榮熙茶餐廳

营业中

休息中

非常差嘅餐廳！個下午茶餐牌係假嘅，下午茶時間叫左三樣野最後全部收正價！電話落單嘅時候問檸蜜要唔要加錢又唔出聲，最後發覺所有飲品都加錢，因為全部都當單點。事後覺得佢係為左隱瞞唔係下午茶嘅事實所以避開問題！去到比錢問唔係下午茶咩？又唔出聲，靜係指著收銀附近既一個餐牌，然後用指敲兩下！哇呢d服務態度響今時今日都得？間野態度又極之唔好，食物份量又少，味道又差，特別係星洲炒米完全冇味靜係得黃色螢火粉，投訢又唔理！！以後唔會再幫趁，大家都要小心！

平常心態試食吓啦，住喺附近唔方便講太多，本人下晝食咗一個焗飯份量少，態度差，跟住唔夠飽再叫一個餐🤮，同想像一樣都係味道難食，希望嗰個廚師唔係大廚啦，如果係可以返鄉下耕田！👏👏👏評論到此完畢。希望OPEN rice 可以通過post出嚟,以免更多人中伏。

服務態度差+晦氣自己餐牌寫到唔清唔楚20:21落單，話就話即做，一個鴛鴦炒飯三催四請跟咗兩次要到21:05先出到嗰飯偏鹹、細份、即煮嘅飯居然係硬嘅，有難度！所謂晚餐係唔包嘢飲，因為包咗嗰味精湯享受貼錢買難受嘅可以考慮嚟挑機

大角咀多嘢食大家都知今次想平平哋試下間茶記💛日式厚切吉列豬扒🍱伴牛乳炒滑蛋石鍋飯+凍檸茶 ($52+$2)上枱熱辣辣 好大塊吉列豬扒同炒滑蛋🐣吉列豬扒炸到好香脆可口🐷而滑蛋似乎有少少overcooked🙈不過都重牛奶味豬扒跟左番茄汁同沙律醬而唔係自己煮嘅醬汁有少少格格不入 如果加上餐廳自己煮嘅茄醬會更加好 稀身少少用嚟撈飯就好好多白飯份量好多 係兩人份 食一半已經好飽🍚總結呢個餐不過不失 呢個價錢用黎醫肚算唔錯啦😌

見係黃店 睇相又ok 就入黎試下 入到黎原來星期一冇海南雞飯 冇辦法唯有點芙蓉蛋飯點知 伏！基乎冇料！成個飯得圖入面咁既size既叉燒兩三粒火腿都係細細兩三條其他就係洋蔥蝦就正常你遇左茶記既質素咁收我$47 蛋又唔係滑又唔係厚 都幾失望下呢度店員係好既 不過希望食物質素提高下

【 食物種類多元化  】晚餐唔想煮，大角咀咁多野食好方便，上網隨便搵下都好多選擇，我地今晚去左榮熙茶餐廳食飯。餐廳環境幾乾淨，員工好有禮貌，都有見到佢地不停清潔地方。我地點了一個魚香茄子煲，一碟椒鹽鮮魷，飲凍檸檬茶，仲送兩碗中湯。這間餐廳的飯和送都好大碟好大碗，個湯仲係無限添飲，好正。個魚香茄子煲好好味，茄子好香，好多汁碟椒鹽鮮魷真係好大碟，每塊都好大，入口好香脆，魷魚都好鮮甜，我地勁鍾意食！碗中湯係蓮藕煲豬肉，都好足料夠肉味，蓮藕都夠爽口，我覺得非常好味，第一次覺得餐廳的中湯係唔咸的，唔係味精湯，我成碗飲晒。原先想叫多碟菜，但見到兩碟的份量咁多，怕食唔晒，所以唔叫到。

去開大角嘴探朋友，求其揾間茶餐廳醫肚，入到去咁啱有個餐叫求其一餐。我哋叫咗梅子醬蒸排骨，翠肉瓜西芹炒牛肉。餐係有跟例湯，當晚係蟲草花湯，一拎出嚟好香，飲落唔覺有味精，抵讚。小炒夠鑊氣，茶餐廳食炒牛肉都係預佢個牛肉有醃淋到，但無蓋過啲牛肉味，份量都夠，唔會好似有啲將貨就價嘅食店，得兩片牛肉俾你。個排骨即叫即蒸，所以要等，味道適中，啱送飯。我有留意到佢哋有做外賣，附近唔想落街嘅街坊，建議你哋可以叫呢間，抵食。

原本想入去食，不過見到好似冇乜位，所以都係買外賣飯盒返屋企食好。椒鹽豬扒配海鮮炒飯，得嗰兩隻蝦仔同丁點咁多嘅日式魚卷同仿蟹柳就話海鮮炒飯，真係 no eye see ; 但係原來個重點唔係炒飯！而係件椒鹽豬扒！呢個椒鹽豬扒就好香口，肥瘦均稱，肉又夠鬆軟，一啲都唔乾柴，仲有好多炸蒜頭之類咁樣嘅好香口惹味嘅配料！夠味得嚟又唔會太咸， 堅係大師傅手勢！好有以前大排檔風味，都真係好好食。外賣飯盒嘅返到去屋企食，都咁好味，如果堂食嘅話一定會更加好味！

在手機APP見到這間茶餐廳告急,所以即使吃完越南法包有75%飽,我都決定過來懲罰,希望有助這間茶餐廳。炸魚柳配薯條 凍央  37元  3.5/5分1. 點完之後,大約等了10分鐘,證明此店確實是即叫即炸。2. 炸魚柳都幾好味,不算用太多炸粉,可惜太細塊了3. 薯條同樣的問題就是份量太少,比起其他茶餐廳少了1/3,這點扣了不少分數4. 都幾少見會用千島醬,好味5. 凍央幾好飲,不算多冰,奶跟啡的配合是50%總括來說,味道不錯,價錢都中等,環境普通,方便街坊的地方,請大家多多支持香港的黃色經濟圈~

🍴葡汁雞皇焗飯 55 蚊🔥🐤份量夠 但個人覺得佢既葡汁落左芝士 太多芝士 令到個汁有 d溜 但個味其實 ok可以多番 d飯或者少番 d汁 會好 d . 個飯有炒蛋夠蛋香🥚 雞肉 算幾彈牙 份量足 整體中等👍🏻例湯 係蓮藕煲豬肉 都足料夠肉味 蓮藕都夠爽口 唔錯#黃藍是政見黑白是良知 #雞飯 #葡汁 #焗飯 Score 平均分 <7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#榮熙茶餐廳大角咀大全街35 至37 號地鋪~~~~~~~~~~~~ 多謝大家支持！🤓🤓任何美食😋歡迎inbox 我 , 等我食完開心share！🤓

晚市套餐68, 跟飯湯飲品。味道不俗，有多少人情味。星期六晚上，人數的60％，電視播著 viu TV，剛巧播著「赤道」，內容對白和現在的香港十分配合。喜歡有良知的香港人可支持一下

今日屋企懶得煮飯，就決定用外賣app叫飯回來吃，估不到連外賣的份量也很多，我們叫了金沙骨，不是太酸。椒鹽鮮魷因為外賣難免林左少少，但味道仍不錯。值得一讚的是魚香茄子煲，肉說很多汁也很多足夠送一碗白飯，而且我哋又叫咗一個大閘蟹餐包湯包一杯飲品。總括嚟講都係抵食之選

同朋友行過，成條街都好多餐廳選擇，見到呢間都有唔少人坐底咗食，價錢又ok於是就入黎食。見到菜式都唔少，其中叫咗一碟帶子蒸豆腐。上菜時好驚喜因為佢一碟有6件而每件係一個小碟仔咁上，好似人地西式餐廳啲tapas 🤣個醬汁撈白飯食一流。另外我地都叫咗個支竹炆牛腩煲，呢個就真心一般啦。原來個餐包一杯飲品同糖水，糖水係腐竹糖水。又係一般貨色啦，腐竹加支竹咁放入去煲，不過茶餐廳有套餐有送糖水已經係bonus了！

之前係大角嘴諗住食下午茶，見到榮熙茶餐廳好似幾多野揀、價錢又唔錯，所以就入左去食。嗰日嗌左乾炒牛河（少油）同凍奶茶。啲野食都上得ok快。味道不錯，如果碟牛河可以多啲牛就好。不過...雖然嗌左少油，佢張單都有落少油，但啲圖都知...仲係超級多油，所以嗰日都無食曬。唔知其他餐會唔會咁，但我見隔離檯嗌乾炒牛河無嗌少油都一樣咁油，所以我諗有無話少油佢都唔會理你。

叫了一個雜扒雞扒酸的,算,最少重食得落豬扒竟然係"叔"的,試了一啖已經覺得怪怪地再食多啖竟然真係"叔"的完全食唔落,被迫成件豬扒掉左佢牛扒個樣完全唔得(個樣似白烚咁),味道一般,無咩牛味重衰過大家樂早餐件牛扒而且叫了全熟,又無全熟,服務差到咁可能你會話$70 3件扒重想點我叫餐時,佢d服務員講到好似蝕比我咁咩好抵食蝕就唔好賣,有人迫你蝕賣嗎?個黑椒汁普通3件扒,有1件唔食得(件豬扒)味道又唔係好重有$70雜扒,質素好過佢的,我都搵到幾間如果對網友來說,美而廉叫難食這間重衰過美而廉美而廉都係$60服務又差,侍應又臭串,又唔禮貌,又語帶嘲諷服務真係差到呢,重衰過大排檔如果就咁睇間野好似好衛生但當你仔細留意,就會發現其實衛生程度同大排檔差唔多只係外表光鮮一點見住佢係地下執完垃圾,又馬上摸落張台度,地下d細菌"痴"曬落張台度重有旁邊台客食緊飯,佢抹台時張濕布的水,飛曬去人地d食物度