樂富門 (已結業)

早在一月份為家人慶祝生日, 消費7千多元就送了$750現金券, 但要在一月前用所以就約同朋友在此消費. 晚飯時間人流也不少, 但現寫食評才驚覺已結業, 經濟不景氣又一例證鮑汁花菇扣花膠($88) - 花菇肉厚, 花膠煙韌, 兩者也扣得入味生炒排骨($65) - 伙伴落單落錯了京都骨, 對我來說兩者差不多, 但朋友堅持要更換, 伙伴也樂意效勞. 排骨炸得不夠脆口, 但甜酸度適中已可補救木耳野菌煮娃娃菜($58) - 一道很清新菜式, 加上炸蒜粒味道上更添香味藍妹($35) - 要這價錢算比較貴埋單$320, 除去$250現金券, 這餐很是抵吃

又是領匯下的商場，領匯話要收鋪，做到下月頭便要結束了。所以年初二去食飯全滿還要加枱。坐下叫了小菜吃，免得吃貴價賀年餐。點了桂花炒魚肚、咕嚕肉、豆腐煲、雜菜煲、燒鵝、茄子海參。叫了後我們等了很久很久，但見四圍坐滿人侍應又很忙，便沒理會了。我們便一家人影影相，渡時間。點知玩完一大輪都沒東西吃，便問侍應。豈料侍應居然話未落單，嚇了一跳，即刻補單。只需等五分鐘便有東西吃。最好吃的是桂花炒魚肚，上桌時還以為是炒飯，原來是炒蛋加魚肚，味道很好又不油。唯一不好的是燒鵝不是脆皮。其他也很好。

前日突然唔想煮飯.....咁就走左去樂富門食飯...我同老公兩個人又唔叫得多羊腩煲(連一碟菜)...唔~~~好正...又多汁...d汁又濃....仲可以叫碟鱔片加莒好...好似打邊爐咁跟住叫左個"心太軟"係豆付黎嫁..係入面釀左d肉碎..唔錯...唔錯d招呼都唔錯...下次約多幾個朋友一齊去..可以叫多幾樣餸

lunch time好少去飲茶~怕佢嚟d嘢慢~點知呢間又居然好快手wo~快手~點心都叫多選擇~而且水準好平均~冇話邊一樣會難食~而大枱都好多~一班人食都唔會話要等位等到傻~另外~炒嘢都好大碟~我地多人點嘢食~點下點下...over晒~想cut 2碟炒嘢都嚟唔切啦~then只好包走~ps~叉燒包一籠得2個~煎炸嘢都幾多選擇~不過可能佢出得快的關係~d煎腸粉同埋蘿蔔糕煎得唔多夠~豪食的情況下~一人唔洗70蚊都唔緊要~因為正當拎銀包時~有人萬歲~~yeah!!!!!

父親節晚飯, 地點選了遷就老人家, 地方比預期寬落, 最大受惠者當然是坐不定的小朋友. 點選了個父親節套餐.乳豬拼盤 - 油雞, 燒鵝, 乳豬, 海蜇, 叉燒, 當中乳豬皮鬆化, 肉質嫩滑, 算是比較突出翡翠炒蚌肉蝦仁 - 蝦仁大大隻, 蝦身彈牙, 再加上XO醬同炒算幾惹味炸雙棗 - 漿皮薄薄一層包住蝦茸, 幾香口, 不過嫌蝦肉太結實, 少了份爽口紅燒竹笙魚翅 - 魚翅不多預料中事, 但另外的配料就不少, 獻打得不多, 不會太糊口, 不錯鹽焗雞 - 雞味欠逢, 尚幸肉質算滑溜大海星班兩食:西蘭花炒班球 - 班球肉質結實, 但味道偏淡生炆頭腩 - 獻汁不多，但班腩卻很入味雜菇扒莧菜 - 以份量取勝荷葉飯 - 沒吃干燒伊麵 - 麵身唔會太乾同油, 不錯壽飽 - 沒吃服務沒提及那麼差, 人手不夠, 雖然要等侍應, 但總算每次都會有回頭

07-05-2008 晚上和老婆兩人到這裡吃飯，我們一家都常來的，但正如以往的食評提及一樣不可要求有任何服務可言。來這裡吃飯的原因就只有方便這兩字，可惜經過昨晚之後就連方便都不會再次光顧了。為何會這樣？事原昨晚點了個挅椒魚頭，由侍應落單﹝19:26﹞到上枱﹝20:03﹞足足 37 分鐘，等並不重要最緊要係好食。非常可惜的是魚頭是凍的一點光澤也沒有就連碟都只是暖暖，最叫人激氣的就是傳菜員話已經好快送來，繼而有個女部長話幫我們把魚再蒸番熱上枱，唉......真的沒辦法就只好點頭算了，由拿走到再見那啞了色的魚頭只用了區區 5 分鐘，奇怪的是連一點點熱嘅蒸氣也看不見，肉眼看不見就來感覺吧，嘩....嘩....重衰過做女時更難食。這時候女部長再出場，為咗解決問題便說不如取消，我話咁大間酒家一遇到問題就說取消不如連酒家都取消，女部長無奈說重新再做吧。過咗 15 分鐘個魚頭又再出現我們面前，今次真係乜都熱，簡直熱血沸騰興到爆，挅椒魚頭仍舊是當初那個挅椒魚頭，只不過是用另一隻蒸到超熱嘅碟再將先前 D 魚頭過碟，破綻就在那些葱為何會在魚頭之下而且老哂，咁嘅招數.......唉！

間唔中黎飲下茶,不過不失. 飲茶又送現金卷,一於夜市黎食.白灼生蝦~ 超扺,真係足一斤,隻隻彈牙.魚丸粉絲時菜煲~ 清清地魚丸唔腥,時菜嫩甜.蟹肉炒粉絲~ 食唔到有蟹肉,不過粉絲炒得好味.薑蔥粉肉蟹~ 估唔到隻蟹好大隻,多肉. 炒得香,好味.咕嚕肉~ 例牌,不過不失. 整體黎講,用埋COUPON,好扺食. 不過,服務.....就差少少. 因為唔夠人手,有時見到佢地都好忙,要叫好多次,但係個個唔會黑口黑臉. 屋村既酒樓,算係咁架啦.要體諒下.

今日下午一點四十五分到樂富門攞位飲茶,不用等就可以即刻有位,我地七個大人一個小朋友,共食咗十個點心和一個雪菜火鴨絲湯米和福建炒飯,到埋單時我們發現原本點了的叉燒腸粉並沒有來及已加了入賬單內,我們即時發現及對負責埋單的侍應說明,她的態度極之囂張和很不禮貌,並且用很大的聲音向我們逐一數電腦入單紙和點心咭的印的數目是否一樣.當她數到真的是欠一個點心時,她並沒任何半點的歉意,也沒有說什麼道歉的說話,好像是我們帶給她麻煩似的,沒說一聲便行開去,當她離開我們張檯時,還不斷重覆數了多次,等了一段頗長的時間,她才將已更改的單取回來.本來今天高高興興來飲茶,因為我父親很難得賞面和我們幾兄妹飲茶,但卻遇上了這事情,心裡實在有點兒不舒服,我想就算食物有多好食,但侍應的態度也嚇怕了我,而我也不是第一次幫襯這茶樓,經過這次後,實在是大大扣分,非常失望!我們亦明白到為何星期日的中午會不用等位了!!!

今日午飯時間走咗去飲茶,叫咗:鮮蝦腐皮卷--鮮蝦幾新鮮,不會有太多無謂的蔥,好味!牛肉腸粉--幾大條.雞飽仔--有三個,有雞肉及蝦,不錯.棉花雞--大大舊魚肚,有兩隻冬菇,有兩舊雞,一舊蟹柳.燒賣--有四粒,沒有肥豬肉,又有冬菇,好食.

同老婆行樂富，老公突然想飲茶，於是行入樂富門攞位. 帶位小姐都冇咩，但係D侍應+部長十問九唔應，揮手扮睇唔到，又唔開點心卡比我地，要豆瓣醬問幾次都冇人理，到最後係自己去攞. 野食叫左蝦餃，鮮竹卷，雲吞，山竹牛肉，冇一樣好食，埋單$100! 以後一定唔會去!

金秋晚餐即燒皇子乳豬素鵝:素鵝幾好味,乳豬麻麻地蠔皇翡翠鮑螺片:有生菜,麻麻地,京燒脆皮花雞京燒:無食沙律海鮮卷:好乾,又無乜送紅燒竹笙海皇翅:都唔知乜翅,翅都無條喎灌湯小籠包18隻:好似雪蔵肉大星斑兩味:翡翠炒斑球,唔好食,好油生炆斑頭腩:有小白菜,又係唔唔好食紅豆沙湯圓:太甜鮮果滿盤:有火龍果,哈蜜瓜,西瓜,還可以全部都唔好食,無一樣有特別印像服務還可以只係太多蚊,好擾人呀13個人食了1875,144

It is reasonable! morning tea $100 for 4 person, it is really a surprise la !

4個同學完左畢業禮去食火鍋,8點9入座,每碟$12,價錢算係便宜吧。火鍋配料的味道算是可接受，蝦味道都幾新鮮，不過雲吞水餃就麻麻，皮有點太厚。其他都中規中矩，唔會話有好難食既情況。我地遇到的侍應們態度還好啊，部長問我地要喝甚麼時也有顧客人哩（我們問橙汁幾多錢，佢講完之後仲話「只係果汁先生咋，其他抵ｄ啊」，不過最後我地都係叫橙汁），不過有另一個侍應就有點不小心，不知是太夜冇咁專心定點啦…我同學話佢第一次斟水俾我地時整到隻手。而我地劃單（肥牛）劃錯左（牛肉），牛肉到時我地以為黎錯左，查單後那部長都沒有惡言，仲好好笑容咁對我地。六十蚊食到好飽好飽，味道服務也有一定水準，真的好不錯呢。

「遲來」的原因，可以很多。「遲來」的代價，當然是有乜食乜：粗炒、荷葉飯等，舉棋不定，亦舉筷不穩；蝦餃、蝦腸等，粗糙中帶點諧和，頗有誠意。教人驚喜的，是那皮稍薄而不穿的小籠包：做到「灌湯」效果；千層馬拉糕雖然偏sunset yellow，仍教人躍躍欲動…正想夾起之際，一千零一塊竟告報銷。呷一口濃普洱，嚼一碗清清淡淡的秀珍菇脆肉瓜，再咬一口啖啖肉的叉燒包，竟有說不出的滋味。「遲來」的政治茶局，竟變成一頓頗為樂哉的午飯。

呢間野係早幾日食ge，諗住是但叫個四人餐唔使用腦諗，結果叫完個餐睇返張單先知原來係母親節餐，呃錢都呃得實在太無誠意la >_<講個餐的內容其實都幾豐富，首先有個燒烤，我地就揀左豬頸肉，一睇之下原來係最cheap 0個個! 事實係，叫邊個佢都有得賺la，好味就由得佢，點知只係好似叉燒咁，諗d 無咁靭 law跟住係蜜糖豆炒帶子，普通野唔多講la，再跟住有個翅，幾大煲，睇落幾開心ga，有人服侍下，味道亦都唔錯，只係普通d law，不過除左去飲都無乜幾可食呢味野，料方面都足料ge，翅針方面..........唔係真係要求佢比好靚好多你下話之後仲有個大蝦伊麵，真係好大隻蝦，但估都估到係雪蝦la，但係唔係好有陣雪味，只係無乜味je，個汁都仲救到佢，所以最後係伊麵好食過d 蝦! 大隻蝦都無用，因為我屋企人真係好懶去剝蝦! (乜人黎ga ?)最後係得到個魚湯野菜鍋，有粟米冬菇菜呢d 見慣見熟，博colourful je，再比多兩餅烏冬質飽你，正就正在真係比個gas 爐你滾下滾下，又係有人serve ge，味道不過不失，因為呢個時候經已飽曬﹐個魚湯好重味精，just 食d 料好la整體而