欣賢軒 (已結業)

呢排周圍泣泣亂，#小秘書 都唔敢周圍去喇😏 唯有向屋村發展，幫襯下啲 #小店。今朝雖然唔使返工，但係 #生理時鐘 ⏰ 一早就叫醒我，唯有落街食啲嘢、 游個早水嚟 kill time 啦！附近 #茶餐廳 嘅ABC餐都比我試勻，今日轉下口味，去隔離嘅「欣賢軒」食車仔麵。咁多年以來， 呢間餐廳嘅抽風系統都做得唔多好， 每次食完都覺得自己成陣油煙味🤨不過冇幫襯一排， 似乎改善咗😚 我今日叫咗 #三餸麵，有 #午餐肉、#魚蛋 同 #牛腩，本來 #午餐肉 就唔應該有批評嘅， 但係老闆簿切嘅 #午餐肉 似乎唔夠風味、而且又冇煎到微微燶，唔夠香口... 失望🤦🏻‍♀️ 好在 #牛腩 都保持到原有質素， #魚蛋 OK啦！$30呢一餐不過不失😉

這餐廳中我最喜愛的就是蛋牛治 ，厚厚的彈肉中， 流出濃濃的蛋汁 ， 加上鹹鹹的 咸牛肉 ， 同普通餐廳比較份量會比較多。 但是麵食方面 ， 種類就比較少 ， 不太好食 ，我個人推介都是 蛋牛治 及芝蛋治。

去朋友屋企玩，上去之前我地係樓下欣賢軒食野。間餐廳好細，放得5張枱，唔算好乾淨，不過都算係咁架啦。佢地係家庭式經營，5個人，父母負責煮嘢食，阿仔同婆婆/嫲嫲做樓面。一家五口非常有禮貌，好親切咁打招呼，多謝佢地時亦會好好咁回覆“洗咩客氣呀”，走個時就算父母忙緊都會同我地講掰掰。本身諗住食兩碗麵就算，點知睇下睇下佢地個menu小食後，就越叫越多野。朋友碗麵係烏冬，貢丸，五香肉丁。試左佢嘅貢丸都幾好，真係會有冬菇。我個碗有油麵，牛腩，墨魚丸，豬腸。啲牛腩同豬腸煮得非常入味，好好吃。墨丸就無咩特別。個咸牛肉加蛋三文治好食，個蛋好滑，又厚，我最中意啲蛋咁。我地小食叫左魚肉燒賣同魚蛋。魚蛋可以揀辣同唔辣，都好入味，幾好食。

小秘書今晚就要上機，好想搵啲港式美食滿足吓個胃😋 本來想走去「欣賢軒」食個車仔麵，順路去隔離間鋪頭買個旅行插頭🔌 不過心多嘅我又點會咁順攤吖🧐 所謂隔離飯香💨💨💨 見人哋食緊豬潤麵咁開心😍 我又拿拿臨改變主意😄 叫咗碗豬潤麵+可樂🍜🥤原來「欣賢軒」嘅豬潤麵質素都唔差wow😋 即食麵放入薑湯裡面度煮，豬潤一啲唔un又無臭豬味，仲免費配埋生菜比我，雖然係食緊豬嘅內臟，但係感覺都幾健康吖😅 成個餐都只係$28咋😄係咪好抵呢！

某日要去亞E家裡幫她整野，去到已很肚餓。未到已急不及待走入一間野到食野。叫了五香肉丁米，熱0茶。了。這時我才發現間野很小，得5張枱仔，家庭式經營。父母做廚房，仔女性做樓面，不過冇緊要，最緊要D野好吃。不一會很快便做好了，米粉煮得剛好軟硬適中，但個湯就一般LA，一般味精湯很水吓，都叫做熱，五香肉丁都冇乜問題。整體不過不失啦。熱0茶冇乜苦味，冇乜茶味，都可以接受。如果吾係很肚餓又近近地，都吾會黎呢間。不過都叫做可以接受既。

雖然餐廳地方少，至在家庭式管理，態度親切友善，即使叫錯食物也可更換，一切以客為先，大餐廳未必有嘅服務。至於食物方面，以車仔麵和小食爲主，價錢合理，我最愛吃牛腩、蘿蔔、和豬潤麵，味道十分好吃，無乜味噌呢，不妨一試吧！

食店雖然不大，但地方清潔，家庭式經營，服務親切，價錢相宜。 車仔麵當中的豬潤麵，蘿白牛腩麵值得一試。三文治份量驚人，十分足料。極力推薦香濃熱奶茶。 食物簡單，美味超值!