橋香園雲南過橋米線

营业中

休息中

今晚我們去左中環食米線我朋友叫左：墨汁墨魚丸、炸魚蛋和豬紅過橋米線墨汁墨內裡的墨魚肉質滑嫩。炸魚蛋外表金黃酥脆，咬下去時感受到彈性和鮮嫩。米線滑嫩，湯底鮮美，BB湯底最啱我朋友。搭配新鮮的蔥同埋芫荽，令米線充滿層次感。不僅暖胃，還能讓人感受到家嘅味道。我今日自己就要咗個清湯，近來想試吓清湯嘅味道。加咗我鍾意食嘅魚腐同埋試吓BBQ貢丸。☺️☺️Today,We're Going to Central for Rice NoodlesMy friend ordered:Ink Squid Balls,Fried Fish Balls,Pig's Blood Overbridge Rice NoodlesThe ink squid balls have a smooth and tender texture. The fried fish balls are golden and crispy on the outside, and when you bite into them, you can feel their elasticity and freshness. The rice noo

我今日上太平山頂行山，落山後與山友去位於中環威靈頓街91號地舖的橋香園雲南過橋小鍋米線開餐，環境舒適，坐得舒服。店員很健談，原來店舖供應的湯底是純豬骨湯（每日熬製10小時以上），而且酸菜、麻辣湯底及辣椒油都是店舖親自烹調的。我點左個 墨魚仔，豬潤及金獎朒肉（每日新鮮熬製）米線（走辣） $65，餐飲係凍豆漿；山友點左個 金獎朒肉、肥牛和墨魚丸湯米線（走辣） $64，餐飲係凍豆漿。湯底清甜好味，米線滑溜好食，朒肉軟腍入味，墨魚仔好味，豬潤鮮味；山友都讚賞話：好味道。凍豆漿是低糖👍。

近排食米線食上癮，今日就黎咗中環呢間米線舖試下睇下得唔得先。3拼小窩米線 $60 x 2 📌金獎腩肉(+$2)+牛展(+$2)+無錫骨(+$2)(小麻辣)金獎腩肉雖然肥瘦相間，但入口時既不膩口又彈牙；無錫骨(豬軟骨)軟嫩入味，白色軟骨也可輕易咬開；牛展肉質結實，牛味濃郁。📌豬大腸(+$2)+墨魚仔(+$3)+鴨腎(+$2)(小麻辣)豬大腸洗得幾乾淨，無腥臭味，咬落去有嚼勁，味道口感俱佳；墨魚仔滷得入味，鮮甜彈牙；鴨腎肉質緊密，味道甘香爽脆。店員話湯底是自家製純豬骨湯，每日熬製10小時以上，唔怪之得湯頭如此濃郁芳香，味道鮮美；我再混合由店舖親自烹調的秘製辣椒油一齊享用，入口香辣而不嗆喉。另外，原來酸菜都係自家醃製，甜酸度剛好，果然零舍唔同。兩碗米線口感軟硬適中，掛湯能力相當不錯。除此之外，碗裡仲有大量芽菜、韮菜、酸菜、芫荽、蔥及肉碎，非常豐富，如果唔喜歡食某樣配菜，記得要提早揚聲。📌豆漿 +$6 x 2豆漿飲落好舒服，唔會太甜，可幫助解辣。總結呢度米線大大碗，份量十足，食材豐富，價錢親民，米線控絕對不能錯過。

🐻係中環扮工嘅🐻👩🏽最愛就係橋香園嘅米線，食到老闆娘都認得我，今日老闆娘同我講不如試下新野啦，成日食黎食去都係個幾樣！好啦，今日就試佢哋最出名嘅金獎腩肉同埋豬腸，另外就係我必食嘅蘿蔔🤪🐻佢哋嘅湯底同出面唔同，豬骨湯係熬製左10個鐘頭以上!所以平時我係連湯都飲埋,仲有就係佢哋嘅酸菜，辣椒油麻辣湯底都係佢哋自家製嘅👍🏽所以個湯底零舍好飲🐻講到最出名嘅腩肉，每塊都係大大塊半肥瘦，完全唔會嚡口，另外豬大腸老闆娘話佢哋都係用靚貨，所以食落去好爽身唔會好油膩🐻作為一個星期要食三至四次米線嘅人，今日老闆娘問我平時喺中環有咩好食，我真係老實同佢講我食得最多就係佢哋😅連啲同事成日見到我食米線都問係咪真係咁好食🫢

位於中環的雲南過橋小鍋米線店，店裡面積不大，座位有限，所以繁忙時間也要排隊等候一下。主打自選配料的小鍋米線、撈米線，配料繁多，自行配搭，可選單拼、雙拼、三拼、四拼或以上的食材。三餸小鍋米線食材：海鮮魚卷、墨魚仔、腐竹湯底是以純豬骨熬成，再加入各種香料、調味、酸菜、辣椒油等等。湯本身已有肉碎、芽菜、酸菜、韭菜、芫茜、蔥花，湯底用料豐富。如不喜歡，可以預先跟侍應提出。海鮮魚卷，入面有墨魚粒粒，很有口感。腐竹滑溜；墨魚仔以醬汁醃過，口感嚼勁十足，鹹鹹香香。三餸小鍋米線食材：牛展、豬大腸、豬潤另一碗同樣是湯米線，自選辣度，小麻辣不算辣，蠻易接受。配菜份量比米線還要多。米線很滑口，掛滿濃濃的湯汁。豬大腸多塊，處理乾淨；牛展細細片，軟腍入味。飲品：烏龍茶自家製作的冷泡烏龍茶，吃完麻辣米線，來一杯冰涼的茶飲，解膩，而且更透心涼。

橋香園開業超過十年，堅持每日用新鮮豬骨熬製湯底🤤色彩鮮艷的裝修顯得份外精神，有小鍋米線和撈米線選擇，份量豐富，配料選擇多，大大碗好足料👍🏻😍⋄清湯底以新鮮的雞🐥、鮮甜的魚🐟以及豬骨🐷 用料十足，熬足至少10個小時，務求將材料的精華帶出😋而米線內的酸菜、辣椒油、麻辣湯底都是由店舖每天親自烹調及烹煮，新鮮美味😍⋄⋄====—====—====—====—✦ 小鍋米線 ✦🍜三拼小鍋米線（$60）🐷豬頸肉（+$3）｜🐽無錫骨（+$2）｜🐙墨魚咀（+$3）米線軟滑，浸在湯底上酸酸辣辣，掛湯一流👍🏻豬頸肉用了秘製醃料以及特製方法去烹調，令味道濃郁，引人垂涎🤤無錫骨即平日吃到的豬軟骨，軟腍爽口，非常入味，墨魚咀新鮮彈牙😋—🍜三拼小鍋米線（$60）🐷金獎腩肉（+$2）｜🐖豬大腸（+$2）｜🍄牛肝菌（+$3）金獎腩肉是店內招牌，每日新鮮熬製，豬大腸爽口美味，洗得非常乾淨，鹵得入味👍🏻 牛肝菌是我最喜歡的，份量有多，軟腍又入味😝⋄✦ 飲品 ✦🍁樽裝烏龍茶（$12/加配價）☕️樽裝奶茶（$12/加配價）====—====—====—====—.📌店名：橋香園雲南過橋米線 (中環)’📍地址：中環威靈頓街91號地

食物一般，但服務態度非常差，環境衛生都一般，會有落錯單情況、但落錯單唔會改反啤你只係叫你下次再叫過😡，伙記又無有禮貌🙈（唔知佢係未老闆）因為好少伙記咁大膽咁無禮，不會再去！

午市時間過後入去食，得我一個人，坐最近門的枱。米線是ok的。侍應和主持人在談論香港和澳門的飲食生意有幾差，談完之後有個侍應伯伯坐在我的桌，我以為他休息下而已，點之他拿出牙線棒liu起牙來，liu晒成棚牙!!! 我真的完全倒胃口!!! 點解有咁多張枱，張張都無客人，點解係要坐喺客面前liu牙??? 主持人亦無出聲。我諗主持人應該都可以自問自答啦 - 今時今日市道咁差，不思進取之餘，仲要倒自己米，真的等執。

如果午餐時間好短又唔想排長龍，一定來呢間米線啦。即使睇到有好多人排隊都唔好放棄，其實都會好快就可以入座，同埋出餐神速!55蚊喺中環可以食到雙拼小鍋米線，可以揀選湯底辣度，配菜選擇好多，但蔬菜類較少。部分配菜要+2/3蚊。大腸，肥牛，牛展，豬皮，豬肚呢啲都可以加入米線!豬皮口感軟爛，但肥牛肥肉較多。蘿蔔口感香甜! 米線較其他米線店相比口感更軟。湯底小辣剛剛好，唔算辣。但呢間會加好多芫荽，如果唔鐘意記得提前講好!店面唔大，常常要排隊，但其實都好快可以入座，因為店家會限制繁忙時段嘅用餐時間，食完就會趕走人，但午餐時間都理解啦。喺出面排隊已經可以先點單，有時點好單，剛剛入座米線就到了，加埋排隊都唔洗等好耐,係quick lunch好選擇!付款方式只可以微信/支付寶/現金。

中環呢啲貴價地方，打工仔又點會日日去食$100以上嘅set lunch呢⋯所以發捱一啲輕食堂係好重要嘅作為米線愛好者喺中環返工點會唔發掘米線舖頭呢，打開OpenRice搵一搵潮香園好似都係接近自己鍾意食米線嘅類型，就馬上去試一試第一次食佢個酸辣湯底，覺得冇乜味，都唔係好好食，就覺得好奇怪點解會咁多人排隊同食嘅呢，唔通因為真係平？第一次食嘅質素感覺，我下次真係唔會再嚟，但係本住咁多多人食嘅情況下決定要試埋佢個麻辣湯底食咗麻辣湯底之後發覺真係唔錯，搞到我每個禮拜都要嚟食一次，麻辣湯都好香蘿蔔又好甜，如果各位你食一定要食麻辣湯底。

第一次嚟食嘅時候揀咗酸辣覺得好難食，但係心諗點解會咁多人食排晒隊,所以第二日決定再嚟試吓食去第二個湯底麻辣,酸辣個湯底係好冇味好淡辣，所以覺得好難食,第二次揀咗麻辣就覺得好味啲,湯底係惹味嘅, 揀咗小辣，都好OK又香又辣,特別係佢個蘿蔔真係好香甜超好食,所以而家去親都淨係會揀麻辣湯底

🍜小鍋米線 (單拼 $46; 雙拼$53)小鍋米線湯底香濃，有酸菜﹑芽菜﹑韮菜﹑芫荽﹑肉碎同蔥，酸菜較多，湯底既味道會上癮😂，米線較淋身唔係彈牙個種，份量偏少可以唔洗小米😀🍢魚腐魚腐稔，外面金黃色，細細粒🥕蘿蔔蘿蔔估唔到超香甜，夠稔仲要冇渣👍🐽豬頸肉豬頸肉肉嫩入味有少少肥.✨店舖細，坐得迫啲，配料選擇多，自行配搭可自選單拼、雙拼、三拼、四拼米線，親民價米線之選，上菜快

星期六放假，馬上安排心心念念雲南過橋米線橋香園，我最鍾意他們家的中酸辣，辣得來又好香配上自制酸菜好好味，湯底濃郁簡直完美！吃完之後回味無窮😋😋😋😋😋😋

間唔中想食濃味湯米線都會返嚟，但今次真係大開眼界🫡 叫咗3餸少米線中辣，因為見到面有豬大腸知碗野係自己嘅就開始食，因為真係餓到勁晏先有得食野今日點知就中伏了，開始撈下碗野發現其中一餸唔係我叫嘅，叫個店員過嚟問先知係牛肝菌…真實對話：我：我無叫喎（即係佢落錯單）呀姐依然自故自說：啱呀 咪你落架囉 牛肝菌係咁嘅樣㗎喎 我：唔係 我係叫豆卜😮‍💨😮‍💨 無叫依樣佢：「唔緊要 下次再叫囉」 我：…. 佢講到咁唯有繼續食，但食落有陣荀嘅酸味唔知係唔係正常😨 如果食左一舊就放棄了。所以姐姐.. 我估 或者冇下次？ 😅😅

📍位置：近香港站 C 出口，在筷子記那一邊小巷口，旁邊是雜貨店。🏠環境：紅色的門面，室內空間小而擺枱密，一定顧客一定有心理準備是要併枱，衛生一般。🤵🏻服務：人手下單，不收取加一。🍽️午市：可自選單拼、雙併、三併、四併米線，大中小辣等。雙併小鍋米線 $51自選配料是炸醬和無錫骨$2，炸醬在湯面，幾乎散開，無錫骨只有兩塊，不過燉得很軟霖，好似是豬軟骨，另外有酸菜、蔥花、芽菜和香葉，味道是挺濃而香辣，不過份量不多，我就剛好。但實在不太喜歡搭枱，加上並不出色，感覺屯門雲片燒好得多。