影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
相关文章
最近去果次應該系十月頭, 大約下午3~4點左右唔多人既時間, 平時我都會坐系4 人位, 食完就即走, 唔好阻人做生意, 今次我都系咁做, 鋪頭大約有兩枱客, 坐低準備落單時個服務員小妹話叫我坐去吧枱, 我話唔坐得唔得(因為坐得好唔舒服), 對方話唔得, 一定要, 我覺得佢應該系新黎, 上司有教佢咁做先會咁講, 咁呀...我唔食啦, 轉身就走, 以後我應該都唔會再幫襯, 祝尼間鋪以後生意興隆啦!
继续阅读
行完葵廣又想食正餐🍜見到呢間無人排隊 就入咗去試吓雞白湯拉麵🐓雞白湯係好濃 似飲濃湯咁拉麵軟硬度就適中正常 可惜冇永樂伊麵 賣晒冇入貨豚肉雞肉叉燒就正常嘅 冇太大驚喜醬油糖心蛋 都唔錯 蛋白都有淡淡嘅醬油味唔會太鹹至於胡椒豚肚湯拉麵🐖湯底真係好濃嘅胡椒豬肚湯味 飲到後面係偏辣嘅湯底都係比較濃郁 不過飲到後面會有啲涸喉我哋叫咗多蔥多洋蔥多芽菜 所以嚟到係真係好色彩繽紛秋葵釀蝦膠炸串🥦味道都幾特別 蝦膠係彈牙嘅而且食落去唔會有潺落鹽灑咗喺秋葵度調味 令到個秋葵味突出
继续阅读
新都會俾人感覺係好多嘢食好多嘢買亦都行得好舒服隔離喺葵涌廣場，但係兩個地方感覺唔一樣，而新都會比較集團式，大型一啲，比較有規律乾淨調理嘅餐廳駐守！今次揀咗二有呢間門面都好吸引嘅拉麵舖！樂麵成間店都係紅色為主，感覺日本風味好重，所以好期待佢個拉麵好日本地道嘅味道！首先嚟個真熬雞白湯蕎麥拉麵！雞湯味濃！唔稀又唔杰撻撻，剛好日本拉麵湯底嘅味道！配埋蕎麥拉麵蛋口程度剛剛好！配菜仲有紫洋蔥碎粒，撈埋落啲面度一流！再嚟雙重花雕雞湯伊麵，好重花雕味，但係唔係搶喉嗰種！又係雞湯配搭撈埋紫洋蔥水連埋麵一齊食，有質素都有8.5分，叉燒亦都好薄，配埋面食係好食！單食就比較單調！所以一定每食一啖要飲個湯！咁先係最夾！
继续阅读
平時香港食拉麵食得多，來來去去都係果幾款，今次試下香港品牌拉麵店，仲加入左香港元素同拉麵都係搵香港麵廠去整，誠意十足就試下啦真熬雞白湯拉麵平時喺日本都好鐘意食雞白湯拉麵，因為好濃郁但無其他湯底咁鹹，樂麵哩個拉麵用咗永樂粉麵廠出品嘅麵嚟做拉麵，本身有買開永樂嘅麵係屋企煮，拉麵就未食過，口感幾似日本拉麵，軟硬適中口感有啲彈牙，都幾掛湯湯底其中部分用咗悅和醬油，欣賞餐廳願意喺傳統中保留香港獨有味道，湯底濃而不膩，有濃郁雞味，似熬咗幾耐變濃縮嘅湯肉質算嫩，肉味充足同行朋友叫咗胡椒湯，我比較重口味，試完覺得胡椒湯啱我啲，有啲胡椒香，下次再食吧本身個位已經唔闊，果日用大概A4 Size嘅袋，店員無指引有籃放袋 （或者真係無提供？），全程都要攬住食有啲唔方便，如果係櫈底加番個位放野會好啲
继续阅读
本來想吃壽司郎, 仲有100個籌, 轉去樂麵,第一次幫襯, 喺門口睇menu職員熱心介紹, 唔同湯底冇味精, 坐低雖然可以用qr code落單但係職員都主動幫我落單, 可能叫我第一次幫襯傻下傻下, 湯都有雞湯, 鹽味湯, 辣湯, 魚湯, 本地悅和醬油湯等等, 我2人叫咗一個魚湯一個雞湯, 雞湯味道出啲👍, 麵可以選擇軟硬, +$15轉永樂麵, 麵都有正常size或者加大size, 普通人吃正常size已經夠, 湯,豚肉,蛋,麵各方面都做到平衡, 另外我都叫了奶茶有濃郁茶味, 最後九折買了一袋永樂麵, 會再幫襯😍
继续阅读