櫻桃麵飽西餅 (已搬遷) 新店位置

今天熱死人，買個凍的甜品解暑，見到芒果布丁賣8蚊咁平，仲大大個，一於買黎試下.一打開，好香芒果味，上面有芒果肉幾粒.布丁甜度ok，幾滑（有奶成份）,魚膠粉份量岩岩好，唔會好硬.overall幾好食，都唔錯. 只賣8蚊呢個價錢. 有咁既質數，好滿足！會再買！

「櫻桃麵包西餅」位於大圍最旺的大街正中間咁多年了，平時都好多人幫櫬。價錢又大眾化，抵！！  出品的生日蛋糕真係好好味道！蛋糕內是一層層海綿蛋糕底，上面有各款的生果，生果全部都好新鮮！裡面同外邊都係鮮忌廉cream, d鮮忌廉超好味，軟滑又不太甜，味道剛剛好！絕對比得上那些大牌子餅店的蛋糕！ 西餅品質好，麵包方面也不錯！

返工前去櫻桃買麵包做早餐，身上有毫子，打算禮貌上問下職員毫子收唔收，當時櫃位得2個職員，去到櫃位想比錢，客氣問一句收唔收毫子，2個職員傾計唔答我，不久，其中一個職員眼神望向我，知我問野，但唔答，隔離個職員聽唔到咁，仲掛住講﹗我又問多次收唔收毫子‥‥‥仲係掛住講喎，答都唔答，其實我講得好大聲，下手買家都聽到，但職員可以理都唔理，掛住傾計。 其實過程中我已問左4次左右，但職員傾計大晒，走前我只有講句一D禮貌都無‥‥先離開舖頭。 對客既舖頭咁無禮貌，咁做生意唔得架，起碼要向顧客講句對唔住﹗

反工前買定個晚餐先,岩岩食左個咁飽既lunch,晚餐又咁快食,於是就系附近買左兩個包做晚餐喇!揀左好普通既腸仔包同叉燒包,叉燒包咬左半個都未見餡料,少得好緊要,咬到最後剩反三啖先食到,頭個大半個包都系食白包咁,就算包鬆軟都唔系咁食架,我系食叉燒包唔系食白麵包丫嘛!腸仔包不過不失,麵包軟軟地我選擇食哂成個包先食條腸,就咁個包甜甜地個皮有少少脆,都唔錯!腸仔都okay,始終焗過系同平時食既唔同!

不論大型連鎖面包西餅店，懷舊老餅店，便利店超市嘅面包部，還是像櫻桃這般有三數間分店的小型自家經營嘅面包店，我都喜歡隨便試試，做下午茶即買即食又好，留一晚隔朝做早餐又好，唔同情況唔同店類，當然有唔好要求。今次係要買早餐，一咸一甜 , $ 4 一個 =)1. 吞拿魚包~ 一分錢一分貨 , 吞拿魚餡得好少 , 味道一般面包有一點類似沙律醬o既物體 , 但無特別令個包加分2. 菠蘿紅豆包~ 菠蘿面有 d 芝麻 , 但同樣係無令個包更好食紅豆餡都好足夠 , 唔會過甜 , 沙得黎都食到少少紅豆皮## 睇返食評 , 原來呢度出名係蛋撻 , 下次要試一試 ^^

一直都係旺角奇趣餅家的ＦＡＮＳ～每年必到人山海o既奇趣餅家買角仔..笑口棗等賀年美食~今年太過繁忙~一時忘記奇趣那兒很早便會收爐~錯過年買賀年食品o既機會...在網上四出搜索...終於見到食評尚算高企的"櫻桃"有過件必備的角仔賣~一次過買了一大磅~的確~味道比奇趣的大有不同~"櫻桃"的selling point是鬆化~"奇趣"的是堅實~脆口~饀料同樣充實~沒有呃秤之感~但老實說~本人喜愛後者的多很多~鬆化的餅皮感覺與角仔有點兒格格不入~也許是過份鬆化所致~而且內裡的餡料雖然滿足~但砂糖欠奉~因此總覺得少了新年應有的"甜甜蜜蜜"之感覺~"櫻桃"餅家連續了我多年來賀年食角仔的傳統~令我可以在"奇趣"收爐後仍然品嚐到角仔的味道~一過口癮...但下年~我相信自己刻會早些到奇趣購賣角仔/其他賀年食品了~始終鍾情的是堅實足料的感覺~!

出大圍買東西好多時經過櫻桃麵包西餅 ，此店光顧十數次，每次總是買$5三個蛋撻；今天可能是假期沒有優惠，只好$2買三個了。另外也買2個皮蛋酥試味。蛋撻--新鮮出爐，非常熱辣，擺上舌頭完全感覺她的熱力四射。酥皮酥脆，就是嫌稍多牛油搓粉；蛋漿香甜濃郁，十分美味。皮蛋酥--似乎均是陳設貨品。酥皮一般，綠豆蓉吃不出甜味，皮蛋更是次品。櫻桃麵包西餅在大圍出名$5三個出爐蛋撻，今次試了皮蛋酥感覺令人失望。

合桃條($3.5):個名好似係咁~成條都整得好卜卜脆呢，不過就冇乜味道，仲有d提子乾係入面。但係唔夠甜，但係我已經揀左個最多糖果個架喇!!

藍莓雪山包($2):入面超超超少藍莓，可以講得出面果粒。而個包就既味道就好似d墨西哥包咁。不過不先!

我好中意呢間麵包店呢，因為價錢好平，而且d野食又幾ok!!Good!朱古力卷($6):好抵呀個卷，不過係細過平時既瑞士卷既~~我番到去雪過一陣先拎出黎食既，所以食落會比較硬身，我覺得會好味d喇!!入面既cream唔會好多，岩岩好，而且朱古力味又夠，好味!!

今日放學，因為心情好好，所以就去左哩度買d甜品比自己，當獎勵自己，同埋哩度既野好平呢!!chopstick:Cheese cake($5.5):由於本人並不是芝士迷，所以不太喜歡食一d好濃芝士既甜品。千萬別看少這個cheese cake呢，成個蛋糕都整得幾實，而且食落都有d芝士味，仲有cream同蛋糕既份量岩岩好，唔會話有好多cream，好似淨係食緊cream咁!!不過最衰冇餅底啦!!栗子雜果蛋糕($4.5)看見哩個栗子雜果蛋糕既賣相都幾靚，而且價錢又幾平，所以就買埋佢喇!!哩個有兩款，只係上面既水果會有少少唔同，有士多啤梨同埋奇異果。我要左個奇異果!!d水果唔係幾新鮮，可能擺左幾耐，而個蛋糕就得好少，cream就有好多。栗子卷($10):第一次食栗子卷，覺得唔係幾好食，因為中間既栗子味好怪，唔襯個蛋糕，如果淨係食出面既蛋糕，會好食好多呢!!個cake好似食緊cream咁，唔夠個cheese cake咁好味， 不過以呢個價錢黎講，已經唔錯lu，起碼唔會太甜!!

經過如非看見人山人海都不會留意到這店真的超級「墟憾」!原來麵包斷的出爐又出爐眼見眼前人海, 不想迫但看到新鮮又香氣迫人最重要是價位不高$1.x到$2.x到$6.x, 任均選擇!算啦!迫就迫啦!打仗除了爭麵包還要爭夾和托盤!店子小小, 客又多, 大家都不理服不服務一二三搶!然後付錢!歡迎光臨, 多謝惠顧等客套話甚麼都不用了「要咩!」一樣付錢付得意無反顧比因食物味道已比一切都重要差不多全都新鮮出爐人太多不由得你站著慢慢選快快手夾了一個腸仔包, 一個叉燒包, 兩個紙包蛋糕一腿蛋包一夾叉燒包真不得了「咔」一聲是脆的咬一口內餡不算多$1.x一個能要求幾多呢但非常好吃麵粉搓得很到家不乾又有一絲絲的質地腸仔包香噴噴!用上原條腸仔!!!不是細細的芝士腸非常好吃腸不會犯普遍腸仔包太鹹的通病好好味一口接一口紙包蛋糕更更不得了簡直是我生平食過最不得了好味的紙包蛋糕!!!外微脆!非常富蛋香!更不會像一般的吃完像吃了一陣風而是非常有彈性真材實料!!掛住搶迫都忘了價錢了!一到手, 捧在手又香氣撲鼻相都來不及影便一口接一口, 幸福地咬著前往地鐵站回屯門老家去!

《櫻桃》嘛，食品價錢中下、陳設及中年的售餅嬸嬸則充滿著濃烈的「街坊」味、店內總是堆滿了剛出爐或沒足夠位子擺放的麵包、收銀檯（其實只是凍餅櫃面吧）及地上經常佈滿餅碎及麵包碎，給人系統比較亂的感覺。雖然經常地新鮮出爐（也許是前舖後工場的關係，師父們可因應銷售情況而製作，這絕對是值得欣賞的），可是這裡的麵包真的很遜，曾吃過數次她們的菠蘿包，縱使是新鮮出爐及以「菠蘿包專業食法」（是從前我工作的麵包店內的麵包師父教的，就是先把菠蘿包壓扁才吃，菠蘿皮便不會掉了），可是菠蘿皮的碎仍「掉到一地都係」…不過店內大部份時間都很擠，我每次走進去（早上或午飯時間），由揀選麵包到付錢，總要跟其他師奶婆婆們「殺戮」一輪才行。星期日黃昏六時多走過時，店內的東西都差不多賣光嚕，真的不知道為啥那麼受歡迎…直至某次有人請了我吃這裡的曲奇…………出奇地鬆脆啊！自此，我偶爾會走到那裡買曲奇當午餐（分數次來吃）…曲奇不算是絕頂好吃，但比超市的什麼藍罐呀、嘉頓呀新鮮得多（星期日下午購買時，貨源十分充足，也許是剛包妥吧！），每次均「食到停唔到口」。不過包裝方面，她們只以釘書釘封口，若吃不完的話便要自行找橡皮圈等東東索著裝口，以免「

酥皮蛋撻 ~ 一向都好愛食酥皮 , 所以行經見到有出爐既酥皮蛋撻一定要買黎試下 , 可惜蛋味唔夠香 , 而且酥皮略為油左少少兼且一咬就散哂 , 又浪費左呢個星期食蛋撻既配額了。 綠豆燒餅 ~ 平時多數都係見到紅豆同花生味 , 今次難得多到綠豆梗係要食返個 , 不過又再之失望 , 餡少又唔似綠豆wor , 幸好個糯米皮幾軟身。

早幾日經過深水步竟然俾我o係基隆街(北河街同桂林街夾住o個段)又見到呢間平價但質素唔錯既麵包店入黎行個圈買定早餐見人地手拎住個貌甚鬆軟既蛋糕細看下知道原來係焗芝士蛋糕仲要比聲稱係日本伊藤x既大個dd直情係迫爆成個膠盒但只係賣6蚊就決定要佢糕身鬆軟唔太甜味道同伊藤x既我覺得又差唔多芝士味一樣係淡淡地唔錯當然平咁多又大個d梗係幫襯呢度啦但今日去開旺角時去番旺角分店又發覺無得賣唔知係咪間間唔同呢?