樂粥本 (已結業)

啱啱呢個週末去咗黃竹坑staycation. 夜晚想食飯嘅時候，發現方圓幾百里都冇一間餐廳，唯有叫Deliveroo. 睇睇下有一間食粥嘅舖頭，見佢個套餐都幾多嘢揀，就決定叫佢試試。我叫咗牛脷酥👍🏻，艇仔粥👌🏻，炸兩👍🏻，再加支豆漿😔。食物都算快送到，艇仔粥普普通通，算係合格。炸兩我自己覺得係好食嘅，混醬咁黎食，最高享受。豆漿有啲偏甜，有糖尿病嘅人唔好叫。牛脷酥由於外賣關係，林咗少少，不過呢個唔關粥店事，個餐份量都好大最後唔係好食得晒。******************************👍🏻好食 | 👌🏻可以 | 😔 難食評分 : 5.5/10簡評 : 豆漿點解可以咁甜

這個店…話說這個店的名字，真是取得好，「樂粥本」。是小店的一種堅持；也是對自己的一種鞭策。她的油炸鬼炸得金黃通澄；看來香脆可口。腸粉雖然一般，可醬料大方地讓顧客自行添加，芝麻醬可不便宜呢！我這都是在街上吃。她的粥我沒有太大意見；也難有甚麼擊節讚賞。就是一碗稀飯加上幾片牛肉，粥底綿密，熱氣騰騰，肉片還算新鮮。其實－我只愛吃白粥，一直在找一家懂得煲米皇的店。起早貪黑，賺個碎銀；天方夜譚，希臘神話！服務員熱情推介食物，小店光猛整齊。價格合理；粥品水平尚好。客人不多不少；生意不冷不熱。香港仔區的粥店不少，要生存還真艱難。

見咁耐冇食過粥,返屋企經過見到呢見呢間就入去試下啦.我同朋友入去叫左及第粥同皮蛋瘦肉粥,粥底都ok既,但d料食落一般.我把重叫左炸兩同豉油王炒麵,炸兩整得麻麻,豉油王炒麵又唔夠味.整體黎講都係麻麻.

晚上7:39到達此店落單（芥菜，滑牛，魚片，豬肚湯米粉）等左好耐，好多人買完野食走等到7:59都冇野食問佢地如果未煮，不如取消張單跟住個女收銀即刻叫廚房煮然後好悔氣咁講話廚房而家煮緊問佢地點解要等咁耐佢地話因為好多單要清晒所有叫粥嘅客人至可以煮我個米粉然後唔使5分鐘就黑口黑面就將野食交俾我返到屋企一打開只係得芥菜，滑牛同魚片豬肚就完全搵唔到錢就收足4個餸嘅錢但就俾3個餸我今時今日原來要咁樣呃錢至可以生存

近排真係熱氣到爆，生咗幾粒痱滋，成個禮拜都唔好。連平時唔戒口嘅我，都要食粥去下下火，清下熱氣，香港仔有間落粥本，價錢親密，味道又唔錯。 我叫咗我一貫叫嘅魚片豬紅粥，再加個齋腸粉，兩樣夾埋隻係32蚊，真係抵到爛。

今日冇咩胃口....想清清地食少少嘢..所以就搵間粥店嚟食下..我叫咗個豬紅魚片粥，再加個齋腸. 佢豬紅同魚片嘅份量都唔少...齋腸都好大碟，一個女仔食一定夠飽！ 最緊要價錢都好平，好抵食。

餐餐又太豐富會滯粥加腸粉可以係早餐午餐下午茶亦可粥店雖然全日餐牌一樣 但任何時間都有人做晚餐都吾錯 吾洗食得太飽叫了荔灣艇仔粥 加腸粉艇仔粥那裡都有 花生魷魚豬皮蔥花豬肉雖然天氣漸熱 但堂食粥品 有冷氣都吾會太熱粥品熱先至好食 凍左就健康了搞拌太多又會變水堂食即食最理想腸粉醬自己任加 混醬腸粉雖肥 但無論茶樓 粥品店 定係街頭都會有證明人人都喜歡食 大眾平價美食之一自己一個食 醬鐘意點加都得粥好綿密以前成日怕粥太稀會變水 太杰變肥仔 咁樣最好 其實食下食下都好飽了2樣加埋29蚊 簡單晚餐

喺香港仔呢個比較有舊式香港感覺嘅小地方入面有好多做街坊小生意而又充滿人情味嘅餐廳，就好似呢一間樂粥本。一行三人，係佢琳琅滿目嘅餐牌上，最後每人叫左一碗粥，同加左一份炸兩同牛脷酥。食物如其名，落足本，食得岀小店花嘅心機，份量比正常大少少，配料都幾多，再加埋舊式裝修嘅環境，彷彿回到以前嘅香港。價錢方面不過不失，對得住個份量。食得多岀面既快餐粥店嘅你，食厭左，嚟到香港仔不彷試下呢間人情味小店。

星期日與朋友到那開心食早餐，點了五樣東西，二百元，換來是九流的服務，店員及店長也不停在催我們快點吃完走，及不停叫你搭枱，叫的是生滾粥，店員要求我們十分鐘吃完，還差點把第二枱的生滾粥打番至我身上，不但沒道歉，還投訴我妨礙她做野，二百二十元的粥品，九流的服務

本來是到香港仔看中醫的，看完中醫巳是中午時分，想喝一碗正宗本地粥，于是在“開飯喇”網搜索附近粥店，跟着Google导航找到“樂粥本”，真真不虛此行，本土氣息濃厚的粥店，粥的品種好多，可以自行選料搭配，選了一碗蠔豉豬肚生菜粥，再配上一塊白糖糕，料足又好味，吃得心滿意足，臨走又買了幾塊白糖糕帶回家。

連日吃了不少油炸食物，決定以清淡的生滾湯飯作晚餐，消一消膩。區內小店「樂粥本」除主打粥品油器外，亦有生滾湯飯供應，由一般粥品可見的配料到丸類及魚雲等都可選，兩餸加一款菜只需$42。我點選了勝瓜、滑牛及鯇魚腩湯米粉，搭配毫無味精的湯底，清淡不油膩。眼看著老闆娘把勝瓜即時切成塊狀，放進煲內滾燙，吃的時候能吃到勝瓜的爽脆，充滿蔬菜的鮮甜及水份。鯇魚腩大大件，肉質新鮮軟滑，一口咬下去肥美啖啖肉。滑牛厚薄適中，入口軟腍絕不韌。

夜媽媽唔夠飽，補一補個肥肚腩，街坊小店不二之選。今次揀左呢間粥店，因為開得比較夜。揀左我既至愛，蛋艇炸兩。街坊野，料都係果d，足料最緊要，睇野！一野隊落去唔少野係入面。粥底正常，綿滑。料都係正常，豬皮，水尤魚，牛肉碎。味道普通，屬正常出品，但足料係事實。炸兩黎講個人比較喜歡淋淋地，索下d是油。而佢呢個，皮夠滑，介乎淋同脆之間，如果硬係要講都算外脆內軟，但脆得黎偏油。最正緊係醬料任落啦，隨自己喜愛調味，腸粉黎講醬料先係精髓所在。總結來說：粥$20屬正常價，炸兩都係10蚊，係呢個物價高到喊既時代，算好合理。我唔會話呢間抵食夾大件，只會係講街坊門可以多一個選擇。

天氣突然凍左。夜晚唔太餓。但又想食啲野。就決定食啲暖身野。粥！因為好中意食南瓜。見到有南瓜粥。一於食佢啦。朋友叫左艇仔粥。兩碗都大左碗。艇仔粥 $16南瓜粥 $19啲南瓜好好食。又甜。唔餓。但都食哂一大碗。飽哂。😋

臨時OT,收工趕去接肥髀，仲未食晚餐，已經差不多十點，仲開嘅食店都唔多， 呢間粥店未試過，在大馬路邊，門口放咗玻璃櫃放油器，店內一邊廚房一邊收銀， 門邊仲貼有餐牌，落單時問收銀先生，想要多粥少餸，佢話即係加底，要收多一蚊，我話我唔係要食多啲粥，係要碗粥少啲餸，佢就問廚房阿姐，可唔可以做到，佢話即係「加底」要加錢！（又唔明）我只係要同份量嘅粥，唔要咁多餸啫！乜好難明咩？最後我放棄，要正常！ 廚房好快出到食物比我！ 皮蛋豬紅粥（$20）發泡膠碗，粥底綿滑夠熱，皮蛋嫩滑，豬紅無乜味道，薑絲居然好爽嫩（平常我會走薑絲，今次唔記得咗），加埋青蔥好味！店員其實唔係無禮貌，只係唔會理解特別啲嘅要求！其他招呼上都正常！

搭車經過好多次，可以話睇住佢開業。難得今日同事們個個都想食清淡，一於去試下。我地人多，老細麻煩左個食緊既大叔換位讓張大枱比我地，基本上入到去就有位。我叫左猪潤粥，其他朋友都点左碎牛粥。之后仲叫左炸两，炒面，蘿蔔糕。。啲粥好快就上，夠大碗，好綿，料夠多，味道又夠，猪潤又爽。吃到炸两，哗，太脆了！我朋友忍不住又叫了一孖油條，刚炸好從厨房出來，暖的！这個更脆，超好味！！炒面，是ok的, 不就是炒面，没有“哗”的感覺，份量ok, 但就覺得好似剪得太碎。蘿蔔糕，是蒸的，好味，我自己覺得好似“粉”落得太多，但我朋友話蒸的就應該是这样的喔。最后还加了一份蝦米腸，好多蝦米好多葱，夠香！我地好努力咁食，最後都食唔晒。叫到一枱都係，埋單都唔驶佰五蚊。啱晒一般市民生活水準，味道又好，所以，我地会再去试埋其他嘢。但我们这顿飯就遺背了“清淡”这两個字，因為我們追加得很过份。。hee hee....