樂舍 (已結業)

長長的lunch time當然要食好野，黎到呢間餐廳感覺好日式，環境好大，座位都有一定距離，唔會同其他人坐到好埋，每枱都會有一個屏風，私隱度高！而餐廳門外都有小心思，放d糖果可以比人食完後解解油膩！每個石燒套餐都會包左湯，沙律同飯，絕對夠食！今次選左200g澳洲牛西冷，再另外加左個鵝肝同虎蝦！西冷肉質都唔錯，坑紋好靚，但可能切得有d薄，放係石燒上好快就熟透，建議一上枱就拎起塊牛肉，再切開擺上去燒！而鵝肝有驚喜，入口即溶，一d都唔腥！而虎蝦一食落口感覺好新鮮彈牙，推介推介！飲品叫左清新檸檬柚子梳打，好fresh好解渴！

放工後自己一個去覓食，係觀塘search到呢間專食石燒牛就決定食佢啦！餐廳都幾容易搵，日式裝修，空間感好大，坐得好舒服！話明係食石燒牛，當然要試一試佢肉眼牛扒，自己一個叫左個300g的澳洲牛肉眼！每個石燒自選餐都會跟一碗湯，沙律同飯，沙律可以當開胃前菜，湯可以解膩！黎到主角部分，上到枱，職員會預先鋪張紙巾係面，以防石燒上的滾油彈起！肉眼牛扒鮮嫩多汁，雖然佢有配上醬汁，但唔使沾都已經好夠味，再將牛扒放上飯到，又係另一個口感，再配上百搭的可樂，真係一個美味的享受！

是日，一行5人 打算食個開心鋸扒午餐與同事 點了一份 西冷 及肉眼..先不說肉質 因熟成情況會有影響，但。要。講。係。牛 完全冇味道，係無牛香味平時西冷會比較肥少少，肥膏爆香好可惜佢連肥膏位 都好少，亦都唔夠香肉眼平時會比較濃味，但係都係唔香只有輕微牛肉味🙃 傷心失望到一個點另外幾位同事點了吉列豬扒，豬扒肉質超乾身， 平價豬扒都不如😂蒜蓉大蝦意粉，蒜蓉亦都冇味，好乾身，好淡無味道只能講一句，整餐飯我哋搵唔到一樣可取之處🙌🏻即係想講，點解咁多人覺得好食🤔

老實講 食物質素一般 出面同樣價錢一定大把選擇臨走埋單嗰陣 見到張單好明顯計錯數 咁當然直接同個男侍應/老闆講叫佢改翻 之後佢直接黑面 多謝都唔講一句 未試過食餐飯食到咁谷氣以後唔會再黎呢間垃圾餐廳

觀塘近來都開了不小新餐廳，公司附近就開了一間主打石燒的日本餐廳，今天終於有機會試下。餐廳非常大，座得舒服，可以ENJOY 下。雖然餐廳有SET LUNCH，但第一次食當然食石燒。我選了澳洲牛肉眼 200G 加$69 匈牙利鵝肝，而朋友就點了澳洲牛西冷200Gg加 $49 日本帶子，隨餐附送沙律、飯及餐湯。很快主菜到了!澳洲牛肉眼 200G 加匈牙利鵝肝 ($159+$69) 大大塊鵝肝在肉眼之上，加上熱辣辣鐵板好有FEEL! 澳洲牛肉眼剛好是5成熟，如果想熟一點可以切開再用鐵板辣一陣，所以可以自己控制生熟程度! 澳洲牛肉眼肉質嫩滑而又充滿肉汁，脂肪較多，只需落少許鹽便能夠引出澳洲和牛的香濃肉味。而鵝肝風味濃郁，口感順滑，油脂軟軟地在口中化開，性價比非常高。澳洲牛西冷200Gg加日本帶子 ($139+49)西冷的肉質有彈性、嫩而且非常多汁，肉味濃。同樣200G，西冷比肉眼薄，但大塊一點，如果想控制五成熟，要留意一下放在鐵板上的時間控制。不過放心，五成七成都非常嫩。日本帶子有一隻，味道不錯，但揀鵝肝會開心一點。

Shack Rakuzaka 放監要食好啲觀塘巧明街又有新商廈打造樓上食肆，朋友喺附近返工食過介紹我嚟呢度。呢間餐廳裝修非常chill。收工時間更有happy hour，立即同同事過嚟試吓。見佢門口有個餐牌，寫住$99有一杯嘢飲兩款嘢食，嘢飲方面有酒類揀，嘢食方面更加有主食添。但眼見有日式石燒，立即放棄咗呢個超級優惠。今晚叫咗一份牛肉眼定食。肉眼本身已經上咗扒爐輕輕燒咗一邊，其餘靠熱石去控制塊扒幾成熟，換言之塊扒停留喺塊熱石上邊塊扒就會越韌，所以如果鍾意食生啲嘅朋友記得快啲夾起😂另外叫咗一個香蒜欖油蝦意粉。意粉控制煮嘅時間非常好，好有咬口，蝦已去殻非常細心。蒜蓉用橄欖油爆香，滲透所有意粉。另外餐飲可以加錢飲生啤。我哋叫咗兩個小食送酒，一個燒雞泡魚乾，雞泡魚乾燒得好軟身，鹹鹹地好好送酒。另一個黑松露薯條，落咗芝士碎，亦都非常香口。

位於觀塘巧明街107號國基集團中心4樓1號舖 環境寬敞、舒適😌安排坐圓形卡位享受晚餐🥩石燒牛肉眼澳洲牛肉眼 🥩200g ＋匈牙利鵝肝+蝦🍤送餐時會放上牛油紙舖面，油不會濺到夠貼心💁‍♀️厚切澳洲牛肉眼和匈牙利鵝肝加上新鮮蝦🦐放在高温石板上香氣撲鼻🔥石燒的好處係可以😌比客人自行烹調牛扒的熟成度🔥而且高温石板鎖住肉汁令肉質柔又軟多汁，大大塊匈牙利鵝肝外脆內軟，口感順滑，入口溶化🤭另追加既越南老虎蝦同樣夾口彈牙餐湯：蘿蔔牛肉湯清香鮮味沙律🥗清爽非常開胃🍙飯飯粒粒飽滿帶光澤配上ASAHI啤酒🍻一流

一行7人預早online book左枱食晚飯，問清楚話無時間限制。由於係weekday晚，全間餐廳得我地一張大枱生意。由happy hour pre-drink開始，有個男侍應(疑似老闆)已經全程黑面。各朋友唔同時間放工，所以分開到達，個男侍應就多返不滿我地分開落單叫嘢飲 。到食飯時，我地唔夠食徉加左幾樣食物，個條男侍應又走過黎黑面落單。到差不多食完，大家坐係度再叫嘢飲傾偈，9pm未到，佢地突然間話要last order, 都算，之後9:15pm就閂埋冷氣，9:30pm就行埋嚟話要閂門，叫我地走😡 (OpenRice明明寫住10pm先閂門) 嘢食方面屬不過不失，但又唔係特別抵/好食，加上咁既服務，一定唔會再幫襯！

【觀塘•樂舍】————————————————————————明明觀塘好多野食 但就唔熟路亂咁行搵親餐廳去到發現係無開 白行一趟 仲以為星期六好多開 最後搵到間有開餐廳 店舖係大廈樓上店 唔多人 得我哋同另一枱客由於唔想成身油煙味無食石板燒 揀咗普通西餐食物🍯香蒜欖油蝦意粉 HKD109香辣 有啲辣椒碎 濃濃蒜味配欖油唔錯的 蝦都新鮮爽口 夠實唔會淋身份量係一個女仔啱啱好食哂🍯日式鹽燒鯖魚定食 HKD99鯖魚用鹽醃製 配上少少青檸汁食鯖魚唔會太乾身 清清淡淡 好啱唔食肉朋友呢到岀名石板燒 大家試完可話我聽❤️。餐廳環境：📸📸📸📸📸服務質素：😊😊😊😊食物味道：👅👅👅性價比：💰💰💰💰消費 HKD208✨✨✨✨✨✨✨✨✨✨✨✨✨🏠 樂舍 📮 觀塘巧明街107號國基集團中心4樓1號舖

今日喺觀塘九啲嘢要做所以好早就要去搵一間餐廳食咗個lunch先呢度大廈有幾間餐廳見到4樓呢一間叫做樂舍嘅餐廳好似唔錯呢間餐廳嘅環境非常之舒服因為座位同座位之間嘅距離感好大坐得好舒服！而且裝修都係以啡色木係為主感覺係好溫和呢間餐廳佢係有食燒嘅套餐同埋一般嘅lunch set今日我唔想食燒鵝我想食lunch set所以就叫咗一個美國安格斯牛丼除咗一般嘅套餐之外客人仲可以加配一啲嘅小食其他嘅酒類飲品而且呢度做會有happy hour嘅session 一啲都唔貴喎下次可以過嚟試吓先午市套餐係會附送沙律同埋麵豉湯沙律配上一個清新嘅沙律醬令我開咗個胃麵豉湯就不過不失到呢一個主菜嚟啦份量嘅係比我想像中大牛肉嘅片數亦都比我想像中嘅多 飯中間仲有一個半生熟溫泉蛋超級正一篤穿佢用嚟撈飯簡直係一流呀牛肉嘅醃味非常之香濃而且一啲都唔會好暗 醬汁味又唔會話好重口味用嚟送飯簡直一流店員嘅態度亦都非常之好整體性價比都唔錯

觀塘工業區，巧明街寫字樓上4樓，我男友話好難揾。落雨心情本來不好，book左坐出面但因為落雨closed戶外位失望，好彩都安排到坐近窗位，環境幾好。 之後用app 點餐，為左想叫招牌甜品而黎點知app冇，一問之下今晚只有芝士蛋糕...由於我唔食芝士所以冇叫到。。。又一次失望。。。點左個所謂的rakuzaka set 只有碗西班牙伊比利亞黑豚丼，呢個餐普通嘢飲都要加$10先有餐飲，所以加$38，叫杯清新鳳梨特飲，不過不失。以為呢個set 都有沙律同湯，點知係冇的。。。只一小碗瓜粒，雖然我見餐牌都冇寫有，但我男友話app 明明有，所以問waitress 證實係冇的，建議改下個app 有誤導。而呢碗西班牙伊比利亞黑豚丼，唔好食，d肉好乾，又冇味。。。但男友點的石燒肉眼牛扒佢話唔錯，早知rakuzaka set 冇跟沙律同湯我就跟男友食石燒。。。另外加左兩隻吉列蠔都好食，由於太多失望冇心情影相。。。

跟朋友閒聊說起，已很久没吃石燒。朋友即想起一間位於官塘，提供石燒自選餐的食肆。適逢今天是星期日，就走去嚐嚐呀！除了石燒自選餐，也有其他種類的午市套餐。 石燒自選餐(附送沙律、湯及飯)：澳洲牛肉眼 200g ($159) 餐湯：蘿蔔牛肉湯清香鮮味。沙律：新鮮清爽。澳洲牛肉眼 200g + 匈牙利鵝肝厚切澳洲牛肉眼和匈牙利鵝肝放在高温石板上。石燒的好處是可讓客人自行烹調牛扒的熟成度。而且 ，高温石板可讓豐盈的肉汁保存在食材內。這個厚切澳洲牛肉眼肉質軟腍不韌，味道濃郁。大大塊的匈牙利鵝肝。煎得外脆內軟，口感順滑，入口溶化。飯粒粒飽滿帶光澤。 西班牙伊比利亞黑豚丼 ($119)伊比利亞黑豚片肉質鬆軟，肉味濃郁。溫泉蛋蛋味香濃，混和伊比利亞黑豚片和飯來吃，非常滋味。凍檸檬茶：清爽口味。凍咖啡：入口順滑，沒有苦澀味道，咖啡的清香氣味令人醒神。

想去觀塘搵happy hour，呢間都算幾抵，20:00前酒類都好平，有一款直頭$99小食加一杯酒，不過今日我哋叫咗啲主食，今晚試咗佢哋嗰石燒，澳洲牛肉眼，上枱原來成份定食，估佢唔到咁抵食，上枱時舊石已經熱辣辣，舊肉眼外皮見佢仲紅紅地，但由於舊石仲係加熱緊，所以如果唔鍾意食得太熟嘅朋友，應該快啲夾起，可以自己控制幾多成熟都幾好玩🥰，另外叫咗個香蒜欖油蝦意粉，意粉質感好煙靭啲蝦又爽又彈牙，而且估佢唔到有咁多隻😂，我哋再叫咗個烤雞泡魚乾送酒，趁熱食嘅時候雞泡魚乾非常香口，好有當年喺韓國食嘅感覺😍再叫咗個黑松露薯條，黑松露混入左薯條嘅油香，真係茄汁都唔需要 🤗

嚟到觀塘同朋友食lunch，佢推介我食呢間餐廳，地方寬敞坐得舒服，唔洗坐到痴住隔離枱。午餐時間有lunch set，包沙律、湯和飯，價錢約一百元多啲。我和朋友叫了石燒肉眼和西冷套餐，落單後約5分鐘已經上左湯和沙律。沙律菜新鮮，配上黑醋醬汁，健康又開胃；而個牛肉湯真係要讚一讚，絕對唔係茶記嘅味精湯，湯底牛肉非常濃，又有啖啖牛肉碎粒和白蘿蔔，重點係個湯完全唔油，有驚喜！石燒牛肉到來時職員以紙張蓋着，避免油濺到，非常細分。肉眼和西冷牛扒肉質鮮嫩多汁，不用沾上醬汁已經好夠味！而我們亦加$69追加了鵝肝，油香足！外脆內軟，一個字正！叫了2杯特飲，鳳梨梳打和檸檬柚子梳打，味道清新，解膩一流！

餐廳位於觀塘，地點都好容易搵到～餐廳內部環境好大，每張枱都有適當距離，私隱度好高，而且櫈都坐得好舒服👍🏻石燒套餐包左沙律、湯同白飯～湯入面仲有啲蘿蔔沙律既醬汁係另外上，等客人可以按自己口味加入澳洲牛肉眼（200g)肉質唔錯，個人建議可以問定侍應拎多隻碟，當日我地既石燒都幾高溫，對於自己黎講好快就燒到好熟，如果有另一隻碟係度，就可以差唔多到自己想要既生熟度時就過落隻碟度喇～加拿大保濕豬柳（200g)經過石燒燒完都無變得好乾～keep到水份👍🏻仲有一條條坑紋係上面，好有燒烤既感覺😆匈牙利鵝肝、日本帶子鵝肝同帶子都好大隻，帶子鮮味十足同彈牙，鵝肝味道濃郁～吉列炸蠔，十分juicy～清新檸檬柚子梳打（左）、清新鳳梨特飲（右）味道好清新，呢餐食左好多肉，飲番杯水果梳打refresh番👍🏻