榮發燒味茶餐廳

营业中

休息中

雖然翻身後食物種類有添加新菜式，但是送食物的服務態度依然欠佳。每次飲品送到時都會溢出，食物外形經常變形，份量也是隨心情而加減。漏單和欠食物的處理態度都是得過且過，沒有真心想幫你跟進。而且送錯單還是說服你要回這個食物，沒有心幫你更改。

唔好以為係冬菇亭就係好老土好舊式，大圍顯徑邨呢間位於冬菇亭嘅榮發燒味茶餐廳就相當新潮，裝修用咗歐陸式風格，色tone都襯晒綠色同埋啡色，相當有格調。我點咗燒鴨雞飯，份量都幾多。上桌時香氣撲鼻，燒鴨皮脆肉嫩，油雞相當嫩滑，而且好多汁。雙拼飯可以試晒兩款，真係完美結合。旁邊仲放咗幾條菜心，食埋冇咁油膩，感覺更加健健康康。醬汁方面有兩款，包括薑蓉同埋酸梅醬，薑蓉用嚟點雞 ，酸梅醬用嚟點鴨。跟咗一碗白飯，一啖燒味一啖飯，相當滋味！飲品叫咗凍檸茶走甜少冰，夏天飲杯相當滋味！上菜速度都好快，坐低一陣就有得食，而且呢度嘅服務都唔錯，值得下次再嚟！"榮發燒味茶餐廳大圍顯徑村熟食亭地下1號舖"

榮發燒味茶餐廳📌大圍顯徑村熟食亭地下1號舖已經好多年冇嚟顯徑冬菇亭食飯估唔到有驚喜😋公司三文治配薯角 $49飲品白牛 +$9平時有d餐廳嘅公司三文治勁hea...用白麵包冇烘底或者份量好少而呢到做足仲要個炒蛋同午餐肉都係好厚話就話係下午茶餐但我爭d食唔曬😍⭐️Rumple港女評分⭐️味道: 4.5/5環境: 4.5/5服務: 4/5抵食: 5/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 # 香港平食 #香港平民美食 #香港平價美食 #平民小食 #週末好去處 #大圍美食 #大圍美食推介 #大圍好去處 #大圍餐廳

先講裝修部分，我個人覺得幾靚，歐陸式風格整體使用綠啡色既設計，門口旁邊掛有燒味和價錢牌，可以見到每個星期哪一天特價什麼燒味，方便外賣拿走。裏面牆的部分有壁畫和港式茶餐廳既字樣，座椅都相當寬闊坐得舒適。窗邊卡位，設有透明玻璃窗，可以看到外面的風景，折射陽光入來。放午飯的時間，我使用檯面上的掃描QR Code下單，點了一份燒鴨油雞飯，餐飲點了一杯凍檸茶，等待了差不多5至10分鐘就上菜了，飯量很多值得稱讚，燒味的份量也蠻多的而且味道不錯，是一頓滿足的午餐。午餐和下午茶的餐廳選擇也算多，這家餐廳真心不錯。

肉醬意粉，不過不失，有野飲送但 面係一pat pat，可能自己擺耐咗先食不過最估唔到外賣要加一，又唔一早講,等我俾完錢先講，呢樣有少少唔滿意，不過新年就由佢啦，如果職員一早講名好d, 餐牌無提

翻新後再度去幫親，裝修改為歐陸風格，的確坐得舒服過以前👍🏻。✨迷你乾炒叉燒公仔麵份量作為下午茶剛剛好😋，不多不少，味道可以不會太鹹，叉燒大舊，麵條軟硬度適中夠亁身，喜歡他的凍檸茶。

冬菇亭由細食到大見佢裝修完之後啲出品同埋餐牌多咗嘢食最近有啲驚喜，就係食鐵板餐而家食鐵板餐個塊板通常都唔係好熱但榮發真係有驚喜 大家睇到啲煙就知道而家轉左後生仔多咗侍應服務就比較好啲街坊們都可以俾多個機會佢試一試另外就係燒味都好食 雖然燒味飯性價比就比較貴 但佢嘅叉燒係燶邊嘅呢個真係加好多分😍燒鴨都好食，不過嗰日就略嫌個飯啲水好似唔係幾夠，所以有少少生生地總結覺得佢有改善 ，同埋煲仔菜鐵板餐做得唔錯，但奶茶就真係差啲希望可以改善返啲嘢飲🫣🫣

叫咗個四寶飯食到尾聲，有條蟲嚇到我嘔出嚟，之後叫個經理過嚟睇，同我講話呢隻係魚毛，無野好講，再不光臨，真係好離譜同我講係魚仔，當我傻仔，未試過遇到呢啲情況，垃圾餐廳

啱啱去咗間茶餐廳，喺度為大家帶嚟啲實情分享。一入去就至少後生咗五年，個氣氛搞到我心境都靚哂😋。揀咗份芝味粟米白汁雞皇飯，白汁濃咗啲，但個雞扒夠腍，食落真係話唔出咁滑嘅口感。嗰啲粟米粒啊，加入口嚟啲香甜，夾埋白汁，食落好過癮。轉個頭，凍奶茶嚟咗，茶香唔使講，入口即化嘅滑度，正到飛起。仲想話一聲，佢哋個豐盛全餐啊，有啲招牌feel。法蘭克福腸啲味道普通，不過口感鮮嫩，會令人記住。炒蛋滑過櫻桃小丸子，味道輕盈；至於脆脆豬，外皮夠响酥，唔食都得，止得啲饑。最後嘅丹麥多士，要點讚下👍。少少甜，外皮脆卜卜，入口卻非常柔軟。添埋杯熱奶茶，正宗港式feel，好暖笠笠，仲有微微茶香，飲落喉嚨暢快。食完個感覺就係，舊愛還是最滿足。下次仲會嚟，淨係為咗再食啲熟悉嘅港式美食。🍽️💓👌

遞食物俾客人時，如果客人沒有即時回應，職員便會嚟到你塊面隔離叫你確認才遞交食物給你。我即時被嚇親，員工的態度也很不耐煩，而且仲要碎碎念咁離開，仲要足足咁樣遞咗三次俾我。其實你哋唔係記得個枱號既咩，仲咩每次都要個客人確認食物，其實你根據枱號放低就可以啦，如果食物唔啱的話客人係會出聲㗎，我覺得唔需要咁樣每一次都要確認食物，咁樣真係好多餘囉。而且咁樣我覺得好滋擾個食客，同埋咁樣會令到食客用餐感覺不良好。特別係個個肥肥矮矮既女侍應，態度特別差！P.S.顯徑街坊，幾乎日日都幫襯黎食早餐，次次都係叫同一個，從來冇變過

嗌雞煲嚟個菜煲 同職員講，佢話幫我返。等到個羊腩煲都都差唔多食晒，再問第1個職員，應完冇回覆，到個羊腩煲食完再問第2個職員，又係應完冇回音。到我地個個扥晒頭坐係度，終於第1次問個個職員自己走嚟問，個雞煲仲未嚟呀？ 跟住先幫我睇，睇完話冇落個單😡。咁我話，未整，咁幫我取消返個菜煲個價錢啦！拎左張單去又唔攞返嚟，結果等左陣，自己走出去講格號埋單。落錯單，話換，等等等等等，換嚟嘅係空氣。。。。等咁耐，問2次，都回覆。仲要全程1句唔好意思都冇。

裝修左成個月，見佢近日開番，經過順手買個外賣，榮發燒味茶餐廳，斷估叫個燒味飯都唔會中伏掛。見佢什餐有四寶飯，唔知邊四寶，就試試佢，點知好後悔…..外賣四寶飯：紅腸，燒肉，燒鴨，咸蛋，凍飲。收費56蚊。一打開睇一睇，紅腸紙咁簿，燒肉細細粒味度偏咸，燒鴨直頭係下欄野，細細舊，全骨黎既，得半隻咸鴨叫正常，食左一半無胃口了……呢間野愈做愈差，主打燒味，d貨色仲差過街市。我本身要求都好低，但做得街坊生意，唔該俾少少良心…..

裝修前一直都有幫襯開，雖然唔係好好，但係都算接受到，之前啲侍應我覺得態度都幾好嘅，仲記得有次我啲小朋友唔小心倒瀉咗嘢，成腳都係啲華田，個女侍應勁好走過來用紙巾幫我個小朋友踎喺度抹乾隻腳，可惜裝修之後好似唔多覺呢個侍應喺度做了。今日去食，放出面啲碗仔仲污糟過之前，之前都未試過咁污糟㗎，又有洋蔥又有飯粒，好似冇洗過咁，而家裝修咗有個洗手盆喺出面，咁我拎咗個稍為乾淨少少嘅碗，過去洗一洗，一洗發覺真係好似冇洗過咁，摸落去滑潺潺勁多積（仲要用手指刮先甩），係咪諗住擺個洗手盆喺出邊就唔使洗得咁乾淨？等啲客自己洗？之後最嬲係我個小朋友碗嘢都未食完，就成張紙巾掉咗落碗麵度幫我執走咗，我話未食完喎，講句唔好意思就走咗，真係食到一肚火。總之一句仲衰過裝修之前，寧願幫襯上面嗰間都唔想再嚟。

*:.｡..｡.:*榮發燒味茶餐廳-大圍*:.｡. .｡.:*難得百忙之中偷到時間同游小新食晚飯，當然要去好野食啦。我地已經食厭左大圍啲餐廳，決定去顯徑覓食😛點知⋯⋯想食果間竟然無開⋯⋯傷心🥹行行下見到榮發，見佢是是正正，地方夠大就入去食下啦=(^.^)=✨二人套餐-$160✨（兩條小菜，例湯，白飯，飲品）★沙拉一字骨★沙拉🥗醬蠻多，送白飯食唔錯每條一字骨都好多肉，唔會只有骨無肉食，肉質好淋 唔韌！★豉汁蒸倉魚★嗯⋯其實都預左出街食魚 唔會食到新鮮魚🐟所以無期望就無失望魚size都算大條，廚師落好多薑蔥避腥同雪藏味，食落都只有少少🤏🏻腥，肉質好實。

今天約了朋友在大圍因為早到了，所以自己先食完東西附近剛好看到有個冬菇亭，看到價錢又不貴最後份星洲炒米，價錢$52，送例湯，+$3有杯凍奶茶星洲炒米好大份，食完都飲唔晒杯野飲