標記樂園潮州粉麵餐廳

营业中

休息中

好味！好味！好味！凍到傻了的時候，事頭突然話要去買。星期六，仲要5點先去，急死人咩！好彩標記仲有3個剩返，人哋都訂晒。原來有得打電話黎訂。我就outdate la。睇相，見晒有咩食物！魚皮就係另加的$20。略為咸左少少，如果食開淡味的，就真係要浸耐少少。講返個羊腩煲（大），$288，送生菜，真係比埋腐乳你。係成杯的😙，夠你煮多餐通菜。羊腩屬於一口羊腩，唔係細夠個d，大細差不多。入味、味濃，食馬已經暖暖的。見到有香葉同埋少少藥材，知保野。仲有腐竹、少許葱條跟埋，好足。最後送的生菜，嫩綠綠的，無爛葉。

牛三寶撈粗 $62牛三寶包括牛肚、牛根同牛腩三樣都炆得好腍一啲都唔韌但仍有咬口全部都超入味帶著香濃腩汁 牛味亦好重好突出特別係牛肚索哂啲腩汁冇得彈份量好多食極都仲有餸好抵食😆個粗麵煮得剛好而且已經有腩汁的味再配埋附上的秘製撈麵醬更惹味本身個醬偏甜但撈落個麵度就增添鮮味好好食咁大碗麵我都食清光就足證有幾正😋牛肚併魚片頭米粉 $46魚片頭亦都值得推介非常彈牙又充滿魚鮮香下次要再試埋魚蛋！熱奶茶出奇地唔錯 算幾香滑亦唔澀咁的價錢咁的質素 超值呀!粉麵+$5配熱飲

🍴焗白汁雞皇飯🐥🍚50 蚊白汁甜度適中 帶 d半溶芝士同蘿蔔 🥕 飯係炒左底 幾夠蛋香🥚 雞肉都多 切得大件 幾彈牙 應該係近雞脾雞柳位 🐥整體唔錯🍴牛腩水餃河 48 蚊🥟🐂加腩汁 河粉落足料 夠爽口 湯底腩汁夠 牛腩帶 d彈牙既皮 有少少彈牙同肥膏 牛腩煙韌 juicy牛肉味濃 水餃皮幾爽 豬肉足料🐷 帶 d蝦肉 大大粒 好食#茶餐廳 #冰室 #黃店 #黃色經濟圈 #黃藍是政見好食是良知Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#標記樂園潮州粉麵餐廳深水埗福華街149 號地下~~~~~~~~~~~~任何美食😋歡迎inbox 我 , 等我食完開心share！🤓

經過深水埗，一條友唔知食乜好。然後隨機入呢間麻甩嘅茶記點左個牛雜拼牛腩河。湯底真材實料，絕對不是用味精填補味蕾，牛雜有大腸小腸牛柏葉牛膀牛肺樣樣齊全，和牛腩一起都燘得相當有水準，肉質足夠軟嫩的同時亦沒有喪失彈牙口感，而且嚐到食材原味，大大碗只需$53，性價比非常高😋 8.5/10P.S. Tiffany blue 的店面裝潢竟為麻甩的食物增添一點港女氣息😂😂#深水埗美食 #hkfood #香港美食 #hofoodie

味道好，價錢又合理！👍🏻又試多一間良心店😘初時以為得潮州粉麵，但原來仲有焗飯，炸雞髀等美食，多元化喔～當日一共叫了四款美食～1. 雲吞撈麵，麵的份量偏多，最值得一讚是醬汁，店家有自己調整過，不只是平常吃到的蠔油，吃到有乾蔥，很香呢，有誠意～🥰2.焗白汁雞皇飯，好大份，只是$48😚3. 五香牛筋撈麵（外賣）牛筋非常淋，老人家都食到☺️4. 魚皮，用個密實袋入住，真係貼心，食唔晒方便拎回家食🥰食過第一次之後，有定期幫襯，疫情關係，見佢張張枱都有消毒搓手液👍 真係抵讚～之後有再試過魚蛋麵，魚蛋真係真材實料，彈牙又夠魚味，老人家說吃回兒時的味道😌芥蘭，夠淋😉標記唔止良心店，街坊價錢，味道好，絕對值得推薦😘以下餐牌供參考🙆‍♀️🙆‍♂️

隱世餐廳呀！！唔食真係唔知質素咁高！不過朋友話其實喺區內已經好受歡迎～ 炸魚皮係食過都話正添喎😆🍜標記新鮮牛三寶撈麵（牛腩、牛肚、牛根）超級有驚喜呀！！點解可以咁嫩口，又咁入味架！三寶都超級足料～ 牛腩超正！🤤肉質嫩口，肉同脂肪比例均勻！牛筋好腍呀🤤 啖啖都張住個口咁😆牛肚厚厚的，又腍又入味！🤤撈麵蠔油汁超級惹味👍🏻 撈麵一流👍🏻🍜手打魚蛋雲吞米魚蛋超級爽口彈口，仲好有魚味！🤤 雲吞都唔輸蝕～ 皮薄餡靚！包住隻蝦大大粒，非常爽口👍🏻食完之後覺得既然粉麵已經咁高質素，下次去一定要試下打冷菜式，話哂都係潮州店吖嘛😆

深水埗有好多間粉麵舖，標記樂園真係一間隱世嘅超正粉麵舖🤩 標記樂園喺旺角都仲有間舖，旺角嗰間主打小菜打冷，深水埗呢間就主打粉麵～ 一個餸嘅牛腩/牛雜/牛筋/牛肚河就$35，$48滿足到三個願望都算抵食～碗麵唔係求其畀每樣一樣就算，係好足料！牛腩係超超超好食，肥瘦好均勻，又滑又淋😍 牛筋好大嚿又有咬口～ 湯底係腩汁，但唔係好濃，唔會食到成口味精咁難頂。蔥同炸蒜另外擺咗喺隻羹度，可以按個人喜好倒落個麵度～

我好鍾意食雲吞麵魚蛋粉嗰類麵食，因為又平又好食，而且無咁滯。甚麼米線、拉麵通通都無得比。我喺深水埗區出沒咗成年幾有多，但仍然有好多餐廳未食過。呢日見唔係好餓，就同大媽搵咗間麵舖食下😙，去咗「標記樂園」。之前一直無留意呢間麵舖，多數只係掂行掂過，直到最近社會事件，先至聽人講起。我哋一入到去當堂打咗個突，因為環境好乾淨，同想像中唔同，而且衞生措施做到足，每張枱放好隔板同提供消毒搓手液👍。另一意想不到嘅事就係麵舖嘅每位姐姐禮貌同笑容都攞滿分💯，真係唔係講笑，好誇張呢。我哋入去嗰陣未有卡位，但轉過頭佢就叫我哋準備起錨，轉枱，勁好人。麵舖就當然主打麵食啦，基本牛類同丸類嘅都有。另外，仲有啲茶餐廳食物，部份仲係全日供應添。麵食價錢唔算平，但又唔係貴嘅，平均$3x一碗🤔。落單時，姐姐又好鬼識做生意，問我哋加唔加碟油菜🥬，又話食菜有益呀，跟餐平啲呀。我哋最後有嗌菜嘅原因，某程度上都係因為佢好殷勤😊。我要咗標記雙丸麵($30)加紫菜($6)，整體味道都唔錯。首先，個湯唔會太油，但又夠味。第二，幼麵淥得夠爽口，而且無鹼水味。最後，🍢雙丸其實即係牛丸同魚蛋，各有兩粒，份量就略嫌少咗啲，夾埋先得四粒。兩種丸都

平心而論，點選嘅菜式都幾好食嘅！（都有可能係疫情關係太耐無出街食飯啦）首先嚟返碗湯，唔少得係胡椒豬肚湯，係本小姐嘅 favourite 呀！蒜蓉粉絲蒸鮮魷呢一道菜真係唔輸得！滿滿嘅蒜蓉呀，粉絲超入味，用嚟送飯一流！當然魷魚都好鮮甜。三色椒炒牛柳就一般般啦；另外炸大腸都係幾好，只係我個人比較喜歡淨食肥美嘅部份，略嫌部份大腸太瘦，哈！如果真係要批評嘅話，我認為衞生比較差，咁啱我食晚飯期間不停有隻烏蠅圍住我哋飛來飛去。不過，打冷嘅舖頭一般都係差唔多。兩個人就食咗咁多嘢，係滿足嘅，重要差啲食唔晒要打包呢！

普通一間茶餐廳，若果說是特意去品嚐，也未免太假。早醒了又睡不回去，不如享受一道港式早餐，吃飽飽才去上班～打開「和你Pay」一app，看見附近有什麼就吃什麼了。最欣賞是這間茶餐廳在門口寫明不做警生意，必定要大大力懲罰，畢竟也不想自己吃飯的同場有牠們^-^。🍜食物方面就不多說啦，都是正常茶餐廳水準，畢竟他們的定位也不是什麼「隱世美食」、「相機食先」的類型，就是最經典的香港早晨快餐啊～五香肉丁米線必定是本人早餐之選，大部份早餐都是$30頭，最貴的早餐也只是$35，包括一份主麵食+配菜煎雙蛋+方包+飲品，已是相當經濟的組合。表明立場對於商家來說真是需要很大的勇氣，更何況明目張膽在門口貼上標示，希望大家可以多多支持。

第三次嚟呢間標記啦！💛今次都係同公公黎！一月份都仲可以食到羊腩煲！ 正！三個人都係叫例牌$218因為佢羊腩同腐竹俾十足仲加碟菜！🌱（食都一半隔離枱有個阿叔問我好唔好食，我就答佢梗係好食啦！人哋有良心煮啲嘢出嚟一定好食）媽媽唔食羊 所以就自己嗌左一碟例牌牛雜佢平時食兩三件牛就話飽今次竟然可以自己一個清晒成碟牛雜😳😳總結三個人埋單大約$300食到三個人都暖粒粒仲要食唔晒又要打包走個羊腩煲嘅汁可以再返煮😏😏

🥢深水埗隱藏街後的魚蛋粉🥢成日想搵一間魚蛋粉食，最近終於俾我搵到一間，電視不播TVB 只播VIU TV,感覺良好🥢牛雜河$35 加油菜$12通常食粉麵檔我都幾鐘意食河粉，對河粉都要有一定要求，呢到的河粉幾滑，牛雜很淋身，而且都幾足料，大大碗都夠飽加埋芥蘭食完都幾飽🥢秘制蘿蔔牛雜飯$45加凍奶茶$3大大碗牛雜都幾多料，蘿白煮得很透夠曬入味🥢要搵一間好味的魚蛋粉真的不易，這店藏在後街，被出面的檔口遮住，所以都唔算好顯眼

難得今晚做孫女嘅我可以帶阿爺出嚟食飯喺深水埗要梗係支持返黃色經濟圈啦上次得我同男朋友嚟過懲罰下呢一間今次就帶埋阿爺禮兩爺孫試吓呢度嘅羊腩煲聖誕節天氣冷食羊腩煲是常識吧份量大 價錢合理 $210連生菜同飯個汁用黎𤏪飯真係一流 贏哂無得輸難得呀爺想食牛就叫埋呢到出名既凈牛腩 大份都只係$98同佢俾哂肥既我地 又淋哂呀爺就鉸剪都唔使就食到牛腩個汁同羊腩個隻係完全唔同既各有各滋味 兩隻都係𤏪飯殺手最後我地兩個當然係食唔哂啦打包都仲食到兩餐買單$300～仲連埋聽日lunch

話晒細個都係深水埗呢度住過但係真係要去到呢個亂世時代先知道原來深水埗有呢一間咁黃咁好食嘅牛腩羊腩茶餐廳同男朋友兩個人星期一1900坐低食飯唔使等位嗰日天氣比較凍 所以就好想食羊腩男朋友就叫咗個牛腩麵 我就叫咗個羊腩飯雖然係茶餐廳但係一入到去遠攻就好好招呼電視唔係播TVB 員工唔係講譚仔阿姐廣東話好值得一讚嘅係地下乾淨廁所好乾淨好難得深水埗區嘅廁所可以咁乾淨 而且裏面有廁紙 🧻 洗手盆可以洗手有鹼液 咁樣講可能好誇張但係深水埗區可以有一間咁乾淨咁乾爽嘅洗手間係好難得 地下完全唔單老人家去嘅話都可以安全講返食物先 牛腩麵嚟到先 男朋友一向都對湯底好講究 佢今次一試完個湯底一直有讚冇彈 完全出乎我意料之外 香味濃郁 牛腩份量夠 麵條彈牙再嚟我呢個羊腩飯但我特登叫咗佢比少啲我因為我一個女仔食唔晒但係佢嚟到之後我都仲係覺得太多不過唔緊要有男朋友喺度😂羊腩汁一流用嚟送飯係超正 羊腩份量夠我本來以為佢唔係好多但其實佢肉好多 裏面仲有枝竹 呢一個羊腩飯可能係我食過最好食嘅羊腩飯 咁樣講好似好誇張但係我真係覺得佢好好食而且價錢一啲都唔貴 我呢個羊腩飯加埋飲品先至$70落樓員工服務態度良好價錢物超所值廁所

好久沒去深水埗黃金買電腦，今天一去，原來黃金都變左好多。除左黃金，另一個目標就系鈄對面的標記魚蛋面。標記店面不大，大約15張枱左右，很光猛，很乾淨。此店好吃的是牛和魚蛋。但我每次只吃魚蛋面，因為暫時沒有在別店吃到這口感，真的很奇怪。好像今次，還要另點一份淨魚蛋，這裏的魚蛋像別人說的手打魚蛋，很爽很彈牙，個人最愛配面吃，面也爽口，湯不太鹹。最後配我最愛的香滑奶茶，這店的奶茶香滑程度也是一絕。不得不提一下店內洗手間，也很乾淨，不像一般後巷。