榮式燒雞扒 (吳松街) (已結業)

沒有叫雞扒就係中伏嗎？首次光顧，點了花膠准山麵，買相不錯錯在花膠，第一片完全咬不開，第二片一樣咬不開，跟店員反映就開始變面，花膠取走直至成碗麵食完再給與上枱，一樣咬不開，再次跟員工説未準備好的食材就請唔好上枱給人吃，完全扮聽唔到，以為拎入廚房煮多10分鐘就會淋嗎？

係佐敦呢個咁多野食既地方番intern，作為foodie梗係要趁lunch去覓食啦！有日食晏同事提議去食榮記燒雞扒，先知道原來公司附近有！之前間唔中都有聽人講起呢間餐廳，想試好耐架喇！我地差唔多兩點先到，所以唔洗等位就入左去。Menu有各式各樣煮法既－－扒！選擇困難左一陣，最後都係揀咗看似最經典既「榮式雞扒飯」！兩塊雞扒大到將下面既飯同菜遮蓋住，完全反映左香港人多肉少菜既飲食習慣，exactly啖啖肉雞扒好嫰滑，皮煎到帶點香脆。醃過既雞扒配埋黑椒汁一 簡直就係重口味之選肚餓之下一個唔覺意就清晒D飯～不過咁heavy既午餐都係間唔中食下好喇

點左「雞扒親子飯+凍奶茶 = $53」！由於小妹男朋友好鍾意食雞扒，所以食晏成日都會嚟呢度食！晏晝時間都比較多人，但係大約等五至10分鐘就有位👍🏽有圖片可見圖片的雞扒非常大塊，充滿着好多雞扒汁，非常好味，果然係雞扒之王！個飯另外有啲配菜同雞蛋，令過返更加豐富，唔會剩係得肉類！配上佢特製嘅姜蓉，令白飯更有味！如果喺佐敦返工嘅朋友仔，食晏可以嚟呢度一試，個人都幾推薦！

以前番工係銅鑼灣成日都會食，不過要排隊排好耐先有得食，今次咁啱經過佐敦見唔駛排隊就入去回味下鱆魚蓮藕餅飯 $44 蓮藕餅都幾厚，有三塊，炸得夠透身，不過就咁食都幾乾，加埋蔥油鼓油撈飯就好啲，份量比以前少左好多，男性朋友食都唔夠飽榮式雞扒飯（2塊） $50 招牌之作，明明我叫雞扒飯係$47，但比錢個陣先知佢加多左塊雞扒收多左$3，但餐廳應該係落單時問清楚客人。雞扒香脆得嚟又夠嫩，睇落以為好大塊，但比較薄身，個飯份量比較少，女士食就夠飽跟餐加配油菜一碟 $12菜心老到不得了，有渣，比較硬身跟餐飲品半價 $10咸檸七喜幾好飲，唔算太咸，不錯

愛吃雞扒的朋友，大概都知道榮式雞扒的大名。今日去的是佐敦吳松街分店，地點雖然不是太便利，但午膳時間的食客人數都不少，要等幾張枱，十分八分鐘才能安排入座。去榮式雞扒當然是吃雞扒，雞扒的製法和配搭倒不少，如雞扒雞奕飯、雞扒章魚餅飯、雞扒肉燥飯、雞扒鹵水豆腐飯、雞扒豬頸肉飯等。。。。。。今日點選的是鴛鴦雞扒飯和雞扒撈丁。餐牌－選擇多，價錢大概五十多元鴛鴦雞扒飯－所謂鴛鴦雞扒飯，即一煎一炸，煎雞扒雞皮煎得香口入味，肉質鮮嫩不乾，炸雞扒以鹽酥方式製作，鹹鹹的外皮令人食慾大增。雞扒撈丁－雞扒是一貫煎雞扒，公仔麵軟硬煮得剛剛好，還附上一包一丁麻油。

之前黎食過一次, 感覺味道唔錯, 今日經過見唔洗等位, 所以又入左去幫襯｡ 雖然知道佢出名食雞扒, 但今次想試下雞扒以外嘅食物｡ 晚餐時段可用優惠價加特色小食 & 飲品半價優惠｡鱆魚蓮藕餅湯檬直覺 + 睇圖話我知, 鱆魚蓮藕餅應該唔係炸, 頂多只係上少少粉煎, 但黎到之後, 我見到塊鱆魚蓮藕餅好似塊豬扒咁炸過, 同牆上貼嘅圖真係差好遠, 而且只係得一小塊, 非常薄身, 食落去口感過淋｡ 湯檬就正常, 不過份量都係偏少｡ 睇黎下次都係 Order 番雞扒會好 D 

今晚一行四人去佐敦呢間榮式食晚飯，唔係第一次幫襯，但以後唔會再去！食食下飯，我地幾對眼睇住個冇著「榮式」制服、一時做樓面、一時坐收銀嘅女人跌咗塊紅色抹布落地，佢踩左兩腳、再拖住塊布喺地下掃左兩下，然後竟然執返起塊布用黎抹枱！咁唔衛生都得？埋單走嗰時個女人坐收銀，俾完錢我朋友都始終忍唔住，走去同個女人講，話佢咁好唔衛生，但個女人竟然仲話：「塊布啱啱攞出黎架咋喎！」，即係啱啱攞出黎，跌左落地踩完踩擺都唔駛洗？

員工態度唔好，自己落錯單要屈個客冇講（隔籬檯）到我落單，我要雞扒撈檬（$42）當時剛過8:00 ，佢地話冇晒檬粉，問我轉烏冬得唔得⋯⋯我話如果別無選擇，惟有係咁。 上菜慢，水都冇杯。到上菜時，我打咗個突，份量少，個碗好大，最hea係塊雞扒，薄到似煙肉。 埋單收銀話要$48，我問點解唔係$42？ 佢表示烏冬貴啲，我就話：「點解你地同事唔事先講聲？ 」 佢後尾一句冷淡嘅「唔好意思」就打發我走。 咁嘅食物同服務質素，唔好意思，無回頭。今次當買個教訓佐敦劣店當之無愧

唔洗排就食以前返工係灣仔附近，成日想食榮式雞扒飯，但一直都排得太多人，根本就食唔到，所以諗係咪咁好味呀？今日行過佐敦鋪見唔多人終於食到啦⋯⋯當然要試過最出名既雞扒飯啦啦隊！一黎到，雞扒味幾香喎，煎得岩岩好唔太乾又脆脆地。雞扒少少甜，又juicy，配飯一流。而啲葱同菜甫都幾好味，都係送飯啦！不過餐廳地下好油，又坐得唔舒服。但賣成50蚊個飯，但食既係茶餐廳質素，又份量細，好似唔太值喎！明白既，灣仔店果頭呢個價唔係食到好多野，但佐敦其實都唔洗食佢丫。所以，都係果句啦，唔洗排都可以再食既，要排的話，就不了！

一心諗住食好嘢，對剛剛ot完疲憊嘅自己好啲，專登去度佐敦諗住好多好嘢食，點知真係入錯店，我真係應該要用幾分鐘先開openrice睇啲食評！我地到訪時間好似係十點，行入去佢話仲收單，ok，咁坐啦。職員要清潔，其實真係明白，都ok。我地連餐牌睇多陣都無時間，叫我地快啲落單。後來我想留份餐牌影相，好似得罪佢咁，個樣勁黑面。唔叫嘢飲大概4x元，有撈麵飯類揀。我嗰個係榮式雞扒撈丁，無味，雞扒油到喊，成碗麵我食緊唔知幾多油落肚，雞味欠缺，呢碗要42元。我無心機到連相都唔想掉番啱位，我試左小小豬頸肉，勁難咬開。。。上碟hea放，完全黑面，如果唔想接單，大概可以講聲收左鋪就得，唔駛咁囉。o完t都係想安安落落開開心心食餐飯啫。。。

黎榮式我地兩公婆都指定動作點同樣的碟頭飯，我會點雞扒拼滷水豆腐，而老公就會點雞扒拼蓮藕餅。喜歡他們的炸菜配菜，蔥油，甜豉油當然亦喜歡主角—雞扒，雞皮煎得脆，雞扒肉亦算滑，40幾蚊大大碟又抵食，諗唔到食乜，間唔中去食一餐都不錯

榮式燒雞扒在佐敦的分店都開了一段日子，最近，餐廳重新裝修，令品牌更活力、年輕。不變的是，食飯等位的情況，午飯時間可能要等上十多分鐘。雞扒飯－榮式的招牌菜式，雞扒底面煎金黃香口，而肉質依然保持嫩滑，鎖住肉汁。另外，雞扒的脂肪被煎煮的時候迫出來，所以膩感不強。雞扒撈丁－麵煮得軟硬適中，出前一丁附上的麻油另上，可自行決定落與不落。雞扒滷水豆腐飯－如果嫌兩塊雞扒太多肉，可以選擇雞扒滷水豆腐。豆腐的鹵得入味，內層能保持滑溜，而且滲透出少少的鹵水汁。

今日去完醫療探病，諗起好耐冇食榮式雞扒，所以過黎食。入到去滿大半，有張吉既4人台，我一個人就費事佔人地大台啦，坐左係旁邊單人吧台位。叫完野等食，拿手機出來看，隻手放在台上，台面實在太小，怎知道今次好快有得食，個侍應拿住碟飯行過黎，一埋黎見到我兩手放台上玩電話就大叫“喂！”然後放低碟飯係我隔離台面走左去，離晒大譜冇禮貌到咁！跟住我見佢行返入去水吧位繼續做野，就算忙都唔係咁下麻？再到食物，雞扒依然好食，但個蓮藕餅已經變晒，一眼睇落去已經同以前果的唔同樣，食落更加係，得肉餅，冇DD蓮藕碎細細粒係入面，肉勁多，已經係唔好食。的菜甫碎又得雞碎咁多，唔係講笑，得一個五毫子面積大咁多咋。以往就算飽都會食晒件雞扒2件蓮藕餅，今次個蓮藕餅我只係咬左幾啖，剩返一件半。食物水準下降，服務更差！我諗榮式雞扒可以唔使再黎。

佐敦呢間第一次食 灣仔 北角都食過 但都好耐前以為分店味道應該吾差得遠點知係完全吾同 食吾番榮式應該有既獨特味道超失望 一路都想食番因為掛住個味道甘岩今日心情想食 終於食到但失望到極點 叫左個雞扒藕餅飯雞扒己經吾係以前食既味道藕餅更加吾使講 係完全無味加左蔥撈飯應該好好味至係點知佢d蔥完全無味無爆香果d味食到無晒心情 至於服務更加不用說D人個個都呼呼喝喝甘好粗魯 成個食野氣氛都吾好 其實既然keep吾到個質數做咩要開分店

因為都鐘意食雞扒, 恰好見到榮式雞扒, 自然要食下, 其實這篇食評已經食左2次, 索性一併寫.第一次食係鹽酥雞扒烏冬鹽酥雞扒外面酥脆內裡鮮嫰多汁, 超好味,唯獨敗筆在烏冬太咸, 同埋湯底好似出前一丁麻油味...因為鹽酥雞扒食過番尋味第2次唔食麵就點左鴛鴦雞扒飯(1燒1炸)然後最大感想係炸好食過燒, 所以如果有機會再黎食都係繼續炸雞扒(推介)