影片
电话号码
29858343
特色
适合大伙人
营业时间
今日营业
11:30 - 19:30
星期一至日
11:30 - 19:30
以上资料只供参考，请与餐厅确认详情
相关文章
食记 (160)
之前食過一次有印象係咩都OK嘅，今次去再試，味道唔錯，服務都正常，超級多人喺度食飯，特別注意餐廳係冇寫出嚟收茶水費，大排檔都收加一啊，要應該要明碼實價寫出嚟😂😂😂🍴茶位每位 $8 收加一服務費🍴 咸鮮蝦乾荷葉籠仔飯 $188 (8/10)用咗大澳兩寶，就係鹹蝦醬同埋蝦乾魚仔乾豬肉，個飯都粒粒分明幾乾身有少少荷葉嘅味道，鹹蝦醬唔會好鹹，用得有少少，幾香口嘅 另外蝦乾魚乾都真係好紮實，好有蝦味，更加有層次，中間少少豬肉粒添！🍴西蘭花炒魷魚 $118 (7.5/10)魷魚好大塊，食落去有口感都幾有魷魚味，不過相對比較老身少少？西蘭花就正常，清淡帶有少少酒味？！🍴墨魚餅 $148幾油下，好有咬口，真係粒粒墨魚，食落去係比較彈牙，唔會好鹹，淨係食到墨魚嘅香味，配咗個雞醬都OK。推薦指數: 8/10好食嘅，不過有啲貴，三碟就已經五百幾蚊，絕對係貴過平時食嘅大排檔，不過難得嚟一次大澳就冇所謂啦😂
继续阅读
在大澳吃飯，可選擇的茶餐廳是一目了然的，看餐廳內客人多不多便知道。就算位置很好，位於搶眼位置，客人都可以很少，這家茶餐廳內就充滿了本地人，仿似是聚會或甚麼慶祝會的。當然成為了我們選擇目標。他上菜是慢了，但服務態度很好，居然把事情挌了。菜式炸尤魚，尤魚固然新鮮，炸出來又鮮嫩，彈牙，甚至脆口，香氣撲鼻，十分美味。炸豆腐也有同樣的效果。非常贊。他的小炒加入了多種當地的魚乾海味，再配合蝦醬炒出，海鮮野味炒作，只有這菜可感受到。
继续阅读
好少寫食評，但係我實在感慨呢間喺大澳叫做幾出名下嘅食店嘅食物水平。叫咗以下嘅餸：1）紫葵生炒骨 - 普通生炒骨，有啲似返炸，但係夠熱，雖然唔Juicy但係尚算可以接受2) 燒乳鴿 - 阿姐極力推薦，但係上到嚟我只能用兩個字形容就係-殭屍🤪雖然新年流流忍唔住都係叫阿姐退咗佢。一言難盡自己睇相。3）蒜蓉粉絲蒸勝瓜 - 冇任何味道，包括冇蒜香味，要叫阿姐比豉油我哋。但係我最唔明嘅係點解勝瓜基本上剩係得啲皮4）香脆墨魚餅 - 我覺得喺出邊街邊食嘅墨魚丸比較好味。同埋佢唔係好熱。5）佢哋嘅招牌龍仔蒸飯 - 我覺得似係喺荷葉上邊畢啲煮好左嘅白飯同埋蝦乾魚仔蝦膏上去囉…叫咗五個餸推咗一個，六百幾蚊埋單，仲要係咁嘅水準，邊個會返轉頭？
继续阅读
大澳除左必食沙翁外，橫水渡都係我每次必黎之一！因為可以品嚐到大澳獨特的味道和風味。我最推薦他們的兩道招牌菜：香煎墨魚餅和咸鮮蝦乾荷葉籠仔飯。香煎墨魚餅以新鮮的墨魚為主要材料，經過精心處理和調味後，煎至金黃色。外觀看起來十分吸引人，金黃的外皮上有著微微的酥脆口感，而內部則是軟嫩多汁的墨魚肉。每一口咬下去，都能感受到墨魚的鮮美味道和獨特的口感。搭配埋醬料，更能彰顯墨魚的風味，讓整道菜更加美味咸鮮蝦乾荷葉籠仔飯這道菜以荷葉為包裹，內部則是米飯搭配著豐富的咸鮮蝦乾，豬肉等其他配料。荷葉的獨特香味與米飯的口感相結合，使得這道菜具有獨特的風味和口感。每一口咬下去，都能感受到蝦乾的鮮味和米飯的口感，讓人回味無窮。小總結❤️❤️❤️❤️📌特色籠仔飯📌風味十足
继续阅读
入到大澳，嗅到即時一陣陣海鮮鹹香，撩動哂呢個食神嘅心😋！首先講吓個招牌荷葉籠仔飯，飯粒香Q得嚟又有蝦膏撈下，味正霸氣，簡直係屋企飯桌上一個彩蛋🥚。煎墨魚餅兒外脆內軟，一咬落去墨魚鮮味四溢，簡直係曬嘢小食中嘅戰鬥機。不過香芒蝦球就有啲求其，蝦球有啲厚粉，啖啖芒果醬汁，失咗蝦味，食完有少少點失落😔。蝦膏豆腐同小炒王就真係打返差不多啲分，唔油不膩又有鑊氣。最後，姐姐嗰串客氣話，值得一提，大把食店要學學！有機會一試再試，呢度正宗大澳風味，真係唔試好遺憾🎉！
继续阅读
您可能会有兴趣的...