樂天皇朝 (利舞臺廣場)

营业中

休息中

同家人諗住食呢間餐廳，去到6樓，發現間餐廳唔見咗，一度好傷心以為執咗笠，結果上網search一search，發現搬咗去16樓。新鋪成個裝修style換咗，雖然好新淨，座位亦都好坐，但老實說個人更加鍾意舊舖中間有個水池，古色古香的，不過唔緊要，最緊要食物嘅水準依然就可以。🥢芝麻醬油麥菜🥢炭流沙包🥢蘿蔔絲酥餅🥢水煮魚🥢八色小籠包好少見生食嘅油麥菜，呢度啲油麥菜卷成一扎一扎，擺放得好工整，之後再點芝麻醬食，貌似簡簡單單嘅一道菜式，卻是從來都冇食過。兩者意外地非常合拍，入口爽脆爽脆的，好清新，有種refresh感。黑漆漆嘅流沙包，剝開中央便是橙橙黃黃的流心鹹蛋黃餡，強烈的對比色，望落甚是誘人，食落鹹鹹甜甜的，不錯。雖然流沙包不錯，但要說驚驚艷還是那蘿蔔絲酥餅。外層鬆化綿脆，內層濕潤清甜，層次口感味道都是那麼多恰當好處，即炸熱辣辣的，大家記得小心d食，以防燙口。水煮魚魚片滑溜，油潤富辣香，粉絲煙靭索汁，帶微微芫荽香氣，調味到位，若然魚片份量更多就好。重頭戲八色小籠包，色彩繽紛的，非常iGable，一咬下去，滿滿幸福感湧上心頭，早排先食完鼎泰豐同翡翠拉麵小籠包，老實說個人覺得呢間真心完勝，鼎泰豐小

銅鑼灣分店搬咗上去利舞臺廣場16樓全新裝修同舊店好大分別 光猛左好多整體感覺更cozy !🌟特色皇朝小龍包有八款色彩繽紛嘅口味 全部色彩都係由天然食材提煉而成創新口味包括有招牌原味小籠包, 蒜香小籠包,芝士小籠包,糟瀏絲瓜小籠包,蟹粉小籠包,鵝肝小籠包同黑松露小籠包每粒都皮薄如紙 湯汁飽滿且清甜不油膩 而且餡料十足可以一次過試晒咁多隻味都好特色!🌟 肉絲年糕豬骨湯奶白色豬骨湯 夠哂濃郁鮮甜搭配煙韌既年糕,肉絲同雜菜吸收晒湯底精華 食落好滋味👍🏻🌟紅油鮮蝦抄手拌麵粒粒都脹卜卜嘅紅油抄手有原隻鮮蝦係裏面 肉嫩鮮美配上香辣濃香既醬汁 再將麵條拌勻夠哂惹味💯🌟刀切炸饅頭饅頭炸得酥脆唔油膩蘸埋煉奶食最夾另外見到慶祝鑼灣店開張有優惠推廣🎉最回味猫山王榴槤小籠包 (8月21日至9月13日)特價$48/6粒(原價$98/6粒) 全線分店都有供應 鍾意食榴槤嘅真係可以試吓🙌🏻

喜歡品嚐中菜的我🤣，今次到訪位於銅鑼灣的「樂天皇朝」，主打上海菜式，餐廳新裝修設計😈，佈置舒適典雅，配上柔和燈光，很適合家庭或與朋友聚餐‼️- 招牌原味小籠包外皮薄透，內餡鮮嫩多汁，湯汁香濃鮮美，口感豐富，搭配醬油和姜絲，必點之選‼️- 無錫鮮肉鍋貼鍋貼外皮煎至金黃香脆🥟，肉餡份量十足，肉汁豐富，也是另一款必點之選😆- 雲吞雞相當豐富的雲吞雞煲，約有半隻雞份量🐔，雞肉嫩滑，雞味濃郁，雲吞皮薄，餡料豐富，雞湯滋潤清爽，份量適合兩至三個人🤣- 肉碎欖菜乾煸四季豆相當有鑊氣🤩，四季豆炒至乾身，肉碎欖菜乾鹹香味十足，很適合配飯的菜式🍚- 醋醬海蜇頭海蜇頭脆嫩，配上特製醋汁，酸甜開胃😎- 桃膠紅棗桂圓湯可選擇熱或冷的桃膠甜品😛，味道滋潤清甜，加上紅棗、桂圓、桃膠配料，甜而不膩😎餐廳價格合理，份量足夠，大家不妨過來試試‼️

今日，好想去銅鑼灣利舞台，16樓樂天皇朝食個下午茶，自從搬咗上去16樓我我未去過，好掛住佢嘅蝦仁酸辣湯同餐前小食花生🥜去到門口已經有職員好有禮貌帶位，環境比以前細但光猛好多，感覺很好👍職員的態度十分有禮👍這餐食得很開心啊😃知道我點解成日掛住佢地啦👍👍你地一定要去試吓囉🙏🙏

想食小籠包第一時間就會諗起樂天皇朝，佢嘅8色小籠包係最好食，唔單止皮薄多汁，而且8種顏色有8種唔同餡料，每一款都各有特色，款款都咁好味！位於利舞臺嘅樂天皇朝終於重新開業啦，由以前嘅6樓搬咗去16樓，雖然冇咗個超大水池景，依家環境變得更光猛，裝潢更加親民。🥗芝麻醬油麥菜 $72翠嫩冰冷嘅油麥菜配芝麻醬，非常清新嘅菜式，做前菜一流！🫔蘿蔔絲酥餅 $52外表鬆脆，內裡蘿蔔絲熱辣辣香甜絲滑，勁好味！必點推介🐔李白醉雞 $92花雕酒味濃郁，雞肉嫩滑且有雞味，味道偏濃郁🍲皇朝魚湯酸菜魚 $238超級巨大湯碗，魚肉非常嫩滑，魚湯香濃，有大量冬粉，夠晒飽肚🥟特色皇朝小籠包 $148每一款都咁好食，其中最鍾意係原味、黑松露、蟹粉等。非常皮薄，夾起時要非常小心，務必要將整粒放入口，才是品嘗小籠包嘅最高食法😋🫓香煎豆沙窩餅 $62必點的上海菜甜點，即叫即做熱辣辣，香氣撲鼻，豆沙餡料不太甜，好食👍🏻

這上海店子的品牌一向有質素保證, 今天又來試他的特色小籠包, 八種味道每次食都發覺唔夠喉,但是又想試其他菜式, 所以都係點到即止好喇, 今次更試了其他的點心, 那個蘿蔔絲酥餅鬆脆外皮包著軟滑蘿蔔絲口感豐富, 而那個李白醉雞, 酒味濃鬱雞肉嫩滑, 另一更驚喜的菜式是芝麻醬油麥菜, 上枱時發覺油麥菜是生的, 但是沾上芝麻醬竟然是清新爽脆, 這個口感又帶來另一驚喜, 之後的主菜皇朝漁湯酸菜魚, 夠曬足料, 個人略嫌湯底鹹多於酸辣, 若果能夠再濃味點會更好, 單尾的香煎豆沙鍋餅甜品,做法突破傳統, 餅皮是脆口的, 這頓晚飯感覺很不錯。

今日突然好想食小籠包，第一時間就想起「樂天皇朝」，因為佢嘅特色小籠包實在好吸引！今晚係第一次黎佢重開係另一個舖位，雖然都係利舞臺廣場! 店舖今次嘅裝潢比較開放式，但依然係坐得舒服。芝麻醬油麥菜 （$72）- 炎炎夏日，這道菜味道清新，油麥菜好脆嫩。皇朝特色小籠包 (8pcs) （$148）- 每次去「樂天皇朝」，一定要叫他們的招牌菜，一次過可以有8種不同味道俾你食，店員還會奉上一張字條介紹怎樣食法，非常之體貼的服務。蘿蔔絲酥餅 （$52）- 熱辣辣的蘿蔔絲酥餅，外脆內軟。香辣水煮魚 （$208）- 今晚這道主菜，份量俾想像中大，魚肉鮮嫩肉滑，裡面還有薯粉、芽菜、乾豆皮，嗜辣一定滿足到你。竹炭流沙包 （$48）- 味道ok，但沒有太特別。宮廷驢打滾 （$59）- 好喜歡呢個甜品，糯米不會太軟而缺乏口感，煙煙韌韌，裡面的紅荳蓉不太甜，真的不錯！這次重臨，感覺無論服務或食物，都能保持一定嘅水準，沒有令人失望！

特色皇朝小籠包必食！每粒小籠包既味道都唔同，記得由原味、青瓜、鵝肝咁順時針食，由味道最淡到最濃味，咁就可以清楚食到每款小籠包嘅味道。每款小籠包味道都好濃郁，滿滿嘅湯汁，唔睇張紙都會估到自己食緊咩味。我最鍾意食糟溜絲瓜，湯汁清清地有啖淡青瓜味同埋蟹粉，滿滿嘅蟹肉之餘又好香😍 芝麻醬油麥菜油麥菜一啖咬落去好脆口，用青瓜片包住，好精緻嘅感覺☺️ 加埋芝麻醬會好味啲，不過就咁食都冇問題，因為佢真係好脆，個咬感我好鍾意😆蘿蔔絲酥餅 (3個)外層好脆但唔粉，入邊有滿滿熱辣辣甜甜地嘅蘿蔔絲，幾好食！但係食一個都好飽，記得同人share😂李白醉雞超多！外型成個波咁，擺盤好特別😍 酒味唔算好濃，所以作為前菜我覺得幾開胃🤤雞肉唔錯幾嫩的😎皇朝酸菜魚超大碗！魚片滑嫩份量多，食極都有。唔會好辣/醉味，味道啱啱好，啱我口味。鍾意食佢個薯粉，唔係長扁型一夾就斷嗰啲，而係好似粉絲咁，但係又好煙靭，有咬口👍🏻香煎豆沙窩餅滿滿嘅豆沙餡，但係又唔會過甜，表層吹得嚟，邊身又硬淨，口感唔錯，一個人食晒都唔過分😋結論🫰食物有質素！🫰店員服務態度良好🙈好味度：9/10回頭度：9/10餐廳資料餐廳名稱：樂天皇朝餐廳地址：銅鑼灣波斯富

新店新張不久, 見到好多舊客來捧場, 未夠七點晚市已要排隊, 來到必試特式八味小籠包, 店員細心介紹食法, 話這樣才能完全體會到八種小籠包的獨特風味, 首先由中間原味順序開始食, 然後是糟溜絲瓜、鵝肝、黑松露、芝士、蟹粉、蒜香至最後試的川味, 老實講唔係完全嘗到及分得出當中細味, 但確實是汁多肉滑一口到位的。另一主打名菜是皇朝魚湯酸菜魚, 大大盅賣相吸睛, 新鮮嫩滑的生魚片配以胡椒串、鹹酸菜、萵苣及大量薯粉, 好入味, 至於其他小菜, 包括醉雞和麻醬油麥菜, 都很有特色, 而點心方面的蘿蔔絲酥餅及甜品豆沙鍋餅也是必試的。

1️⃣ 8色小籠包🤍($148)招牌小籠包絕對值得一試！😍 每顆小籠包都精心控制係25克，捏合工藝達到18摺，令其口感更加細緻。靈感來自法式甜點馬卡龍，八種色彩繽紛既小籠包不僅外觀吸引，味道也各具特色，令人忍不住想打卡😋😋。每種顏色的小籠包都有獨特的風味：白色的原味、紅色的川味、綠色的糟溜絲瓜、黑色的黑松露、黃色的芝士、灰色的蒜香、鵝黃的蟹粉以及泥黃色的鵝肝。麵皮選用天然食材，如蔬菜和墨魚汁，讓每一口都能感受到肉汁的豐富，令人垂涎欲滴。小籠包的皮薄而富有彈性！推介芝士味！中間有少少拉絲😍好味指數:🍡🍡🍡🍡🍡2️⃣紅油抄手拌麵($78)抄手大顆又飽滿，豬肉餡紮實多汁, 麵條口感彈牙有勁，拌上紅油辣醬，味道麻香辛辣很夠味,充滿花椒的獨特香氣好味指數:🍡🍡🍡🍡3️⃣ 蘿蔔絲酥餅($52)酥皮蘿蔔絲酥餅真是令人驚艷！外層的酥皮非常鬆脆，筷子一碰就碎，放進嘴裡瞬間溶化。內餡的蘿蔔絲份量十足。蘿蔔絲的濕潤度恰到好處，看得見蘿蔔絲的形狀，但經過精心烹調後卻又能入口即化！好味指數:🍡🍡🍡🍡🍡4️⃣刀切小饅頭($32)外表酥脆，裡面的麵團卻依然保持著蓬鬆柔軟的質地。高溫下，麵團內部的水分迅速沸騰，產生了大量氣泡，讓內部

晚上來了銅鑼灣的樂天皇朝吃晚餐。😚餐廳長這樣。 ☺檯面長這樣。 我看到餐廳正在慶祝銅鑼灣店的開張，推出了猫山王榴槤小籠包的優惠。從8月21日至9月13日，特價$48/6粒（原價$98/6粒），全線分店供應。由於我朋友不吃榴槤，只好下次再來吃。😆menu長這樣。 刀切小饅頭 (炸)雖然小饅頭叫小饅頭，但一點也不小 😍饅頭外層金黃酥脆，裡面則是鬆軟的麵團，搭配上香甜的煉乳，口感的對比讓人驚喜。😆 每一口咬下去，都是香脆與柔軟的完美結合！！ 醋醬海蜇頭以海蜇為主，搭配著爽脆的青瓜，清爽的口感令人耳目一新。😀醋醬的酸味恰到好處，為海蜇增添了不少風味，十分開胃。海蜇的脆嫩與青瓜的清脆相得益彰，讓人吃得十分過癮。上海炒飯炒飯的份量很驚人，炒得恰到好處。裡面有蝦、叉燒、蛋等多樣配料，讓整道菜色香味俱全。每一口都能感受到豐富的口感，尤其是蝦的鮮甜與叉燒的香氣！！即使份量龐大，我們還是忍不住一口接一口，直到將整碗炒飯清空。開陽葱油拌麵麵條吸收了濃郁的葱油，香氣撲鼻，讓人食欲大開。 麵條搭配葱油的香味，每一口都讓人倍感滿足。

一向係呢間上海菜嘅Fans，最近發現佢地轉咗鋪位，雖然同係利舞臺，但位置同樓層都唔同咗。新鋪有別舊鋪風格，整個光D摩登d。# 八色小籠包八款口味的小籠包，外觀精緻，每一種口味都有其獨特的味道，個人特別喜愛鵝肝和黑松露，濃郁而皮薄，而且肉汁豐盈，每一粒都是固定18下的褶疊工藝，比起上星期食的遊客最愛鼎X豐明顯更好食。#重慶水煮魚片紅彤彤的一片，其實食落沒有想象中辣，帶辣香而不嗆喉，鹹度剛剛好。魚肉滑嫩，搭配底下吸滿香辣油汁的粉絲、大量豆腐皮及爽脆豆芽，好上癮的味道。#蘿蔔絲酥餅熱辣辣蘿蔔絲酥餅，明顯是新鮮炸起的外酥內軟，蘿蔔香甜多汁，雖然明知熱量不低，但那份酥香口感實在令人無法抗拒，唯有食完先減。#宮廷驢打滾糯米層軟糯非常，搭配微甜紅豆蓉和細膩的黃豆粉，很不錯。

樂天皇朝主打上海菜同粵菜，餐廳新裝修，布置舒適典雅，燈光柔和，好適合家庭及同朋友聚餐，食飯時間有唔少人排隊，相當熱鬧😆😆😆😉😉😉🥰🥰🐷招牌原味小籠包🐷招牌嘅原味小籠包皮薄餡靚，肉汁飽滿，係必點之選。熱辣辣嘅湯汁香濃鮮美，夾起都唔會好易穿底🐷無錫鮮肉鍋貼🐷鍋貼外皮煎得香脆，內裏肉汁同樣滿滿，肉餡份量十足，另一款招牌之作呢🍲雲吞雞🍲好足料嘅雲吞雞煲，有半隻雞咁多，烹煮後嘅雞肉依然嫩滑，雞味濃郁，雲吞皮薄，餡料豐富，雞湯滋潤好飲，兩至三個人叫一煲就剛剛好🫛肉碎欖菜乾煸四季豆🫛好有鑊氣嘅一碟四季豆，肉碎欖菜份量畀得大方，四季豆炒得夠乾身，下飯之選🪼醋醬海蜇頭🪼海蜇頭爽脆，配上特製醋汁，酸甜開胃，放底嘅青瓜清爽可口🍮桃膠紅棗桂圓湯🍮可以選擇冷或熱嘅桃膠甜品，紅棗桂圓令桃膠湯變得滋潤豐富，甜而不膩 樂天皇朝銅鑼灣波斯富街99號利舞臺廣場6樓#樂天皇朝#上海菜#中菜#粵菜#中餐廳#銅鑼灣餐廳#銅鑼灣美食#銅鑼灣必食#利舞臺#新店開幕#招牌小籠包#原味小籠包#上海小籠包#鍋貼#無錫鍋貼#鮮肉鍋貼#雲吞雞#砂鍋雲吞雞#四季豆#香港美食#香港旅遊

新店都係喺利舞臺，但係搬咗去另一層。特式皇朝小籠包 $148每次黎必嗌佢啲彩色小籠包，有唔同嘅味道，由有淡至濃咁食，皮薄多汁，真係食極都唔會厭😋榴槤小籠包(6粒) $48(原價$98)慶祝鑼灣店開張優惠推廣，由21/8-13/9，猫山王榴槤小籠包特價$48/6粒，全線分店都有架。見佢做緊特價咁抵食所以專登試下，完全係如其名，同你想像到嘅一樣，小籠包皮入邊餡係榴槤，個榴槤餡又幾甜喎，不過個皮比正常小籠包感覺好似厚啲。絕對可以試吓嘅，我都係當佢甜品咁食。肉碎欖菜乾煸四季豆 $88呢個好食，炒得夠香，個欖菜又唔鹹，又有好多肉碎，辣到又有得自己揀😋紅油鮮蝦抄手拌麵 $78鮮蝦抄手好飽滿，蝦肉夠彈牙，係略嫌個汁俾得唔夠多啫。

今晚去咗位於CWB嘅樂天皇朝，心心念念想試佢哋嘅招牌小龍包，果然冇令我失望！一入到餐廳，已經感受到重新裝修又舒適嘅氛圍，真係好適合同朋友聚餐。特色皇朝小龍包（八色）：呢個小龍包真係ok！八種口味分別有原味、絲瓜、鵝肝、黑松露、芝士、蟹粉、蒜香同川味，每一口都係不月驚喜。原味嘅湯汁鮮美，絲瓜口感清新，鵝肝同黑松露則帶來咗奢華嘅感受，特別係芝士口味，真係幾ok！蟹粉嘅鮮甜更係無法抵擋，蒜香同川味則為小龍包增添咗唔同層次，非常推介！李白醉雞：呢道菜色香味俱全，雞肉浸泡喺特製嘅酒汁入面，肉質滑嫩，味道醇厚，帶有淡淡嘅酒香，食落去真係好開胃，係一個好好嘅前菜。酸菜魚：酸菜魚嘅湯底酸酸辣辣，魚片新鮮滑嫩，配合酸菜嘅香氣，整體感覺非常開胃，飯都想再加多碗！食落去同大陸有啲分別。唔同口感。芝麻醬油麥菜（凍食）：呢款凍麥菜清脆可口，芝麻醬同醬油嘅搭配恰到好處，味道清新，係一個好好嘅小菜，特別適合炎熱夏天食。蘿蔔絲酥餅：呢個餅外脆內軟，蘿蔔絲嘅香味撲鼻而來，咬一口就感受到酥脆同嫩滑，真係好好食！豆沙窩餅：最後甜品方面，豆沙窩餅真係唔可以錯過！外皮香脆，內裡嘅豆沙甜而不膩，口感豐富，完美收尾。OVERALL