榮利粥店

营业中

休息中

真材實料街坊美食海鮮一品粥🦐粥底綿密到能掛勺，鮮到眉毛都跌落地呀🥰叉燒腸粉🥢：布拉腸滑捋捋嘅，內餡叉燒肥瘦均勻淋上秘製豉油好惹味🤤炸兩🌭望落去已經好吸引咬落去酥酥脆脆，油炸嘅香味好好食😋

當我想食粥，我就會去“榮利粥店”，主要係店舖光猛整潔，員工友善，今日午飯時到，好多食客，揾到位後就點一碗免治牛肉粥及油炸鬼，需要天氣好熱，粥要滾熱才好味，食後好滿足，價錢相宜，會繼續幫襯。

之前搭巴士時，見過有個男人一落車就行入呢間粥店，今日放假自己一個行街，附近好多店都好多人，呢間冇乜人，就決定試一次。店入面好多位，唔會好迫，呢區黎講算有驚喜！只有電視聲，客人都好安靜默默吃！我亂點食物，好快就送到。皮蛋瘦肉粥都幾多料，同埋唔會比半碗粥水你果種。不過味道就冇話有咩特別，很普通。蝦米腸都係好普通，本人都唔知係咪即整，不過是但啦。甜豉油係隨碟上，檯上面有其他醬汁自己加。兩樣加埋唔駛四十蚊，都好划算。埋單時，見到部機接受好多種付款方法，又幾摩登。仲有一樣值得讚，就係竟然有男女廁提供，本人借了女廁，雖然細，但唔會好污糟！竟然分開男女廁，本人很感動！

想食d甜野😁 見到佢有糖水, 不如入去幫襯下, 叫左碗熱綠豆沙, 加多個蒸蝦米腸粉, 等左一陣碗綠豆沙先到😋份量都幾多, 一定抵過糖水舖🤣 再等埋碟蒸蝦米腸粉, 份量都幾多, 有好多蔥同蝦米, 自己加左少少麻醬同甜醬, 食左腸粉先😬 一早落定的豉油可以比少d😌如果分開上更理想, 我個人食野偏淡😄 腸粉係熱的😜有d蔥有d蝦米, 食落幾香🥰 再食綠豆沙, 都係熱的👍好沙煲得好香, 有d海帶香草味, 最重要是唔會好甜, 真係啱晒我🤭🤭😍好味, 有下次😊

收工懶懶地又去行陣街, 不如唔好煮, 去左依度食粥, 不過太多選擇, 想食有d料的粥, 不過又唔想食好多肉, 叫左柴魚花生髮菜粥和炸両, 炸両先來, 不過我想配埋粥先食😅,, 碗粥d生蔥先倒起, 食啖粥其實粥底ok, 唔會好結,不過柴魚唔係好有香味😅, 而且都有d骨, 花生食落幾香👍, 髮菜當然食唔到乜嘢, 不過入面太多蔥短和薑絲, 我個人覺得有d怪, 唔係太鍾意🤣佢的炸両就唔錯, 份量好足夠, 件件大大舊, 腸粉皮唔會好厚亦好滑👍, 入面油炸鬼都有d脆, 依個可以再食💓👍不過建議二人以上share會好d😚😚因為一個人太多了🤣🤣

旺角寶藏 榮利粥店。當今時今日求其食碗面都要40+嘅時候。榮利仲可以33蚊及第公仔面送豆漿。尤其係富記光榮退休之後，旺角豬雜界已經買少見少。足料，味精就一定有架啦，但起碼飲到豬雜底位，仲有幾條薑絲，唔係普通嘅鹽水湯底，對得起價錢有凸。

食完真係忍唔住 開過ac留評語嗌咗個三餸湯飯湯冬菇，蠔仔，丸一食蠔仔好似發霉既味道 腥到想嘔啲冬菇一咬有勁大浸雪味 又係勁想嘔得個丸係正常講真已經餓咗成日 但見到都唔想食之後仲仲有個糖水明明帶咗綠豆沙 變咗紅色上網一查 又係不良品 成碗野好似得水咁如果綠豆變成褪色，一般是不能吃的，通常是由於儲存不當，或者是長時間放在潮濕的環境中所導致的情況。有可能會產生霉菌，如果被人體吸收以後，就可能會產生脹氣過多，或者是出現腹脹、腹瀉的情況

可能店鋪裝潢一般, 而且只售賣普通粥品, 所以食評稿件不多。但這間店鋪為了滿足大眾口味同胃口都推出了粥品以外的食物, 如湯飯, 而且一間出色的粥店也並非容易尋到, 所以我決定要給一點力!師傅會用沙煲將粥滾熟再加入其他材料, 即叫即做, 是真正的生滾粥。粥上枱時碎牛還是生牛肉, 撈一撈粥𥚃的生肉, 透過粥的熱力剛好把牛肉熟透了。牛肉量很多, 所以每一啖粥都含濃郁的牛肉味, 事實上從其他客人的食物看來, 材料方面師傅是亳不吝嗇👍🏻 粥品是半綿狀態, 所以多了點口感。碎牛粥 $22蒸蘿蔔糕 $15不愛吃蒸蘿蔔糕的我不得不讚這件蘿蔔糕, 它是真蘿蔔糕, 咬一口可以吃到入面有一條條蘿蔔絲 🤗 蘿蔔絲很甜, 已蒸到軟身很容易咀嚼, 蘿蔔絲除了增加口感之餘, 它的甜同時豐富了整個味道, 鼓油只是錦上添花。我覺得香港出色的粥店實在不多, 這間絕對是其中一間, 而且價錢也大眾化, 想簡單一餐又不用一流環境絕對可以考慮榮利粥店 😊

凍冰冰想食碗熱辣辣嘅粥，來開旺角東，搵到呢間粥店，叫咗個優惠時段套餐10點幾唔算多人，一人都可以坐car 位。入到來睇睇餐牌原來佢有公仔麵餐，粉麵都有，仲有牛腩飯、牛筋腩腸粉。今次我叫咗魚片豬紅粥配蝦米腸粥嘅配料非常充足，食極都有豬紅同魚片。豬紅有啲啲咸味，質地好好👍🏻 魚片唔腥但有少少骨，要慢慢食。粥地食到尾都唔會變水，有功架👍🏻👍🏻👍🏻 蝦米腸就油咗啲，有好多蝦米，味道ok, 質地係有啲彈牙嘅感覺，幾特別😆

有驚喜嘅一間小店，今日路經買咗碎牛粥，再加多一條炸麵⋯碎牛粥好足料，粥底又夠熱夠棉，攞咗15分鐘返屋企先食，仍然好夠暖，粥底味道唔錯，食到底都唔會水汪汪，一個字「「正」」👍🏻但成個亮點竟然係條炸麵，非常脆口，用嚟配熱辣辣嘅粥，絕對係不二之選⋯ ✌🏻一定會再幫襯✌🏻

同朋友想食得清淡d,於是就嚟食粥la~入到嚟睇餐牌 覺得食物d價錢都幾平!! 好難得係旺角都可以一間搵到咁平嘅粥店!!我哋一人叫左一碗粥, 再叫左牛脷酥share.我就叫咗艇仔粥,啲料都幾足gei,而且都幾熱gei...朋友叫個碗粥 佢覺得味道都ok gei~不過我哋叫個牛脷酥真係就不了!!!牛脷酥淋曬 食落就好油...食咗一小件就覺得都幾伏 唔想再食 ...

呢幾日腸胃不適,又要到旺角工作,今日就選了呢間,點了皮蛋牛肉粥和炸腸, 2分鐘左右粥便有不,不竟碎牛和皮蛋不用返滾,用匙了兩下,有委多牛肉,真的要了很多下才可以焯熟D 醉牛,炸腸等了5分鐘左右,看入廚房,完來是即拉的,上碟後食,很多,不會是一般多熱,但油條冰冰冷冷那種,態度一般老店,冇多餘的朝呼又冇講唔應該講既野,正正常常,一定會再去!

今早起床，帶兒子落洗衣街食粥。首先當然是點炒麵及炸兩。這兩樣是入粥店基本食物，水準不俗。然後叫了白粥。小時候不喜歡白粥，長大了到這年紀覺得白粥很正氣。當然，有肉類伴粥比較有營養，齋白粥是夠清淡。最後叫了牛脷酥及一杯豆漿。牛脷酥吃不下惟有帶走，膠袋沒有收我亳。豆漿有點營養，雖然無糖會更加好。

呢日某外賣自取app又做$8優惠，今次係位於旺角火車站隔離的粥舖🥣。粥舖大大個招牌，一定唔會睇漏！粥舖門口貼咗好多餐牌，主要賣各式各樣嘅粥同即蒸腸粉，仲有油炸鬼、蘿蔔糕、粽同糖水等。價錢都幾大眾化😊。粥舖裝修同傳統嘅都幾唔同，似茶餐廳格局多啲，好闊落、好光猛，而且座位超多。店員對於拎外賣流程都尚算熟手，粥就即刻新鮮滾熱辣喺個鍋到撈起，大大碗的👍。其實都幾多人買外賣同堂食。🥬生菜豬肉丸粥，呢碗好好食喎！首先，豬肉丸有成六粒，而且非常彈牙，第到食唔到的。粥就正正常常啦，正皮係畀啲豬肉丸嘅😋。🐔新鮮滑雞粥，呢碗我自己就麻麻地，因為滑雞煲粥，多數都斬開啲雞件，但又斬到有啲碎骨🦴。而呢碗亦有少少呢個情況，味道就無咩特別。總括嚟講，呢間粥舖係行街坊路線，唔係好fancy嗰種，粥舖嚟講好好坐。我嗰兩碗粥原價就$30一碗都ok啦，如果加埋個腸粉又可以當一餐，經濟實惠。而我特別推介佢碗生菜豬肉丸粥🐷。

平時都中意食粥，閒時會經常挖掘不同粥鋪嘗試。呢間榮利粥鋪，對比隔離街嘅粥店，粥底綿軟，材料新鮮，可以睇住老闆用沙煲先滾白粥，再落生肉同其他材料，呢個時候材料嘅味道會同白粥融合，成個粥出黎啖啖有味，呢種先係真正滾熱辣生滾粥。最後亦係關鍵，價格親民！榮利只係難怪去左幾次店內堂食發現都幾旺場。有次夜晚9點近10點去買外賣宵夜，店員話今日粥已經賣嗮，可見佢嘅粥係每日新鮮每日清，若經過旺角真係可以不妨一試。呢間榮利粥鋪真係街坊之選。