樂園 (已搬遷) 新店位置

原來樂園係好似一間Cafe咁，可以玩board game，又有兩隻好可愛既貓貓，真係名副其實既「樂園」！我同男朋友叫左鵝肝黑松露意大利飯、醬燒豬仔骨，同埋心太軟。鵝肝黑松露意大利飯 – 塊鵝肝好大塊！黑松露味都好出！意大利飯夠晒林身！整體來說係十分不錯的！醬燒豬仔骨 – 平時食Ribs一定係用RubyTuesday黎做comparison，今次都唔例外，但竟然有意料之外的事發生！呢度既豬仔骨係好食過Ruby Tuesday架！醬汁甜甜咸咸的，好惹味，重點是肉質十分肥美！咬落去啖啖肉！出色！心太軟配雜莓雪糕 – 又靚又好味既一道甜品！佢用糖霜整左美少女戰士既圖案放係碟，少女心爆棚呀！！！而且心太軟都係高水準，配埋雜莓雪糕好特別！推介比美少女戰士既粉絲呀！！！順帶一提，樂園既職員真係好nice，我電話冇電會幫我差電，要讚！

衝著呢股少女風而黎，$398兩位，就可以食到有美少女戰士樣既茶點喇，呢度仲有貓貓玩添🤗佢一路望住我食，但好乖唔會行埋黎掃走我d食物先上檯既係大蝦🍤沙拉🥗，芝麻醬沙拉清清味蕾永遠冇得輸Oreo沙冰金莎沙冰，兩杯其實個味道差不多，但一樣咁好味，但邪惡度極高睇下幾靚💓💓💓店長建議先食waffle同埋雪糕，不過我地勁唔聽高，等相機食先，影到咁上下雪糕溶左waffle又凍左雪糕分別係芒果味同士多啤梨味Waffle比較脆身呢個其實係吞拿魚三文治Cupcake都做得幾moist, 又食到果肉

早陣子生日，朋友知道我喜歡甜食、美食、及邊玩邊食的特質，說要給我驚喜，預訂了"樂園"cafe給我慶生。一進門，映入眼簾是一系列五花八門的遊戲玩意。餐廳面積不算大，但陳設和色調配搭看出是花過心思：以豐富的色彩營造出‘樂園’這個主題，還加上玫瑰花造型的裝飾品讓歡樂氣氛中帶上一份浪漫情調。但最搶鏡非店內2隻喵星人莫屬，懶洋洋的憨態可掬，貓迷必選！點了特色套餐，食物的造型，以至擺盤、裝飾，均十分精緻、講究，讓人眼前一亮！可特別寫上指定的文字／人名／祝福／祝賀詞，味道也是一流，特別是鵝肝及牛柳 一試難忘！店主還細心講解菜式和建議的食用次序，十分貼心。再來當然是我的重要焦點：甜品！因人數關係，未能試到鎮店之寶‘怪獸雪糕’，但簡單如一份窩夫，仍能為一頓慶生晚餐加上完美句點。美少女戰士的主題擺盆非常特別和吸睛，身為美戰迷的我，自是感覺錦上添花!邊吃邊玩牌 竟也玩上了個多小時！歡樂時光果然特別快～但過了一個有齊三個願望的生日晚餐，好滿足！！

今日約咗朋友在尖沙咀敘舊，朋友提意去樓上cafe「樂園」噗下午茶， 因為地方舒服，仲可以慢慢坐， 傾吓計。 廚師推介「少女風」Tea Set !嘩! 個 Tea Set 出場， 好有少女feel，用咗美少女 戰士做主題， 做型非常吸引， 非常夢幻， 超靚呀， 梗係要相機食先啦!每件食物都細細件，食物款式仲特別多， 可以試多幾種口味， 正呀！ 貓貓cake，味道不錯， 唔太甜， 口感軟熟！ 三文魚又靚又好味， 正呀！香滑雪糕， 夏天恩物， 愛不惜手！ 黑松露雞件， 松露清香， 雞件惹味， 配搭得好好！ 每人仲有一碗沙律 ， 沙律菜新鮮爽囗， 加上鮮甜嘅蝦肉再混入沙律醬， 味道好夾! 這間cafe 有兩隻好可愛既貓貓， 一隻白色同一隻灰色。 餐廳內仲提供咗唔少Board Game， 下次我可以約齊一班老友上來玩番日。

之前黎過樂園一次，讚好左佢fb，早兩日見到佢地推出左個超夢幻下午茶，點可以唔同閏蜜黎試下~餐廳依舊充滿童話氣息 入到去已經見到兩隻貓懶洋洋咁坐喺枱上非常可愛新推出呢款下午茶sailor Moon 為主題， 童年回憶即刻返晒嚟😍 每個甜點或者咸點嘅裝飾同擺位都係非常精美， 完全俘虜左我地嘅心！！芝士大啡菇竟然係甜點鐘都畀我搵到我最鍾意嘅美食-芝士！！😍啡菇幾大隻，而家焗得好腍之餘又保留到水份，加埋芝士一齊食簡直係絕配！👍🏻以為美少女系列嘅曲奇上面一定要係好多糖霜會好甜，但食落又ok喎！精美嘅裝飾令人捨不得食，但香烤嘅餅乾香卻係幾引人垂涎~~松露雞肉三文治 超推介呢個！！雞肉唔鞋口，肉質幾鮮嫩， 而且黑松露好香，加埋生菜代替麵包，食落清新啲冇咁heavy~另外軟心朱古力蛋糕同窩夫都做到口感好鬆軟，味道都唔錯！👍🏻閨蜜打卡影相已經虛耗咗一個下午😂😂 果然少女心甜品真係無得輸呀💕

今日係我同愛人既紀念日,緊係要搵間特別既餐廳慶祝啦。由於我知道間餐廳養左幾隻貓星人, 而我女人都好中意貓咪所以諗住比個驚喜佢 。上到走店員帶左我地去近角落的位置。餐廳內既佈置同擺設都係圍繞貓貓同埋一啲開心嘅事，俾人嘅感覺真係好似嗰鋪名一樣叫做「樂園」。去到我哋諗咗好耐唔知食咩，所以就問店員有咩好介紹。佢就介紹咗個「廚師發板」比我哋，有約10款嘅嘢食滿足晒我哋有選擇困難症嘅人唔使揀咁多。由於佢喱個有得寫字，我緊係寫黎慶祝我地既紀念日 ，另外我覺得佢擺設得好靚好有心思。我覺得佢嗰幾款嘢食入面最好食嘅都係牛柳粒。佢啲牛柳粒配蒜片食配搭好合適。店員重教我地既食法，先食咗啲熱食再食個布冧，咁樣去清下啲油膩再食冷盤。我睇得出個廚師對食物嘅要求係好高好有心。飲品方面 我愛人試左個薰衣草花茶，而我就叫左榛子朱古力。因為我唔鍾意飲花茶，所以我覺得個朱古力比較好飲。最後食晒個廚師拍板仲想試其他野我哋就叫一個日式廣島蠔。總結來講我覺得廚師發板值得一試。

同老公拍左拖咁耐,佢同我講未試過香港樓上cafe同佢地家鄉的cafe有咩分別就同埋仔仔上黎試試.朋友介紹話有兩隻好可愛的貓貓,所以也想上黎探下貓.都好容易搵既...出地鐵行兩步就到.幸好今日唔多人,我地首先order左廚師發板同三文魚白汁意大利粉再加杯青檸汁.可能係即叫即整,所以我地都等了一段時間才有食物.好彩有gameboard可以消磨下時間.由於老公係廚師,所以佢對食好有要求..首先來三文魚白汁意大行粉.玫瑰花三文魚已經靚到唔敢食,但可惜我太餓...立即食.佢個味道比我想像中淡(正中好濃,而我都好怕濃).唔會覺得流...連小朋友都食得...小朋友都讚好味..看來份量唔算好多,但都好足夠我地食..好啦到這間happyland既重頭氣廚師發板,侍應好細心地介紹每一件食物及食既次序.當然講完我地都唔記得了,同樣份量唔多,但都好足夠我地三人食.好飽飽好滿足地離開連老公都讚個意大利粉好味...但見不到可愛貓貓...可能休息中...有點失望,只好下次再來,再來,再來...一定要再來,(好重要,所以要講三次)

去到尖沙咀唔知食咩好，即刻上openrice 見到呢間餐廳有好多哈哈笑，決定上去試下見到門口有3個必食獎餐廳有好多玩樂產品俾人玩，可以放鬆下，唔錯我一坐低見到有隻好可愛嘅肥貓貓係我旁邊張櫈度訓緊覺，真係好得意吖，完全唔忍心嘈醒佢黑松露香煎鵝肝意大利飯，個碟裝飾得好有心思黑松露香氣撲鼻，而且食落去d飯味道啱啱好，好食大大塊鵝肝，而且外脆內軟意大利黑松露吞拿魚pizza，呢個真係好好食，個面有勁多芝士，而且拎到上台時仲係好熱，個pizza底夠脆口，而黑松露味真係好香，我係松露控古朱力咖啡，呢杯真係好重味，好飲

朋友係美少女戰士既fans黎，知道最近尖沙咀樂園Happyland推出左一個以美少女圖案為主題既下午茶，就相約去打個卡，high個tea。Happyland既位置非常易搵，就在國際廣場過一條街。黎到位於2樓既樂園門口，見到一幅色彩斑斕既圖畫，cafe內還傳出陣陣歡聲笑語，讓人感到開心。樂園有兩隻超可愛既貓貓，一隻只顧睡覺，一隻發呆。門口有一個高櫃提供不少種類既board games比客人玩樂。Cafe裝修溫馨，有三個line公仔氣球、不同形狀既波板糖。我同朋友點左少女風下午茶tea set，2人份只需$398加一，仲包$48飲品兩杯同埋蝦蝦笑廚師沙律。呢個tea set真係好靚，有好多美少女戰士圖案擺設，食物擺放都很講究，忍唔住相機食先。宜家黎睇下呢個tea set有咩可以食先特色雪糕 x2，分別係芒果同藍莓味蟹子吞拿魚旦青瓜卷 x2，三樣拼係一起，味道很match，青瓜卷增加清新感黑松露雞肉三文治 x2，黑松露味很香，雞肉入味嫩滑戀之花煙三文魚 x2，擺放像一朵玫瑰花，很有心思，咸香味特出，三文魚新鮮芝士焗大啡菇 x2，選用有機鮮菇，焗得很入味，芝士超美味的美少女翻糖曲奇 x2，圖案

近排好興美少女戰士，見到呢間餐廳有美少女戰士嘅Tea食，二話不說叫咗個朋友同我一齊過嚟食嘢影相，呢間餐廳地點好方便，喺iSquare對面啲大廈，呢個價錢相對咁多嘢食好抵食，每個set有10款食物，每款食物有兩份，食物嘅水平都唔差，擺設亦都好靚，最鍾意食就係軟心朱古力蛋糕同埋芝士焗有機鮮菇，最重要係個Tea set係食得飽，因為份量都大,餐前亦都會有埋沙律，我哋之後再叫咗2壺茶，薰衣草玫瑰花茶同埋玫瑰蜜棗茶來襯托我哋嘅Tea set

呢日放假同左表妹去high tea裝修唔錯，仲有好多 board game可以玩呢到仲有兩隻好可愛既貓貓架！表妹係貓奴，所以呢個都係其中一個好大因素令我想帶佢黎另一原因就係呢個新出既tea set啦，完完全全令我既少女心返翻黎仲有兩碗配上芝麻醬既清爽蝦沙律本身意為呢啲gimmic 野都唔太好食，點知整體食落都唔錯啵個芝士焗菇焗得好香，拉晒絲咁，記住趁熱食呢個黑松露雞肉三文治塊包係底架，塊雞肉嚡口，又幾好食啵啲cake既質素都唔差，軟熟得黎又唔太甜連粒士多啤梨都介成玫瑰花咁，加埋靚靚既美少女翻糖曲奇，啲少女心好難唔爆發表妹要左杯金莎味既沙冰特飲，而我就要左杯oreo味既，兩杯都好大杯呀雖然睇落兩杯個樣睇落有啲似，但我個杯一飲己經飲得出oreo味，唔會太淡都唔差唔好睇見好似樣樣野食都滴滴骰骰咁，食完都幾飽肚，差d連杯野都飲唔曬------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：

內地朋友說他最近養了幾隻得意貓貓，還邀請我在中秋節上大陸探佢和玩貓貓。一提到貓貓，我哋就精神。自小就有養貓的，但是年初，自家中隻老貓魂歸天國之後，都未有物色到新龐兒，依家好想玩貓。個妹丁提我，附近有間café，係有貓貓玩的。一言驚醒夢中人！上到來，肥嘟嘟嘅灰貓貓好悠閒咁叭在餐檯上，好鬼死可愛，妹丁同佢玩起上來，非常開心。另一邊隻白色肥貓，都好百厭架。佢啲毛毛好白淨，好柔軟，又係好可愛的。玩咗一陣，都係時候叫啲嘢食嘢飲，叫咗一份開心少女風下午茶餐。飲品叫了芒果茶和金桔檸檬茶。芒果茶較金桔檸檬茶還甜一些，妹丁自然鍾意飲。其實金桔檸檬茶咪仲好飲，帶少少金桔味，生津解汝渴。嘩! 個 tea set 出到來比照片靚好多好多喎。有好款式，細細件，食起嚟好方便。連啲裝飾都有貓貓的。各款小點都幾好味，特別喜歡的是綠茶雪糕、花之戀、芝士焗有機鮮菇、星光翻糖曲奇和士多啤梨玫瑰。我自問無本事整到呢啲小點出來喇! 如果個妹丁第日想食，都係帶佢上來一路玩貓貓一路食仲好。

平日放工去尖沙咀食乜好？ 朋友友介紹咗呢間小型cafe比我。一上到去鋪頭，除咗會聞到食物嘅味道，還有寵物嘅味道！鼻子靈敏嘅我一定無聞錯，好快就見到一隻白貓穿插係食客之間。都幾開心，為大家帶來不少歡樂。同朋友坐低之後望下個餐牌，野食種類都算多。我朋友叫咗一份牛扒同一個卡邦尼意粉。雖然價錢沒有很大眾化，但食物賣相已經足以彌補呢點！牛扒賣相吸引，香氣十足，我同朋友點咗七成熟。愛好醒薯菜嘅我得欣賞佢配搭的是薯角，雖然係好簡單，但都食得出餐廳唔係預先炸定，放入口香脆可口。另外就點了卡邦尼，原來友人唔好芝士粉！這店的卡邦尼加入大量的芝士粉增添芝士香味，我自己都鐘意比較厚身的意粉醬汁，而加入芝士粉的確可以做到呎個效果。喜歡芝士的朋友可以點呢個試試。可惜友人唔愛，搞到我食咗大半個意粉！食完仲想坐多陣就叫多咗個甜品蜂蜜窩夫配雪糕叫任何食物都可以加$48要一份！ 呢個都幾抵。 蜂蜜糖漿好好味，醒上軟軟的窩夫，點綴咗是日晚餐！總結，呢到都係一個好地方，同朋友傾傾計。如果一大班人黎嘅話，要記得bk枱，因為都幾full! 今晚無吉枱咁濟

聽朋友介紹，尖沙咀原來都有隱世的秘密樂園。除了餐廳名叫樂園外，餐廳入面有各種board game，還有好可愛的貓貓。黑椒汁牛柳粒飯，這個超正，超正，超正。本身對它期望不大，抱著不太差就好了的心態食，但一吃下去，我未食過這麼好食的牛柳粒，可能我見識少，哈哈。但它的牛柳粒軟硬適中，加上咬下去，入面的肉汁即刻湧出來，令你耳目一新。黑椒汁亦跟肉相當配，不會太濃搶了肉的味道，絕對物有所值，值得推薦。燒春雞，起初不知整隻雞架起來有甚麼意思，但發現雞油開始流落來，就知這樣做的其中原因。一般燒春雞的皮都會燒得較燶，導致皮乾身而難入口，這裡的皮還是濕身，不錯。總結，以cafe質素來說，有貓，有遊戲，環境舒適，加上店員十分精靈和待客有道。食飯途中，店員還帶起氣氛與在場的所有客人唱生日歌，合力替一位客人賀壽

今日約咗啲朋友喺尖沙咀食飯， 尖沙咀勝在放工出嚟最快又就腳，交通便利。 嚟咗呢間樓上cafe， 有好多卡game提供,仲可以室外燒烤，不過天氣咁熱， 我哋都係係室內歎下冷氣算啦呢度叫一個主菜，加$38就可以有餐湯同$48蚊嘅飲品一杯， 如果超過咗 $48，都係補番差額就得我哋叫咗個七成熟嘅肉眼扒.坐低冇耐餐湯就到， 今日嘅餐廳係蕃茄海鮮湯， 番茄味酸酸甜甜啱啱好， 估唔到啲海鮮好足料，有螺肉，蜆肉，魷魚，八爪魚， 啖啖肉，好味有驚喜我哋叫咗薰衣草玫瑰花茶， 呢度嘅花茶係用一個小蠟燭臺，同茶壺原個上， 等佢放喺度慢慢熱，茶味越嚟越香濃之餘又可以keep到個溫度。 順帶一提，侍應好熱心，頻頻幫我加熱水 ， 花茶飲咗成晚都仲好夠味， 一到出嚟已經聞到好濃花香， 而且睇到一棵棵花，絕對唔係用香精呃人肉眼扒嚟到我哋都忍唔住嘩咗一聲，估唔到佢用石坂上之餘，個擺盤仲咁靚， 仲有糖粉畫咗貓貓係側邊， 切開亦係剛剛好七成肉眼，唔會韌，有肉香亦有炭燒香焗芝士有機大傘菇， 一上枱已經聞到好香芝士,又juicy又香甜雖然見到周圍有人食甜品，呢度甜品都好吸引， 但因為呢度嘅主菜份量非常夠， 所以我哋已經食唔落甜