正啊世一薄餅

营业中

休息中

今日同朋友開party，肚餓又想叫啲野食見到世一咁勁就想試一試佢。 我地5個成人，叫左個六人餐。估唔到係世一難食🤮意粉冇餸又冇味，加多少少鹽有冇咁難啊成個意粉得幾粒三文魚碎，重要真係冇味！青醬意粉，唔講以為冇落青醬，咩色都冇🤕個例湯又水又冇味金菇連蒜頭味都冇，得牛油味炸雞炸到焦曬，又黑又苦，望落成舊街寶爛肉咁。得pizza叫正常少少，但都唔好食。叫左個六人餐，食左一啖已經唔想食唉😮‍💨 賣垃圾重學人叫「世一」🤮為咗大家健康著想，真係唔建議食。

用外賣平台嗌外賣22點10分左右已經成功落單，你地係平台自己都寫店舖關門23點。等到22點58分你先話店舖關門取消訂單，咁其實一開始你不如連22點個轉都唔好做啦，等左差唔多一個鐘你先取消訂單。莫名其妙

食開pizzahut有d悶見有新野，試下啦！200幾蚊叫外賣返黎諗住食得下先講pizza,太簿，料又少！最慘係個底仲有好多麵粉係度！咬入口餅底仲要係硬身....仲話係多肉pizza....全部都係火腿肉...救命完全係食唔入口既pizza!薯條，淋哂都算，黑椒好貴嗎？求其比幾粒就算？雞球，9唔搭8既食物，淋身都算，雞肉係偏凍，醬都冇...點擺入口？肉醬意粉....意粉仲要係硬身...醬汁又少....200幾蚊食呢d野....我寧願捐去慈善機構算！最後所有食物都拎去廚餘回收算....只想同大家講...唔想大家後悔！同pizzahut差天共地！搞錯如果真係可以一粒星都冇，我1粒星都唔會比

初頭有少少擔心，因為睇咗幾個食評都話呢間店食物麻麻，但係今日試完又覺得幾好食喎，而且兩個職員都好好禮貌。叫咗一個麥底意式風情批 同 夏威夷批，個麥底批雖然比較健康，但係比較韌，所以我都係鍾意普通白麵粉做批底。因為係即叫即做，所以落咗order要等一段時間，不過要食新鮮出爐嘅食物就係要等下

幾貼心 叫咗個Pizza staff就問我想要厚定薄 幾好可以自己揀 Pizza叫咗厚 唔錯真係食落去啖啖肉 個Pepperoni辣辣地 幾過癮 重點係個牛肉飯 醬汁味好濃 個肥牛絕對好過吉野家 夠肥 好香 值得推薦

諗住試下新嘢，點知仲晒伏。一拎起碗野咁輕既，以為係薯蓉，點知係得兩啖既湯，一半都無。再黎就係個pizza係未焗熟透，中間仲有少少透明其他野食都已經不予置評，唔會再有下次！！！

唔講咁多睇相 前牌去呢間鋪食咗個 cheese pizza 有驚喜 冇諗過細舖頭都唔差 雖然等得有啲耐 可能咁啱繁忙時段 試咗佢哋個滋味六重奏pizza 芝士夠多 拉唒絲咁 芝士味都濃同個蕃茄醬幾夾 餅底夠脆 . 一個人砌咗成個10吋 🥰嗰日就淨係食咗個Pizza 其他嘢冇試 不過Pizza有下次得閒過嚟食☺️ 雖然等得耐但係佢哋啲服務態度唔錯 雖然繁忙時間都會叫啲客坐低等攞過嚟俾我 不過就真係等得 有啲耐等咗25分鐘雖然有得坐低 但係下次應該會打電話order 定 ！

第一次叫呢間新餐廳外賣，估唔到令人咁失望。一黎到成個pizza餅底大部分燶，本身諗住由佢，所以無一開始影到相。但真係愈食愈嬲愈唔開心，所以食到尾聲先記得影相同決定打呢篇食評。個餅底勁黑，苦到我忍唔住吐出黎，左挑右挑黑哂既部分，有部分深啡色，我先食落肚，但食落去都係勁大陣燶味啲薯條都好咸，個底勁多鹽，同埋偏乾身，似放左好耐時間。其他食物就普通水平，無乜特別。希望餐廳可以改善下食物既質素，至少唔好整燶哂啲野仲送比人食不過我已經唔敢再食…