影片
港铁西湾河站 B 出口, 步行约3分钟
继续阅读
营业时间
星期一至日
11:00 - 21:00
以上资料只供参考，请与餐厅确认详情
今晚7點8左右，入到權發2個阿姐正傾計，我話：「3餸飯：要生炒骨、小炒皇、少飯……同埋雞。」見到阿姐執咗個2餸時，我話：「第3個餸要雞。」點知又開個新飯盒筆飯，我話：「剩係1個3餸飯。」阿姐埋怨我，之後最後比左$47，返到屋企發現係2餸。唔知呢啲係咪新手法，但店主絕對可以check cam，了解一下個對話，然後check返個阿姐埋怨我+收我$47比2餸。其實阿姐態度有問題，買開都知，但有心、還是冇心比錯？我剩係知應該提醒所有消費者，小心，尤其西灣河分店！
继续阅读
個阿姐開店應該係為咗同人嘈交過下日神，每次都見到佢串d客。去過三次，已經知道食物一般但求方便快捷唔使等。每次見個阿姐畢d餸入個飯盒都會避開重點，例如涼瓜魚柳，佢會避開好多魚，咕嚕肉會避開肉，9成都配菜。同好多間兩餸飯店舖相比，佢嘅動作超級明顯，即使係配菜，都會好唔捨得咁，慳住慳住咁。其他兩餸飯店，就算啲魚肉俾得少，啲配菜都會塞滿d，令你心情愉快。自己貪方便冇行去第二間，買個兩餸飯，問佢可唔可以多啲飯，唔Q睬我再秒左我一眼，好似我乞飯咁。連飯都咁唔捨得，可以喺餐牌寫明多飯要加錢。就係因為你哋份量少，客人先至要求多啲飯，唔係個個都要減肥。店內得個男人正常d，如果要多飯會俾多啲你，真係辛苦你，希望你唔係嗰個女人嘅枕邊人，佢連做生意都唔識，平時一定好計較。下次都係唔好懶，去附近或者aeon ，味道好態度好份量多，買得開心食得開心
继续阅读
唸住試下港島區分店的權發兩餸唔使去到油麻地咁遠款式都算多可惜個高大紮馬尾呀姐態度差店舖惠顧客人得幾個夾餸呀姐就2位都係行行企企 遊太空（唔緊要丫，無咩人買，打下牙較好正常）我講了要剩2餸，講埋2個菜名佢無反應 雲遊到我再講多次今次講慢左1個餸名（佢以為1餸）就話人講到咁樣樣我講第一次清晰時佢發緊夢講第二次 講慢左第2個餸 佢就吟吟沉沉態度不滿意咁 心唸使唔使咁多嘢講呀？應該唔會再幫襯可能有機會去油麻地鋪試下整體食物味道正常 份量剛好
继续阅读
夜晚7：30去到仍有大約10款小菜選，眼見有西蘭花炒大蝦，其實都預左唔會俾多蝦你，去到要揀餸時有個阿姐將所有大蝦撥埋一邊然後拎個大盒裝起晒，目測起碼20隻以上，装到剩2隻裝唔到收手，之後將盒蝦放後面，剩返成盤西蘭花。心諗自己要食都唔好甘張揚，過份左少少囉呢間嘢味道不過不失，但款式日日都係嗰幾樣野
继续阅读
晚餐時段只排10分鐘，以前大概20-30分鐘。質素比以前進步左唔小！款式同油麻地分店既差不多，雖然味道未至於代替到油麻地分店，但都唔差而且份量都係咁多。-🤍泰式肉排味道酸甜味剛好！肉質唔硬，但略為乾左小小，而炸皮淋上醬汁後都偏腍，不過就未去到皮肉分離既依點就油麻地做得比較好，就算淋上醬汁都會保持到脆口冇對比冇傷害，整體味道佢都唔差的，而且份量比油麻地仲多😂🤣-🤍栗子豆腐個人係唔中意食豆腐的所以比7.5已經算幾高分😆豆腐好滑，滑既程度似豆腐花！炒過之後都保持到依個水準已經無可挑剔，調味正常，有栗子香～-🤍黑醋骨黑醋骨不嬲係依間最快冇哂既皇牌黎❗️雖然肉質未去到嫩滑，仲小小乾，但大大件🤣醬汁甜醋味 味道都適中，稠度都好岀色，直頭做到拔絲效果☺️淋上醬汁後外皮都保持到脆口❗️
继续阅读