榮發燒味茶餐廳

营业中

休息中

榮發燒味係一家主要做街坊生意既茶餐廳隨了馳名燒味飯外，食物款式選擇多。裝修後餐廳光猛左，不過座位就唔太舒適。不論服務還是食物水準也不過不失，生意、人流一直都不錯除冬菇停位置顯眼外，餐廳面積亦大，裝修後餐廳光猛左，不過座位就唔太舒適。晚飯時間，我用檯面上的QR Code自行下單，點了一份二人餐，餐點包兩份老火湯、兩味小菜及兩碗白飯，加熱飲每杯+$3; 加凍飲每杯+$6。例湯例湯的款式通常每天會輪流轉換，不過就好稀，無乜湯渣而且唔算好熱 可以濕濕口。豉汁蒸黃立倉對於一個好鍾意食魚嘅人來講 蒸黃立倉完全滿足到我唔想煮飯又想食煮家菜既需求！原條倉魚放喺碟上 靚靚仔仔咁 算唔錯蒸魚是家常菜，加豆豉蒸味道岩岩好，又無魚腥味咸蛋蒸肉餅肉餅好腍身 不容易散開 好有有光澤蔥花加埋甜甜嘅豉油，真係好啱送飯；鹹蛋白味相對鹹蛋黃味濃郁~如果鹹蛋黃味再出D就更好啦~Total:$184 人均消費：$92

外賣叫左個特濃鮮茄雜菜湯紐紐粉，轉左出前一丁，但送到來得清水同湯粉…蕃茄湯同雜菜消失左！我仲要加5蚊去轉出前一丁！78蚊一個餐蛋出前一丁簡直世紀級咁貴！ 重要自制湯底！🤬

早前挑戰完鳳凰山，今次就輕鬆啲、短啲，由美孚起步上馬騮山，再沿引水道直剷到去大圍，輕鬆行到落大圍剛好喺放飯時間，由地膽朋友帶路過嚟「田心村」嘅「榮發」，喺一間村屋茶記，「快閃」食個午餐。餐廳佔上村屋兩個單位，有室內，有室外，不過，室外位全喺啲吸煙區。走到入裏邊，其實，睇落一啲都唔似村屋，裝修都算幾骨子，不過，喺逼啲。阿姐叫我哋用二維碼落單，所以，初時唔知餐牌就攝咗晌枱邊暗格，不過，都做咗啲截圖出嚟俾大家參考下。但就無影晒所有人食嘅嘢，只喺影側邊兩位啫。鮮蝦腸 $22睇樣都幾OK架，拉出嚟嘅腸粉皮唔算話好厚，口感幾滑溜，都透透哋睇到裏面嘅鮮蝦，啲蝦好大隻，又非常鮮甜，質素真喺唔錯。燒肉油雞米粉 $55睇店名就知燒臘喺佢哋嘅賣點之一，所以，朋友醒目揀咗呢個午餐，又試到燒肉，又試到油雞。我都夾咗嚿燒肉試試，卜卜脆，鹹香，又唔太肥，而佢就話啲油雞都做得好好味，淡淡豉油香，皮爽肉滑。豉汁蒸鯇魚飯 $60我都喺揀食午餐，不過，就揀咗個蒸鯇魚，件鯇魚都幾大嚿，而且，煎嘅火喉啱啱好，好嫩滑，又無過籠，惹味嘅豉汁基本喺無得輸，此外，啲飯多到成座山咁，差啲食唔晒。不過題外話，喺度食蒸餸嘅話，最好問一問要等

叫$68扒餐+$4.5檸茶少冰，塊扒剩係得兩啖既size(剩係得一半既雞扒)，檸茶叫少冰都仲要有半杯冰係入面，跟扒餐既雙蛋都比漏埋，有個店員態度尚算誠懇，同我講比起之前真係縮左水，但70幾蚊比D咁野我，知道我寫緊劣評有幾個老seafood比面色我睇，樣都唔識扮下，0分重造不建議吃，伏。

在大圍附近，見田心村出面有錶位泊車，索性搵間餐廳食飽才出九龍。見到這裡大大隻字的招牌，而其他隔籬左右的餐廳不是當日口胃，簡簡單單吃餐便走。見到四寶飯好似好吸引但太大碟，結果只叫了一向鍾意的蔥油雞扒蛋公仔麵。我對碗麵的評價屬一般，雞扒偏薄，蔥和油都不夠，中規中矩，吃了醫肚餓，不吃沒損失的那種。值得一提的是，我選擇坐在戶外茶座，其實有瓦遮頭，不算十分近馬路邊，如果秋冬時間來這裡簡單食個下午茶，我又覺得環境算不錯。

係田心村應該無人不識榮發，話佢係街坊打墩既茶餐廳，相信冇乜人會反對。下午茶選擇多，有炒粉飯麯，三文治，又有粥餐。朋友叫左咸魚鷄粒炒飯配凍O茶，我就叫左巨人西多配凍鴛鴦。雖然係下午茶，個炒飯份量都唔細，色澤分明，但卻嫌少左d咸魚既咸香味。巨人西多果然夠大件，夠哂厚，皮鬆脆得來食落又有花生醬味，值得比個兩杯凍飲不過不失，唔會特別甜，ok。食完個下午茶好滿足，埋單總共$83，價錢夠哂大眾化，唔怪得咁多人幫襯。

收工預先叫左外賣,去到報左外賣號碼見到末有得拎,便問左收銀仲末得？要等幾耐,收銀竟然態度惡劣咁要我俾錢,再問佢咁要等幾耐,佢再次加重語調叫我俾錢之余,再話我唔知,之後有個男人見到咁狀況就好聲氣咁話煮緊等多陣,其實可以好聲氣咁收錢同告知等多陣便可,街坊生意做到咁,以後都唔會再去吃同外賣,睇收銀衣著應該是家族人,因為不是著制服,估唔到平日ar姐服務唔算差,竟然自已家族人唔優做咁趕客,真係希望佢留意吓基本態度,客人唔係俾錢睇妳面色

定期到附近工作，經常光顧，4寶飯很多連鎖店都有賣，這間是燒味量十足🤩，$55（凍飲+3）------------------------------油🐔：肉嫩，略肥，皮下脂肪較多紅腸：厚切，特別加分，外面一般超薄鹹蛋：比連鎖店略為大，金黃蛋黃🐷腩：皮超脆，略肥多油膏飲品：凍咖啡走甜，普通茶餐廳水準，偏酸咖啡，不合適做齋啡。中湯：蓮藕豬骨，感覺有味精那種～------------------------------啊姐姐貼心提示：如4寶想吃燒腩，可以叫4寶飯走鴨，不然就是看師傅心情😂。------------------------------整體以$55來說，碟頭飯最重要肥肚滿足，90分。------------------------------略為扣分是餐廳附近較多植物，餐廳環境有蒼蠅飛來飛去。

住附近嘅街坊應該無人不識的茶餐廳👍🏻每次坐低都見到有唔同客人同員工閒聊有種親切嘅感覺🥹🥹🥹🥹🥹🥹🥹就算疫情一樣見到這個畫面 感覺好溫暖😊😊😊😊😊😊😊😊今日放假去買餸💃🏼💃🏼順便食個好耐無食嘅早餐先🤤🤤🤤🤤🤤🤤🤤蕃薯湯底，自選配料。蕃茄湯底不似用茄膏開出嚟因為真係仲有薯仔等其他配料做底食完一碗已經好飽☺️☺️☺️☺️☺️😉凍檸茶無得頂，好飲過好多地方😏😏😏

住喺附近嘅朋友一定會有幫襯過嘅茶餐廳每逢假日閑逸得閒冇事同老公唔想去太遠都會嚟呢度開餐好似已經成為咗我哋嘅飯堂就算我哋唔堂食都會外賣好多時夜晚唔煮飯都會喺度叫小菜返屋企食因為佢價錢合理，亦都係附近嘅茶餐廳來講，個人覺得最好味嘅一間。我諗你幫襯嘅街坊全部都係熟客😊😊😊😊😊今次我哋嗌咗兩個下午茶餐一個燒鴨瀨粉一個燒肉米粉🤤🤤🤤🤤價錢三十零四十蚊但係份量絕對唔會太差嘢飲亦都好好飲🥰💃🏼💃🏼💃🏼💃🏼💃🏼💃🏼

味道一般。但最差係所謂戶外露天茶座，只是一個煙竇，簷蓬低將煙味焗住，連隨兩個室內鋪整個空間都係毒煙。堂食過幾次，無一次不是邊食，邊吸由外而飄入的二手煙。現在不再敢堂食之餘，就連外賣都怕怕。收銀台在露天位與煙竇並排，短短1分鐘order，口罩一呼一吸、整件衫都係煙味。

間餐廳係隆亨街市對面，估唔到閒日下午兩點差不多全場滿座。我哋三個人，係室外地方搵到張枱，等咗一陣先有服務員幫我地落單。我哋叫咗三個下午茶餐，豬扒炒公仔麵，星洲炒米，干炒牛河，全部都係迷你版。餐跟飲品，凍飲加$3 ，$40 個餐，都幾抵。全部炒野都好有鑊氣，真心唔差喎。干炒牛河啲牛肉就少咗啲，不過都好干身，冇油淋淋。星洲炒米，有咖喱味，都好足料，不過啲蝦完全冇味😆豬扒公仔麵，豬扒肉質都正常。整體來講算不過不失，所以有咁多街坊幫襯😆

啲姐姐服務極差，我仲叫緊野食，佢就問我飲咩，咁我都未叫完嘢食，佢大大聲咁喝 飲咩啊？！哇 咩態度？ 仲有啲佢地啲樣真係被迫去做野咁，行過又係度啤啤下。真係吾好去，比錢激自己。

2021.02.23星期二☀️疫情下，指定節目—行山+下午茶。榮發係其中一個好選擇。地方大、坐位多，食物多選擇—燒味、粥粉麵飯、小食、車仔麵、三文治、菠蘿包⋯數之不盡，又有露天茶座，這個天氣真係太舒服啦。侍應招呼快手利落。至愛鷄脾沙律，唔會用千年油、次次都咁大隻、係鹹咗少少。沙律夠凍仲有新鮮蘋果同青瓜。燒鴨瀨，啖啖肉，濃湯汁，熱辣辣，食到唔停口。港人至愛—干炒牛河+辣椒醬。唔油膩，無得輸。環境開揚

今晚去榮發買左一碗皮蛋瘦肉粥外賣 ,勁勞氣！！！見到啲姐姐係咁包大單嘅外賣,我哋碗粥擺喺度就點都唔包！去問佢哋就即刻包返！不知所謂！係 雖然淨係買一碗粥 但係都係用錢買！如果唔係附近冇粥賣,都唔會去幫襯佢哋！