樂天冰室 (香港紗廠工業大廈)

营业中

休息中

今日幸福的跟幾位朋友一起到荔枝角午膳～ 有人提意來樂天，我們分別叫了午餐瑞士忌廉湯香煎脆皮雞扒日式照燒汁2個，可以選配飯 意粉 薯茶 ，睇到個樣真係整得好靚，2個朋友都覺得味，另外叫左一個香煎豬扒湯烏冬，跟火腿抄蛋，丹麥多士56蚊，都好靚，只係個湯底有點淡，所以就麻麻，豬扒就正常味道，還叫了 燒鵝五寶飯，75蚊，睇到D燒味好靚，味道是正常的，最後還有叫左焗芝士黑松露魚柳，配飯或意粉，呢個朋友就話完全無黑松露，無芝士味，魚柳林和無魚味，所以就好一般，以上全部都是凍飲加3 特飲加6，包一個白或紅湯🙏🙏 飲品方面，茶走，個茶都好飲，奶茶做得唔錯

地點：荔枝角 時段：下午茶（2:30 - 6:00）價錢 : $50以下---✨環境係荔枝角返工，成日都會去嗰度坐低食個早飯或者下午茶，因為地方夠闊落，唔會有逼迫感，啲座位又多，坐得超舒服。最重要係上菜速度快，唔使等到餓暈！👍 ---✨燒味雙拼飯推介 $49 送熱飲荔枝角站附近近終於有燒味飯食! 平時去到我都幾鍾意嗌佢哋嘅燒味雙拼飯✨叉燒油雞飯- 叉燒 : 偏瘦嘅款，但唔錯，味道穩定。 - 油雞 : 雞肉夠滑，仲好入味！ - 飯量：超多！男士都夠食可以轉瀨粉，都係超大份，食完飽到夜晚都唔肚餓。 ---✨飲品食燒味飯配飲品，我通常會嗌熱檸茶，茶底好濃，有時候有d苦，我飲黎解油膩。食其他嘢，我會飲奶茶都唔錯。Overall 環境舒服，上菜快，食物水準穩定，價錢都合理

今日下午4點同事請全team食Tea 大概叫左9個餐， 聽電話個女士好唔耐煩咁落單（me 👩🏻‍🦳， 聽電話女士👩🏻‍🦱）👩🏻‍🦳： 要炸雞翼餐👩🏻‍🦱：配咩？👩🏻‍🦳：薯仔👩🏻‍🦱：薯條？👩🏻‍🦳：薯仔沙律。👩🏻‍🦱：要薯條係咪啊？👩🏻‍🦳：薯仔沙律啊。👩🏻‍🦱：即係要沙律？ 咁你講沙律啊嘛。👩🏻‍🦳：我照住你地menu「薯仔沙律」讀出來。👩🏻‍🦱：-：；@£）（/ok 點完， 我咁多個餐 我叫佢覆下單👩🏻‍🦱：你啱啱點個D我都幫你叫左👩🏻‍🦳：咁依家幾多個餐？👩🏻‍🦱：（唔答）👩🏻‍🦱：你過來攞定送過你度？ 咩地址👩🏻‍🦳：地址係_ ABC 街 13樓👩🏻‍🦱：下？ 咩來嘅？👩🏻‍🦳： 地址咯， 你問地址啊嘛👩🏻‍🦱：@&£)(/-如果唔係幫全team人order 我一定大大聲講：ok 咁你幫我取消張單啊， 唔需要啦。 後記： 如果一陣送餐過來同我張order有出入我一定投訴！另外， 真係永不錄用E間嘢！

今天要到荔枝角開會，開完會之後，就跟同事到附近餐廳找下午茶，荔枝角朋友說這裏吃的選擇不多，尤其是茶記，通常都是比較舊式的，他們通常會走多兩步吃這一間。這間冰室面積很大，位處大馬路很容易找，内裡的裝修也不錯，有點熱帶風情。下午茶的選擇不多，薯條沙律系列為主，個人不太喜歡這些，其他茶記主打的麵餐，定為全日常餐，價錢也貼近午餐。我們點了比較受歡迎的菠蘿油搭紅豆冰，這個抵吃，但菠蘿油稍嫌不夠熱，牛油不夠冰。另外點了鹹牛肉炒蛋包，這個反而不錯。

加班後需要進補同老豆食晚餐佢一定揀冰室就去附近嘅搵食平時通常食佢嘅焗飯/常餐見好耐冇食過又見到有燒鵝叫咗個招牌五寶飯（燒鵝、叉燒、燒腩、切雞、咸蛋）$75意外岀奇地好食喎！叉燒燒得甜甜地半肥瘦適中淋嫩燒腩個皮鬆脆肉又唔會過鹹切雞好嫩滑燒鵝皮脆油脂分布平均咸蛋就略嫌蛋黃乾咗少少飯量適中唔多𠱸唔少又唔會煮到好淋好好味🤤值得再食@paradisegrouphk #香港 #香港冰室 #香港美食 #樂天冰室 #招牌五寶飯 #好 #好味 #hk #hkfoodie #hkstyle #hkrestaurant #yummy #siumei #CHUZZZTASTYJOURNEY #gracechuma #eateateat #lovely #nice #tasty

近運動場成日跑完步都會去食嘢啲野係好食嘅尤其係咖喱豬扒不過員工態度勁差次次去到都呼喝好唔耐煩點餐好唔耐煩勁急勁趕客人講慢少少都吹態度真係好惡劣次次去都好驚俾人鬧老細可唔可以正視下個問題啊😭尤其係高大 肥 長頭髮 面頰好紅 嗰個女人仲有次次未食完 都趕我哋埋單同埋邊食 就喺度拖地勁大陣漂白水味🥲

之前拎架車去荔枝角個邊修理今日去樂天食埋個tea 再行去拎返架車🌭樂天熱狗皇滿滿的Mustard 加德國脆皮腸最正。🍔夏威夷豬排包/ 薯仔沙律 原片菠蘿加薄豬排仲有番茄沙律係薯仔同新鮮水果食到菠蘿粒蘋果粒~🥤紅豆冰x 2凍飲通常加3蚊估唔到紅豆冰都係加3蚊仲要好大杯怪唔之得好多人都嗌紅豆冰🤭#樂天冰室 #下午茶#荔枝角美食

我從來都唔寫食評 今日去咗呢間冰室食 終於忍唔住要寫 尤其係門口帶位嗰位員工 等位期間 大大聲呼喝你企埋一邊等位 態度極差同埋惡劣 入到去坐低張枱有污糟嘅紙巾 冇抹枱 落單員工黑口黑面 唔會有下次 再幫襯

轉工第一餐，同事帶咗我黎食，叫咗個常餐D係沙嗲牛肉麵，配多士炒蛋火腿，另外見啲同事好推薦呢度嘅紅豆冰，都加咗$3轉餐飲。上餐上得好快，但係嘢食仲好熱，唔係預先煮定嗰種。牛肉都幾嫩，比想像中好，最有驚喜嘅係紅豆冰，加$3超大杯又好飲，真係好抵👍難怪佢地話好鐘意食呢間🤣

在荔枝角區上班👩‍💻附近好多好嘢食！今日同同事食下午茶，行過附近樂天冰室聞到好香嘅麵包味！喺麵包出爐阿😍😍😍即刻去買返個麵包醫下肚先😏我揀咗一個鮮奶球，同事揀咗酥皮蛋撻🥚鮮奶球好大隻，甜甜地味道剛剛好👍🏻裏面沒有出現「空心麵包」的情況最緊要是剛剛出爐，熱辣辣好好食😋同事的酥皮蛋撻都好好味，可能因為剛剛出爐，酥皮好鬆脆😙仲叫咗杯熱華田，正正常常無乜特別渡過了一個簡單完美的下午茶🙌🏻📍樂天冰室（荔枝角分店）

😍🥰 最愛港式燒味飯 ❤️❤️去咗荔枝角，樂天冰室。勁多嘢選擇，最後我嗌咗佢嘅招牌四寶飯 。一上菜，嘩！勁有良心，勁大碗，啲燒味唔係得三舊 😂🤣，薑蓉又夠多。食落去樣樣都好味 😋😋 叉燒肥瘦均勻，少少燶邊，少少蜜糖味 😍 正！！雞好嫩，唔係啲雞骨俾我 😂 係啖啖肉 ☺️燒肉都好多舊，食到我勁飽 🤣😂加咗杯紅豆冰，黐線一上枱又係勁大杯⋯⋯啤酒杯500毫升嗰種 🫨🫨🫨咁嘅價錢真係好良心 $63+9蚊紅豆冰🫨🫨

我從不寫食評，但員工極其惡劣服務態度真係不能不寫。有個員工叫人在門口排隊等位，又有無排隊客人入左去。同個員工講，佢又大大聲講無人手安排睇門口無計。無秩序，又大聲，態度差。以後都唔使掛襯。

我從不寫食評，但哩間野嘅極其惡劣待客態度真係不能不寫。間野啲公司附近去過幾次，平心講食物ok嘅。今次剛收工去食晚市，"接待"我地嘅係一位上年紀阿叔。友人怕冷氣想找個位冇咁凍，但佢就係係咁叫我地"坐嗰度", "嗰度涼啲"(完全自我mode) 。廳室其實5成full 而已大把位，我地搵個位前後都唔夠30秒，佢好唔耐煩瞪左我地兩眼是但搵張枱大力砸底兩杯水轉身就走。我轉頭講一句"嘩…唔洗咁呀！？"佢真係行近我好兇狠咁瞪住我，戰鬥格全開。瞪足5秒又扮冇野行開。我教運動嘅體格壯就唔會點驚but真燥。友人是女生，見咁樣真係嚇親。我坐左1分鐘，覺得再喺度食都係背脊骨落，就叫友人不如走罷。以前經歷過澳牛以為自己已咩都見過哂，哩幾分鐘真係大開眼界。😂點會再幫襯？

今天下午茶時間來，不過因為還沒吃午飯，所以還是打算點個主食。看了很久點的咖喱牛筋腩飯，牛筋腩還不錯，咖喱汁更出色，下次想試看看咖喱汁的其他配搭。不是套餐，咖喱牛筋腩配白飯

門口個外賣位每日都排隊買包，收銀位個啊嬸最中意當人狗咁喝。 慢少少/俾錯錢即鬧即插，惡到乜咁。每日d 面包擺放位唔同，價錢牌又亂放，老馮要人玩記憶力遊戲做配對，出錯面包俾人啊嬸仲調返轉頭贈你幾句，語氣態度極差。中午時間去過食晏，餐廳走廊唔闊又要用拉櫃檯式既方法拎餐具。有次拎餐具打開櫃桶，個女侍應唔睇路一野撞落櫃。都已經講哂唔好意思對唔住之類，佢都仲可以一路行一路啤實。唔講以為個櫃桶係我負責做設計，定有心專登拉出黎陰佢。真心歡迎大家黎體驗下香港好客之都，不能只有我一個感受到。