檸檬冰室 (中海日升中心)

营业中

休息中

難得去返老地方，好似轉左呢間餐廳，見到成個門面都係好黃好黃好吸睛，同左媽咪入左去食晚飯檸檬冰室真係用曬檸檬黃做主色，仲有好多檸檬裝飾，好清新上網見人點左個冰鎮蜜桃咕嚕肉好吸引又唔會太大份，岩曬我細食之人，點知一上枱嚇親好大份但好好食又唔膩唔會好多肥肉，而且仲保持到香脆仲可以加錢升級套餐加特飲鮮薄荷青檸沙冰超級大杯，酸酸甜甜清新解膩開心果芝士撻，好香脆之餘芝士好濃，入面仲有啖啖開心果醬同粒粒，食到停唔到口秘制無骨海南雞飯，每次食飯見到就必點，最鍾意佢個雞啖啖肉，仲要無我至憎個種肥肉黐住，平時其他地方食都無咁瘦，岩曬又大件加錢轉特飲熱玫瑰椰子蜜好好飲，好香濃又唔會太甜，天氣凍飲完好暖暖咁多野食要飲多杯熱鮮檸百香蜜先夠，酸酸甜甜夠開胃又可以解膩又暖心最後甜品作結，藍莓奶凍，奶味濃加藍莓醬，甜度適中，優惠價加就食到，平時外面食飯食一個都幾十蚊，呢到唔洗份量又十足既冰室，性價比，平時晚飯想食得經濟又夠飽，呢到確係唔錯選擇！可惜我而家少返九龍，希望佢遲啲係港島區都開返間

檸檬冰室裝修現代、空間寬敞舒適，提供一個放鬆的用餐環境，餐廳價格親民，菜單簡單實惠，提供一般茶餐廳類的食物。 秘制無骨海南雞 配香茅油飯及老火例湯無骨海南雞雞肉嫩滑並附有秘製醬料；香茅油飯香氣濃郁，粒粒分明。套餐內同時附有老火例湯，湯是中式老火湯，湯底味道濃厚。蒜香脆皮炸子雞使用肥美的三黃雞，雞皮非常脆口，蒜香味濃郁且入味，份量十足，整體口感皮脆肉嫩。鐵板叉燒炒烏冬：叉燒有燒味獨特的甜鹹味，配合鐵板燒的鑊氣和滑順的烏冬麵，整體口感豐富且有層次。瑤柱福建炒飯：飯底用蛋炒過，加上濃稠勾芡使飯粒不會乾硬，食落味道鮮美帶甜，蠔油香氣濃郁，搭配蝦仁、雞肉、冬菇、菜心等食材，令整道炒飯口感豐富且帶有淡淡的海鮮味。雪糕紅豆冰好大杯，味道甜美清涼，帶有紅豆的細膩粒感和淡奶雪糕的滑順奶香。凍阿華田帶有香濃麥芽甜味、朱古力味適中且不會過甜。套餐加購甜品杯：木糠布丁口感層次分明且甜度適中，不會過於甜膩。

朋友喺外國返嚟，我梗係要帶佢去食啲夠經典又夠地道，而且仲要乾淨企理嘅地方食返餐啦ღ鮮茄菠蘿焗厚豬扒飯豬扒大件厚切，口感軟腍，鮮茄醬汁酸甜開胃，芝士拉絲，飯粒粒分明，配搭菠蘿食落更清新。ღ秘製無骨海南雞配香茅油飯雞肉嫩滑無骨，油飯吸滿雞湯同香茅香氣，軟硬適中，味道層次豐富，跟埋老火例湯，好滿足😌ღ白雪公主 ｜經典黑牛呢兩款飲品，都係經典飲品一款係雪碧配雲呢拿雪糕，另一款係可樂配朱古力，清涼解渴ღ Tiramisu奶香滑順，帶淡淡咖啡酒香，甜中帶微苦，入口即化ღ瑞士汁雞中翼（3隻）雞翼皮爽滑，肉質軟嫩，瑞士汁鹹中帶甜，非常入味ღ酥皮蛋撻酥皮層次分明，香口酥脆，蛋漿香甜嫩滑ღ焦糖葡撻撻皮香脆，焦糖層微脆帶點焦香，甜而不膩ღ 開心果脆曲曲奇脆口，開心果香濃，香脆不油膩ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ

檸檬冰室好搶鏡🍋店面以黃色檸檬為主調，特別清新搶眼重點🥹香港仲有啲服務咁好嘅茶餐廳值得一讚!!其中八大名菜之一：鮮茄菠蘿焗豬扒飯原塊菠蘿🍍同蕃茄灑上芝士鋪上面層新鮮菠蘿酸甜度更清新自然豬扒厚切卻不柴，邊緣微微焦香，肉質鬆化又有嚼勁最驚喜係炒飯粒粒分明，吸收鮮茄醬汁卻不軟爛😌😋燒味非常出色🏅燒鵝瀨粉鵝皮脆如薄紙，皮下脂肪融化得恰到好處肉質細嫩多汁!!特別欣賞將瀨粉另上做法，避免湯汁泡軟瀨粉🏅燒味三寶拼盤叉燒蜜色光澤好靚✨燒肉三層分明，脂肪入口即化油雞皮滑肉嫩，骨髓還帶著粉紅色自製蔥油醬配特製菜譜，更加滋味！鹹魚雞粒炒飯鑊氣十足🔥鹹魚鹹香濃郁卻不死鹹，雞粒嫩滑同蒜末、蔥花形成豐富層次～新式茶餐廳仲有甜品杯、曲奇檸檬芝士杯🍋質地輕盈似慕斯檸檬嘅酸爽同芝士平衡得恰到好處！新鮮出爐麵包🍞脆脆菠蘿油菠蘿包外皮酥脆，夾著冰鎮牛油冷熱交融滋味令人難忘!!芝士蒜香腸仔包表面鋪滿蒜香芝士醬，烤至微焦狀態邪惡又難以抗拒😍

最近又去檸檬冰室，試咗佢哋幾款新出晚餐，好高質😋咖哩巨型吉列豬扒飯一定要讚佢哋嘅咖哩巨型吉列豬扒飯！🍛 一上枱真係嚇一跳🤣🤣🤣豬扒大到遮曬成個飯面，超巨型😍 豬扒炸得金黃香脆，肉質都幾嫩滑，配埋啲咖喱汁，真係好惹味 唔會太辣，撈埋啲飯一齊食，真係好正💯鮮茄菠蘿焗豬扒飯我最愛嘅經典焗豬飯😍😍上面鋪左芝士、鮮茄同菠蘿，酸酸甜甜，好開胃！🍍🍅 豬扒好厚身，肉質好軟熟，配埋啲飯一齊食，真係飽到上心口！🍚🤤海南雞飯餐推薦！啲雞肉好滑夠晒大件，配埋佢哋嘅油飯同秘製醬汁，好好味🍗🍚 仲配埋足料湯品好豐富🥰食完正餐，當然要試下佢哋嘅甜品啦！藍莓奶凍口感滑溜，藍莓味香濃，食落去好清新🫐🍮開心果脆曲奇就夠曬香脆，開心果味好突出，一大桶可以帶返屋企慢慢食🍪

餐牌有創意，有8大名菜推介加上有新鮮出爐麵包，又有蛋糕同甜品杯有bakery嘅冰室真係無得輸🎈海南雞飯海南雞薄薄一層外皮，雞肉滑嫩厚肉肉質本身帶點鮮味又食到雞油香配有醬油、香蒜辣醬，辣醬夠辣好惹味，質素幾驚喜🎈蠔皇香菇西蘭花以為酒樓至有嘅菜式呢度都有得食大大碟份量真心多，蠔皇醬好好送飯🎈檸檬芝士杯飯後一點甜，檸檬配芝士味道清新甜度適中，啱晒夏天🎈開心果脆曲奇曲奇香脆，有粒粒果心果仁食落特別香口一桶只係$58性價比高🎈脆脆菠蘿油脆皮鬆化，麵包鬆軟，加上牛油無可挑剔🎈蛋白杏仁茶口感濃厚，裡面有蛋白，真材實料

哩間檸檬冰室頂左之前紅茶個位，位置方便， 又坐得舒服， 間唔中都係我午餐/下午茶既選擇。其實食左哩間餐廳好多次，不過今次先記得寫食評。今次食下午茶叫左幾樣野1.菠蘿麵包蛋糕2. 西多士3. 瑞士雞脾+薯角1. 個菠蘿麵包蛋糕幾好食， 個人覺得個口感幾得意，幾有外脆軟既感覺不過要留意，佢有時裡面個蛋糕可能係原味，唔一定係朱古力的， 所以入門口前最好望一望先決定叫唔叫， 個人覺得原味較遜色...2. 西多士好正， 又多糖漿比，一d都唔辜寒， 花生醬係用有細粒花生在內的那一款。 下次一定會再食3.瑞士汁雞脾+薯角 就遜色得多， 瑞士汁味唔入味，雞脾肉都麻麻地， 第一次食到咁唔吸引既雞脾， 薯角都麻麻， 麥xx果d好食d 哩個應該唔會再叫，可能下次有機會會叫炸脾試下。另外順便點評埋之前食過既野， 哩間餐廳西炒飯幾好食 （經常食）, 甜品方面，杯裝還好，蛋糕唔洗試 （之前同朋友各叫一個，兩個都好難食，實的的）不過整體哩間餐廳都唔錯

呢間檸檬冰室最近係我嘅必食必食餐廳，因為佢哋嘅菜式多樣化，每一樣都令人垂涎欲滴🤤而且餐廳環境好醒神，用咗我最愛嘅檸檬黃色🥰今次食咗鐵板豬扒炒烏冬，豬扒煎得外脆內嫩，搭配上彈牙嘅烏冬，香氣四溢，口感非常豐富，超級惹味😋加$14飲埋佢哋嘅特大杯雜果冰，超解熱🥳另外點咗鮑魚雞煲，轉套餐只需$12，有湯有飯，性價比超高，鮑魚鮮美，雞肉嫩滑，香氣十足，送飯一流🤤飲品方面點咗蛋白杏仁茶，杏仁香氣撲鼻，飲落去滑順又滋補✌️鮮茄菠蘿焗豬扒飯則係一道招牌菜，超級推介，豬扒大塊到不得了🫣而且焗到金黃香脆，搭配上鮮茄同菠蘿，味道獨特，加埋炒飯底，令人驚喜☺️我哋仲點咗好多小食，包括藍莓奶凍、椰香雞尾包、脆脆菠蘿包同焦糖葡撻😋食到超級滿足✌️

今日早上去咗一間位於觀塘嘅冰室呢度環境好舒服好光猛服務亦都周到等我童大家介紹一下，香辣蝦米雪菜肉絲米粉呢碗米粉就勁有驚喜！蝦米嘅鮮味同雪菜嘅清香結合得好好，肉絲炒得恰到好處，唔油膩。香辣味道適中，食落去有啲微微嘅辣味，令你食得唔停口。牛乳炒滑蛋呢個牛乳炒滑蛋簡直係完美！蛋炒得超滑，入口即化，加咗牛奶後更加香濃，仲有啲奶香味，真係好適合搭配米粉，食落去感覺好滿足！蒜香多士呢個蒜香多士都唔可以錯過，外脆內軟，蒜香味濃郁，每一口都有啲香脆嘅口感，搭配埋米粉食，真係好有風味！凍檸啡最後呢杯凍檸啡就係完美嘅結尾！濃烈嘅咖啡味配上檸檬嘅酸，飲落去既清新又提神，仲有啲微微嘅甜味，特別適合呢個熱天。

平時下奏肚餓，新鮮出爐第一時間梗係諗起港式地道嘅冰室，周末做嘢嚟到觀塘，順便去下新開嘅檸檬冰室。位置係中海日升中心，環境非常闊落舒服，除咗冰室必備美食，梗係唔少得新鮮出爐嘅麵包蛋撻！開心果芝士撻開心果芝士撻的外皮酥脆，內餡則是絲滑的芝士和香濃的開心果醬，口感層次豐富。甜而不膩。奶油豬奶油豬烤到酥脆，搭配奶醬，口感非常好。每一口都充滿濃郁的奶醬香，夠晒邪惡招牌海南雞飯海南雞飯的雞肉鮮嫩多汁，搭配特製的辣椒醬，讓整體口感更加豐富。套餐仲配搭中湯，分量超足！下午茶常餐抵食之選，價錢實惠。配搭炒蛋、蒜蓉多士，同埋湯米，超級滿足檸檬牛油雞翼檸檬牛油雞翼的味道酸甜適中，雞翼烤得外焦內嫩，肉質鮮美。檸檬的清香和牛油的濃郁完美結合，又脆又開胃，推介

想食平靚正嘅晚餐就要去「檸檬冰室」🍋 有勁多小菜揀，仲有超值二人/三人套餐，絕對值得食！🍽️✨ 餐廳好大 適合家庭聚餐或朋友聚會🥳🥢超值套餐包括白飯（兩份），餐湯（中/西湯兩份）、餐飲（兩杯）🥘茄子排骨煲熱辣辣🔥 以茄子和排骨為主料，經過慢煮，味道濃郁，肉質鮮嫩，茄子吸收了肉汁，口感滑順，真係好味到食唔停口！🍆🍖菜心炒牛肉新鮮菜心搭配嫩滑牛肉，保留了蔬菜的鮮脆感，牛肉則香嫩可口，味道絕對一流！🥬🥩🍚揚州炒飯好有鑊氣🤤炒飯粒粒分明，配料豐富，通常包括蝦仁、火腿和蔬菜，味道香濃，份量十足 好飽肚🫶🏻開心果脆曲奇每次都一定要買嚟做甜品😍曲奇勁香脆 仲混有開心果碎，開心果香氣好濃厚，甜而不膩🍪💚

檸檬冰室喺香港一向都幾有名氣，佢哋最近嘅分店仲越開越多，今日我就去咗佢哋位於觀塘嘅分店食飯。椒鹽豬扒飯椒鹽豬扒嘅份量夠晒多，豬扒又夠厚切，炸得非常之香口，配埋椒鹽一齊食，非常惹味。豉油雞翼飯雞翼醃得好入味，豉油帶有少少甜味，加上價錢唔貴，份量又多，算係晚餐嘅一個好選擇。開心果曲奇估唔到原來檸檬冰室有賣曲奇，曲奇焗得好香脆，開心果味偏淡，但牛油味非常突出。除咗飯之外，餐廳仲有提供餐湯，餐湯都算好足料。飲品方面亦都有唔少具有港式茶餐廳特色嘅選擇，加上食物份量夠晒多，所以今餐我都食得好飽。

近排好鍾意到檸檬冰室用餐，在觀塘中海日升中心地下的分店。店內環境寬闊，唔會坐得好逼。午餐、常餐、下午茶餐和晚餐都試過，覺得這間分店水準不錯。喜歡炸魚柳即叫即炸外脆內軟，豉油雞髀好入味。每款都份量多，味道不錯，價錢合理。觀塘區其實好多茶餐廳，但質素就好參差，個人感覺幾喜歡檸檬冰室。🏷️溫馨提示～ 整個用餐體驗均屬個人分享意見， 只作參考😊。檸檬冰室(香港)地址: 香港觀塘駿業街56號中海日升中心地下D(部分)&E(部分)號舖

平靚正的檸檬冰室，我一向有幫襯開，尤其糧尾唔食日本野， 一定要食冰室， 而其中分店在日升中心，環境舒服寬闊我覺得茶餐廳來說，呢間食物真心水準好好👍我喜歡燒味，有燒鵝，燒鵝脾加$20 另仲有乳豬飯，午餐時間點有套餐優惠比較便宜，乳豬燒得剛好外皮脆卜卜， 肉嫩多汁好好吃🤤連埋飯吃最飽肚！套餐加錢特飲有個杏仁茶都不錯， 啖啖蛋白杏仁香！開心果芝士撻 最近至愛吃呢款有濃厚芝士，輕輕開心果醬，咬落爆汁的感覺，是我的飯後甜點的選擇呢！

最近喺檸檬冰室試咗幾道好味嘅菜式，性價比好高，觀塘返工一定會嚟食😆 仲要有甜品烘焙區，可以買啲返屋企慢慢食～今次試咗二人餐食到勁飽都只係$178咋😆 包兩個小菜兩碗飯兩杯飲品同兩碗湯🥢馬來咖喱薯仔牛筋腩馬來咖喱味道濃郁香辣，牛筋腩經過慢煮，肉質軟嫩，薯仔吸收咗咖喱嘅香氣，食落去非常過癮，啱晒配白飯食🥰🥢黑松露脆蝦炒滑蛋鍾意食黑松露一定要試😍蝦肉鮮嫩 好脆口，搭配半熟滑蛋，口感非常豐富🤤黑松露嘅香氣為整道菜增添咗奢華感～🍪開心果曲奇🍪有大大桶裝曲奇 好多口味選擇😆 好吸引呀，曲奇餅又香脆又鬆軟，帶有濃郁開心果味，值得一試！