榮忠大排檔

营业中

休息中

人生之中無乜幾次嚟西灣河，估唔到由興東村行返去mtr途中嘅轉角，大大隻字＜大排檔＞好搶眼，便同呢間港味濃嘅大排檔遇上了。從店外望過去，白色外牆同加上少許植物，感覺似cafe，而店內播著香港經典歌曲，當時聽到嘅有梅艷芳同張國榮哥哥，真心好耐都未試過有間餐廳係播呢d歌。店內擺設以李小龍為主，如果係粉絲嘅你，絕對係人生必到堂食打卡嘅好地方。嚟到剛好茶市，就叫大排檔出名嘅沙嗲牛煎蛋湯米配熱奶茶。成碗熱辣辣，賣相吸引😍 米粉份量十足，煎蛋吸引，蛋白滑，蛋心仲係液態脹卜卜🤤 沙嗲牛有用洋蔥，醬汁香濃，只是欠缺平時會食到嘅花生味。熱奶茶色水唔錯，可能我比較鍾意飲濃，多1至2 layers口感更好。衛生程度屬cafe level，看似老闆嘅人，不停執拾，整間鋪超整齊，實屬少見。今次嚟嘅時間短，雖然要關店小休（？）看似老闆嘅人，架起眼鏡，埋緊數，無催我走，真的很好。下次有機會再過嚟同朋友試其他好西。

雖然茶記都有食過 。出品都唔錯不過比起門口間燒臘舖 真係有啲比較距離燒味無論係叉燒定係燒腩仔都大件夾抵食$68一斤叉燒應該香港絕無僅有😋而且瘦叉唔乾 肥叉唔膩 真係食得出嘅新鮮本身淨係諗住買叉燒 。點知阿姐加咗句 。「$35燒腩仔好靚㗎」一睇就沉船 😍😍😍靚仔 同姐 都好好服務態度 。要加辣有芥辣 要薑蓉有薑蓉 仲幫我切到細細舊方便食不特止🤤🤤🤤🤤返到屋企啲燒腩仔同埋叉燒仲係暖笠笠脆卜卜㗎阿媽今次都話我叻女下午茶買到返屋企 。都等唔到晚餐😂😂臨走嘅時候見到飯盒 單併雙併都係廿幾蚊😱😱😱😱老闆巧手佛心 。唔好食唔推❤️好好食一定要推🫰

己少了去榮忠，今日路過買些义燒回家炒飯。叫佢切舊霖D义燒，回家先發現超肥义燒，有一半是肥膏。咁做生意，你叫人點再幫親你宜家先明，點解隔離店唐順興有些客，雖然味道平平，最少都物有所值嗎

店舖是在小巷旁邊 我也找尋了一會兒才發現它🤣店內寬敞 裝修以懷舊香港為主 冷氣很足夠🥰店員一大清早已朝氣勃勃 招待熱情❤️店內桌椅、餐具、地面都很乾淨 加分加分🥰🥰點了扒餐🌟有雞扒、炒滑蛋、餐肉和茄汁豆🍅份量很足 雞扒用黑椒和檸檬🍋醃過 很惹味✨炒蛋滑捋捋 蛋味濃🥚餐肉和茄汁豆是叫貨就沒什麼評價 就是好吃🤣凍齋啡☕️ 酸味稍重 但很大一杯 早上喝到心情很爽🤣🤣🤣-果占吐司🍞 （果占需額外+$2）麵包選得好 煙韌香甜 配上酸酸甜甜的果占 無得頂呀！-西灣河上班一族又了一個好去處了😆！

晨早黎到榮忠食早餐，對上一次黎食唔到沙爹牛，今次終於食到早餐份量都幾大，炒蛋、凍火腿、紙皮多士，同埋主角沙爹牛加埋凍奶茶。凍奶茶記不過不失，茶底ok鐘意飲天仁茶濃應該會知道係咩味道。主角沙爹牛賣相麻麻，成篤野禁ge沙爹牛加個大光麵，實在晒左我要黎幾次的心機。食落味道合理，係不會回頭的味道。壓軸就係個炒蛋，一個字［酸］，即係變壞左，顏色冇問題，但食落就唔係蛋味，唔知煮果個過程有問題定點，都有同伙記哥哥講返，佢都係變走左就算。結論，都係冇下次。完

鋪頭外面長期都有好多人黎買燒味，之前無意中係雜誌到睇到呢到有得食炒蛋叉燒飯，賣相都幾吸引，今日放工經過就入去試下先。位置唔多，坐得都唔係太舒服，餐廳有其他常餐揀。不過我就係為咗食個叉燒炒蛋飯先入黎就嗌翻呢個招牌喇梗係。少爺炒蛋叉燒飯 ($46)個炒蛋真係炒得幾滑，不過對叉燒就有啲失望。睇相都見到啲叉燒每一舊都比較瘦，咬落偏硬同偏乾，加上叉燒厚切感覺更加硬。如果啲叉燒係半肥瘦就會好食好多。加上我覺得即使個蛋好滑但係始終成個飯冇汁，叉燒又硬，食落覺得還可以。餐廳位置坐得又唔係好舒服，未必會再訪。

細細的一間燒味舖 唔係有magazine報都唔會知有間咁嘅隱世燒味舖 門口齋睇以為普通燒味舖 但係其實後面係有5/6枱 應該target街坊生意 8點閂舖 我6:30去到 其實得番啲街坊買燒味食（1）少爺滑蛋叉燒飯飯好多好多 炒蛋好滑 叉燒半肥瘦啱啱好但係得五粒（2）金莎芝士雞扒撈麵撈麵個雞扒好鹹 如果本身芝士已經鹹我覺得應該個雞扒唔應該咁鹹 值得一讚係個雞扒都大塊嘅👍🏻👍🏻

身為街坊，呢間茶餐廳開業左好耐都未幫襯過。今日有事要一早出門，專登去食個靚早餐先。星期日嘅七點半，餐廳只得一枱客人。早餐 manu 同大部份茶餐廳大同小異，價錢大約三十蚊左右一個餐。餐廳幾新，感覺好乾淨。加上其中一邊對住條好乾淨嘅巷仔，劏開門就變成 semi-outdoor，有去左 cafe 食 brunch 嘅感覺。叫左個早餐，沙爹牛面 + 多士 + 兩樣嘢 (我揀左炒蛋，餐肉) + 熱飲，都只係 $35。牛油多士外脆內軟，牛油味好香。炒蛋好滑，餐肉厚切。沙爹牛面好多牛肉。總結，高水準茶記早餐，一定要試!!!

用左openrice 咁耐，食評真係第一次打。其實之前都有試過啲伏嘅餐廳，不過今次真係好想分享下。對呢間榮忠真心失望，完全圖文不相符，經過過好多次都好想試佢個叉燒炒蛋飯，可能有期望所以特別失望嗎？！佢嘅叉燒又細細舊又少仲柴到無朋友，炒蛋一個字，hea炒，搞咩，真係唔想其他人中招。$ 53蚊少爺叉燒炒蛋飯仲講到係招牌😩叉燒唔合格，炒蛋唔掂，好在有豉油俾我撈飯睇相就知中左伏，上枱碗飯就係咁嘅樣，係真係咁hea，擺好少少都得掛？!!$56埋單，凍飲加3蚊

經常都會嚟呢度食早餐，因為覺得都幾方便同埋好食而且覺得老闆都好好人好親切，好有街坊的感覺！每次經過見到佢門口掛起左嘅叉燒，都覺得都好吸引，不過一直都冇試。直到突然之間好想真係食下佢嘅叉燒所以今次去嘅時候就叫咗叉燒蛋飯。一黎到我俾佢啲蛋多到嚇一嚇好中意佢咁多蛋呀！個叉燒都好好食，覺得佢好香，最鍾意佢個表面好令咁樣！不過我覺得豉油唔夠多最後食到啲飯有啲乾，但係又懶得問佢再加豉油所以當係減肥唔好食咁多汁啦！

開了不夠半年的榮忠燒味及茶餐廳非常受歡迎，基本上甚麼時段顧客人數也不少，晚上亦頗多人光顧燒味部。我們中午約12時到達，點了一份茶餐，因不進食雞蛋，店員很貼心地安排將茶餐的雙蛋換成火腿，火腿是較高級的肉質，口感豐富。叉燒意粉味道清淡，能突出叉燒的惹味。另一人點了招牌菜少爺炒蛋叉燒飯，蛋夠嫩滑，與叉燒味道亦非常相襯。整體而言，服務質素高，店舖氣氛和諧，食物亦不俗，值得再試。

點解要影早餐呢... 因為前一晚係fb到見到係西灣河既新野，就去試下囉! 結果係唔錯喎，佢個位係係西灣河街市邊皮位，我地應該會夜晚去試下個滑蛋同叉燒咁，因為佢個炒蛋都幾好食，我覺得分分鐘好食過翠華XD

依排睇到飲食男女呀，openrice等等賣廣告都賣得幾「行」下，見到佢d野好似幾吸引，主打燒味但又有其他野想試，就同男朋友過黎試下。（其實我地前一晚無留意收鋪時間遲左去到收左，第二日再黎！）咁去到都易搵既，都幾得意門面係old skool燒味檔但後面係茶記但加d fusion咁。去到都要排隊，咁我滿心期待啦！本身最想食佢個沙嗲肥牛撈烏冬，點知咁早都賣晒？咁又心思思想食佢個麻辣肉醬雞扒飯，問侍應話都幾辣下架無得小辣，咁就跟男朋友食少爺滑蛋叉燒飯啦。黎到見佢又係用外賣兜裝好唔環保，見面頭無汁無豉油，原來加左係飯度。叉燒份量還可以，但佢切得好鬼大舊，又全部都基本上係瘦叉，扣左分。叉燒識食一定係食肥叉/半肥瘦。跟住重點係d飯好鬼硬！好似未熟晒咁，食左一半已經唔想食好哽胃。真係好失望叫佢最出名既燒味都咁..... 睇黎無下次

西灣河巷仔最近開咗間燒味大排擋，其實是前舖賣燒味，後舖做茶記。裝修一般茶記風格，加了昔日港產片的海報。坐得逼夾一點，服務可以。 我和老公亞女一行三人試咗早餐和午飯，因為係十一點前後。 大牌檔早餐有沙嗲牛肉麵或雪菜肉絲米，配牛油多士加炒蛋拼火腿或腸仔或餐肉，加杯熱奶茶。 沙嗲牛肉麵的牛肉有咬口，沙嗲醬係自家調配，香濃但不咸，非常惹味。 炒蛋亦做到香而滑，真的不錯。 少爺炒蛋叉燒飯，十分驚喜。 厚叉燒香腍有肉汁，邊位帶有少少燶，好香口。聽職員講這款叉燒只供堂食，不設外賣，不知是否真的？！另外茶餐有叉燒意粉配牛油多士和炒蛋，亦相當不錯。奶茶夠茶味，合我的胃口。

之前已經幫襯過榮忠大排檔，佢哋嘅沙爹牛肉麵十分出色，今次再去食早餐，決定試試不一樣。蕃茄肉碎湯通粉與其說是湯，我覺得是蕃茄肉醬通粉，面頭盡是滿滿的番茄蓉，肉碎，薯仔，以及濃濃的香草味，撈著通粉吃是完美配搭，真心高質有驚喜。除咗通粉，早餐仲包括多士，我點了奶醬多。麵包已烘底，花生醬和煉奶一點也不吝嗇，仲配埋熱飲。以這個食物質素和分量，絕對是物有所值。不過店舖地方較淺窄，但勝在環境乾淨，服務也是不錯。下次要再試下佢地既午餐。