樂園魚蛋 (亞皆老街)

营业中

休息中

潮式粉麵好多地方都有，梗有一間喺附近，但係其實都有啲好食同唔好食，我自己對於潮式粉麵來講最重要就係個湯底，如果湯底好味，成碗野都唔會難食得去邊。今日去開旺角，就去試樂園魚蛋專家，地點都幾方便係先達隔離，而且間店舖好大，坐得都算舒服。下午茶時間，叫咗個牛三寶河，有牛腩牛根同埋牛肚，一嚟到就試咗啖湯先，湯底好有牛味，同埋唔會話好鹹但係又夠味嘅。另外潮式粉麵我覺得第二樣重要就係佢嘅辣醬，好味嘅辣醬簡直係可以將碗麵升華，而樂園嘅辣醬超好味，佢有啲麻香但係唔係四川嗰隻辣，如果碗嘢有10分，啲辣醬可能都佔4分，佢嘅辣醬有啲蒜香有啲麻香，同埋個辣唔係話好勁，但都會食到出晒汗。佢嘅佢嘅牛三寶嘅份量都多，簡簡單單碗麵都幾滿足。飲品方面嗌咗凍檸樂，下午茶檸樂都係加$8，其實都幾抵食。佢既店舖都大，同埋員工都多，落咗單唔夠1分鐘食物已經送到，都幾快手。想食潮式粉麵都可以試吓。

總有一間係左緊嘅魚蛋粉，我最推薦一定係樂園魚蛋粉！相對其他魚蛋粉鋪，環境比較整潔又乾淨，店員都比較有禮貌，次次諗唔到食咩都會黎呢間( ´▽｀)好可惜今日晏左黎就無晒牛坑腩，希望可以佢平日都可以出多啲牛坑腩啦(/ω＼)牛三寶 + 米粉👆🏻牛肚，牛腩同埋牛筋加埋嘅牛三寶，牛腩係一絲絲嘅，比較惗身嘅牛腩，唔會攝牙牛筋夠晒彈牙，唔係得個惗字，做得唔錯架，牛肚又係好入味，整體成碗麵係好味嘅，香港人嘅comfort foot魚蛋拼雲吞 +河粉👆🏻平時都好少食魚蛋，但黎到一定要食招牌魚蛋，但我就覺得雲吞好味好多，入面勁爽口！一定要加辣椒油，超級香！仲有創意飲品抵食！

琴晚第一晚上堂,同朋友途經呢間魚旦粉麵店,見到下午茶優惠至18:00(仲趕得切🤭)。門口望入去好光猛、乾淨整齊,座位又够闊,兩個人好有默契就行咗入去。招牌粉麵有十幾款,可配河粉、幼麵、粗麵、米粉同米線。仲有飯類,酥炸小食等,連火鍋配料都有,選擇相當多!我哋點咗鮮蝦韭菜餃米線同四寶幼麵,再以優惠價加配杏仁霜同凍豆漿。米線煙韌滑劣劣,幼麵就爽彈。鮮蝦韭菜餃脹卜卜,蝦肉新鮮好香韭菜味。四寶入面個人最鐘意招牌魚蛋,有口感彈牙,同埋香滑魚餃。果一湯匙嘅香蔥配料令味道更提升!每人平均$45有找可以食到飽飽,然後慢慢行去上堂。下堂食咩好呢?

今朝一早同同事出咗旺角見客，諗住晏晝返公司之前去食個快餐先。行經亞皆老街，見到一間門面光猛紅通通嘅大招牌就停下腳步，原來新開左一間地道港式粉面店。店內裝潢以簡單白色為主，光猛簡潔，而且店面空間都頗大👍🏻我哋一行兩人叫咗兩碗粉麵同餐飲，上菜速度快，平靚正快餐之選。餐點種類唔少，丸類、牛類、豬手、扎肉應有盡有，除咗粉麵飯等，仲可以買火鍋生料添。我就叫咗四寶丸湯河，有齊魚蛋、魚片頭、魚餃、豬肉丸，四款唔同丸類，魚蛋新鮮手打非常彈牙仲唔會腥👍🏻同事就叫咗金牌牛三寶米線，有齊牛腩、牛筋同牛肚，一次過滿足晒三個願望，份量亦相當足料，同事話牛腩同牛筋都炆得好稔好入味😋😋

開工途經旺角，見到樂園食碗牛腩河都好喎一於腩河多湯賣相唔錯第一啖一定係呷啖湯唔錯，鮮甜重牛味牛腩煮得夠淋但不失咬口肉味濃郁個人十分喜歡面頭那塊筋好味😋😋反而河粉就普普通通不太突出但也不算差加配的炸墨魚卷不過不失下次淨食腩米試試碗腩河好唔好味？睇相😉

呢間係日常飯堂之一，貪佢平靚正又近公司，今日諗唔到想乜於是又食佢叫左個牛筋＋紫菜河粉加色多青，腩汁味道好濃，紫菜索曬湯底好好味，牛筋好淋，淡淡骨膠原嘅感覺河粉好爽滑，加埋辣椒油同醋簡直係錦上添花，午市剩好多位，份量好大碗，食左一半已經投降～

牛什河多青。爽口味濃行過旺角可一試絕對對得住招牌環境涼爽。地下乾淨食得舒服加10蚊有個油菜凍飲都係5蚊今時今日想食間好食既粉麵環境又好坐重有樣野不得不講。依到有炸門鱔皮

今日黃雨所以沒有去菜市場買菜想著吃點東西就回家去經過彌敦道見到有間食魚蛋粉的餐廳於是點了碗麵吃❤️牛三寶+牛丸河粉$62原來這間樂園出名是牛所以我就點了牛三寶有崩沙牛腩、金錢肚和牛筋加了$10多叫了牛丸作為雙拼牛三寶份量非常多牛筋軟爛的一咬即開滿滿的骨膠原！！牛腩就咬開絲絲肉啖啖肉非常滿足金錢肚紋路分明值得一讚的他們家的辣椒油辣得過癮但不會死咸🧡熱檸蜜$8蜂蜜是西洋菜蜜店家不吝嗇的給予足夠的蜂蜜所以味道不會太淡甜甜飲品配上檸檬的酸酸酸酸甜甜十分開胃在下雨天喝點甜的也不錯👍🏻👍🏻👍🏻👍🏻👍🏻總結：地點十分便利招牌鮮明餐廳佈置十分開揚寬闊用餐十分舒服雖然點的麵食價錢不便宜但食材新鮮份量多值得這個價錢📍 樂園魚蛋 (旺角) (旺角)旺角亞皆老街103號地舖

晚市重開後經常出街食飯，又火鍋又燒肉，所以近日想食清淡少少，粉麵類就岩晒啦！今晚同朋友去開旺角，經過呢間 「 樂園魚旦專家 」，睇到門外餐牌有粉麵飯而且內裏環境光線充足、整齊乾淨，地方大唔會逼夾，一於就喺呢度食嘢啦！呢度叫得魚蛋專家，當然要試吓佢啲魚蛋，但我貪心啲要試晒四款丸！《 樂園四寶丸 配河粉 $45 》+ $5 紫菜 有黃金片頭、魚蛋、墨魚丸、魚皮餃同牛丸。黃金片頭同魚旦都爽彈，魚皮餃啲皮煙韌，咬開唔會油笠笠，牛丸爽口，墨魚丸口感唔會粉。湯底清香，唔會令人好頸渴。紫菜洗得乾淨唔會有沙。《 金牌豬手 配米粉 $36 》豬手炆得好夠腍，豬皮爽彈好有膠質感，啲肉都嫩腍易離骨。朋友鍾意食辣，所以佢加咗辣醬，連埋啲湯變得少少辣，佢話幾惹味。兩杯 《凍檸茶少甜 $8 x2 》 都抵飲。喺旺角30幾蚊就有碗粉麵，都算幾抵食，而且比一般粉麵店坐得舒服，下次再嚟。

樂園魚蛋粉係旺角快靚正街坊價之選😊這日去旺角，在呢間魚蛋店食粉麵——-呢度餐牌嘅選擇都好多，炒粉麵飯小食，仲有特飲——-一共有3隻大水餃，水餃的餡料豐富，有蝦、菜、雲耳等等——-四寶丸河的四寶有魚蛋及魚片頭、魚皮餃、豬肉丸、墨魚丸，各式丸都幾好食，特別鍾意佢哋嘅魚片頭。另外，通常去到魚蛋粉店，我都會加1滴辣椒油入湯底裏面，少少辣味更加好味。突別是河粉，吸左湯同埋少少辣椒油嘅味道更加正😊——-葡萄柚感覺有啲似西柚，飲落去都幾滋潤健康——-呢個也有熱檸賓😊好開心唔係間間茶餐廳或者粉面店都有，每次飲都覺得好有維他命C😊整熱咗嘅利賓納加檸檬真係好好味😊——-久唔久食下香港嘅呢啲特色快餐，感覺地道😊 趕時間嘅時候，都係一個平靚正選擇。感覺上以前會好多魚蛋粉店，但而家都越來越少。粉麵店都有好多學生時候讀書嘅回憶🤣

啱啱喺旺角砵蘭街附近睇完裝修，行過去亞皆老街附近睇吓有咩食。嗰條街有好多粉麵檔，行到先達附近見到有一間門面特別大嘅粉麵檔樂園魚蛋粉麵，入面好大裝修好光猛，冷氣又夠勁，啱晒我行街行到熱辣辣，坐低即刻涼浸浸！餐牌都有好多選擇，有招牌粉面，有雲吞、魚蛋、水餃、扎肉等選擇而且加配飲品都唔係特別貴，仲有特飲選擇除咗魚蛋粉之外，仲有牛雜類都可以選擇於是我哋叫咗兩個粉面，同埋叫咗兩杯特飲！佢哋仲設有自動斟水機，讓客人自己按需要加水！好用心嘅設計先來兩杯凍檸賓，凍檸賓恰到好處，唔甜唔淡，非常解渴！最啱我又鍾意食辣嘢又想馬上解渴嘅人呢款係招牌牛三寶粗麵，牛三寶包括牛肚、牛腩、牛筋真係好耐冇試過咁好食先講吓牛肚，爽滑彈牙，而且肉汁鎖住水份，一咬落去嘅時候湯汁不斷滲出牛腩一啲都唔韌，完全將牛腩嘅香味係咬落去嘅時候不斷咁散發牛筋爽口，而且我最鍾意佢配合埋其餘兩種食物一齊，真不愧為三寶！如果我講最鍾意一定係佢！再嚟雲吞豬肉丸雙拼河粉睇吓幾大隻蝦！香口又多料，好容易會食上癮豬肉丸咬落去彈牙又厚身，完全可以睇得出唔係一般雪藏味嗰隻！食落去仲以為真係食緊豬肉所以話，嚟到呢度真係好多魚蛋粉嘅選擇，不過搵一間坐得舒服而且

第五波疫情高峰，雖然沒法周圍去吃，但始終也不能餐餐煮。這間樂園魚蛋我也有買外賣。它位於亞皆老街麥記旁邊，地點方便。既然叫做樂園魚蛋，始終都是主要吃魚蛋粉。這次午餐，我叫了三款，一是牛什飯，二是豬手飯，三是牛筋飯。我個人蠻喜歡牛筋，因為相對牛什健康，但家人未必喜歡牛什，所以選擇相對是少。但比起通菜街的數間牛什魚蛋店，樂園魚蛋相對裝潢美觀及地方寬廣很多，感覺也較乾淨。當天買外賣所見，也有人在堂食，也明白政府難以禁堂食，始終很多人上班要找地方食飯，未必可買回辦公室吃，只是我希望確診者都不會到餐廳食飯傳染其他人。

因疫情都少出了人多擠迫的地方逛街，但迫於無奈要到熱鬧無比的旺角購物，只好出旺角走一趟。昔日的旺角熱鬧街道和汽車擠迫得水泄不通情境都變得平靜了。購物後在旺角附近找一間港式粉麵舖醫肚店舖好光猛令人精神奕奕，而且座位寬倘闊落，坐得非常舒服，地方整潔👍，令人食得放心。1.樂園四寶丸粗麵$45 跟凍檸賓+$11~魚旦/黄金魚角/墨魚丸/魚皮餃/豬肉丸點至四寶咁簡單呀!😆賺咗魚旦和黄金魚角有鮮香魚味爽口彈牙，墨魚丸有鮮香墨魚味，咬落有少少墨魚粒好有質感，豬肉丸肉質扎實充滿鮮肉汁味，魚皮餃外層皮煙韌，而內裏肉質軟嫩。粗麵爽口彈牙，麵身無梘水味呀!😋湯底帶有大地魚和蝦子味，無味精的湯底👍2.崩沙牛腩河(限量發售)$52~崩沙牛腩肥瘦均勻，還帶有牛脂味肉質夠晒稔身，最重要是無痴牙😁河粉雪白，薄薄得又滑綿綿，入口滑溜溜。食飽飽後才發覺有下午茶配冷熱飲品+$5優惠

有時食下呢啲香港地道嘅美食，都係唔錯嘅選擇🤩🔖招牌魚蛋米線💰32呢碗米線有魚蛋同鮮炸魚片，口感爽滑彈牙😋個人認為個鮮炸魚片都算厚身，口感唔錯🤓💫推薦指數: 8/10​​🔖頂級墨丸米線💰36食過就知點解佢會叫做頂級😚墨丸夠彈牙，入面有粒粒嘅墨魚肉，啖啖鮮味🤩個湯底望落去好清，但都唔會話係無味~飲完啲湯都無口乾啊😌💫推薦指數: 8.5/10​🔖鮮炸蝦餅💰12 (加配價)蝦餅即叫即炸，金黃香脆🍤熱辣辣，啖啖蝦肉！💫推薦指數: 8/10

上次試過佢哋嘅牛什粉，真係冇得輸！今日心思思再來一次，今次想試吓佢個魚片頭可，D河粉掛湯一流，又軟又滑，湯底更加不容質疑，但個魚片頭就有D失望，太薄變咗口感，如果唔係真係一百分⋯不過佢哋嘅辣椒油就幫手加返分，把所有食物都提升曬味道，very good ✌🏻