標記樂園潮州粉麵餐廳

营业中

休息中

晚餐同媽媽想平平地食碗麵就算，所以揀左黎標記，因為我地早黎，所以除左麵之外，仲有好多下午茶既快餐、小食、飯餐，選擇都幾多！呢道出名牛雜麵，我同媽媽都好鐘意。店舖衛生好好，有別於一般既麵店，枱面油笠笠，但度完全無呢個問題。卡位都坐得好舒服。《牛雜撈麵》$42撈麵按自己喜好加醬同埋湯。牛雜份量多又新鮮，而且炆得好入味，又唔會好咸👍🏻最鐘意係牛肚，軟稔得黎又帶少許彈牙、韌力，好好味，而牛脷就有少少腥，不過撈左醬係食都唔錯。撈麵醬好香，麵條亦唔會重鹼水味，爽滑彈牙👍🏻。《牛三寶撈麵》$58有牛筋、牛腩、牛肚，三款都係我最愛，同樣新鮮入味，牛筋係我鐘意既質感，炆得好淋，膠質好豐富👍🏻👍🏻《牛孖筋》$65牛筋太好食喇，跟麵既份量食完唔多喉，所以我地嗌多左個淨例牛筋，又淋又入味，好正！ 同媽媽覺得呢度既牛雜真係幾好味，所以下次會再黎食！

小妹有日諗住去深水埗買係啲電子野，去到夜晚有啲肚餓嘅時候見到呢個橙色招牌嘅標記粉面餐廳，佢新開張啲嘢又唔貴，一於入去試下喇以粉麵鋪嘅格局來講，標記嘅裝修真係唔錯，環境整潔，空間感大，光線有充足，坐落去都好舒服<香脆炸墨魚丸$25>睇相都好吸引炸粉好薄，炸得好香口墨魚丸大大粒，裏面仲有墨魚粒添，點埋酸甜醬食，別有一番風味<腐乳通菜$10>出嚟食飯成日都覺得少咁d菜唔係好健康，所以小妹都鐘諗嗌番碟菜食下通菜細細碟咁，食完主食啪附碟無難度，重點系$10一碟，非常之經濟實惠一開始仲以為自己睇錯添<焗鮮茄豬扒飯$45>鮮茄豬扒飯間間茶餐廳都有，但係要整得好食嘅就五隻手指都數得晒蕃茄豬扒飯要整得好食，豬扒同埋茄汁醬都係重點豬扒一定要鬆化同入味，而且茄醬最好就用新鮮蕃茄，唔可以太杰但係但又唔可以獨稀小妹就覺得標記呢個焗豬扒飯就做到以上兩點啦加上飯底係蛋炒飯，唔係普通嘅白飯飯粒粒分明又唔太油膩，真係唔錯<標記新鮮牛三寶河$48> 之後就黎到我們今日的重頭戲 - 「牛三寶河」！牛腩燜得入味、鬆化，口感有層次，而且肉質爽滑 ，好好味呢湯底好f

深水埗真係一個美食天堂！款式又多，價錢又平又抵食！行到累累地見呢間標記好似好出名，一於入去試下先！必食推介嘅奶油脆豬包真係烘到好鬆脆！咬落去脆卜卜！外表鬆脆，而入面係鬆化！牛油同煉奶比例啱啱好，好均勻！手打牛丸同一般食嘅牛丸真係完全唔同！牛丸超彈牙！而且入面有肉汁！彈牙得嚟又好嫩！好好食！牛沙瓜見個名好得意，問下係咩嚟，原來係牛嘅第四個胃！出面好少見到！其實佢仲牛坑腩同崩沙腩，可惜已經賣晒喇！今次試咗牛沙瓜先！牛沙瓜抆得夠腍，而且好入味，有少少脂肪，所以食落幾香口個南乳豬手真係不得了！超腍，夠入味，而且大大件！南乳味甜甜地好香！個汁用嚟送飯一流！真係兩碗都食得晒！叫碟油菜用黎點汁食一樣咁正！紅豆冰奶味好足！唔會好似飲糖水咁！紅豆大大粒，食完野之後叫返杯當飯後甜品都唔錯～

深水埗真是美食天堂，有許多臥虎藏龍，那天我朋友帶我去吃一間潮州粉麵。果然是驚為天人，能吃到如此好味，真的買少見少了。店鋪環境好懷舊，好傳統的潮州格局，燈火光猛，地方好整潔。除了潮州粉面，還有西餐、咖哩飯等等，不愁沒有選擇。但本人最鍾情潮州粉麵，所以可以留番下次再吃。手打魚蛋麵，湯底清甜，麵沒有太重梘水味，到魚蛋出場，好吃到說不出口，因口感軟棉棉，好香魚味，不會太硬太爽口，新鮮魚肉製成，沒有溝任何東西。聽老一輩水上人說，魚蛋要這樣口感才最好味。最重要是如此高質素，價錢卻是超大眾化，26元一碗吧。最後吃過不停，忍不住點多一碗淨魚蛋，可以盡情地吃過痛快。油菜10元一碟，好便宜啊。熱奶茶也不遜色，配上魚蛋麵是絕配，肚子好滿足了。

收工非常肚餓，想食飯，係深水步兜左個圈，都唔知食乜，無意間就行經哩間鋪，見佢個咖哩吉烈豬扒飯圖片幾吸引，就入去食下，上枱後個豬扒飯既外觀同圖片一樣，首先感覺上冇被欺騙，豬扒都好大塊，賣相唔錯，味道方面，咬落去表面好鬆脆，粉唔會太厚，不過肉有少少乾身，點住咖哩黎食就岩岩好，叻哩汁好好食，夠香而且帶少少偏辣，淋上飯一齊食好正。環境方面，我覺得夠大，唔會坐得好拍，而且燈光光猛價錢39蚊跟熱飲品，晚餐黎講算係好合算。

今日再食今次叫左焗鮮茄豬扒飯，等左十分鐘左右嘩，一打開已經聞到好香既鮮茄味賣相幾好，份量都唔少，好大塊既豬扒好淋炒飯底Tim,仲好多汁，好好味呀！正包埋野飲，凍飲加三蚊仲有叫左魚蛋河，只係$26，魚蛋三粒，魚片三塊，都幾平叫左包炸魚皮$15好香脆呀，食唔停口好正！另外鋪頭D人都幾Nice同埋呢道外賣盒每個係加$2蚊的

叫左個牛腩河$33 加埋魚蛋 $8 ,不過魚蛋得兩粒，好少牛腩都OK份量都算多了，啖啖肉，仲有河粉都好多我就分左湯的，好大碗，湯底都幾好味喎不過比多D蔥會更好！辣椒油幾香，但唔太辣！腐乳通菜，$11 ，幾抵食

下午茶時間，呢度人流唔多，可以舒舒服服咁食下午茶，的確好極😁。餐廳新開都有一段日子，地方清潔👍，夠光猛👍，仲有紙巾供應添👏。我食雲吞河，雲吞係好舊式嘅味道😋，豬肉同蝦味，一咬入口就分別食到兩種味👍，但係湯頭就淡茂茂喇，下次要加色先😁。腐乳通菜，通菜唔會煮都黑晒👌。仲有杯凍檸茶冇影到😝。

值得一試的酒店級焗豬扒飯 ，今日和朋友到黃金電腦商場購買電腦零件 ，於黃金斜對面見到新開的標記樂園 。於是決定試一試！竟然有驚喜🤣🤣🤣🤣新開的標記樂園裝修雖然不是很豪華，但是讓客人坐得很舒服。員工態度十分熱情。見到門口的新鮮牛腩牛雜雖然很吸引但是我今曰好想食飯 ，望一望餐牌，見到我自愛嘅焗豬扒飯 ，所以決定試一試 。等了大約8分鐘 。焗豬扒飯我選擇了茄汁 ，個茄汁很容易入口 ，同埋有很多番茄粒 ，令到個茄汁更加好味 ，豬扒好淋 。個飯有炒飯底 。整個焗飯比我吃到的是心機 。🤗🤗

由於有其中一個朋友想要去深水埗黃金電腦商場買電腦用品，所以我們約埋幾個朋友一齊去，行完之後，大家都覺得肚餓，所以我們就去咗福華街搵吓有咩好食？行到去見到呢間「標記樂園潮州粉麵餐廳」都幾多人食，所以我們就決定入去食晚飯！我們分別叫咗幾碗湯粉：手打魚蛋河粉、鮮蝦雲吞麵、爽口黑椒牛根丸粗麵、彈牙牛丸拼爽滑墨魚丸米粉同秘製五香牛筋河粉！一開始就飲咗啖湯試吓先，一飲就已經感覺到他們係用新鮮魚自家餚製，所以湯底嘅味道相當鮮甜，魚蛋就係手打，所以質感超爽滑彈牙，而且無腥嘅味道，河粉嘅麵質亦好透徹軟滑，真係好正呀！鮮蝦雲吞麵嘅雲吞皮好薄身，餡料嘅蝦肉同豬肉比例啱啱好，食落唔會有好膩嘅感覺，幼麵嘅麵質好幼身，而且相當煙韌彈牙！喺幾款丸之中我們除咗最鍾意他們嘅招牌手打魚蛋之外，就係爽口黑椒牛根丸，因質感非常爽口彈牙，香辣黑椒亦好惹味！不過最值得一讚嘅係每碗都係好足料大碗，都祇係$26，感覺真係好抵食呀！由於我們係比較鍾意食質感比較爽滑嘅豬手，所以我們喺落單叫呢個秘製南乳豬手嗰陣，就同店員講我們嘅要求，店員就好親切有禮咁話：「好！無問題！」，食落除咗質感好爽滑煙韌之外，味道仲燜得相當入味！咖哩牛腩飯因係牛坑

好難得有潮州粉麵店賣新鮮牛腩同埋新鮮牛雜 。今日嚟到位於深水埗新開張嘅標記樂園試食新鮮牛腩飯 。標記樂園歷史悠久，位於旺角超過30年 由細食到大蘿蔔十分入味，牛腩冇得頂，新鮮與雪藏真係好大分別😨😨😨 牛味濃郁 ，＄45碗新鮮蘿蔔牛腩飯包餐飲真係冇得頂 ，一定會再來 .環境十分乾淨 ，坐得很舒服，服務態度一流 ，標記是一家經過改革新潮嘅潮州粉麵店。打破傳統大排檔感覺，令到食客食得安心。下次再嚟會試吓標記嘅新鮮牛雜