樓下冰室

营业中

休息中

以港式茶餐廳同冰室來講，<樓下冰室>一向係我心目中排名比較高嘅一個選擇，佳因次次幫襯，食物質素同水準都係吾會令人失望，每一次都讓我再三回味。今夜碰巧來到荃灣，先發現原來荃薈都有佢哋嘅分店，便進店一試。<蕃茄濃湯通粉配牛乳炒蛋 配招牌瑞士雞髀 $50>蕃茄濃湯通粉嘅蕃茄湯底，鮮蕃茄味道非常濃郁，店家每天用大量新鮮蕃茄來淆製，所以新鮮蕃茄嘅味道非常出眾，配埋嫩嫩滑滑嘅牛乳炒滑蛋，感覺非常健康美味。呢度除咗番茄濃湯出名好食同足料之外，佢哋嘅招牌瑞士雞髀亦都非常之出名，佢哋自家製嘅瑞士汁鹹甜度適中，而且能夠令雞髀肉醃得非常之入味，肉質亦夠嫩滑，所以每次來到，都一定要試。佢哋嘅招牌瑞士汁雞翼，煮得同樣出色，瑞士汁味道又係非常之惹味，不得不吃。<吉列豬扒配厚切牛乳炒蛋治及粟米雜果沙律 $53>吉列豬扒是厚切的，份量仲勁大塊，外面炸得金金黃黃，入口咬落去，肉質非常香脆，而且仲好鬆化，邪惡得嚟又非常好味。厚切牛乳炒蛋治水準極高，炒蛋勁多勁厚，十分足料，入口極大滿足感。<德國腸拼盤>德國腸拼盤用上不同味道的雞肉腸和豬肉腸，都幾香口惹味。咸檸

本人不會隨意寫負評，但食物確實令人失望。首先，我和老婆二人一齊入座，入座後，我先去廁所，老婆睇餐牌，侍應則在旁等候。當我返回店內，侍應依然守候在旁；簡單一句，侍應等我們落單的時間多了一倍。我感覺侍應有點不耐煩，但我同樣感覺被監視。我老婆先落單，鮮牛蕃茄通、咸檸七，可惜侍應心靈焦急，身體並唔夠快，叫我地等等先。好啦，到我啦，我叫瑞士雞翼蕃茄通。餐到，開餐，侍應依舊在我們旁邊「監視」，我心裏真想問佢，係咪響入境處做架。以上一切，包括員工的行為影響食意慾、餐廳無筷子提供等，都不重要，食物好唔好味最重要。老婆叫的鮮牛蕃茄通都算正常，但我的瑞士雞翼係咸的，係，係咸的瑞士雞翼。雞翼唔熱唔凍，所以肉質偏韌。我的蕃茄通亦比較偏咸。我今日至知，瑞士雞翼原來係有咸食的。最後，其實我都唔想講咁多廢話，但系統要求有一定字數至可以出到喊喊公仔，所以我不能太精簡。

有時候想食下懷舊港式冰室，發現樓下冰室原來都幾多分店，好容易就食到！呢日唔洗等位，一入去坐低，點餐好快食物就送上枱面呢個火腿奄列配蒜蓉多士，一見到已經忍唔住好想食。奄列包得非常好，完全冇爛，蛋亦冇太濕，唔會篤幾下就散晒。蛋厚，完全包晒入面既火腿。而蒜蓉多士亦好足料，油滿晒成塊包，勁靚金黃色，蒜蓉味好夠，多士好脆。港式冰室點少得西多士好大塊！上面既紋理都清楚見到炸得幾靚，同樣厚度十足，再加d糖漿上去超好食蕃茄濃湯公仔麵＋吉列豬排又係冇得頂，名副其實夠晒濃。完全見到個蕃茄湯顏色幾紅，就知蕃茄味幾香。公仔麵彈牙，有時見到d公仔麵一上枱已經溶晒就最驚，呢到既就岩岩好。而吉列豬排同樣大塊，切落去既聲感受到佢外皮有幾脆。色澤均勻，亦唔係用炸粉充當大塊，而係事實真係好大塊呢杯華田脆脆聽聞係招牌，飲起黎好得意，一粒粒係面頭。味道好夠甜， 就算係凍飲都冇比溶冰整淡本身既華田味整體高質，只係隨意點幾款都有驚喜，下次可以黎再試下其他

荃灣其實都好多嘢食，今次呢間樓下冰室，見佢有幾間分店，同埋呢間野主打食蕃茄湯底，經開順便就黎試吓啦。啲裝修都好懷舊下，好適合公公婆婆嚟坐吓，懷緬返過去嘅日子食物嘅種類都幾多款，佢最出名嘅係食瑞士雞髀同埋蕃茄湯底麵食。叫咗個蕃茄湯公仔麵配瑞士汁雞髀，呢個係佢哋嘅招牌菜，梗係要試吓啦，佢哋嘅蕃茄湯底好濃郁，好甜，配有蕃茄肉一齊食，好有口感，另外佢哋個滑蛋炒得好滑，搞埋一齊食好香滑，瑞士汁雞髀，雞俾肉嫩多汁，瑞士汁好甜，不過雞髀溝埋蕃茄湯底一齊食會好味啲。另外叫咗個滑蛋叉燒飯，雞蛋一樣炒得好滑，叉燒唔會鞋口，加埋一齊食真係好好味，另外個飯底本身都好大碟，一個中年男人食都會覺得好飽，整體上成餐飯都好抵食。

回 訪 系 列 …無錯！我又嚟食樓下冰室啦😊 今次唔係食招牌瑞士雞脾啦，試下其他野，走出自己既comfort zone😄😂-☆ 自家製叉燒滑蛋飯 HKD$50嘩！估到份量超大碟，叉燒同滑蛋超級多，足足鋪滿成隻碟，遮到完全一粒飯都見唔到，一個女仔一定食唔哂！滑蛋賣相十分吸引🤩 滑蛋炒至非全熟，保留左好多蛋汁喺上面，睇見已經好想食🤤 而叉燒屬半肥瘦，少少肥膏夾雜喺叉燒內，不錯的，但略嫌有部分太肥了，有少少油膩。但整體滿不錯的，滑蛋同叉燒本身都好夠味，加埋甜豉油一齊食，非常滿足💕-

如果食個飯閑閑哋都要成$70-80，仲要份量都好少，今日食呢間嗰份真係好大份，食得飽之餘仲好好味。入到黎好有懷舊嘅感覺。呢度嘅招牌係食瑞士雞髀，我哋當然要返個瑞士雞髀啦，但係一隻雞髀邊夠食，我哋仲叫咗兩個飯同一碟菜。咖喱牛腩飯，咖喱香濃，牛腩夠稔同入味，上枱熱辣辣，個飯仲要好大。另外叫咗個豬扒肉餅飯，豬扒厚切勁大塊，肉餅勁入味，呢個價錢真係冇得輸，仲有少少配菜，成個份量真係夠兩個人食。主角出場，就係瑞士汁雞脾，瑞士汁夠甜，肉嘅質地夠稔，果然名不虛傳。

我對雞脾不嬲好有要求特別係瑞士雞脾因為要滷得有水準唔係容易既事而呢一間就係完全滿足到我既所有要求招牌瑞士雞脾首先要介紹既當然係佢地既招牌菜--瑞士雞脾食過之後你就會明咩叫做招牌菜雞脾涵到入晒味呢個最基本啦最正係佢既味道係好有層次唔係坊間求其用李Ｘ記瑞士汁就算佢不論係豉油定係落左係入面一齊煮既八角等香料都好出眾亦因為有唔同既香料，令佢味道唔會得死咸而好有層次加上估計佢應該真係滷左好多個鐘令到佢入味之餘Ｄ肉又軟，一LUN D骨就食到真係世界級麻辣脆雞粒呢個雞粒亦好有驚喜食落似係即炸，因為外層香脆得黎唔會乾硬而且入面仲保持到嫩滑，仲有少少雞油必出黎最正係佢調味好有水準辣得黎唔係死辣而有層次佢比連鎖快餐店果Ｄ相比係略辣鍾意食辣既朋友必食蕃茄濃湯通粉配牛乳炒蛋、黑椒牛扒另一個招牌菜不得不讚佢個蕃茄湯底真係超級濃有試過自己整蕃茄湯既話就知道要做到呢個濃度仲要有粒粒蕃茄蓉係到，真係要用好多蕃茄令到成個湯底味道都極香濃而且炒蛋炒得好滑溜，一落口就雪一聲落左去，仲有陣陣蛋香，同蕃茄通一齊食簡直完美呢個餐跟既黑椒牛扒亦唔ｈｅａ兩邊都煎到焦香而且咬落唔會鞋口又有牛味西多士食冰室又點可以唔食個邪惡既西多士呢用

服務態度極級差劣 應該貼張紙大大隻字寫住入座堂食只限時30分鐘 多年荃灣街坊 假期同媽媽食午餐 二人限聚令下 卡位都係坐二人 下午1點鐘入座 由落單坐到1點35分 就已經要開聲催我哋走 期間一邊食飯 侍應就不時問想收我地碟飯 係咁望 食飯就好似同時間競賽一樣 我哋杯野未飲完已經要被趕走 其實大把人俾我早入座 見我哋兩個女人仔就想欺負 生意真係唔係咁做 咁趕唔好做堂食呀嘛 其實全場唔係得兩個位 人地澳牛都唔會做到咁啦 真係以後不了 而家疫情好生意真係要珍惜 好多良心店舖頂唔住 呢個世界就係咁唔公平

前排同朋友講開邊間番茄湯好食，佢就推介「樓下冰室」嘅蕃茄湯，趁住大家得閒就一齊去食個下午茶😎蕃茄濃湯通粉配牛乳炒蛋🍅湯底濃郁之餘有超級多蕃茄粒，帶少少蕃茄酸味，真材實料，食完感覺好健康🍅瑞士雞髀🍗瑞士雞髀係冰室嘅另一款招牌菜式，果然無令人失望，雞髀嘅肉質嫩滑，瑞士汁嘅甜味頗為突出，係傳統嘅瑞士汁風味🍗西多士🥜西多士望落金黃香脆，裏面係花生醬餡，麵包沾上滿滿嘅蛋汁，所以唔單止有花生香，仲有蛋香奶油豬🍞奶油豬嘅牛油同煉奶份量適中，表面烤得香脆，就算放左一陣先食都依然係咁脆麻辣脆雞粒🌶炸雞粒灑上香料和辣椒粉，唔算好辣但係條脷都有麻痹嘅感覺，幾過癮～不過稍嫌炸粉比較厚，如果雞髀同雞粒相比我會揀瑞士雞髀，啖啖肉先可以滿足到我依個食肉獸華田脆脆🧋

今日黎到荃灣附近行街，近近地搵左間冰室食晚飯，呢間餐廳既設計都好特別，好有懷舊風格呢到都好多款唔同既選擇，由於好肚餓既關係，兩個人都叫左三樣野食，同兩杯飲品招牌瑞士雞脾：瑞士雞脾係呢度既必點食物，瑞士汁煮得好濃，雞脾吸晒d汁好入味，非常高質，係少數食過咁好味既瑞士汁蔥花滑蛋叉燒飯：呢到另一個招牌菜就係呢個叉燒飯，真係超！級！大！份！一個女仔真係會食唔晒呀，細食既可以兩份分，叉燒亦都好多，咸甜剛好，雞蛋好夠滑，炒得好靚，唔會好膩焗豬扒飯： 呢碟都係超大份，真係好抵食，5x蚊左右有咁既質素真係超出想像，而且豬扒仲係厚切，好正另外就叫左兩杯特色飲品華田脆脆：好濃華田味，超鐘意綠椰冰：呢個出面比較少見，椰汁冰加左綠豆茸，個口感唔錯而且都幾新穎今次黎呢到真係平價抵食之選，岩晒想慳錢既你，坐位坐得舒服，環境唔錯

今日同完媽咪行完荃灣悅來坊，又到醫肚時間，媽咪就講，要食冰室，因上次帶過一次去食之後，媽就愛上冰室，夠風味又夠特色🤗🤗，所以就帶左去旁邊商場，荃薈商場都有間懷舊冰室店內都有好多懷舊特色，有舊式戲院售票處、押，士多……鮮茄焗豬扒飯～呢個係媽至愛，佢話要試晒唔同冰室嘅焗豬扒飯🤣🤣,你唔厭就ok la🤪🤪！賣相吸引，份量相當大，鮮茄味極濃，豬扒都蓋過晒整個飯，材料十足，唔洗講都知，梗係炒飯底，媽咪食得勁開心🥰🥰金牌咖哩牛腩飯～原本糾結緊食招牌蕃茄同瑞士雞亦定咖哩飯，因為太餓，所以最後選左飯，但問心有驚喜，咖哩牛腩仲大過碟過飯之餘，咖哩偏少少辣，唔會好似一般茶記咁死甜，而且椰香味十足，最誇就係牛腩，望落一般，食落有驚喜，超有牛味同整林身，唔會痴牙，仲要有一大碗，一定超過十舊以上，唔同平時出面茶記咁，🥔薯仔多過牛腩，點知呢間多料到誇張，真心材料十足，勁抵食😋😋😋熱奶茶～茶底味濃，奶味又香滑，夠熱又大杯，正👍🏿👍🏿

超有港式懷舊味道的餐廳，設計源於舊式懷舊冰室，佢一共有兩間分店，其中一間喺路德圍，今日經開大窩口所以過嚟試吓。食物嘅款式真係好多，不過以我所知，佢最出名嘅就係食蕃茄湯底配滑蛋，另外就係瑞士雞髀同雞翼。裝修真係懷舊得黎又好時尚。先叫左個咖哩牛腩飯，個咖哩汁好夠味，我就唔係好食得辣，佢個辣度啱啱好，牛腩好入味好淋，份量都好大，兩個人食絕對夠食，當然再叫埋其他餸。叫咗個上湯娃娃菜，上湯味好濃郁，娃娃菜好新鮮，同埋煮得好淋，分量一樣好大。瑞士雞髀一定唔少得，佢哋嘅瑞士雞髀好大隻，瑞士汁掛喺隻雞髀上邊好入味，另外佢啲肉好彈牙，好味。

今晚放工陪老公去荃灣荃薈商場攞新身分證，人唔多好快就攪掂可以去食飯🍚✌️ 我地落到地下就被「番茄濃湯」幾個大字吸引了。入面地方寬闊而且潔淨，所以坐得很舒服，另外牆上和天花都掛上懷舊的廣告裝飾，頓時鈎起兒時回憶。 我叫左鮮茄焗豬扒飯$55，很快侍應姐姐放係我面前好窩心咁叫我小心熱👍。焗飯熱辣辣勁香，4大塊豬扒，咬落一啲都唔鞋仲好香肉味和好Juice，炒飯底飯粒粒分明很香蛋味，高水準！🍅🐷👍 老公就叫左推介既番茄濃湯螺絲粉配牛乳炒蛋，另外螺絲粉再加3個餸跟熱飲都係＄58👍抵食。牛乳炒旦很滑，番茄湯底好香濃仲有新鮮番茄肉，真係屋企都未必煮到咁濃郁！🍅🍅🍅 還有招牌瑞士雞髀$28，瑞士汁香濃，甜度適中，雞髀肉又入味又嫰滑，令人食完再想食，不愧為必食之選！🍗 焗芝士西蘭花$38，這個價錢有咁既份量，真係好味夾抵食！🧀🥦 飲品分別是熱檸蜜和咸檸七。今餐非常滿意，樓下冰室-將成為我日後既飯堂！😁

到樓下冰室食午餐， 地點在荃薈商場地下， 星期六下午餐廳超多人。 冰室有很多菜式選擇， 今次午餐吃咖哩牛腩飯$49＋ 凍奶茶$3， 煎蛋免治牛肉飯＋即磨咖啡$46。🔸咖哩牛腩飯～ 咖哩有香味， 但不辣的， 牛腩軟腍。🔸凍奶茶～ 凍奶茶味道一般。🔸煎蛋免治牛肉飯～ 免治牛肉甜甜酸酸， 開胃惹味。🔸即磨咖啡～ 咖啡香濃， 很好飲。讚一讚餐廳上菜速度很快， 冰室內光線充足 又衛生， 感覺唔錯下次會再來。樓下冰室 地址: 荃灣荃華街16號荃薈商場地下G45-G54號舖

今日行街行開附近，見到呢間冰室開咗咁耐都未試過，今日見佢冇咩人排隊，就一於試吓佢。自家製蔥花叉燒滑蛋飯 $52我打個名出嚟都嫌佢長😅 咪就係普通嘅滑蛋叉燒飯囉，叉燒就普通囉偏瘦，但個滑蛋係炒得唔錯！食落有蛋香，配上個香甜瑞士汁，餸飯真係一流🤣🤣麻辣脆雞粒$39同行友人唔多肚餓就叫咗個雞粒嚟食，上到枱雞粒新鮮炸起熱辣辣，但脆漿太多，冇咩食雞粒嘅感覺😔華田脆脆 $22算係全餐最好嘅嘢嚟，華田脆脆夠多，比得算豪爽，而且飲品擺耐咗一陣都唔會比冰溝淡