樂怡小廚

营业中

休息中

焗飯gd, 經常食係海怡有一間平靚正隱世街市餐廳環境算幾衛生，有一半座位都係卡位，坐得好舒服呢度焗飯幾好食芝士焗鮮茄豬扒飯豬扒有咬口，珍珠米! 呢區段嚟講算係幾抵食回頭率100%!

今日睇完醫生諗起街市有間小店樂怡貪就腳去左食早餐……選擇唔多得兩或三餸配 通粉/米粉/一丁 或多士跟啡 茶 $40叫左沙嗲牛豬柳炒蛋通粉嚟到竟然變左公仔面咁叫佢轉返俾我有個疑似送上我碗通粉但又語帶晦氣同我講 麻煩你清走你枱面嘅紙巾…… (傷風用完的紙巾)……🥶🥵頂！一般響其他餐店 老麥 大家樂一定會有工具去收撿用過嘅廢物如紙巾之類……而家掉返轉要我自己處理！🤬再者……你態度好D我都算吖，晦晦氣咁好似覺得我會傳染佢咁！😡食物三流服務九流以後唔會再嚟！！！😡😡😡😡😡

今日既lunch 決定去樂怡小廚食拉麵🍜天氣炎熱 又唔想出到香港仔咁遠又唔想食海怡商場入面既餐廳所以決定去左呢間係街市入面既餐廳Walk in ..不用等位起初都唔知原來呢度有間野食鋪頭因為位置都有點暗藏～通常黎呢到食野 我都係會點佢哋嘅拉麵🍜照舊一杯凍檸茶一杯凍奶茶🥤無乜突別 今日同對面個個人都各叫左一碗拉麵🍜照燒雞扒九洲白湯拉麵～飲左個白湯 味道幾好 唔會好似味噌湯咁濃～雞扒 就一般既雞扒～麵底 軟硬剛剛好🍜吉列豬扒星級味增拉麵～湯比較濃郁 鐘意食濃既可以點呢個湯～吉列豬扒 好食😋 佢同麵係分開上 豬扒上面會有沙律醬（同時餐廳侍應都會好貼心咁問你要唔要沙律醬）～麵底 同上面既軟硬都一樣如果平時係海怡半島食厭左商場既野食我覺得呢間餐廳都係一個唔錯既選擇！想食拉麵又唔想去到香港仔的話 樂怡小廚應該可以滿足到你

海怡有一間平靚正隱世街市餐廳環境同一般茶餐廳差唔多，算幾衛生，有一半座位都係卡位，坐得好舒服聽朋友講呢度焗飯幾好食, 當然唔執輸芝士焗鮮茄豬扒飯 $48番茄醬夠清甜，夠味之餘都唔會太濃豬扒有咬口，飯粒分明，加埋杯飲品都係48蚊，呢區段嚟講算係幾抵食回頭率80%!

好難找係東商場街市最後面角落頭,但係真係好好食,熱辣辣好快煮好,伙記好醒目入去就問堂食定外賣,見到我出面坐近就帶埋個外賣出嚟依區價錢算合理,份量好夠,烏冬油左少少但係唔濫有免費wifiWill definitely come back to visit

午餐時間去到鴨脷洲海怡商場，肚仔餓當然要去搵野食啦，去到海怡東商場街市裡面，無意中發現一間食日本野叫「樂怡小厨」的小店，附近食呢食去都係美心大家樂，今次就試吓呢間啦。呢間小店外牆主要用玻璃圍主，雖然旁邊是豬肉檔，入到裡面沒有異味，雖然人多但唔洗等就有位，冷氣充足，食物都有很多選擇，有飯丼有烏冬有拉麵，我就當然點我最喜觀的豬扒味噌拉麵，另外凍飲加三蚊。坐咗一陣有電視睇，拉麵有得食啦，拉麵和豬扒是分開上的，豬扒炸得很香還保持很多肉汁，厚切彈牙有咬好，拉麵超有質量彈牙有咬口，比得上高檔的間日本拉麵店，湯底都是足料的，認真抵食。

原本打算試下食位於街市內的樂怡餐廳，點知等左一個鐘都未有得食，大家排排坐等野食，仲要無論咩飯都硬到無煮過咁，黑椒汁好難食，牛扒又好多筋，總之世界級難食，曬我時間！

今日又嚟食，由廚房到樓面，都比人感覺，斯斯文文。重點係……價錢合理，食物質素好，除咗……一定要穿過街市，至可以到達之外，要講都只係款式唔多，或者佢哋就係想做到……貴精不貴多吧！食咗幾次，試唔同款式，都ok,今日食咗個日式叉燒鹽湯泡飯，竟然好好味！性價比……高！

今晚又嚟喇，又試其他菜式。今晚三個人，三個唔同款，都滿意。唔知佢哋用乜嘢做醬汁及咖喱？梗係睇落顏色唔同出面食嗰D？顏色唔多靚，不過，味道又……得喎！唔會太濃味，又唔會好咸，味道濃淡適中，啱晒而家追求健康嘅我哋。性價比……高！

今晚又再嚟，一試再試，今晚兩個人，一人一份滑蛋照燒汁鰻魚飯，仲有杯嘢飲，都係 $130.-埋單。大仔第一次嚟，都好滿意，真係唔錯，以後話去街市食，佢哋一定唔會唔睬我喇！

尋晚同仔仔一齊去食晚餐，近呢一年次次去街市買餸，都見到呢間新舖，舖位細細，不過，好企理，同街巿有D唔夾。所以，好想試試，不過，次次同D仔講，去街市入面食，佢哋都少去街巿，所以，未見過呢間舖，一講都冇反應……即係……唔想囉！終於，尋晚去食喇，意外地……又唔錯噃，款式雖然唔算多，間中食下都唔錯。店員都斯斯文文，食物質素都中規中矩，性價比高。連餐飲杯咖啡，都滿意，好提神，差D瞓唔着！仲有Free Wifi 以後，放假食飯或high tea又多個選擇喇。

放假去接肥髀，佢補完習都接近中午，之前已想試呢間但搵唔到，今日事先打電話問路，原來餐廳在地庫街市內，西餐廳門面，店內桌椅較迫！食物選擇多！蟹籽沙律（$28）細細碗，蟹籽卜卜脆，生菜爽脆，沙律醬酸酸的！好味越式生牛肉河粉（$52）肥髀食，好大碗，𢳂咗一碗，河粉略厚唔夠滑，牛肉湯幾濃，比好多新鮮九層塔，湯底濃但唔夠熱，浸唔熟牛肉片（雖然牛肉片唔係厚）牛肉片都比得多的，爭了點熱度！星馬喇沙魚蛋湯米線（$52）呢個唔可以話係正宗馬拉喇沙，不過又好吃，好像魚蛋米線轉喇沙湯底！首先湯夠熱，味道香濃，微辣，魚蛋魚角魚片都好彈牙，又唔會腥（連唔食辣嘅肥髀試咗都話好食）配菜有爽脆芽菜，新鮮九層塔，香甜粟米粒，米線又彈牙有咬口，好味！即磨咖啡（跟餐）呢個夠熱，咖啡味甘，不過又唔算濃！ok凍柚子蜜（跟餐加$8）肥髀飲！喇沙係驚喜嘅，因為係唔係正宗我不太在意，最重要好味！店員好人，教路時有禮又易明白，我哋食緊期間已有人等位，我同肥髀坐一張四人桌，佢哋都無趕無催促，當然我哋食完就走唔阻人做生意！而上菜收碟時都有笑容！街市中的餐廳

有一次經過街巿，發現入面有間餐廳，今日就決定落嚟試下，去到門口已經有人等緊位，好彩我地2個人好快就有得入座。精選套餐選擇都幾多，我地選擇左滑蛋鰻魚飯同焗咖哩雞飯。每個餐可以配熱飲一杯，凍飲當然另加錢。滑蛋鰻魚飯：鰻魚嘅份量一點都唔孤寒，相當大塊，滑蛋部分無過熟，仲有好多蛋汁，米飯用嘅係珍珠米，味道不錯。咖哩焗雞飯: 賣相唔錯，用珍珠米炒飯底，而咖哩汁唔太辣，有點似日式咖哩，少辣得嚟又帶點惹味，雞扒份量唔算好多，幾嫩滑，而上面嘅芝士做到拉絲嘅效果，加左分，整體不錯。將來應該會再嚟幫襯呀！

今次又係要外賣，上次話佢攪好耐，手腳慢，今次唔同晒，快靚食物水準都 keep 到，係認真好味嘅！滑🍳雞扒飯其實幾鍾意佢有日式元素，有加味淋，同用珍珠米，滑蛋夠晒滑流，新鮮🐔肉大塊好味，真心唔錯！街市有咁嘅水準都叫算係咁，又乾淨企理，係會繼續幫襯！

街市呢間食肆係做街坊生意，位唔多，諗住嗌外賣返上樓食，但係個外賣等左好耐......起碼成廿幾分鐘先有😓，等緊嘅時候，老闆娘仲要出嚟連問我地幾次幾多位......都幾無奈吓......終於忍唔住吹吓佢，見到我地order出咗嚟，叫佢先包我地嘅，又唔肯......又話要包左其他先，明明得我地晌度等緊，點解唔包左我地嘅先，唔識做又固執......仲見證佢同其他客人口角......叉燒柚子塩拉麵叉燒幾好味，湯底都清清爽爽，清新的柚子好啱夏天口味。D麵就麻麻，硬得嚟唔係彈牙嗰隻，麵本身都冇乜味，如果換左D麵會好食好多。（唔記得影放落湯個樣）😅滑蛋豬扒飯🐷幾好，有日式家庭感覺，蛋夠滑，不過炸豬扒可以再整得酥脆可口D。明明樓面有三個人，但係手腳好慢，流程有待改進。