒味三拼+ 酸菜水煮魚+尖椒肥腸+ 三個白飯+ 一杯凍奶茶共＄510蚊🍚白飯13蚊一碗🍚

來到灣仔地鐵站附近，看到這間叫榕哥陳皮燒鵝的燒味店，真心被它的名稱吸引到才進去，本以為它店的燒鵝或其他燒味都是有出色有水準的，因為它表明是陳皮燒的鵝，於是便叫了個叉燒燒鵝雙拼飯，價錢是$67，然後加一個凍檸檬茶$4，價錢是正常的。但是最讓人失望的沒想到叉燒肉質硬身，而且切得有點厚身，是有點難咬😰燒鵝亦是一般般，不是想像中的陳皮香，整體用餐感覺是很久沒有的差，可能是自己期待高了吧，最正常還是那杯凍檸茶然後覺得這間陳皮燒鵝店只不過是灣仔周遭的一間普通燒味店，進不進去也罷sorry 忘了拍食物

女伙記態度差恶劣, 令人感到十分受氣, 食物超一般, 真是貼錢買難受, 燒鹅食不到有陳皮味, 燒肉又淡而無味, 以為多人排隊了不起, 不食也罷,一再强调 , 不只湾仔有燒鹅食, 為何港人已北上, 這一定有其原因, 除了物不符实, 人的熊度是一個致命傷